Taʼlim kanali - Rasmiy yangiliklar 🎓

⚡️ Chet tili imtihoni natijalari e’lon qilindi

✅ 2024-yil 21-oktabrdan 5-noyabrga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️O‘z natijasidan norozi bo‘lgan talabgorlar 13–15-noyabr kunlari my.gov.uz sayti orqali apellatsiya shikoyati berishlari mumkin.

Bizni kuzating

@Talim_kanali✅️- Rasmiy taʼlim yangiliklari!

❔ Bu yil abituriyentlar nechta fandan imtihon topshiradi? Mezonlar o’zgardimi?

🛡 Oliy ta’lim, fan va innovatsiyalar vazirligining tegishli buyrug‘i bilan respublika oliy ta’lim muassasalarining bakalavriat ta’lim yo‘nalishlariga mos test sinovi topshiriladigan fanlar majmuasi, test topshiriqlari soni hamda baholash mezonlari tasdiqlandi (mezonlar o‘tgan yilgi qabuldek qoldirildi).
 

Unga ko‘ra:
Barcha test topshiruvchilar uchun majburiy 3 ta fan:
Ona tili (o‘zbek, rus, qoraqalpoq v.b. tillar): 10 ta;
Matematika: 10 ta;
O‘zbekiston tarixi: 10 ta;
30 ta savol uchun 1.1 balldan jami 33 ball.

 
Bakalavriat ta’lim yo‘nalishiga mos bo‘lgan 2 ta fan:
1-fan: 30 ta savol x 3.1 ball = 93.0 ball
2-fan: 30 ta savol x 2.1 ball = 63.0 ball
60 ta savoldan jami 156,0 ball.
 
Umumiy 2024/2025-o‘quv yili qabulida abituriyentlarga 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball – 189 ballni tashkil etadi.

Bizni kuzating

@Talim_kanali✅️- Rasmiy taʼlim yangiliklari!

⚡️O‘qituvchi Mohira Boltayeva qariyb 380 million so‘m pul mukofotini qo‘lga kiritdi. Bu haqda Maktabgacha va maktab ta’limi vazirligi xabar berdi

🛡 O‘zbekiston Respublikasi Prezidentining 2024 yil 30 sentyabrdagi 346-son Qaroriga ko‘ra, eng nufuzli va mintaqaviy xalqaro olimpiadalar g‘oliblarining ustozlari pul mukofotlarini qo‘lga kiritishi belgilangan.

Toshkent shahridagi Abu Ali ibn Sino nomidagi ixtisoslashtirilgan maktab o‘qituvchisi Mohira Boltayeva tayyorlagan o‘quvchilar eng nufuzli xalqaro olimpiadalarda 3 ta (1 ta oltin, 1 ta kumush va 1 ta bronza) mintaqaviy xalqaro olimpiadalarda 5 ta (2 ta kumush, 3 ta bronza), jami 8 ta medalni qo‘lga kiritdi.

Shu munosabat bilan, ustoz Mohira Boltayeva taqdirlash marosimida:

- eng nufuzli xalqaro olimpiadalardagi yutuqlar uchun — 318 750 000 so‘m;
- umumiy hisobda eng katta mablag‘ — 378 750 000 so‘m pul mukofotini qo‘lga kiritdi.

Bizni kuzating

@Talim_kanali✅️- Rasmiy taʼlim yangiliklari!

⚡️ Xususiyda o'qiydigan talabalar ham ta'lim krediti olsa bo'ladi

Prezidentning 2022-yildagi 323-sonli qaroriga muvofiq, ta'lim krediti O‘zbekiston Respublikasida faoliyat yuritayotgan barcha xususiy, xorijiy va davlat oliy va professional ta’lim tashkilotlarida kunduzgi ta’lim shaklida tahsil olayotgan talabalarga imtiyozli ta'lim krediti ajratiladi.

☝️E'tibor qilamiz, xususiy va xorijiy ta'lim tashkilotlari uchun ham IMTIYOZLI ta'lim krediti ajratilishi ko'rsatib o'tilgan.

🛡 Bundan tashqari, PF-87-son Farmoniga binoan, xotin-qizlar uchun 0%, yigitlarga markaziy bankning asosiy (13,5%) stavkasiga ko'ra ajratiladi.

✅Demak-ki, qaysidir bank tomonidan xususiy oliygohlar uchun ta'lim krediti ajratishni rad etish yoki imtiyozli bo'lmagan shartlarda ta'lim krediti ajratamiz deyish mutlaqo qonun buzilishi hisoblanadi.

