Temurning PM Blogi

Ozgina mavzudan chekingan holda

Bu yomg’ir emas, bu erkaklarning ko’z yoshlari deb yozishmoqda ko'p bloglarda😁

@temur_pm_blog

Salom, salom! 🌟

Oldingi postda marketing metrikalari bo’yicha qisqacha gapirib bergan edim. Keling bugun biznes metrikalarni ko’rib chiqamiz.

Biznes metrikalar biznesni har bir etapda qanday rivojlanayotganini o’lchash uchun kerak bo’ladi. Bir so’z bilan aytganda biznesimiz qancha daromad topayotganini xisoblashga yordam beradi.


Biznes metrikalar:

– ARPU (Average Revenue Per User) – Har bir foydalanuvchidan muayyan bir vaqt orasida o’rtacha qancha daromad ko’rayotganimizni xisoblashga yordam beradi. Bu yerda biz hamma foydalanuvchilarni hisobga olamiz, pul to’laydigan va to’lamaydiganlarni ham. O’rtacha 1 ta foydalanuvchidan qancha foyda olayotganimizni xisoblaymiz.

Misol: O’tkan oy internet magazinga 1 500 ta foydalanuvchi kirgan, shundan 50 tasi telefon zakaz qilgan. Biz 1 400 $ foyda ko’rdik. Bizning ARPU 0,9 $ ni tashkil qiladi.

1 400 $

ARPU ___________________=0,9 $

1 500 foydalanuvchilar

– ARPPU (Average Revenue Per Paying User) – Har bir to’lov qilayotgan foydalanuvchilardan o’rtacha qancha foyda olayotkanimizni o’lchaydigan metrika. Bu yerda endi o’rtacha 1 ta to’lov qiladigan foydalanuvchidan o’rtacha qancha foyda olayotganimizni xisoblaymiz.

Misol: O’tkan oy internet magazinga 1 500 ta foydalanuvchi kirgan, shundan 50 tasi telefon zakaz qilgan. Biz 1 400 $ foyda ko’rdik. Bizning ARPPU 28 $ ni tashkil qiladi.

1 400 $ foyda

ARPPU _____________________ =28 $

50 ta zakaz bergan foydalanuvchilar.

– Paying users (PU) – Muayyan bir vaqtda neshta to’lov qiladigan foydalanuvchilarimiz borligini xisoblaydigan metrika. Misol uchun onlayn kinoteatrda bir oyda 10 000 ta foydalanuvchi film, seriallarni ko’radi, shundan 1 000 tasi pullik podpiska sotib oladi. Demak bizning PU 1 000 ni tashkil qiladi.



– % Paying users (% PU) – Muayyan bir vaqtda nechchi foiz foydalanuvchilar to’lov qilayotganlarini o’lchaydigan metrika. Misol uchun onlayn kinoteatrda bir oyda 10 000 ta foydalanuvchi film, seriallarni ko’radi, shundan 1 000 tasi pullik podpiska sotib oladi. Demak bizni % PU 10 % ni tashkil qiladi.

1 000

% PU _________ * 100 % = 10 %

10 000

– LT (Lifetime) – Foydalanuvchini bizning servimizdan qancha vaqtgacha foydalanishini o’lchaydigan metrika. Bu metrika orqali foydalanuvchi qancha vaqtgacha bizni servisimizdan foydalanishini ko’rsatib beradi. Misol uchun foydalanuvchi bir oy, ikki oy…. foydalanishini o’lchaydi.

– LTV (Lifetime Value) – Foydalanuvchidan bizni servisimizni ishlatish vaqtida umumiy qancha foyda olishimizni o’lchaydigan metrika.

Misol: Foydalanuvchining LT metrikasi (foydalanuvchi umumiy qancha vaqt productimizdan foydalanishi) 3 oy. Har bir oyda to’lov qiladigan foydalanuvchidan o’rtacha 3 $ foyda ko’ramiz. Demak bizda LTV 9 $

LTV 3 (LT) * 3 $ (ARPPU) = 9 $



Keyingi postda ushbu metrikalar nima uchun kerakligini yozishga xarakat qilaman 😊

@temur_pm_blog

Salom, salom! 🌟

Bugun IT productlardagi metrikalar haqida gaplashishni taklif qilaman.

