Suhrob Ziyo


Гео и язык канала: Узбекистан, Узбекский
Категория: Блоги


Саҳифаларимиз:
👉🏻 @sz_fotopoeziya
👉🏻 @turkiysoz
👉🏻 @sz_turkce
Мурожаат учун: @suhrobziyodov

Связанные каналы  |  Похожие каналы

Гео и язык канала
Узбекистан, Узбекский
Категория
Блоги
Статистика
Фильтр публикаций


Репост из: “Аkademnashr” nashriyoti
Видео недоступно для предпросмотра
Смотреть в Telegram
🎙 Suhrob Ziyo, "Ulkan xayollar" (she’r)

🎬 "Izlam-2" taqdimotidan

📚 @akademnashr


Репост из: Ziyokhonov
Видео недоступно для предпросмотра
Смотреть в Telegram
Insonga doim nimadir kam…

Xulosa o‘zingizdan


Репост из: Madaniyat va ma'rifat /Rasmiy kanal/
Видео недоступно для предпросмотра
Смотреть в Telegram
🎤 "Qaqnus" – Mansur Jumayev xotirasiga bag‘ishlanadi

📚 Adabiyot osmonida porlagan yulduz…
✍️ Ijodiy meros, unutilmas satrlar va yuraklarni larzaga soluvchi xotiralar.

🕘 Bugun 21:00 da "Qaqnus"ni tomosha qiling!

#Qaqnus #Anons

Ijtimoiy tarmoqlardagi rasmiy sahifalarimiz.⬇️

🎥Instagram|🟦Facebook
☎️ Telegram  |🟥YouTube


Ukraina

Hammasini ko'rib turibman, dunyo,
Barcha qabihlikka yetadi fahmim.
Qurbon bo'lganlarga achindim, ammo
Tiriklarga ko'proq keladi rahmim.

Molotov kokteyli kabi otilgan
Nafrat qutqaradi dilni hadikdan.
Xaloskor maqomin olgan qotil va
Ozodlik niqobin kiygan qullikdan.

Erk kurashni istar, zulm - uyquni!
Ikkisin hech zamon teng qib bo'lmaydi.
Qudratli lashkarni yengish mumkin-u,
Qudratli millatni yengib bo'lmaydi.

Zolimni alqagan g'ofillar esa
Istayman uyqudan uyg'onishini.
Har urush isbotlar, bir mushkul kelsa
Vatandan eng avval kim tonishini!

Suhrob Ziyo

@suhrob_ziyo1


Репост из: Oyina.uz | Tafakkur
Истеъдод барча замонларда жасоратдир

Шундай даврлар бўладики, миллат ҳақиқатга кўпроқ муҳтожлик сезади. Ҳақиқат бўғилаётган чоғларда одамлар уни адабиётдан излай бошлайди. Шунда ижод кураш майдонига, ижодкор жангчига айланади.

Oʻz: https://oyina.uz/uz/article/3529

Ўз: https://oyina.uz/kiril/article/3530

Расмий саҳифаларимиз👇

Telegram | Facebook | X | Instagram


20 февраль — Шоир ва мутасаввуф олим устоз Мирзо Кенжабек туғилган кун!


МИРЗО КЕНЖАБЕКНИНГ “ЁШЛАРГА ДИЛ СЎЗЛАРИМ” КИТОБИ ҲАҚИДА

...Бугун ёшлар шеъриятида тасаввуфий истилоҳларни қўллаш “мода”га кирган. Гўёки, шу сўзлар бўлса, шеър ҳам, шоир ҳам бир даража юксалгандай бўлади. Aммо билиб-билмай уларни ҳар ерга қўшиб кетавериш шиорннг шошқалоқлиги ва билимсизлигини тезда кўрсатиб қўяди. Лекин бирор устоз адиб ёки олим уларни бу ишдан қайтаришга ҳаракат қилмайди.

Устоз Мирзо Кенжабек ана шу кемтикликни тўлдиришни мақсад қилади. Минг йилларча тарихга эга ўзбек адабиёти ёшлари ХХI асрга келиб бундай хатоларга йўл қўйиши уятли ҳол.