Agarda sizda yuqoridek holat kuzatilsa, Bosh Prokuraturaning 1007 ishonch telefoniga murojaat qilishingiz mumkin.

Bizni kuzating

@Talim_kanali✅️- Rasmiy taʼlim yangiliklari!

⚡️ O‘zbekistonning 23 ta oliy ta’lim muassasasi Osiyoning eng yaxshi universitetlari reytingidan joy oldi.

O‘zbekiston oliy ta’lim muassasalari xalqaro doiralarda nufuzini oshirish orqali o‘z mavqeyini yaxshilamoqda.

🛡 6-noyabr kuni Oliy ta’lim sohasidagi global tahlil agentligi (QS Quacquarelli Symonds) Osiyoning eng yaxshi universitetlari reytingining o‘n oltinchi yillik nashri – QS Asia University Rankings 2025’ni e’lon qildi. 2025-yilgi Osiyoning eng yaxshi universitetlari yangi reytingiga O‘zbekistonning 23 ta oliy ta’lim muassasasi kiritilgan.

Shulardan 11 ta OTM o‘z o‘rnini yaxshilagan, 2 ta OTM o‘z o‘rnini saqlab qolgan, 9 ta OTM birinchi marta reytingga kiritilgan va 1 ta OTM o‘z o‘rnini yo‘qotgan. Yangi reyting natijalariga ko‘ra, O‘zbekiston o‘z mavqeini eng ishonchli tarzda yaxshilagan Osiyo davlatlaridan biriga aylandi.

Ma’lumot uchun, 2025-yilgi Osiyoning eng yaxshi universitetlari reytingi (QS Asia University Rankings 2025) mintaqaning 25 ta mamlakat va hududidan 985 ta oliy ta’lim muassasasini qamrab olgan bo‘lib, ulardan 127 tasi ilk bor Osiyo reytingiga kiritilgan.

Bizni kuzating

@Talim_kanali✅️- Rasmiy taʼlim yangiliklari!

⚡️ Endilikda ta'lim muassasalarida psixologik yordam ko'rsatish tashkil etiladi

❗️"Aholiga psixologik yordam ko'rsatish to'g'risida"gi Qonun (O'RQ-989-son, 05.11.2024 y.) qabul qilindi

🔰 Qonun aholiga psixologik yordam ko'rsatish sohasidagi munosabatlarni tartibga soladi.

🗒 Qonunga ko'ra, psixologik yordam – tang (krizisli) vaziyatlarning oldini olish va ularning oqibatlarini bartaraf etishga, shaxslararo munosabatlarni hamda ruhiy salomatlikni yaxshilashga, shaxsiyatni rivojlantirishga yoki insonning ijtimoiy moslashuvini yaxshilash uchun psixologik ta'sir ko'rsatishga qaratilgan, psixologik yordam ko'rsatish standartlariga muvofiq amalga oshiriladigan chora-tadbirlar majmui hisoblanadi.

✅Psixologik yordam davlat organlarida yoki boshqa tashkilotlarda ishlovchi psixologlar yoxud ushbu sohada xususiy tartibda faoliyat olib boruvchi yuridik shaxslar yoki yakka tartibdagi tadbirkorlar tomonidan bepul yoki pullik asosda ko'rsatiladi.

📃 Maktabgacha, umumiy o'rta, o'rta maxsus va professional ta'lim tashkilotlarida ta'lim oluvchilarning psixologik salomatligini saqlash, sog'lom psixologik muhit yaratish va ularning shaxsiy rivojlanishiga ko'maklashish maqsadida psixologik yordam ko'rsatish tashkil etiladi.

📝Shaxs psixologik yordam ko'rsatish sohasidagi tadqiqotlarga yoki ilmiy tajribalarga faqat ixtiyoriy ravishdagi yozma roziligi yoki o'z qonuniy vakillarining yozma roziligi olinganidan keyin jalb etilishi mumkinligi belgilandi.

📖 Psixologiya yo'nalishi bo'yicha oliy ma'lumotga ega bo'lgan shaxslar psixologik yordam ko'rsatish bo'yicha faoliyat bilan shug'ullanish huquqiga ega.

❗️Shaxsning psixologik yordam ko'rsatilishini so'rab murojaat qilganligi fakti, psixologik yordam natijalari to'g'risidagi ma'lumotlar va psixologik yordam ko'rsatish chog'ida olingan boshqa ma'lumotlar psixologning kasbiy sirini tashkil etadi hamda shifokor siriga tenglashtiriladi.