Metrika bu – bu productimizning u yoki bu xarakteristikasini ko’rsatadigan yoki product qanchalik muvaffaqiyatli ekanlikini ko’rsatadigan ko’rsatkichdir. Bir so’z bilan aytganda metrikalar orqali pdoructimiz qanchalik muvaffaqiyatli darajada yoki xozir qanday axvoldaligini bilib olishimiz mumkin.

Metrikalarning turlari juda ko’p, biz eng asosiy 3 ta metrikalar turlarini ko’rib chiqamiz:
1. Marketing metrikalari
2. Biznes metrikalar
3. Product metrikalari

Marketing metrikalari va ularning formulalari:
CPC (Cost Per Click) – yangi foydalanuvchilar har bir reklama bannerimizga bosib saytimizga o’tkan narxi.
Biz reklamaga 1 000 000 so’m sarfladik. Ushbu reklama kampaniyamiz orqali bizni saytimizga 4 000 ta foydalanuvchi saytimizga kirdi. Demak CPC narxi 250 so’m

1 000 000 so’m
CPC ____________ = 250 so’m
4 000

CPI (Cost per Install) – Reklama kampaniyasi orqali yangi foydalanuvchilar bizni mobil ilovamizni yuklab olishlari bizga qanchaga tushganini aniqlaydi.
Biz ushbu reklama kampaniyasi uchun 3 000 000 so’m sarfladik, ushbu reklama kampaniyasi orqali 6 000 ta yangi foydalanuvchilar bizning mobil ilovamizni o’z telefonlariga yuklab olishdi. Demak CPI narxi 500 so’m.

3 000 000 so’m
CPI ___________ = 500 so’m
6 000

CPA (Cost Per Action) Reklama uchun ishlatgan pulimiz / maqsadli xarakatlar soni (maqsadli xarakatga qo’ng’iroq, zayavka qoldirish, zakaz berish kirishi mumkin. Maqsadli xarakat xar bir productda xar-xil)
Biz reklamaga 4 000 000 so’m sarfladik. Ushbu reklama kanalidan kelgan yangi foydalanuvchilardan 1 000 tasi maqsadli xarakatni amalga oshirishdi. Demak CPA narxi 4 000 so’m. CPA orqali biz productimizga qanchalik sifatli trafik (yangi foydalanuvchilarni) jalb qilayotganimizni ko’rib turish uchun kerak bo’ladi.

4 000 000 so’m
CPA ___________ = 4 000 so’m
1 000

CR (Conversion rate) – Umumiy foydalanuvchilardan qanchasi maqsadli xarakatni amalga oshirishganligining konversiyasidir.
100 000 ta foydalanuvchidan 1 000 tasi maqsadli xarakat amalga oshirdi. Demak bizni CR konversiyamiz 1 % ni tashkil qiladi. Ushbu metrika bizga foydalanuvchilarning qanchasi maqsadli xarakatni amalga oshirayotkanini konversiyanini ko’rib turish uchun kerak bo’ladi. Bizga nafaqat yangi foydalanuvchilarni jalb qilish muhim, har bir yangi foydalanuvchilardan qanchasi maqsadli xarakatni amalga oshirayotkanini ko’rib turish ham juda muhim.

1 000 (maqsadli xarakat)
CR __________________*100% = 1 %
100 000 foydalanuvchi

P.S. Boshqa metrikalarni keying postlarda ko’rib chiqamiz 😊




@temur_pm_blog

Metrikalarni qanday tanlash kerak?

Salom, salom! 🌟

Bugun sizlarga metrikalarni tanlash va nima uchun aynan shu metrikalarni kuzatish zarurligi haqida gapirib o'taman. Har bir Product Manager uchun ma'lumotlarga asoslangan qarorlar qabul qilish juda muhim. Ammo qanday metrikalarni kuzatish kerak? Bu savolga to'g'ri javob olish uchun quyidagi mezonlarga e'tibor qaratish lozim.