Рисолада тасаввуфий масалалар, мажоз адабиётининг ўзига хос жиҳатлари ижодкор тили билан тушунтирилади. Тўғри ўлчов олиш, энг муқаддас мавзуларда янглиш сўз айтиб қўймаслик учун муаллиф бир қанча маънавий манбаларни тавсия қилади. Тавсия этиб қолмасдан, буларни билмаслик маънавий қашшоқлик белгиси, дея қатъий таъкидлайди...

Суҳроб ЗИЁ

▶️Тўлиқ ўқиш учун

@suhrob_ziyo1


#Bir_siqim_xotira

"MEN HAM OSHIQMANMI YOKI, SUHROBJI..."

Mansur aka haqida yozganda doim o‘zi qarshimda turgandek, yozganlarimni o‘qib "Xudo yarlaqasin sizni, qarindosh" deb turgandek bo‘laveradi. Shu sabab o‘tganlaridan keyin ular haqda nimadir qoralashga qo‘lim bormadi, bormadi...

"Izlam" turkumidagi kitoblarni varaqlab shu parchaga ko‘zim tushdi:

"Yoshlardan, o‘zimning do‘stlarimdan, havas qiladigan tomonlar topa olaman. Deylik, Mansur Jumayevning adabiy bilimiga havas qilaman. Diniy, mumtoz bilimlarim kemtikligini sezib turaman va ular but bo‘lganida ayrim she’rlarni yozmasligim mumkinligini, ayrim xatolarni qilmasligim mumkinligini o‘ylayman..."

Gulrang Ubayeva, "Gulqaychi"
(Suhrob Ziyo bilan suhbat).
O‘z so‘zini Hofizning, Fuzuliyning, Navoiyning so‘zi bilan o‘lchaydigan katta qalbni tengqurlar orasida boshqa hech kimda ko‘rmadim.

Endi "o‘chirilgan akkaunt"lardan suhbatlarni izlab topib, o‘zi bilan suhbatlashgandek ovunishdan boshqa choramiz yo‘q. Endi u lutf, u mutoyiba, u hikmat, u samimiyat faqat o‘sha "o‘chirilgan akkaunt"larda qoldi...

— Kechga Xurshid ila o'tsak makoningiz taraflarga...

—Makonim bo‘lipti Xiyobon orasi,
Menman Adiblarning asli-sarasi,
Men ham oshiqmanmi yoki, Suhrobji?


@suhrob_ziyo1


Репост из: Najmiddin Ermatov
Marsiya

Mansur Jumayevga

Toshkentdan Qarshi qadar yomg‘ir yog‘ib borodur,
O‘n bir dilpora do‘sting esdan og‘ib borodur,
Kuygan ko‘kay kuydirgi ko‘zni sog‘ib borodur,
Yo‘l ham bizga qo‘shilib,  zorlanib borar,  do‘stim.

Qatordan kamni sanab,  kuzak hayron boqodur,
Yulduzini uchirgan osmon vayron boqodur,
Sen kutgan fasl* kelib,  vale giryon boqodur,
Qilmishidan qismating orlanib borar,  do‘stim.

Oldinda bir ulov bor,  ichida ikki murg‘ak,
So‘lg‘in bitta gul bordir - sen sevgan o‘shal yurak,
Kim bosh bo‘lar ularga,  kim bo‘lar endi tirgak?..
Orzular xazon yanglig‘ xorlanib borar,  do‘stim.

Buncha uzun bu yo‘llar,  buncha bag‘ri yag‘irdir,
O‘n bir yo‘ldosh boradur,  bari yag‘ir bag‘irdir,
She'rlar qoldi shoirsiz,  nahot she'r ham sag‘irdir?..
Lek shoiri Tangriga yorlanib borar,  do‘stim.

Derazadan termulsam,  otilib chiqib oting,
Xayolimda siniqqan surating turar qotib,
Tark etdi deb ingrasam, battar o‘rtabon yoding
Borgan sari dunyoda borlanib borar,  do‘stim.