⚖️ Shuningdek, psixologik yordamni bunday huquqqa ega bo'lmagan shaxs tomonidan ko'rsatish yoxud aholiga psixologik yordam ko'rsatish to'g'risidagi qonunchilikda belgilangan cheklovlarga rioya etmaganlik uchun ma'muriy javobgarlik belgilandi.

Qonun rasmiy e'lon qilingan kundan e'tiboran 3 oy o'tgach kuchga kiradi.

Bizni kuzating

@Talim_kanali✅️- Rasmiy taʼlim yangiliklari!

❔ Maktabga yangi o‘qituvchini ishga olish faqat direktorning vakolatidami?

🛡 Maktabga yangi o‘qituvchini ishga olish jarayoni maktab direktori vakolatida bo‘lib, ushbu vakolatni O‘zbekiston Respublikasining Mehnat kodeksi asosida amalga oshiradi. Mehnat kodeksining tegishli moddalari quyidagicha tushuntiriladi:

Mehnat kodeksi asosida ishga olish huquqi
Mehnat kodeksi 19-moddasiga binoan, barcha tashkilotlar — mulkchilik shaklidan qat’i nazar — ish beruvchi hisoblanadi. Shu asosda maktablar ham ish beruvchi tashkilot sanaladi.
24-modda esa qonunchilikka muvofiq, yakka tartibdagi mehnat shartnomalarini tuzish va bekor qilish huquqi ish beruvchiga tegishli ekanini belgilaydi.
46-moddada esa ish beruvchining vakolatli shaxsini tashkilot rahbari sifatida tan olish belgilangan.

👤 O‘qituvchini ishga olish vakolati direktorda
Ushbu qonuniy asoslar shuni anglatadiki, maktabga yangi o‘qituvchini ishga olish va uni ishdan bo‘shatish faqat maktab direktori vakolatida bo‘lib, ushbu jarayonni mustaqil ravishda amalga oshirish huquqiga ega. Direktor xodimlarni qabul qilishda quyidagi huquqlarga ega:
Mustaqil qaror qabul qilish: Maktab direktori o‘zi qabul qilayotgan o‘qituvchining tajribasi va ko‘nikmalarini hisobga olgan holda qaror qabul qiladi.
Mehnat shartnomasini tuzish va bekor qilish: Direktor o‘qituvchilar bilan mehnat shartnomasini tuzish yoki shartnomani bekor qilish huquqiga ega.

Bizni kuzating

@Talim_kanali✅️- Rasmiy taʼlim yangiliklari!

❔ Talaba OTMdagi o‘qishini davom ettira olmasa, to‘lagan kontrakt puli qaytarib olinadimi?

👤 Agar talaba oliy ta’lim muassasasida (OTM) o‘qishini davom ettira olmasa, to‘langan kontrakt pulini qisman qaytarib olish imkoniyati mavjud. O‘zbekiston Respublikasi Fuqarolik kodeksining tegishli moddalari bu holatni quyidagicha tushuntiradi:

🛡 Qonunchilikda belgilangan asoslar
703-moddaga ko‘ra, OTM va talaba o‘rtasidagi ta’lim shartnomasi haq evaziga xizmat ko‘rsatish shartnomasi hisoblanadi. Talaba buyurtmachi sifatida ta’lim xizmatlarini olish uchun shartnoma tuzadi va kontrakt pulini to‘laydi.
707-moddada buyurtmachi (talaba) xizmatlar bahosini to‘liq to‘lagan holda xizmat ko‘rsatish shartnomasini bekor qilishga haqli ekanligi belgilangan. Shu tariqa, talaba shartnomani bekor qilishni talab qilishi mumkin.
705-modda esa ijrochi (universitet) xizmatni ko‘rsata olmagan taqdirda buyurtmachi shartnoma summasining xizmat uchun sarflangan xarajatlarni chegirib, qolgan qismini qaytarishini nazarda tutadi.

OTM xarajatlarini ushlab qolish
Ushbu huquqiy asosga binoan, agar talaba shartnomani bekor qilsa, universitet sarflagan xarajatlarni chegirib, qolgan mablag‘ni qaytarishi mumkin. Shartnoma bekor qilinganda, quyidagilar ushlab qolinishi mumkin:
Ta’lim uchun sarflangan xarajatlar;
Universitet tomonidan xizmat ko‘rsatilishidan kelib chiqadigan boshqa bevosita xarajatlar.

