Tolibi ilmlarga eslatma

💎 Oʻlim soati yaqinlashgan paytdagi salaflar holati

Hasan Basriy rohimahulloh dedilar:
"Muozga oʻlim soati kelgan paytda yigʻlay boshladi. Shunda unga:
- Siz Rosululloh sollallohu alayhi vasallamning doʻsti boʻlaturib yigʻlaysizmi? - deyishdi. Muoz:
- Men vaqti-soati kelgan oʻlimdan va oʻzimdan keyin qoldiradiganim dunyodan qoʻrqib yigʻlamayapman, balki men qoʻrqayotgan narsa ikki qabza (guruh): jannatdagi bir qabza va doʻzaxdagi bir qabzaki, ularning qay birida boʻlaman, bilmayman, - dedi".
("Shuabul iyman", 1/502)

⬅⬅

Nofeʼ rohimahullohga oʻlim soati kelganida yigʻladi. Shunda unga:
- Nega yigʻlayapsiz? - deyishdi.
- Saʼdni va qabr siqishini esladim, yaʼni Oisha roziyallohu anho rivoyat qilgan hadisda Rosululloh sollallohu alayhi vasallam: "Qabr siqishi bor, agar undan biror kishi najot topganida, Saʼd ibn Muoz najot topgan boʻlardi", dedilar", - dedi".
("Siyaru aʼlamin nubala", 5/99)

⬅⬅

Muhammad ibn Voseʼ rohimahulloh oʻlim toʻshagida yotganida shunday dedi:
"Ey birodarlarim, meni qayerga olib borayotganingizni bilasizlarimi? Undan oʻzga haq iloh yoʻq boʻlgan Zotga qasamki, (meni) doʻzaxga (olib borayapsizlar) yoki Alloh meni kechiradi".
("Muhasabatun nafs", 38-bet)

⬅⬅

Zakariyo Abdiy rohimahulloh dedilar:
"Ibrohim Naxaiy betobligida unga:
- Ey Abu Imron, nega yigʻlayapsiz? - deyishdi.
- Qanday yigʻlamayin, axir men Robbimdan darak olib keluvchi elchini kutib turgan boʻlsam! Yo uyoqli, yo buyoqli boʻlaman, - dedi Ibrohim".
("Hilyatul avliya", 4/224)

⬅⬅

Hammod ibn Said rohimahulloh dedilar:
"Abu Atiyyaga oʻlim soati kelganida qoʻrqdi. Shunda unga:
- Oʻlimdan qoʻrqyapsizmi? - deyishdi.
- Nega qoʻrqmas ekanman, axir oʻlim eshik qoqib turgan boʻlsa, qolaversa, oʻlgach qayerga olib borilishimni bilmayman, - dedi".
("Tarixu dimashq", 35/351)

✍️Sizchi? O’lim haqida o’ylab ko’rdingizmi?

✍️@toliblarga_nasihat

Muhammad ibn Vosi rohimahulloh aytadilar:

"Agar banda qalbi bilan Allohga yuzlansa, Alloh mo‘minlarning qalbini unga yuzlantirib qo‘yadi"

(Sifatus-sofvah)

✍️@toliblarga_nasihat

Agar hayot yengil boʻlganida, ularning oxiratdagi mukofotlari buyuk boʻlmas edi.

Allohdan musibat tilamang, ammo kelib qolsa, nafsingizni sabr qamchisi bilan darralang!

Albatta, sabr qilguvchilarga ajrlari hisobsiz, toʻliq berilur. (Zumar:10).

✍ @toliblarga_nasihat

Ibn Rajab (Rahmatullohi alayh) shunday deganlar: "Allohga yaqinlashishdagi eng katta vositalardan biri — Qurʼonni koʻp oʻqish, uni tinglash, fikr va tafakkur bilan unga qarash va uni tushunishdir."

Bu degani, Qurʼonni nafaqat til bilan, balki uni toʻliq tushunish va qalb bilan oʻylab oʻqish orqali Allohga yaqinlashish mumkin.

✍ @toliblarga_nasihat

Banda gunohi sababli dushmaniga magʻlub boʻladi.

Ibn Qayyim rahimahulloh aytadi:

الذنوب سبب تسليط الأعداء

قال الإمام ابن القيم رحمه الله:
«فما سلط على العبد مؤذ إلا بذنب ولقي بعض السلف رجل فأغلظ له ونال منه فقال له قف حتى أدخل البيت ثم أخرج إليك فدخل، فسجد لله وتضرع إليه وتاب وأناب إلى ربه ثم خرج إليه، فقال له: ما صنعت؟ فقال: تبت إلى الله من الذنب الذي سلطك به علي. فليس للعبد إذا بغي عليه وأوذي وتسلط عليه خصومه شـيء أنفع له من التوبة النصوح».

بدائع الفوائد، ٢/٤٦٦.

«Salaflardan birlari bir kishini uchratdi. U qoʻpol muomala qildi va tahqirladi. Shunda u zot: «Toʻxtab tur, men uyimga kirib chiqay» dedi. Uyiga kirib, Allohga tazarru bilan sajda qildi, gunohlariga tavba qildi va Robbisiga yuzlandi. Qaytib chiqqanida narigi kishi: «Nima ish qilding?» deb soʻradi. U zot: «Mendan seni ustun kelishingga sabab boʻlgan gunohimdan Allohga tavba qildim» dedi.
Demak banda, dushmanlik va adovat bilan ustun kelingan, unga hukmronlik qilingan, yerga urilgan chogʻida nasuh tavbadan koʻra foydaliroq narsa yoʻqdir».

