Toshkent davlat pedagogika universiteti | Rasmiy kanali

🏛 Nizomiy nomidagi TDPU, Alisher Navoiy nomidagi TDO'TAU, Fuzuliy nomidagi ilmiy-tadqiqot markazi, O‘zbekistondagi Haydar Aliyev nomidagi Ozarbayjon Madaniyat Markazi va “O‘zbekiston-Ozarbayjon do‘stlik jamiyati” hamkorligida ulug‘ turkiy shoirlar ALISHER NAVOIY VA ZAHIRIDDIN MUHAMMAD BOBUR tavalludiga bag‘ishlangan “IKKI BUYUK MUTAFAKKIR” nomli tadbir bo'lib o'tdi.

✅Tadbirda O'zbek tili va adabiyoti fakulteti O'zbek adabiyoti va uni o'qitish metodikasi kafedrasi professor-o'qituvchilari Muborak Omonova, Mahbuba orazbayeva, Mashxura Qodirova va fakultet talabalari ishtirok qilishdi. Tadbirni “O‘zbekiston-Ozarbayjon do‘stlik jamiyati” ijrochi direktori Erkin Nuriddinov ochib berdi.

☑️ Adabiy-badiiy kecha davomida Alisher Navoiy va Zahiriddin Muhammad Bobur ijodi, ilmiy merosi haqida ma'lumotlar berildi. Talabalar tomonidan ikki ijodkor ruboiy va g'azallaridan namunalar o'qildi va Zahiriddin Muhammad Boburning mashaqqatli hayoti aks ettirilgan sahna ko`rinishi namoyish qilindi.

@TDPU_UZ

✅ Qashqadaryo viloyatida sportning kurash turi bo‘yicha “Universiada-2024” sport musobaqalarining Respublika final bosqichi bo‘lib o‘tdi.

O‘tkazilgan ushbu sport musobaqalarida Nizomiy nomidagi TDPUning Boshlang‘ich ta’lim va jismoniy madaniyat fakulteti 1-kurs talabasi Toshtemirova Oysuluv Jurabek qizi 57KG, Boshlang‘ich ta’lim va jismoniy madaniyat fakulteti 2-kurs talabasi Boboqulova Zulfizar Nasriddin qizi 87kg, Boshlang‘ich ta’lim va jismoniy madaniyat fakulteti talabasi 1-kurs talabasi Madjitov Og‘abek Sherali o‘g‘li 73kg qatnashib faxrli 3-o‘rinni qo‘lga kiritishdi.

@TDPU_UZ

#munosabat

“Yoshlar - xalqimizning, Vatanimizning oltin fondidir!”

Kuni kecha Davlatimiz rahbari boshchiligida yoshlar bilan keng doiradagi muloqot bo’lib o’tdi va unda shahar studiyasidan qatnashdik. Uchrashuvda yoshlar bilan ishlash natijadorligini yanada oshirish, ularga keng imkoniyatlar yaratish chora-tadbirlari muhokama qilinib, faol yoshlarning fikr va takliflari tinglandi.

Yig’ilishda shuningdek, so’nggi yillarda yoshlar siyosatini amalga oshirishga qaratilgan yuksak e’tibor va ijobiy o’zgarishlar xususida ta’kidlanar ekan, zero men ham shu yo’nalishda faoliyat olib borayotganimdan, yoshlarga yaratilgan imkoniyatlardan faxrlandim.

Davlatimiz rahbari tomonidan bildirilgan ishonchni oqlagan holda universitetda amalga oshirilayotgan loyiha va tanlovlarda barcha talaba yoshlarni faol bo’lishga chorlab qolaman. Yoshlar biz birlashaylik, birgalashib biz katta kuch bo’lamiz.

Jonibek Qo’chqorov Toshkent davlat pedagogika universiteti Yoshlar yetakchisi.

@TDPU_UZ

#Prezident_uchrashuvi | #Magistratura

🏛 Nizomiy nomidagi TDPU talabalari Prezident bilan uchrashuvda ishtirok etdi!

Kuni kecha O‘zbekiston Respublikasi Prezidenti Shavkat Mirziyoyev yoshlar bilan ochiq muloqot o‘tkazdi. Videoselektor shaklida tashkil etilgan uchrashuvda yoshlar uchun yangi imkoniyatlar va kelajak rejalar muhokama qilindi.

🇺🇿 Davlatimiz rahbari yoshlarni xalqimizning oltin fondi deb atab, ular bilan muloqotdan mamnun ekanini ta’kidladi.

🎓 Quvonarlisi, mazkur nufuzli uchrashuvda Nizomiy nomidagi TDPU Magistratura bo‘limi Psixologiya mutaxassisligi 1-kurs magistranti, Navoiy nomli stipendiant Sobitov Otabekxo‘ja Yo‘ldosh o‘g‘li ham ishtirok etdi!

🏛 Uchrashuv davomida Sobitov Otabekxo‘ja Yo‘ldosh o‘g‘li so‘zga chiqib, yoshlar uchun yaratilayotgan keng imkoniyatlar va imtiyozlar uchun minnatdorchilik bildirib, o‘z takliflarini ilgari surdi.

@TDPU_UZ

Tillar fakultetining professor-o‘qituvchilari va talabalari o‘rtasida "Buyuk shoh va shoir -Zahiriddin Muhammad Bobur" mavzusida tarbiyaviy ahamiyatga molik tadbir bo‘lib o‘tdi. Tadbirda fakultet talabalari, talabalar turar joylari faollari va Xotin qizlar kengashi raislari ishtirok etishdi.

Buyuk allomaning 584 yilligi munosabati bilan o‘tkazilgan tadbirda ishtirokchilar Zahiriddin Muhammad Boburning hayoti va ijodi haqidagi yangi ma’lumotlarga ega bo‘lib, mutafakkirning donishmandligi, adabiy merosi naqadar ulug‘vor ekanini yana bir bor angladilar.

Shuningdek, badiiy kecha doirasida g‘azalxonlik tashkil etilib, qizlar Boburning ruboiy va g‘azallarini birin-ketin ifodali o‘qishga muyassar bo‘ldilar.

@TDPU_UZ