Qaytarish jarayonida yuzaga kelishi mumkin bo‘lgan muammolar
Agar universitet kontrakt pulining qolgan qismini qaytarishdan bosh tortsa, talaba quyidagi tashkilotlarga murojaat qilishi mumkin:

Raqobatni rivojlantirish va iste’molchilar huquqlarini himoya qilish qo‘mitasi
Ishonch telefoni: 1159
Yagona raqam: 71-207-46-00
Fuqarolik sudi orqali shartnoma summasini qisman yoki to‘liq qaytarish hamda ko‘rilgan zararni undirish bo‘yicha da’vo arizasi bilan murojaat qilish.

Xulosa
Talaba shartnomani bekor qilgan taqdirda, to‘langan kontrakt pulining universitet sarflagan xarajatlari ushlab qolingan qismini qaytarib olish imkoniyati mavjud. Agar ushbu jarayon davomida muammo yuzaga kelsa, talabgor Raqobat qo‘mitasiga yoki fuqarolik sudiga murojaat qilishi tavsiya etiladi.

Bizni kuzating

@Talim_kanali✅️- Rasmiy taʼlim yangiliklari!

⚡️Sirtqi taʼlim va super-kontraktdagilar uchun taʼlim krediti ajratilmoqda

✅Oʻzmilliybank oʻz mablagʻlari hisobidan kechki va sirtqi ta'lim shakli hamda superkontrakt asosida oʻqishga qabul qilingan talabalar uchun tijoriy ta'lim kreditini taklif qilmoqda.

Kredit shartlari:

👉 bakalavriatga qabul qilingan talabalar uchun
➖ 36 oygacha yillik 22%;
➖ 60 oygacha yillik 24%;
➖ imtiyozli davr – 12 oy;

🧑‍🎓 Magistraturaga oʻqishga qabul qilingan talabalar uchun
➖ muddati – 36 oygacha;
➖ foiz stavkasi – 22%;
➖ kredit miqdori – toʻlov shartnomasi summasi miqdorida.

📱Call-markazi raqami: 1344

Bizni kuzating

@Talim_kanali✅️- Rasmiy taʼlim yangiliklari!

⚡️ 2025-yil uchun stajyor-tadqiqotchilik, tayanch doktorantura va doktoranturaga

- hujjat qabul qilish muddatlari joriy yil 10-noyabrga qadar,
- kirish imtihonlarini tashkil etish 30-noyabrga qadar uzaytirildi.

Hujjatlarni:
🛡 hozircha faqat daraja.ilmiy.uz sayti orqali topshirish imkoni mavjud.

👉 2024-yil 4-noyabrdan boshlab esa my.gov.uz orqali ham amalga oshirish mumkin.

Bizni kuzating

@Talim_kanali✅️- Rasmiy taʼlim yangiliklari!

⚡️Buxoro davlat universiteti magistatura mutaxassisliklariga qo'shimcha qabul uchun kontrakt narxlari

❗️ Boshqa oliygohdagi kontrakt narxlari bu narxlarga to'g'ri kelmaydi. Har bir oliygoh miqdorni o'zi belgilaydi

Bizni kuzating

@Talim_kanali✅️- Rasmiy taʼlim yangiliklari!

⚡️Samarqand davlat universiteti magistatura mutaxassisliklariga qo'shimcha qabul uchun kontrakt narxlari

❗️ Boshqa oliygohdagi kontrakt narxlari bu narxlarga to'g'ri kelmaydi. Har bir oliygoh miqdorni o'zi belgilaydi

Bizni kuzating

@Talim_kanali✅️- Rasmiy taʼlim yangiliklari!

⚡️Asosiy fan olimpiadasining VILOYAT bosqichi hamda O‘zbekiston terma jamoasiga nomzodlarni saralashning birinchi bosqichi o‘tkazilish sanalarida o‘zgarish bo‘ldi.

Bizni kuzating

@Talim_kanali✅️- Rasmiy taʼlim yangiliklari!

❄ Toronto universiteti xavfsizroq va axloqiy sun’iy intellekt uchun qanday choralar ko‘rmoqda?

