Toshkent viloyati hokimligi

#Rasman

O‘zbekiston Respublikasi Prezidentining "Zulfiya nomidagi Davlat mukofoti bilan taqdirlash to‘g‘risida"gi Qarori bilan:

➖ Anvarova Naima Anvar qizi – Toshkent viloyati Chinoz tumanidagi 7-sonli umumiy o‘rta ta’lim maktabining ona tili va adabiyot fani o‘qituvchisi;

➖ Uralova Oysha Abduraim qizi – Toshkent viloyati Angren shahridagi "Yangiobod kelajak sari" oilaviy korxonasi rahbari Zulfiya nomidagi davlat mukofoti bilan taqdirlandi.

✅ Telegram 🌐Website 📹YouTube 📸 Instagram✅Facebook 🕊Twitter

#Hamkorlik

Xitoy kompaniyalari bilan samarali muzokaralar o‘tkazildi

Avval xabar berganimizdek, Toshkent viloyati hokimi Zoyir Mirzayev boshchiligidagi delegatsiya Xitoy Xalq Respublikasining Anxoy provinsiyasi, Xefey shahrida bo‘lib turibdi. Bugun vakillarimiz ishbilarmon doira vakillari bilan manfaatli muzokaralar o‘tkazdi, mahalliy sanoat hududida bo‘lib, korxona faoliyati bilan tanishdi.

Bugun "Ikki hudud – bir park" shiori ostida biznes forum o‘tkazildi. Tadbirda Xitoyning 100 dan ortiq yirik korxonalari vakillari qatnashdi. Zoyir Mirzayev rahbarligidagi delegatsiyamiz a’zolari shu yerda G2B va B2B formatda muloqot o‘tkazdi.

Muzokaralarda qurilish materiallari, qishloq xo‘jaligi texnikalari, suv tejovchi texnologiyalar, quyosh energiyasi orqali elektr va issiqlik energiyasi ishlab chiqarish, elektrotexnika, yog‘ochni qayta ishlash singari sohalarda hamkorlik o‘rnatish istiqbollari xususida so‘z bordi. Shuningdek muloqot davomida misni qayta ishlash, farmasevtika va kosmetika mahsulotlari, elektrotexnika jihozlari va uskunalar ishlab chiqarish yuzasidan dastlabki muzokaralar o‘tkazildi.

Ma’lumot o‘rnida, Toshkent viloyatida bugun jami 55 ming 800 ta korxona faoliyat yuritmoqda. Shu jumladan, dunyoning 74 ta davlati bilan hamkorlikda tashkil qilingan 1522 ta qo‘shma korxona mavjud, shundan Xitoy kapitali ishtirokida 888 ta korxona bor. O‘zaro tovar aylanmasi qariyb 1 milliard dollarni tashkil qiladi.

✅ Telegram 🌐Website 📹YouTube 📸 Instagram✅Facebook 🕊Twitter

#Jarayon

Ayni vaqtda tuman yo'llardan foydalanish unitar korxonasi va obodonlashtirish boshqarmasi xodimlaridan iborat guruh tomonidan har bir huddudda yo‘llarni qor va muzdan tezroq tozalash, ularga tuz va qum sepish, aholiga xavfsiz bo‘lishini ta’minlamoqdalar.

Bunda mas’ullar mazkur ishlarni to‘g‘ri tashkil etish uchun zaruriy sharoitlarni yaratmoqda.

✅ Telegram 🌐Website 📹YouTube 📸 Instagram✅Facebook 🕊Twitter

#Rasmiy

Toshkent viloyati delegatsiyasining Xitoy Xalq Respublikasiga xizmat safariga doir axborot

Toshkent viloyati hokimi Zoyir Mirzaev boshchiligidagi delegatsiya ayni paytda Xitoy Xalq Respublikasining poytaxti Pekin shahrida boʼlib turibdi. Bu yerda savdo va investitsiyaviy hamkorlikni kuchaytirish borasida bir qator manfaatli uchrashuvlar oʼtkazilmoqda.

Muzokara va muloqotlarda Oʼzbekiston Respublikasi Prezidenti Shavkat Mirziyoyev va Xitoy Xalq Respublikasi Raisi Si Szinpinning ikki xalq oʼrtasidagi doʼst-birodarlikni mustahkamlashga qaratilgan oqilona siyosati yuksak ijobiy samara berayotgani qayd etildi. Bugun birgina Toshkent viloyatida 700 dan ortiq Xitoy kapitali ishtirokidagi qoʼshma korxona faoliyat yuritmoqda, ularda oʼn minglab vatandoshimiz mehnat qilmoqda.   

Oʼzbekiston Respublikasining XXRdagi elchixonasida Zoyir Mirzayev Shandun provintsiyasi tadbirkorlari bilan muloqot qildi. Muzokaralarda sanoat, qurilish, maishiy xizmat koʼrsatish sohalarida hamkorlikni rivojlantirish masalalari xususida soʼz bordi. Shuningdek, aholi dam olish maskanlari, xiyobon va istirohat bogʼlarini qayta tiklanuvchi energiyaga oʼtkazish, "Xitoy tajribasi" asosida qayta jihozlash borasida tomonlar fikr almashdilar.

Muzokaralarda Shandun provintsiyasi ilmiy-ommabop tadqiqotlar assotsiatsiyasining bosh kotibi Su Chjitszyun, «Sky Success International Investment Co.» i «Sky Asia International Investment Limited» kompaniyasi direktori Sun Xayfen, «Zhongru Ke Xinda Construction Group Co.» qurilish kompaniyasi bosh direktori Gao Szyunxay singari 10 dan ortiq taniqli tadbirkor ishtirok etdi. 

Toshkent viloyati hokimligi va «Beijing China sciences runyu environmental technology co ltd» kompaniyasi oʼrtasida hamkorlik memorandumi imzolandi. Unga koʼra, Yangiyoʼl shahrida qiymati 120 million АQSh dollari boʼlgan chiqindini qayta ishlash zavodi qurilishi rejalashtirilgan. Loyiha ishga tushsa, kuniga 800 tonna chiqindi yoqish orqali ishlaydigan elektr stantsiyasi aholiga xizmat koʼrsatishni boshlaydi.

Mazkur loyihani kelgusida yanada kengaytirib, kunlik quvvatini 4 ming tonna chiqindini zararsiz yoqish, elektr energiyasi ishlab chiqarish koʼzda tutilmoqda. Yaratilayotgan ish oʼrni 150 nafardan ortiq. Stantsiya toʼliq quvvat bilan ishga tushganida, sarmoyaviy miqdori 400 million АQSh dollariga yetishi kutilmoqda.

Vakillarimiz bugun kunning ikkinchi yarmida Аnxoy provintsiyasi Xefey shahriga joʼnab ketishdi. U yerda ishlab chiqarish quvvatlari bilan tanishuv, savdo-iqtisodiy va sarmoyaviy muzokaralar oʼtkazilishi rejalashtirilgan.

✅ Telegram 🌐Website 📹YouTube 📸 Instagram✅Facebook 🕊Twitter