*''Biz kutgan fasl'' kitobi


Репост из: КЕЧИККАН ЙЎЛОВЧИ
Мансурни соғинди одам.
Худди узоқроқ сафарда юрган ё каттароқ бирор нима ёзиш учун кўринмай кетганга ўхшайди. Эрта-индин қайтиб келадигандай...
Баъзан ким биландир ҳамма нарса ҳақида гаплашгинг келади. Мансур шундай йигит эди. Оғир, сокин, мулоҳазали, илмли...

МАНЗИЛ

Мансур Жумаевга

Йўқ, бу – дунё эмас, бу асли рўё,
Заррача дардингдан қилмайди халос.
Карвонлар адашган, йўллар зим-зиё
Кўнгилда ўлимтик илинж бор, холос.

Йўқ, бу – қуёш эмас, бу ўтли кўзёш,
Бир томчи нур тилаб энтикади жон.
Адолат сўрайсан – эримайди тош,
Томирингда қайнаб қотиб қолган қон.

Йўқ, бу – ёмғир эмас, бу аччиқ тақдир,
Бир ожиз кўнгилни ўртаган алам.
Очилмоқдан қўрқиб ўлаётган сир,
Бир томчи кўз ёшга кўмилган олам.

Йўқ, бу – севги эмас, шунчаки сезги,
Мудом тортаверар бир ёввойи ҳирс.
Юрагингда бўшлиқ, юзингда кулги,
Руҳсиз вужудингни тарк этар бир ҳис.

Йўқ, бу – ўлим эмас, бу менинг йўлим,
Сочиб юборилган минг битта имкон.
Биргина манзилга етмаган умрим,
Томоғимда титраб сўнаётган жон...

©️Дадахон

@dadaxonmuhammadiy


Репост из: Islomjon Qo‘chqorov ijodi
​​ЯХШИ ДЎСТ ЁДИ

2012 йил. Университет ҳовлиси. Кириш имтиҳонига келган бир гуруҳ абитуриентлар ичидан биринчи бўлиб Мансур билан суҳбатлашганмиз. Ижодий имтиҳонда қандай саволлар берилгани эсимда қолмаган, аммо ўша суҳбат деталлари билан аниқ-тиниқ хотирамга муҳрланган.

Бу гурунглар тўрт йиллик талабалик даврида яна узоқ давом этди. Мансур ўзининг зукколиги, билимдонлиги ва сокинлиги билан курсдошлар ичида алоҳида ажралиб турарди. Баҳсли, мунозарали дарслар кўп бўларди бизда. Аммо энг охирги тўғри ва асосли гапни доим Мансур айтарди.

Унинг ижод борасидаги дадиллиги, адабиётга меҳр-муҳаббати ва садоқати ҳам бошқаларникига сира ўхшамасди. Ўзбек адабиётида Мансур Жумаев деган ёниқ номнинг пайдо бўлиши ҳам шундан.

Лекин Ислом ака, менинг кўнглим тўқ,
Ўзбекистон учун денгиз ўзингиз...


Мансур оға билан кўришсак ё телефонда гаплашсак доим шу сатрларни такрорлар, гап орасида ҳам “денгизим” деб қўярди. Бугун мана шундай суҳбатлар, ширин дийдор хумори дилни тилкалайверади-тилкалайверади...
Илоҳим охиратингиз обод бўлсин, оға. Сизни ҳеч қачон унутмаймиз.


@islomjon_ijodi


Репост из: A’zamxo‘jayev / Аъзамхўжаев
Yangi O‘zbekiston universitetida “Akademnashr” chiqargan “Izlam” to‘plamlarining maxsus nashri kimoshdi savdosida sotildi. Kitoblarni 12 mln so‘mga sotildi. Auksionda universitet talabasi Nurali Karimov g‘olib chiqdi. Uning eng yaqin ta’qibchisi “Akademnashr” rahbari Sanjar Nazar edi — 11,5 mln so‘m taklif qilgandilar :)


Видео недоступно для предпросмотра
Смотреть в Telegram
"Izlam" to‘plami auksionidan...


