Театр Арбоблари уюшмаси

4 Февраль – «Меҳнат шуҳрати» ордени соҳиби, режиссёр – Б. Акобиров Бухоро вилоят мусиқали драма театри артистлари билан Ўлмас Умарбековнинг «Қиёмат қарз» асаридаги роллар тақсимотини амалга оширди.

Бухоро вилоят мусиқали драма театрининг Матбуот хизмати

4 Февраль – Муқимий номидаги Ўзбекистон давлат мусиқали театрининг актёри – Равшан Ибрагимов таваллуд топган кун.

Равшанга мустаҳкам соғлик, узоқ умр, ишларига улкан ривож, ижодий ютуқлар тилаймиз!

Маълумот: Равшан Раҳматуллаевич Ибрагимов 1982 йилнинг 4 Февраль куни Тошкент вилоятидаги Янгийўл шаҳрида туғилган.

Маълумоти олий. 2007 йили Тошкент давлат Санъат институтининг «Мусиқали драма» факультетини битирган.

Мазкур театрда 2007 йилдан буён ишлайди, 2012 йилдан буён солист вокалист бўлиб ишлаб келмоқда.

Равшан Ибрагимов театрдаги фаолияти давомида репертуардан жой олган қатор спектаклларда хилма хил образлар яратиб, томошабинлар эътиборига тушган ижодкорлардан бири. У “Бахтли бўл, дугонажон”да Дони, “Қизи борнинг – нози бор”да Сарвар, “Қобил ила Ҳобил”да Қобил ва бошқа спектаклларда етакчи ролларни ижро этиб келмоқда.

Шунингдек, актёр ва “Оталар сўзи – ақлнинг кўзи”, “Одамлар орасида” телетуркумларида, “Ўгай она” телесериалида турли хилдаги характерли образларни очиб берган.

Kattaqo'rg'on shahar drama teatri ijodkorlari bugungi kunda Andijon viloyati musiqali drama teatrida muallif – Sh. Mahkamov, rejissyor – Q. Yakubovning "Jin devor" spektakli bilan gastrol safarida.

Kattaqoʻrgʻon shahar drama teatri Matbuot xizmati.

#Бизнинг_ижодкор

✅ Аброр Маллабоев 1989 йил 11 июнда Наманган вилояти Чортоқ туманида таваллуд топган.

✅ 2011 йилда Ўзбекистон давлат санъат ва маданият институтининг “Мусиқали театр актёрлиги” факултетини тамомлаган. Мазкур театрда 2011 йилдан буён ишлаб келмоқда.

🎭 “Отабек ва Кумушбиби”_Мутал
“Тоҳир ва Зуҳра”_Мирзабоши
“Лайли ва Мажнун”_Нафал аскари
“Бахши”_Зобит
"Осмон ҳамма гапни эшитади"_Вакил
"Усмон Носир"_Ваня
"Қайтар дунё"_Достон
"Тўмарис"_Суғд саркардаси
“Сарвқомат дилбарим”_Шофёр йигит
“Жадидлар”_Зобит
“Дилдаги доғ”_Қодиров
“Ёшлик соғинчи” театрлаштирилган ретро концерт дастурида_Бакир Назаров

@Muqimiyteatruz

3 Февраль – Самарқанд вилоят мусиқали драма театрининг бош режиссёри – Шуҳрат Санақулов таваллуд топган кун.

Шу муносабат билан элимиз ардоғидаги маҳоратли ва тажрибали ижодкорни чин юракдан табриклаб, соғлик-саломатлик, узоқ ва мазмунли умр, оилавий тинчлик-хотиржамлик ҳамда ижодий ишларига улкан парвозлар тилаймиз!

Ҳурмат билан – Самарқанд вилоят мусиқали драма театрининг ижодий жамоаси.

Маълумот: Шуҳрат Абдукаримович Санақулов – 1986 йил 3 Февраль куни туғилган. Маълумоти олий.

Шуҳрат Абдукаримович 2012 йилда Ўзбекистон давлат Санъат институтининг "Драма театри режиссёрлиги" бўлимини тугатган. 2012 йилдан буён Самарқанд вилоят мусиқали драма театрида саҳналаштирувчи режиссёр лавозимида ишлаб келган. 2018 йилда театрнинг бош режиссёри лавозимига тайинланган.

Батафсил

Таниқли кино актёри ва режиссёр – Маъруф Отажоновни таваллуд топган куни билан муборакбод этамиз!
Маъруф Отажоновга мустаҳкам соғлик, узоқ умр, оилавий тотувлик, ижодий ва ижобий ютуқлар тилаймиз!

Маълумот: Маъруф Отажонов 1961 йилнинг 3 февраль куни Тожикистоннинг Нов шаҳрида туғилган. Маъруф Отажонов "Макрли дунё", "Сув ёқалаб", "Ота", "Динозавр қолдирган из", "Алданган аёл", "Ойқиз эртаги", “Мени ёлғиз қолдирма”, “Жазо”, “Қора илон”, “Қизалоғим” каби кўплаб ўзбек ҳамда хорижий фильм ва сериалларда турфа ролларни ижро этган. “Улуғбек. Осмон тоқига қўйилган нарвон” ҳужжатли фильмида, шунингдек кўплаб хорижий фильмларда роллар ижро этган. Режиссёр сифатида эса “Қизи борнинг нози бор”, “Ота” фильмларини суратга олган.
Шунингдек, Турк киноижодкорлари томонидан суратга олинган “Ҳукмдор Усмон” сериалида асосий қаҳрамонларидан бирини ижро этган.

3 Февраль – Бухоро вилоят жазони ижро этиш департаменти ходимлари Бухоро вилоят мусиқали драма театрига томошабин сифатида меҳмон бўлишди.

Улар эътиборига Аҳмад Яссавийнинг «Ҳикматнома» асари асосида бош режиссёр – Лазиз Наврўзов томонидан саҳналаштирилган «Чор дарвиш» спектакли намойиш этилди.

#Жараён

Муқимий номидаги Ўзбекистон давлат мусиқали театри ижодкорлари театрнинг бош режиссёри – Достон Хақбердиев бошчилигида драматург – Ҳайитмат Расул қаламига мансуб "Куёвнинг омонати" асари устида иш олиб боришмоқда.

Ижодкорлар ижодий тайёргарлик жараёнида

@Muqimiyteatruz