Bugun Toshkentda "Avtomobilsiz kun" tadbiri o'tkazildiUshbu tadbir doirasida barcha yurtdoshlarimizga namuna ko'rsatish maqsadida, vazirlar, hokimlar, davlat hokimyati organlari rahbarlari va xodimlari faol ishtirok etdilar.
Jumladan, Transport vaziri
Ilhom Mahkamov, Yoshlar siyosati va sport vaziri
Adham Ikromov, Yoshlar ishlari agentligi direktori
Alisher Sa'dullayev, "O'zkomnazorat" inspeksiyasi boshlig'i
A'zam Abdullayev, Sergeli tumani hokimi
Elbek Shukurov va bloger
Nikita Makarenkalar avtobus va elektrobuslardan foydalangan holda ish joylariga kelganliklari aks etgan foto va videolavhalarni ijtimoiy tarmoqlar orqali kuzatdik.
✅"Avtomobilsiz kun"ni o‘tkazishdan asosiy maqsad sogʻlom turmush tarzini targʻib qilish, shuningdek, atrof-muhitni avtomobillardan chiquvchi zararli gazlardan himoya qilish, katta shaharlarda transport vositalari tirbandligini kamaytirish, jamoat transporti tizimini rivojlashtirish masalalariga jamoatchilik eʼtiborini qaratishdan iboratdir.
Bugungi "Avtomobilsiz kun" tadbiri davom etadi. Siz ham ushbu tadbirda faol bo'ling, shaxsiy namuna ko'rsating va jamoat transportidan foydalaning!