Toshkent davlat stomatologiya instituti

🌸🌸🌸
Jonimdin o‘zga yori vafodor topmadim,
Ko‘nglumdin o‘zga mahrami asror topmadim.
Jonimdin o‘zga jonni dilafkor ko‘rmadim,
Ko‘nglum kibi ko‘ngulni giriftor topmadim.
🌺🌺🌺

“BOBUR KABI SEVING VATANNI”

Buyuk o‘zbek shoiri, mutafakkir, tarixshunos va davlat arbobi-Zahriddin Muhammad Boburni Fiziologiya va patologiya kafedrasining normal fiziologiya fani o‘qituvchisi dotsenti S.H. Umrqulova tashabbusi bilan Davolash ishi fakulteti 203 A guruhi talabalari bilan ona vatanga, buyuk millatga qo‘shgan ijodiy ishlarni xotirlash maqsadida davra suhbati tashkil etildi.
Unda S.H.Umrqulova tomonidan Bobur hayoti va ijodi bo‘yicha ma’lumotlar keltirdi. Katta o‘qituvchi E.A.Rahmatullaev tomonidan Bobur g‘azali mahorat bilan yodga olindi. Shundan so‘ng N.A.Xo‘jayeva, Sh.E.Rahmonovalar Zahriddin Muhammad Bobur xotiralab qilgan ishlari va ijodi haqida fikr va mulohazalar bildirishdi.
Shu bilan birga Davolash fakultetining 203 A guruhi talabalari tomonidan tashkillashtirilgan sahna ko‘rinishi va mushoira davra suhbati tadbirga yanada qiziqish uyg‘otdi. Tadbir davomida talabalar o‘z istedodini yana bir bor namoish qilishdi. Fiziologiya va patologiya kafedrasining o‘quv ishlariga ma’sul, dosentlar: S.X.Umrkulova, A.A.Nishanova, katta o‘qituvchi N.A.Xujayeva, E.A. Rahmatullaev, assistentlar Rahmonova, S.E.Safarova va talabalar ishtirok etdi.
Tadbir yakunida professor-o‘qituvchilar hamda faol talabalar institutimizning Yoshlar bilan ishlash maʼnaviyat va maʼrifat boʻlimi boshligʻi J.Jabborov tomonidan Zahriddin Muhammad Boburning ruboyilari keltirilgan asarlar to‘plami bilan taqdirlandi.

“RADIKALIZM, DINIY FON VA DUNYOVIY DAVLAT” MAVZUSIDA DAVRA SUHBATI

Oʻzbekiston Respublikasining Prezidenti Shavkat Mirziyoyev “Yoshlar jamiyatda sodir boʻladigan har qanday voqeliklarga oʻzgacha, ruhiy his kechinmalar doirasida munosabat bildiradilar. Qiyinchiliklar vujudga kelganda esa ehtiroslarga beriladilar. Shuning uchun bizning oldimizda turgan muhim masala — yoshlarni toʻgʻri yoʻlga boshlashdir”, deb qayd etgan.

Darhaqiqat, globallashuv davrida tahdidlar va tazyiqlar xavf tugʻdirmasidan avval ogohlik, daxldorlik tuygʻularini qalblarimizda mujassam etib borishimiz lozim. Jamiyatning tinchligiga va xavfsizligiga raxna soladigan barcha xatti-harakatlar, maʼnaviy, mafkuraviy tahdidlar yoshlar ongini zaharlash, ming yillik sinovlarga dosh bergan xalqimizni haq yoʻldan toydirish, ularni jaholat, buzgʻunchilik, nodonlikka boshlash bilan bor hunarini ishga solyapti. Yoshlarimizni yuksak maʼnaviyatli qilib tarbiyalash orqali yurtimiz farovonlik va taraqqiyotimiz barqaror boʻladi.
Shuning uchun ham yoshlarni maʼnaviyatli, komil inson qilib tarbiyalash, davlatimiz siyosatining ustuvor sohasi deb eʼlon qilinganligi bejiz emas. Shu munosabat bilan Toshkent davlat stomotologiya institutida 2025-yil 5-mart kuni “Radikalizm, diniy fon va dunyoviy davlat” mavzusida o‘tkazilgan davra suhbati o‘tkazildi. Unda Yashnobod tumani IIO FMB HPB profilaktika katta inspektori podpolkovnik V.T.Qurbonov, Yashnobod tumani IIO FMB HPB profilaktika katta inspektori podpolkovnik Sh.N.Bozorov, Yoshlar bilan ishlash, ma’naviyat va ma’rifat bo‘limi boshlig‘i J.T.Jabborov hamda mehmon sifatida IIV Akademiyasi 3-o‘quv kurs kursanti, safdor A.B.Zokirov va IIV Akademiyasi 3-o‘quv kurs kursanti, safdor Sh.T.Ravshanov tomonidan suhbat o‘tkazildi. Unda talaba-yoshlar va tyutorlar o'z savollariga atroflicha javob oldi. Bu kabi targ‘ibot tadbirlarining muntazam o‘tkazilib borilishi yurtimiz yoshlarini turli zararli va yot g‘oyalardan asrash, ularning ma’naviy va jismoniy jihatdan komil va barkamol shaxs sifatida shakllanishida muhim ahamiyat kasb etadi.