🖼 Toronto universiteti sun’iy intellekt (SI) texnologiyalarini inson qadriyatlariga moslashtirish bo‘yicha tadqiqotlar va ta’limni rivojlantirishda ilg‘or yondashuvlarni qo‘llamoqda. Universitetning Shvars Reysman texnologiya va jamiyat instituti sun’iy intellektni axloqiy va xavfsiz tartibga solishga bag‘ishlangan tashabbuslar orqali jamiyat manfaatlariga mos keladigan texnologiyalarni yaratishga intiladi.
Toronto universiteti sun’iy intellekt sohasida, xususan, Jeffri Xinton va uning shogirdlari tomonidan chuqur o‘rganish (deep learning) sohasidagi ishlari bilan tanilgan. Hozirda SI sohasidagi tezkor o‘sish uni tartibga solishga bo‘lgan ehtiyojni oshirmoqda, bu esa xavfsiz va axloqiy SI texnologiyalari yaratish jarayonida Toronto universitetini yetakchi qilmoqda.

🛸 Fanlararo hamkorlik va axloqiy yondashuvlar

Shvars Reysman instituti sun’iy intellekt texnologiyalari rivojlanishini boshqarish va tartibga solish uchun turli sohalar vakillarini birlashtirmoqda. Bunga kompyuter fanlari, huquq, davlat siyosati, falsafa va psixologiya kabi sohalar kiradi. Institut direktori Devid Li ta’kidlashicha, “sun’iy intellektni to‘g‘ri boshqarish va nazorat qilish uchun ko‘plab odamlar kerak bo‘ladi, va buning uchun hoziroq harakat qilishimiz kerak.”

👤 Axloqiy tamoyillarni o‘rgatish tashabbusi

Toronto universiteti talabalar orasida axloqiy tamoyillarni chuqur o‘rganishni ta’minlash maqsadida Etika ta’limi tashabbusini amalga oshirmoqda. Mazkur dastur orqali talabalar texnologiyalarni inson qadriyatlariga mos ravishda ishlab chiqishni o‘rganishadi. Professor Sheyla Maklreyt bu haqda shunday deydi: “Axloqiy mulohazalar dizayn tamoyillarining ajralmas qismiga aylanishi kerak. Bu jarayon ishchi kuchiga kiradigan o‘quvchilarda axloqiy sezgirlikni rivojlantirishni talab qiladi.”
2020-yilda boshlangan mazkur tashabbus 2023/24 o‘quv yilida yanada kengayib, turli yo‘nalishlardagi kurslarda qo‘llanila boshlandi. Hozirda 8000 nafardan ortiq talaba kompyuter fanlari bo‘yicha kurslarga hamda axloqiy tamoyillar asosidagi mashg‘ulotlarga jalb qilinmoqda.
Sun’iy intellekt va huquqiy oqibatlar
Toronto universiteti yangi kurs — Raqamli maxfiylik va maxfiylikni tartibga solish dasturini joriy qildi. Ushbu kurs huquq va muhandislik sohalari talabalariga sun’iy intellekt texnologiyalari va ularning huquqiy oqibatlarini birgalikda o‘rganish imkonini beradi.

Devid Li institutning asosiy maqsadi sifatida sun’iy intellektni xavfsiz va insoniyat manfaati uchun mos holda rivojlantirishni belgilaydi: “Texnologiya jamiyat bo‘ylab kengayib borayotganini hisobga olsak, uni ajratib o‘qitish mantiqqa to‘g‘ri kelmaydi. Muvaffaqiyatning mezoni sun’iy intellekt bilan yaxshiroq yashashimizni ta’minlovchi sog‘lom ekotizimni yaratishdir.”

Bizni kuzating

@Talim_kanali✅️- Rasmiy taʼlim yangiliklari!

❔ Oʻzbekistonda eng koʻp qaysi davlatlarning fuqarolari tahsil olmoqda?

🛡 Statistika agentligi maʼlumotlariga koʻra, 2023-2024 oʻquv yili boshiga Oʻzbekiston Respublikasidagi oliy taʼlim tashkilotlarida tahsil olayotgan eng koʻp xorijlik talabalar Hindistondan boʻlib, ularning umumiy soni 5733 nafarni tashkil etgan.
 
Oliy taʼlim tashkilotlarida tahsil olayotgan xorijlik talabalarining davlatlar kesimida taqsimlanishi:
 

Hindiston – 5733 nafar;
Pokiston – 1358 nafar;
Turkmaniston – 904 nafar;
Rossiya Federatsiyasi – 750 nafar;
Qozogʻiston – 537 nafar;
Tojikiston – 285 nafar;
Qirgʻiz Respublikasi – 285 nafar;
Afgʻoniston – 196 nafar;
Xitoy – 182 nafar;
Koreya Respublikasi – 176 nafar;
Kanada – 124 nafar;
Boshqalar – 315 nafar.