Видео недоступно для предпросмотра
Смотреть в Telegram


Репост из: Alibek Anvariy
Bu kun. Ro‘baro‘. Iqtibos.
🔥😇🤲

@Alibek_Anvariy


Репост из: New Uzbekistan University | Yangi O'zbekiston Universiteti | Янги Ўзбекистон Университети
Видео недоступно для предпросмотра
Смотреть в Telegram
“Yangi O‘zbekiston” universiteti barcha adabiyot ixlosmandlarini she'riyat tadbiriga taklif qiladi

✅ Universitetimizda 15-fevral kuni "Fonus" she'riyat tadbiri bo'lib o'tadi. Ushbu tadbirda zamonaviy adabiyot namunalarini iqtidorli ijodkorlarning xususan, izlam toʻplami mualliflarining o'zidan jonli tarzda eshitishga muvaffaq bo’lasiz.

📖 Shoirlar, musiqiy chiqishlar va eksklyuziv auksiondan iborat tadbirimiz adabiyot va she’riyatga qiziquvchilar uchun unutilmas bo'lishiga ishonamiz.

👉Ro'yxatdan o'tish: https://forms.gle/SqacVHvov8Sr4xyq5
🗓 Tadbir vaqti: 15-fevral, 10:30 da.
📍 Manzil: "Yangi O'zbekiston" universiteti (Movarounnahr ko'chasi 1)

Men o’zimni sendan izladim

🔁 English
➖➖➖➖➖➖➖➖➖➖➖➖➖
#izlam #adabiyot #shoirlar

⬇️ Biz ijtimoiy tarmoqlarda:
Veb-sayt | Telegram | Instagram | Facebook


Репост из: Xurshid Abdurashid
Alisher Navoiy o‘zbek adabiyotining poytaxtidir.


Ibrohim Haqqul


👉 @xurshidabdurashid


Репост из: Alibek Anvariy
​​​​​​#Ustoz
#Bahodir_Karim
#59_yoshda


EL BO‘LGAN OLIM


Baʼzan birgina so‘z ham inson hayotida yangi sahifalar ochish uchun kifoya qilarkan. Bu holat kaminada kechgan.

Men, Bahodir Ustozimni tomosha qilib shunga amin bo‘lgandim: inson, shubhasiz, mukarram; haqiqiy olimlar, haqiqatan ham jamiyatga suv va havodek zarur; toza dillar chini bilan ko‘plab muhim posangilarni bosib turadi...

Ustozning hayotda birinchi marta ko‘rib turgan odamlar bilan ham bir necha daqiqada qadrdon bo‘lib ketadigan keng feʼliga, har qadam, nafas va qarashda nekbin ruh bilan borliqqa yuzlanishiga havasim kelgan. Ichimda aytganmanki: "Ha... Ustoz allaqachon el bo‘lgan ekanlar!"

Shunday aziz zotlarga duch qilgan yozdig‘imdan minnatdorman.

Yashasin, Ustozlarim!


@Alibek_Anvariy


Репост из: ERKIN BOZOROV | RASMIY
Видео недоступно для предпросмотра
Смотреть в Telegram
…QADAM TASHLAB MAYIN-MAYIN,
UMR O’TIB KETAR KEYIN.
YASHADINGIZ O’SHA-O’SHA,
SIZNI KO’MAR O’SHANDAYIN!

BEK ALI she’ri

_____________
Ijtimoiy tarmoqdagi sahifalarimiz:
@erkinbozorovv

Facebook / Instagram / Youtube




Репост из: O‘zbekiston Yozuvchilar uyushmasi
MUBORAK BO‘LSIN!

   O‘zbekiston Respublikasi Ichki ishlar vazirining tegishli buyrug‘iga asosan shoira, O‘zbekiston Yozuvchilar uyushmasi aʼzosi, uyushma yetakchi mutaxassisi Shohsanam Nishonova "Maʼnaviy-maʼrifiy ishlar aʼlochisi" ko‘krak nishoni bilan mukofotlandi. Mukofoni O‘zbekiston Yozuvchilar uyushmasi raisi o‘rinbosari, taniqli shoira Farida Afro‘z topshirdi.

O‘zbekiston Yozuvchilar uyushmasi Axborot xizmati

Показано 20 последних публикаций.