#Hamkorlik
Finlyandiyaning taʼlim ekspertlari Toshkent tumanidaMaktabgacha va maktab taʼlimi vazirligi hamda Finlyandiya Milliy taʼlim tizimi hamkorligida Finlyandiya Milliy agentligi mutaxassisi Andrey Veremenko va taʼlimni qo‘llab-quvvatlash xizmatlari yetakchi maslahatchisi Pia Kola-Torvinen Toshkent viloyati Toshkent tumani 14-umumiy o‘rta taʼlim maktabiga tashrif buyurishdi.
Mehmonlarni
Toshkent tumani Maktabgacha va maktab taʼlimi bo‘limi boshlig‘i Nilufar Ubaydullayeva va tumandagi barcha maktab direktorlari hamda maktab o‘qituvchilari kutib olishdi. Uchrashuv davomida taʼlim tizimining bevosita ishtirokchilari bo‘lmish o‘qituvchilarning o‘quvchilarga yangi metodikalardan foydalanib berayotgan bilimlarini kuzatish orqali taʼlim tizimiga qanday qo‘shimcha yangi innovatsion metodikalardan foydalanish lozimligi hamda hudud va o‘quvchilarning kontingentidan kelib chiqqan holda yanada samarali metodlardan foydalanish haqida fikr almashish uchun dars jarayonlarini o‘rganishdi.
Ingliz tili fanidan Nilufar Muqimova va Ulug‘bek Neʼmatjonov, biologiya fanidan Nigora Eminjonova, fizika fanidan Saodat Nasirxo‘jayeva , boshlang‘ich sinfdan ShahnozaTursunboyevalarning darslari kuzatildi.
Bundan tashqari kelgan ekspertlar Toshkent viloyatidagi maktablarda tashkil etilgan STEAM yo‘nalishi bo‘yicha o‘tilayotgan darslar bilan ham tanishishdi, shu bilan birga Toshkent tumanida joriy etilgan yangicha baholash tizimini fin tajribasi asosida takomillashtirish haqida kelishib olindi.
Toshkent tumanidagi maktablar kutubxonasi va o‘quvchilarning qo‘l mehnatlari hamda maktablarda tashkil etilgan "Milliy burchak" bilan ham yaqindan tanishib, o‘zlarining ijobiy xulosalarini berishdi.
📹
Batafsil videoda✅
Telegram 💬
Facebook 📸
Instagram 📹
YouTube 🌍
Website