Bizni kuzating

@Talim_kanali✅️- Rasmiy taʼlim

yangiliklari!

🔔 Magistratura mutaxassisliklariga qo'shimcha qabul bo'yicha tushuntirishlar:

❕Qo’shimcha: o‘tgan yili magistraturaga qo‘shimcha tabaqalashtirilgan (super) kontrakt asosida kirgan xotin-qizlar joriy yilda 2-kurs uchun ham kontraktni xuddi o’tgan yilgidek oshirilgan miqdorda to‘lashar ekan. Shu sababli ularning 2-kurs uchun kontraktlari davlat tomonidan qoplab berilmaydi.

Ya’ni bundan keyin magistraturaga tabaqalashtirilgan (qo’shimcha) kontraktga kirgan xotin-qizlarning kontraktlari davlat tomonidan to’lab berilmas ekan.

Bizni kuzating

@Talim_kanali✅️- Rasmiy taʼlim yangiliklari!

❔ Qishki o'qishni ko'chirishga kimlarga ruxsat beriladi

✅ Xuddi yoz oyidagi kabi qishda ham o‘qishni ko‘chirish mumkin. Faqat bir davlat OTMidan boshqasiga.

Kimlarga ruxsat bor?

👉 talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish uchun;
👉 davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirish uchun (tegishli vazirlik (idora) rahbarining tavsiyasi asosida).

Prezidentning 279-sonli qarori 7-bandiga muvofiq uzrli sabablarga koʻra oʻqishni koʻchirish toʻgʻrisidagi arizalarni qabul qilish boʻyicha hududiy Ishchi guruhlar faoliyati yoʻlga qoʻyildi.

Hududiy ishchi guruhlarga quyidagi hujjatlar taqdim etiladi:


👉 o‘qishni ko‘chirish bo‘yicha ariza (ariza blankasi hududiy

ishchi guruhi tomonidan beriladi va talaba tomonidan joyida to‘ldiriladi);
👉 talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
👉 shaxsni tasdiqlovchi hujjat (pasport yoki ID) nusxasi;
👉 yuqorida qayd etilgan uzrli sabablarni asoslovchi tegishli hujjatlar

✅ Qishki o'qishni ko'chirish uchun arizalar dekabr-yanvar oy

larida olinadi.

Biz

ni kuzating

@

Talim_kanali✅️- Rasmiy taʼlim yangiliklari!

⚡️Toʻlov-kontrakt mablagʻlarini toʻlash muddati 1-dekabrga qadar uzaytirildi

🛡 Davlat komissiyasining tegishli bayoni bilan 2024/2025-o‘quv yilida oliy ta’lim muassasalarining quyidagi bakalavriat hamda magistratura talabalari uchun to‘lovlarni amalga oshirish va talabalar safiga qabul qilishni rasmiylashtirishning muddati 2024-yil 1-dekabrga qadar (shu kuni ham) uzaytirildi:

➖bazaviy yoki tabaqalashtirilgan to‘lov-kontrakt asosida o‘qish istagini bildirgan abituriyentlar (1-bosqich);
➖ PF–213-son (31.08.2022-y.) Farmoni asosida qoraqalpog‘istonlik yoshlar uchun ajratilgan qo‘shimcha qabul kvotalariga talabalikka tavsiya etilgan abituriyentlar (1-bosqich);
➖ o‘qishi ko‘chirilgan (ko‘chirib tiklangan) talabalar.

Bunda:
➖ qabul parametri doirasida o‘qishga tavsiya etilgan abituriyentlar bazaviy to‘lov-kontrakt shaklida bir yillik o‘qitish qiymatining kamida 25 foizi miqdorida;
➖ tabaqalashtirilgan to‘lov-kontrakt (super) asosida o‘qish istagini bildirganlar, ular uchun belgilangan bir yillik o‘qitish qiymatining kamida 50 foizi miqdoridagi to‘lovlarni amalga oshirishi lozim.

Eslatma: amaldagi tartibga koʻra, ikkinchi va undan yuqori bosqich talabalar kontraktini toʻlash muddati OTM rahbari tomonidan uzaytirilishi mumkin.

Bizni kuzating

@Talim_kanali✅️- Rasmiy taʼlim yangiliklari!