Tuproqqal'a.uz

Assalomu alaykum, qadrli onaxonlar, opa-singillar va lobar qizlar!

8-mart – Xalqaro xotin-qizlar bayrami munosabati bilan sizlarni chin qalbimdan tabriklayman!

Sizlar – hayotning go’zalligi, mehr va nafosat manbaisiz.

Muhtaram Prezidentimizning bir so’zlari bor. “Ayol siymosi Yaratganning tengsiz mo’jizasi bo’lib kelgan va hamisha shunday bo’lib qoladi”. Bu so’zlar sizlarning jamiyatdagi o’rningizning bebaho ekanligini tasdiqlaydi.

Bugungi kunda sizlar nafaqat oila, balki davlat boshqaruvi, fan, ta’lim, sog’liqni saqlash kabi sohalarda ham faol ishtirok etyapsiz. Sizlarning mehnatlaringiz, ilmiy va kasbiy yuksalishingiz yangi O’zbekiston taraqqiyotiga muhim hissa qo’shmoqda.

Sizlarga sihat-salomatlik, oilaviy xotirjamlik, xonadonlaringizga tinchlik va baraka tilayman. Doimo mehr va ehtiromda bo’ling, yurtimizning obod va musaffo kelajagi uchun yangi yuksak marralarga erishing!

Bahoringiz obod, kelajagingiz ravshan bo’lsin!

Hurmat bilan, Tuproqqal’a tumani hokimi A.Jimalyazov

👉@tuproqqala_uz

8-mart — Xalqaro xotin-qizlar bayrami

Shu munosabat bilan Tuproqqal'a tumanida onajonlarimiz, opa-singillarimiz uchun maxsus bayram dasturi tashkil etildi. Tadbir avvalida tuman hokimi Akmal Jimalyazov so‘zga chiqib, ayyom bilan barcha ayol-qizlarimizni chin dildan tabrikladi va ularning jamiyatdagi ulkan rolini ta’kidladi.

Tadbirda tumanimizning ravnaqi va obodligi yo‘lida fidoyilik bilan mehnat qilayotgan bir guruh ayollarimizning mehnati yuqori baholanib, tuman hokimining tashakkurnoma va esdalik sovg'alari bilan taqdirlandilar.

Bayram dasturi kuy va qo‘shiqlar hamohangligida, quvonch va shodlik hissi bilan o‘tdi.

8-mart — bu nafaqat bayram, balki har bir ayolning hayotimizdagi ahamiyatini yana bir bor eslash va ularga minnatdorchilik bildirish kunidir. Barcha ayol-qizlarimizga sog‘lik, baxt, oilaviy tinchlik va doimiy quvonch tilaymiz!

Bayramingiz muborak bo‘lsin! 🌸

👉@tuproqqala_uz

Tuproqqal'a hokimligi axborot xizmati

Mahallarda xavfsiz muhitni yaratish va huquqbuzarliklarning barvaqt oldini olish borasidagi ishlar o'rganildi

Bugun Tuproqqala tumanida O'zbekiston Respublikasi Prezidentining "2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo'yicha chora - tadbirlar to'g'risida"gi PQ-1-son Qarorning ijrosi viloyat prokuraturasi bo'lim boshlog'i R.Bekchanov boshchiligidagi ishchi guruh tomonidan o'rganildi.

O'rganish davomida bu borada yo'l qo'yilgan xatolar yuzasidan, shuningdek yeshlar va aellar o'rtasida huquqbuzarliklarning oldini olish, fuqarolarni kiberjinoyatchilar tuzog'idan ogohlikka chaqirish chora - tadbirlarini kuchaytirish bo'yicha tavsiyalar berildi.

👉@tuproqqala_uz

Tuproqqal'a hokimligi axborot xizmati

Davlat soliq inspeksiyasiga ekskursiya tashkil etildi

Tuproqqalʼa tumanidagi agentlik maktab va tuman soliq inspeksiyasi tashabbusi bilan soliq ishiga qiziqish bildirgan yoshlar uchun ekskursiya tashkil etildi.

Unda o‘quvchi-yoshlar tashkilot xodimlari faoliyatlari bilan amaliy jarayonlarda tanishdilar, o‘zlarini qiziqtirgan savollariga javob olib, davlat ishining masʼuliyati va sharafi haqida maʼlumotlarga ega bo‘ldilar.

P/S. Bunday ijobiy tashabbus yoshlarni kasb tanlashi va jamiyatda o'z o'rinlarini egallashlarida ko'mak berishi hech kimga sir emas. Boshqa tashkilotlar ham bu tashabbusni qo'llab-quvvatlaydi degan umiddamiz!

👉@tuproqqala_uz

Tuproqqal'a hokimligi axborot xizmati

⚡️ Ipoteka krediti foiz stavkalari tushirildi.

O'zbekiston Respublikasi Prezidentining Farmoniga ko'ra birlamchi bozordan uy-joy sotib olish uchun Kompaniya muvofiq talablari asosida hamkor tijorat banklar tomonidan ajratilayotgan ipoteka kreditlari sizga yangilangan qulay shartlarda uy-joyli bo'lishingizda yordam beradi.

Kredit shartlari:

● Muddati - 20 yilgacha

● Miqdori - 800 mln. so'mgacha Toshkent shahri kesimida, 500 mln. so'mgacha Qoraqalpog'iston Respublikasi va viloyatlar kesimida

● Foiz stavkasi - Markaziy Bank asosiy stavkasi + 6%

Ma'lumot o'rnida: 2024-yilda bu ko'rsatkich +8% ni tashkil qilgan edi.

Kanalga ulanish:
➖@uzauz