1. Kompaniyaning strategiyasiga moslik
Kompaniyaning strategiyasini tushunish — bu birinchi va eng muhim qadam. Agar kompaniya o'sishga e'tibor qaratayotgan bo'lsa, unda foydalanuvchilarni qanday jalb qilish va ularni faol qilish kerakligi haqida metrikalar kerak bo'ladi. Masalan, MAU (Monthly Active Users), sign-up conversion va activation rate kabi metrikalar bu holatda juda muhim.

Agar kompaniya pul ishlashni rejalashtirayotgan bo'lsa, ARPU (Average Revenue Per User) yoki LTV (Lifetime Value) kabi metrikalar ko'proq e'tibor talab qiladi.

2. Mahsulotning hayotiy tsikli
Mahsulotni ishlab chiqishda har bir bosqichda turli xil metrikalar kuzatiladi:
- Yangi mahsulot yoki beta versiyasi ishga tushirilganida, asosiy diqqat foydalanuvchi jalb qilishga qaratiladi. Bu paytda acquisition va conversion metrikalari juda muhim.
- Rivojlanish davrida esa, bu metrikalarni qo'shimcha ravishda retention (foydalanuvchilarni saqlash) va monetizatsiya (pul ishlash) metrikalari bilan qo'llab-quvvatlash kerak.
- Zaruriy optimizatsiya va ustuvor yo'nalishlarga qarab, mahsulotlar yuqori cho'qqiga chiqqan (pik) davrida uchun foydalanuvchilarni ushlab turish va ularni qayta jalb qilish bilan bog'liq metrikalar afzal ko'riladi.

3. O'lchovning aniq va to'liq bo'lishi
Metrikalarni o'lchashda aniq va ishonchli ma'lumotlar olish muhim. Har qanday metrika tanlanganida, u to'liq va ishonchli bo'lishi kerak. Aks holda, u noto'g'ri xulosalar chiqarishga olib kelishi mumkin. Metrikalarning har birining uzluksiz o'lchovlari va vaqt oralig'i bo'lishi zarur.

4. Jamoa va vaqt cheklovlari
Kichik jamoa va cheklangan resurslar mavjud bo'lsa, faqat eng muhim va samarali metrikalarga e'tibor qaratish lozim. Ba'zida barcha metrikalarni kuzatish o'rniga, asosiy KPIlar (masalan, retention, conversion, ARPU)ga e'tibor qaratish samaraliroq bo'ladi.

Xulosa:
Metikalarni tanlash — bu faqat raqamlarni kuzatish emas. Bu strategiyani amalga oshirish, maqsadlarni belgilash va foydalanuvchilarga eng kerakli xizmatlarni taqdim etish uchun zarur. Har bir bosqichda, har bir qaror, metrikalarni tanlash orqali samarali bo'ladi.

Sizning kompaniyangizda qanday metrikalar kuzatilmoqda? Qaysi birini o'zgartirish yoki qo'shish kerak?

@temur_pm_blog

Yangi G'oyalarni qayerdan olaman?

Salom, salom! 🌟

Yangi g'oyalar kelishning turli yo'llarini ishlataman. Har bir yangi fikrni o'rganish va test qilish uchun bir nechta manbalarni qo'llayman:

1. Foydalanuvchilar bilan muloqot
Ko'plab g'oyalarim tanishlar, do'stlar, taksistlar bilan suhbatlardan kelib chiqadi. Ular asosan qayerlarga to'lov qilishadi? Qaysi usulda to'lov qiladilar? Nima uchun aynan shu usulni tanlashadi? Qaysi ilovalarni ishlatadilar va nima sababdan?

Bu savollar orqali foydalanuvchilardan qiziqarli insaytlarni olishim mumkin. Masalan, naqd pul yoki plastik karta orqali to'lov qilish sabablarini tushunib, bu haqda yangiliklar yaratishimiz mumkin.

