O‘LKAMIZDA BAHORUchqo‘rg‘on tumanidagi
12-maktabgacha ta'lim tashkiloti tarbiyachisi Dilrabo Mamatova o‘rta guruh tarbiyachilari o‘rtasida
"O‘lkamizda bahor" mavzusida ochiq mashg‘ulot tashkil etdi.
Mazkur tadbir bolalarga bahor faslining go‘zalligini anglatish, tabiatdagi o‘zgarishlarni kuzatish va ularda atrof-muhitga bo‘lgan mehr-muhabbatni shakllantirish maqsadida o‘tkazildi.
Mashg‘ulot davomida bolalar bahor faslining o‘ziga xos xususiyatlari, tabiatda ro‘y beradigan o‘zgarishlar, hayvonlar va o‘simliklarning jonlanishi haqida qiziqarli ma'lumotlarga ega bo‘ldilar. Ular bahor haqida she'rlar aytishdi, qo‘shiqlar kuylashdi.
Ochiq mashg‘ulot bolalarning faol ishtiroki, qiziqarli savol-javoblar hamda jozibali sahna ko‘rinishlari bilan yanada mazmunli va esda qolarli bo‘ldi.
Bunday ochiq mashg‘ulotlar bolalarning tabiatga bo‘lgan qiziqishini oshirish va ularni ekologik madaniyat ruhida tarbiyalashga xizmat qiladi.
®
@talim_tahlilchisi ta'limga oid eng so‘ngi yangiliklar