«Badoiʼul favoid», 2/466.

✍ @toliblarga_nasihat

Qanchalik turfa xil gʻam-tashvishlaringiz borligini bilmayman, lekin barcha gʻam-tashvishlarning shifosi Qurʼon ekanini bilaman.

✍ @toliblarga_nasihat

📝

İlm andoq ganji nofe’dur bani odamg’akim
Kimda ul bo’lsa iki olam bo’lur obod ango

İlm odam bolasiga shunday manfaatli xazinaki, u kimda bo’lsa ikki dunyosi obod bo’lg’ay.

✍ @toliblarga_nasihat

🗣 “Gunohlar odam va uning tavfiqi orasida to’siq bo’lishi mumkin. Shunda unga (gunohkorga) tavfiq berilmaydi va duosi ham qabul bo’lmaydi.”❗️

✅o'pchiligimiz shikoyat qiladigan narsalarimizdan: "Qur'on o'qigani vaqt bo'lmayapti", "Dars qilishga ulgurolmayapman", "Farzand tarbiyasiga e'tibor qilolmayapman", "Oilaga vaqt ajrataolmayapman", qisqasi "Vaqtdan unumli foydalanolmayapman" vahokazo...
Bir o'ylab ko'raylikchi haqiqatan vaqtimiz juda ham tig'izmi? yo bo'lmasam bizdan tavfiq olib qo'yilmadimikin🕳️
Balki tavbaga shosharmiz?☝️

✍ @toliblarga_nasihat

كلّ الأعذار كاذبة، من يريد يستطيع.

Barcha bahonalar yolgʻon, kim xohlasa bajara oladi.

✍ @toliblarga_nasihat

Ulamolar aytadi:

“Haqiqiy ibrat – fe’l bilan boʻladi”.

*Ya’ni islomni faqatgina maruza qilibgina emas balki uni soʻzsiz amalda koʻrsatib berishlik.

✍ @toliblarga_nasihat

#Namozga_etibor

Kim namozni kechiktirishga odatlangan boʻlsa, hayotidagi barcha ishlarini ortga surishga tayyorgarlik koʻraversin: uylanish, ish, zurriyot, ofiyat... Zotan, Alloh uni barcha narsada ortga surib qoʻyadi.
Hasan Basriy aytdilar:
«Agar senga namozing arzimas narsaga aylangan boʻlsa, unda sen uchun nima qadrli boʻla oladi?!
Namozing qanchalik toʻgʻri boʻlsa, hayoting ham shunchalik toʻgʻri boʻladi.
Axir bilmaysanmi, namoz «najot»ga yaqin turadi?! «Hayya ʼalas-solaah! Hayya ʼalal-falaah!» (Namozga kelinglar! Najotga kelinglar!)
Qanday qilib Allohdan U Zotning chaqirigʻiga javob qilmay turib muvaffaqiyat soʻraysan?!
Allohim! Bizlarni namozni oʻz vaqtida ado etadiganlardan qilgin!

✍ @toliblarga_nasihat

Ibrohim Naha’iy rahimahulloh: “Bir kishining oldiga ilm olgani kelishsa, uning namoziga, sukutiga, hay’atiga qarashar, so‘ngra undan ilm o‘rganishar edi”.

📍 Men shunday deyman: “Bugun ta’lim olish, o‘rganish ko‘paydi lekin, amal kamaydi. Kishining sidqining alomati so‘zining kamligi va amalining ko‘pligidadir”.

👍 Imom Dorimiy rivoyati.

✍️ @toliblarga_nasihat

#hasad

Hasad shunday dardki, garchi xufyona shaklda bo‘lsa-da tana undan xoli bo‘lmaydi. Shayton fitnalaridan biri shuki, u baʼzi hasadgo‘ylarga hasadlarini dinga yordam berish o‘laroq tasvirlaydi. Natijada ularning ishi olim va solih kishilarning kamchiliklarini qidirib topishdan iborat bo‘lib qoladi. 

Shayx Abdulaziz Torifiy hafizahulloh

✍ @toliblarga_nasihat

Shayxul Islom Ibn Taymiyya rahimahulloh dedi:

وَلَا رَيْبَ أَنَّ لَذَّةَ الْعِلْمِ أَعْظَمُ اللَّذَّاتِ واللَّذَّةُ الَّتِي تَبْقَى بَعْدَ الْمَوْتِ وَتَنْفَعُ فِي الْآخِرَةِ هِيَ لَذَّةُ الْعِلْمِ بِاَللَّهِ وَالْعَمَلِ لَهُ وَهُوَ الْإِيمَانُ بِهِ.

«Shubhasiz, ilmning lazzati barcha lazzatlarning eng ulugʻidir. Oʻlimdan keyin qoladigan va oxiratda foyda keltiradigan lazzat — Allohni tanish va U zot uchun amal qilish lazzatidir. Mana shu U zotga iymon keltirishdir».

📚 «Fatvolar toʻplami» (14/162).

✍ @toliblarga_nasihat