2. Data-driven yondashuv
Biz Data driven yo'lidan boramiz, ya'ni har bir qarorni raqamlarga asoslanib qabul qilamiz. Biz juda ko'p dashboardlarni kuzatib boramiz va Product analitiklarga tadqiqotlar uchun vazifalar qo'yamiz. Raqamlar orqali foydalanuvchilarning nima qilayotganini bilib, qiziqarli insaytlar chiqarishimiz mumkin.

3. UX tadqiqotlari
Bizda UX tadqiqotchilari ham mavjud, ular bilan ham o'zaro fikr almashamiz va foydalanuvchilarning fikrlashlarini tushunish uchun insaytlar olamiz.

4. Boshqa Product Managerlar bilan fikr almashish
Jamoadagi boshqa Product managerlar bilan fikr almashish ham juda muhim. Har xil g'oyalar kelganida, birgalikda maslaxatlashamiz va boshqalarning tajribasidan foydalanamiz.

5. G'oyalarni A/B testlar orqali tekshirish
Agar g'oya ish berishi bo'yicha hammaga raqamlarda isbotlay olsam, A/B test orqali uni sinab ko'ramiz. A/B testlar bizga to'g'ri yo'lda ekanligimizni yoki xato qilganimizni aniqlashda katta yordam beradi.

P.S. Agar barcha g'oyalarimiz har doim muvaffaqiyatli chiqsa, A/B testlarga ehtiyoj qolmasdi! 😄

@temur_pm_blog

Ha etkancha hozirda Product manager sifatida jamoa bilan muloqot qilishda Akmal akadan o'rgangan bilimlarimni ishlataman 🙂

@temur_pm_blog

MyTaxi, Express24, Newmax Technologies va yana bir qancha kompaniyalar asoschisi Akmal aka Paiziev qiziqarli post yozibdilar.

Ha, to'g'ri — AyTi sohasiga kirishimdan oldin, 5 yilimni prokuraturada o‘tkazganman.

Lekin Akmal aka ozgina kamtarlik qilibdilar. Hozirgi holatimga kelishimda eng katta yordam berganlardan biri bu Akmal aka va Ozodbek aka Ulmasov.

2017 yilda Express24ga kelganimda, men hali faqat "зеленый" mutaxassis edim. Ko‘p xatolar qilardim, har xil eksperimentlar qilishga urinar edim, lekin ba'zi biri muvaffaqiyatsiz bo‘lar edi. O‘sha paytlarda Akmal akaning oldiga har qanday savol bilan kirish mumkin edi va undan juda ko‘p narsalarni o‘rgandim.

Agar sizda o‘zingizning biznesingiz bo‘lsa, Akmal aka va Ozodbek aka kabi oddiy inson bo‘lib, xodimlaringiz bilan gaplashib, ularning savollariga javob berib, o‘rganishlariga yordam bering. Shunda har bir mutaxassis o‘z biznesini rivojlantirayotgandek ishlaydi.

@temur_pm_blog

Priyorizatsiya: Qanday qilib to'g'ri vazifalarni tanlash?

Salom, salom! 🌟

Product manager sifatida har doim vazifalarni to'g'ri priorytizatsiya qilishga to'g'ri keladi. Yangi funktsiya yoki loyiha boshlaganda, har bir vazifa juda muhim bo'lib tuyuladi, lekin barchasini bir vaqtning o'zida qilish mumkin emas. Shunday ekan, qaysi vazifalar birinchi bo'lib bajarilishi kerak?

Qanday qilib to'g'ri priorytizatsiya qilish mumkin?
1. Ma'lumotlarga asoslaning: Vazifalarni foydalanuvchi ehtiyojlari va bozor talablariga tayanib tanlang. Bu sizning fikringizdan ko'ra, real ma'lumotlar asosida qaror qabul qilishni ta'minlaydi.
2. Maqsadga yo'naltirilgan yondashuv: Har bir vazifa kompaniyaning asosiy maqsadlariga qanday ta'sir qilishini baholang. Agar vazifa ushbu maqsadga hissa qo'shmasa, uni keyinroq bajarish yaxshiroq bo'ladi.
3. Tez o'rganish va adaptatsiya: Kichik, lekin samarali o'zgarishlar ko'pincha katta natijalarga olib kelishi mumkin. Testlar va natijalarga asoslanib, eksperimentlar o'tkazing.
4. Vaqtni samarali boshqarish: Bir necha yirik vazifalarni bir vaqtning o'zida bajarishning o'rniga, kichik va tezkor ishlarni hal qilish orqali jamoaning samaradorligini oshiring.

