Тўппонча (Узр лекин)

​Бугунги кун ҳақиқати

ПАҚ...😢🔫

👉@tupponchaaa

​#Бўлволамиз_бўлди

Соғлиқни сақлаш вазирлиги АҚШ томонидан халқаро қидирувга берган қип-қизил жиноятчи билан "Антиструмин" дорисини етказиб бериш бўйича бир неча миллиардлик шартнома тузган экан.

Тугади.

ПАҚ...😢🔫

👉@tupponchaaa

​#Аччиқ_ҳақиқат

Ҳаммаси жойида, лекин ўляпмиз!

Нуфузли "World of Statistics" статистика порталида Ўзбекистон аҳолиси юрак хасталикларидан вафот этаётган давлатлар орасида 3-ўринда қайд этилибди — 200 га яқин мамлакат ичида.

Унга кўра, юртимизда ҳар юз минг кишидан 354 таси айнан юрак касалликларидан вафот этаяпти.

Портал қандай мезонлар асосида рейтинг шакллантирганини очиқламаган. Балки, шонли ССВ бунга муносабат ёки раддия берар (агар ўзимизда ҳам статистикаси юритилса). Аммо атрофга, инсонларга, ижтимоий тармоқларга қаралса, уни тўғри деб айтишга асосларимиз кўпроқ:

Тошкент энг ифлос шаҳарлар орасида етакчиликни қўлга олган, кун-бўйи кабинетда ўтириб, ишдан уйга қайтаётганда чанг ҳидидан бўғилаётган фақат мен бўлмасам керак.

Одамлар жуда агрессив, асабда ҳамма. Тоқатсизлик урчиган. Светафорда сал туриб қолсангиз пешанангиздан отишмайди, холос. Ё нонсизлик, ё нонкўрликданми, билмайсиз.

Қонунсизлик, қўрқув кучайган, одамларнинг адолатга ишончи сўнган. Дейлик, танкасиз тадбиркор бугун биронта формали юлғич талаб қолмасин, деган хавотирда яшайди. Интернетда эса кунора "самосуд" видеолар.

Тиббиётнинг аҳволи эса - йиғлагулик. "Оддий шприцимизки, СССР стилида экан, бу тиббиётимиз билан умримиз қисқараверса керак" деб ёзган эди Азиза. Ҳа, фақат кўзига киприги кириб қолса ҳам Германия ёки Исроилга бориб ётволадиган амалдорлар бундан мустасно.

Эх-ҳе, санаса яна кўп омиллар чиқади. Ҳаммасини айтиб юрагингизни оғритиб юрмай. Ўзингизни эҳтиёт қилинг. Юракни асранг.

👉@tupponchaaa

​#Бизҳалисинмадик

Ўзбекистонлик ўқувчилар Швейцарияда ўтказилган Халқаро кимё олимпиадасида 2 та олтин, 1 тадан кумуш ва бронза медалларини қўлга киритибди. 90 га яқин мамлакат вакиллари орасида.

Онгли жамиятда айнан мана шу ўғил-қизлар бугун кун мавзуси бўлади. ТВ, радио, блогерлар, шок-контент яратувчи каналлар бонг уради.

Келажакдан умиди бор миллат истеъдодларни бошига кўтаради.

Дунёқараши кенг амалдор кимнидир пешанасини ёриб, ногирон қилганга эмас, айнан мана шундай ёшларга уй беради.

Фаросатли миллат ўзи учун фарз қилинган ибодатни бажо келтирганга эмас, жамият учун ҳаводек зарур ақл эгаларига пояндоз тўшайди, байрам қилади.

Надоматки, биз — давлат ҳам, жамият ҳам ҳали иқтидорларнинг, илмнинг қадрини тўлиқ тушуниб етмадик, етмаяпмиз.

Кейин шу сурат сўзлаяпти: мени рўмолимга тегманг, мен сизга дунёларни олиб бераман.

ПАҚ...😢🔫

👉@tupponchaaa

​Икки қошинг қаламу, икки кўзинг чашмаи нур,
Барқ уриб ойинадек сийнаю софинг кўринур.
Фузулий

ПАҚ...😢🔫

👉@tupponchaaa

​#18+

Айтишларича, аскиячиликни ривожлантириш учун бюджетдан миллиардлаб маблағ ажратилаётган экан.

Аскиячилиик бу ўрта асрлардан бери миллиардлаб маблағларсиз ҳам шаклланиб келган, асосан порнографик элементлардан таркиб топган ҳамда кичик ва хос давралар, чойхоналар учун мўлжалланган сўз ўйинлари. Қора юмор.

Дейлик, "иккинчисини оҳиста-оҳиста қилиш" ҳақидаги интим қочириқларни уч-тўрт улфат йиғилганда эшитиб кулмасангиз, бошқа жойда хижолат тортасиз.

Шу нуқтаи назардан ўзбекнинг бу "нозик санъати"ни миллиардлаб пуллар эвазига оммалаштиришга уриниш мантиқсиздек туюлди менга.

ПАҚ...🤪🔫

👉@tupponchaaa

​#Оббобизе

Жуда ғаройиб замонда яшаяпмиз. Агар она томондан катта бобом шу кунларни кўрганида борми, муборак даҳанлари ланг очилиб, аниқ — “фашист газандаларини ўлдирмасдан, масалан, интернетда қандайдир ҳунар кўрсатиб ҳам “қаҳрамон” бўлиш мумкин экан-ку”, деган хаёлга борган бўлардилар.

Дейлик, машҳур ёки “авторитет” бўлмоқчисиз. Ҳамма сизни билиши, эътироф этишини хоҳлайсиз. Аммо бунинг учун сизда муайян иқтидор ёки лаёқат йўқ. Сира тушкунликка тушманг. Каллангизга келган биринчи ахмоқона ғоя, масалан, шартта итингизни чўчқага унаштирингу, “дабдабали” маросимни лавҳага олиб, “Ютуб” тармоғига жойлаштиринг. Миллионлаб одам “просмотр” қилмаса, пешанамдан отиб ташлайсиз.

Ёки кимдир чўмилиш ҳавзасида чўкаётган бўлса ёхуд қаердадир ёнғин чиқса ҳам, имкониятни қўлдан бой берманг, тезда бахтсиз фожиа фонида селфи тушинг. Мана кўрасиз, бир кунда Ўзбекистоннинг янги “юлдузи”га айланасиз! Суратингиз “ҳурмат” тахтачасидан тушмайди. Ҳаммаси — оппа-осон.

Уларга — лайк васвасасига тушиб қолганларга тез ёрдам керак. Вакцина керак. Зудлик билан. Реал ҳаёт билан виртуал ҳаёт фарқини англаб етишига кўмаклашиш зарур. Акс ҳолда жамиятда ҳақиқий инсонлар эмас, “қуллар” етишиб чиқаверади... “Машҳур”, “авторитет” зомбилар кўпаяверади!

ПАҚ...🤪🔫

👉@tupponchaaa