Xulosa:
Priyorizatsiya — bu tez va samarali ishni tashkil qilishning kaliti. To'g'ri vazifalarni tanlash orqali, jamoa barcha maqsadlarga eng tezkor va samarali tarzda erishadi.

@temur_pm_blog

Product managerning xatosi: Killer feature beb o'ylagan narsa...

Salom, salom! 🌟

Product manager sifatida yangi feature boshlaganda, yangi o'ylagan bu feature killer feature deb hisoblash. Product manager bekorga buni o'ylab topmaganku? Shunga Product manager o'ylagan g'oyasiga 150 % ishonadi.

Product manager o'ylagan killer feature tayyorlanadi, A/B test o'tkazilinadi, test natijalari sag'al boshqacharoq bo'ladi. Test natijalari — bu quruq raqamlar, uni qanday izohlash o'ta muhim.

Product managerning xatosi test natijasini o'zini foydasiga izohlash. Demak haligacha hayolimizda bu killer feature lekin aslida esa unaqa emas!

Xulosa:
Killer featureni o'ylashdan ko'ra, foydalanuvchi ehtiyojlarini tushunish zarur. Agar test natijalari kutganimizga mos kelmasa, bu bizning yondashuvimizni qayta ko'rib chiqish uchun imkoniyat. Har bir fikrni muvaffaqiyatli bo'lishi kutilmasligi kerak. Bu o'zgarishlarga o'rganish va yangi featurelarni sinash uchun ajoyib imkoniyat.



@temur_pm_blog

Shanba kuni tadbirdan lavxalar deb rosa ko'p spam postlar yozsam hafa bo'miysizlar, ato qarasam kanalda sag'al norasmiy postlar juda kam bo'lar ekan.

Man bilan ishliydiganlar bilishadi ko'p xazllashaman, kanalda harakat qilaman azgina rasmiyroq postlar yozishga lekin birxillarda mavzuga aloqador bo'lmagan xazilomus rasm va postlar ham yozib turish kerakmi dib o'ylab qolaman ))

@temur_pm_blog

Hozir postlarimni o’qib o’ylab qoldim, ko’proq qaysi mavzularda postlarni o’qishni xoxlar ediz? Izohlarda yozib qoldirseylar, o’sha mavzularda yozishga harakat qilaman :)

@temur_pm_blog

Definition of Done (DoD): nima va u nima uchun muhim?


Salom, salom! 🌟

Bugun Definition of Done (DoD) haqida gaplashamiz.
DoD — bu agile metodologiyasida mahsulot yoki vazifaning yakunlanishini belgilovchi muhim tushuncha. Keling, qisqacha tushuntirib beraman, bu nima va nima uchun zarur?

DoD o'zi nima?
Definition of Done (DoD) — bu vazifa yoki user story tugallanganini tasdiqlovchi shartlar to'plami. Ya'ni, agar vazifa DoDga mos kelsa, demak, ish tugallandi va uni taqdim etishga tayyor.

DoDni to'g'ri belgilash orqali jamoa vazifaning tugallanganligini va sifatini aniq biladi. Bu, o'z navbatida, mahsulotni bozorda chiqarish uchun tayyor ekanligini tushunishga yordam beradi.

DoD nima uchun muhim?
1. Sifatni ta'minlash: DoD jamoaga vazifaning sifatini va to'liq bajarilganligini aniqlashda yordam beradi.
2. Tugallanganlikni belgilash: Agar vazifa DoDga mos kelsa, demak, jamoa ishni yakunladi va boshqa vazifaga o'tishga tayyor.
3. Tezkor va aniq ishlash: DoDni to'g'ri belgilash jamoaning ishni aniq va samarali bajarishiga yordam beradi. Jamoa ishni bajarishga kirishayotganda, ular to'g'ri yo'nalishda ekanini bilishadi.

Xulosa:
DoD — bu mahsulotning yoki vazifaning yakunlanganligini tasdiqlovchi ro'yxat. Bu, jamoaga, ish tugallanganini va uni taqdimotga tayyor ekanligini aniq belgilaydi. DoDni aniq belgilash jamoaning samarali ishlashini va yaxshi sifatni ta'minlaydi.

Keyingi postlarda DoDga qanday talablar kiritilishi kerakligini batafsil ko'rib chiqamiz.

Sizning jamoangizda DoD qanday ishlaydi? Fikrlaringizni kutaman!

@temur_pm_blog

Mindeeeee o'ylab qarasam "Domlani etkanini qil, qilganini qilma" degan gap rost ekan 😄

Birhillarda ish qaynagan vaqtda DoR to'liq bo'lmasa ham Sprint boshlavorgan vaqtlarimiz juda ko'p bo'lgan. Bu to'g'ri ish emas albatta, lekin natijaga erishish uchun birxillada nimanidir qurbon qilishga to'g'ri keladi 😅

Komandamga manga chidab kevotkan uchun kottakon rahmat

@temur_pm_blog

Definition of Ready (DoR): Nima va u nima uchun kerak?


Salom, salom! 🌟

Bugun Definition of Ready (DoR) haqida gaplashamiz. Bu tushuncha ko'pincha scrum va agile metodologiyalarida uchraydi, lekin ba'zi odamlar uni yangi eshitganda, nima ekanligini tushunmasligi mumkin. Keling, uni soddaroq qilib tushuntirib beraman.

DoR o'zi nima?
Definition of Ready — bu vazifa yoki user storyning boshlanishiga tayyorligini belgilovchi shartlar to'plami. Ya'ni, agar biror ish DoRga mos kelsa, demak, jamoa bu ishni boshlashga tayyor.

DoRning maqsadi — vazifaga kirishishdan oldin, barcha kerakli ma'lumotlar va resurslar mavjudligini tekshirish. Shunday qilib, jamoa vazifaga to'liq tayyor bo'lib ishlay boshlaydi va hech qanday muammolarga duch kelmaydi.

DoR ning asosiy elementlari:
1. Vazifa ma'lumotlari tayyor bo'lishi kerak: Agar vazifa haqida to'liq ma'lumot bo'lsa (masalan, foydalanuvchi talablari yoki dizayn), jamoa bu ishni boshlashga tayyor.
2. Mas'uliyat belgilangan bo'lishi kerak: Vazifaning kim tomonidan bajarilishi aniq bo'lishi kerak. Jamoada har bir a'zoning o'z vazifasi borligi muhim.
3. Yaxshi belgilangan talablarga ega bo'lishi kerak: Vazifa yoki user story uchun aniq talablar va maqsadlar belgilanishi zarur. Bu vazifani bajarishda to'liq yo'nalishni beradi.
4. Kerakli resurslar mavjud bo'lishi kerak: Agar vazifa uchun qo'shimcha ma'lumotlar yoki resurslar zarur bo'lsa, ular tayyor bo'lishi kerak. Bu ham jamoaning samarali ishlashiga yordam beradi.

DoR nima uchun muhim?
DoR - bu jamoaning muvaffaqiyatli ishlashi uchun zarur bo'lgan asosiy vosita. Agar vazifa DoRga mos kelsa, jamoa o'z ishini samarali boshlaydi va rivojlantirish jarayonida kechikishlar yoki to'siqlar bo'lmaydi. Bu, o'z navbatida, tezkor ish jarayoni va yaxshi natijalarni ta'minlaydi.

Xulosa:
Definition of Ready — bu vazifalar boshlanishiga tayyorligini belgilovchi ro'yxat. Agar vazifa barcha shartlarga javob bersa, jamoa ishni tez va samarali boshlaydi. DoRni to'g'ri belgilash jamoaning muvaffaqiyatli ishlashini ta'minlaydi va natijada mahsulotni tezroq ishlab chiqish imkonini yaratadi.

Sizning jamoangizda DoR qanday ishlaydi? Fikrlaringizni kutaman!

@temur_pm_blog

DoR haqida post yozganimdan keyin bir narsani o'ylab qoldim. Tomdan tarasha tushgande yozgandeman, balkim qisqacha DoR haqida yozishim kerakmidi deb, nima deb o'yliysila?

Definition of Ready (DoR)

Salom, salom! 🌟

Bugun Definition of Ready (DoR) haqida qisqacha yozib o'tamiz, ammo nafaqat nazariy, balki pragmatik misollar bilan ham. DoRni aniq belgilash jamoa ishini osonlashtiradi va vazifalarni boshlashdan oldin qanday shartlar bajarilishi kerakligini tushunishga yordam beradi.

Tajribamdan kelib chiqib quyida DoRni aniqlash uchun ba'zi muhim shartlarni keltiraman. Mahsulotni ishlab chiqishda ushbu shartlar tayyor bo'lishi kerak:

1. Dizayn tayyor: Mahsulotning barcha ekranlari va elementlari uchun dizayn yakunlangan bo'lishi kerak. Dizaynni tayyor bo'lishi vazifaning bajarilishi uchun zarur, chunki foydalanuvchi interfeysi yoki dizayn bo'yicha hali noaniqlik bo'lsa, jamoa ishlashni boshlamaydi.
2. Matnlar barcha tillarda tayyor: Mahsulotni har bir bo'limida ishlatiladigan matnlar va ko'rsatmalar barcha kerakli tillarda tayyor bo'lishi kerak. Bu, ayniqsa, global mahsulotlar uchun juda muhim — har bir bo'limda to'g'ri tarjima va izohlar bo'lishi zarur.
3. API talablarini tayyorlash: Agar loyiha APIga bog'liq bo'lsa, API spetsifikatsiyasi va zaruriy hujjatlar tayyor bo'lishi kerak. Bu, backend jamoasi uchun juda muhim, chunki ular to'liq ma'lumotlar bilan ishlashlari kerak.
4. Texnik dokumentatsiya tayyor: Mahsulot yoki yangi funksiya haqida to'liq hujjatlar tayyor bo'lishi kerak. Har bir jamoa a'zosi, jumladan, ishlab chiqish, dizayn va test jamoasi, kerakli ma'lumotlarga ega bo'lishi kerak, shunda ishni samarali davom ettirish mumkin.
5. PRD (Product Requirements Document) tayyor: Barcha biznes talablarini aniq va to'liq belgilovchi PRD tayyor bo'lishi kerak. Bu hujjat mahsulotni yaratish jarayonida barcha zaruriyatlar va talablarga javob beradi, shuning uchun jamoa kerakli yo'nalishda harakat qilishi mumkin.

DoR nima uchun muhim?
Agar DoRga mos keladigan barcha shartlar tayyor bo'lsa, jamoa sprintni boshlashdan oldin hech qanday to'siqlarga duch kelmasligi ehtimoli past bo'ladi. Yani, User Story tayyor bo'lganda va barcha shartlar bajarilganda, jamoaning ishlash jarayonida to'siqlar kamayadi. Bu esa jamoaning ishini samarali va tezkor qilishga yordam beradi.

Xulosa:
DoR ro'yxati jamoaning vazifalarni samarali boshlashi uchun zarur bo'lgan barcha shartlarni belgilaydi. Agar yuqoridagi shartlar tayyor bo'lsa, jamoa ishni boshlashda kechikish yoki to'siqlarga duch kelish ehtimoli juda kam bo'ladi, bu esa sprintni muvaffaqiyatli yakunlashga yordam beradi.

Sizning jamoangizda DoR qanday belgilangan? Yuqoridagi ro'yxatga yana nimalarni qo'shish kerak?

@temur_pm_blog