MA'RIFAT.UZ

#Ibrat

✅ Farzandingiz maktabga ketayotganida uning qo‘liga ikki shirinlik berib: ”Bittasi o‘zingga, bittasi yaxshi ko‘rgan o‘rtog‘ingga”, deb ayting. Shunda bola yaxshi ko‘rish va ehson ulashishni o‘rganadi.

✅ Farzandingiz sumkasiga ortiqcha ruchka solib: “Agar biror sinfdoshing ruchka olib kelishni esidan chiqargan bo‘lsa, yordam tariqasida ruchkani o‘sha bolaga ber”, deb ayting. Farzandingiz bu narsadan mas’uliyatni his qilishni o‘rganadi.

✅ Agar farzandingiz uyga qaytib kelsa, sen kelishing bilan uyimizda shodlik hukm surmoqda, deb aytsangiz, farzand o‘z qadri va qiymatini his qiladi.

✅ Agar farzandingiz uyga qaytib kelsa, bugun qanday oliyjanob ishni amalga oshirding, deb so‘rang, farzand bu bilan yomonlik va yaxshilikni orasini ajratishni ta’lim oladi. Keyingi safar so‘ramasangiz ham, o‘zi javob beraveradi.

✅ Tarbiya o‘ta sodda narsa, uning uchun zaharli til bo‘lishi shart emas.

🔰Bizni ijtimoiy tarmoqlarda kuzating:
Telegram
https://t.me/shirinmanaviyat

«ҲУЛОСА ҚИЛИНГ...»

Икки йигит суҳбатлашди.
— Қаерда ишлайсан?
— Фалон жойда.
— Ойлигинг қанча?
— 1 млн 700 минг.
— Атиги 1 млн 700 мингми? Оз-ку? Шунча пулни қандай етказасан?
Бу гапни эшитиб у ишини ёмон кўрди. Маошини кўтаришларини сўраб, шикоят қилди. Бошлиғи бош тортди. Ишдан бўшатди. Иши, оз бўлса ҳам пули бор эди. Энди тамоман ишсиз қолди.

Бир аёл бошқасидан сўради.
— Яқинда фарзандли бўлдингиз. Туққанингизда эрингиз нима совға қилди?
— Ҳеч нима.
— Шу тўғрими, ўзингиз айтинг? Сиз не азоблар билан унга фарзанд туғиб берсангиз-у, у совға бермаса? Нима, сизни қадрингиз йўқми?
Бу гаплар унинг юрагига ўқдай қадалди. Эри ишдан қайтганида ғазаб билан кутиб олди. Уришишди. Жанжаллашишди. Ахири совға ўрнига ажралишга эришди.

Ота хотиржам яшарди. Ундан сўрашди:
— Нима ўғлингиз сизни кўришга тез-тез келиб турмайди?
— Иши қийин. Бўш вақти кам.
— Сиз учун ҳам вақти йўқлигига ишонасизми?
Ота фарзандидан олдин рози эди. Энди ундан гина қилишни бошлади. Қалбидаги мусаффолик кетди. Ишончи лойқаланди.

Бунақа саволлар ҳаммамизга берилади. Ҳар куни. Ҳар доим. Ҳам эшитамиз. Ҳам айтамиз. Биз уни эшитаётган одамга қандай таъсир қилиши хаёлимизга ҳам келмайди. Оддий бир сўз билан инсоннинг ҳаётини, борини барбод қиламиз...

Исёнга, ношукрликка сабаб бўлманг! Бу инсонга ёмонлик қилиш билан тенг...

Тафаккур қилинг!

https://t.me/shirinmanaviyat

​​Олтин қоидалар!

1. Болаларингизни бой бўлиш истагида эмас, бахтли бўлиш истагида тарбияланг. Катта бўлганларида нарсаларнинг нархини эмас, қадрини биладиган бўладилар.

2. Таомни худди доридек истеъмол қилинг. Бўлмаса дорини овқатдек ейдиган бўласиз.

3. Сизни яхши кўрганлар 100% сабаб бўлса ҳам сизни тарк этмай, сизнинг ёнингизда қолиш учун битта бўлса ҳам сабаб топадилар. Ёмон кўрганларга эса юзта сабаб ҳам кифоя қилмайди.

4. Одам бўлиш билан одамийлик орасида жуда катта фарқ бор.

5. Агар сиз тез юрмоқчи бўлсангиз, ёлғиз кетинг!
Лекин агар узоққа бормоқчи бўлсангиз, бирга кетинг!
https://t.me/shirinmanaviyat

ОИЛА ПАСПОРТИ

Ота:
Сенинг аслинг, ризоси хотиржамлик, атоси сукунат, хизмати саодат ва роҳат, оқ қилиши бахтсизлик ва фалокат, жаннат эшикларидан бири бўлган зотдир.

Она:
Сенга берилган энг улуғ раббоний ҳадя, хизмати барака, дуоси катта бойлик, ризоси олий бахт, оёғи остида жаннат бўлган, фарзанд бошидаги тожи, жаннат эшикларидан бири бўлган зотдир.

Ака-ука:
Сени ҳимоя қилувчи соя, душманларга қалқон, энг яқин дўстинг, ёшликдан ҳамроҳинг, катта бўлганингда ёрдамчи бўлган меҳрибонингдир.

Опа-сингил:
Яхшиликда акангни ўхшаши, насиҳати шифо, силаи раҳм риштасини боғласанг, сени жуда кўп савобга эга қилувди, фахринг, турмушга чиққунча қўлингдаги омонат ҳисобланувчи энг яқин инсонингдир.

Ўғил:
Сенинг аксинг ва сиринг. Ёшликда кўз қувончинг, йигитликда фахринг, қариганингда суянчиғинг ва қалқонинг, оламдан ўтганингда ортингдан қолувчи садақаи жория ҳисобланувчи дилбандингдир.

Қиз:
Тарбиясини чиройли қилсанг, дўзахдан парда бўлувчи, фарзандларинг орасида сенга энг меҳрибон, ёшлигидан хизматингни қилувчи ҳузурингдаги омонатдир.

Жуфти ҳалол:
Динингнинг ярми, оиланг қўриқчиси, сирдошинг, болаларинг тарбиячиси, умринг охиригача ҳамхонанг, таомингни тайёрловчи ошпазинг, суянчиғинг, меҳрибон жуфту-ҳалолалингдир.

Тафаккур қилинг!
https://t.me/shirinmanaviyat

#Ibrat

Qattiq sovuq tushganda podshoh qasriga qaytdi. Ko‘zlari yupun kiyimdagi qari soqchiga tushdi.

Podshoh unga yaqinlashib:
– Sovuq qotmayapsanmi? – dedi.

Soqchi:
– Sovuq qotyapman, lekin, nailoj, issiq kiyimlarim shu, chidashdan o‘zga choram yo‘q, – dedi.

Podshoh:
– Hozir qasrga kiraman. Xizmatkorlarimdan biriga tayinlayman. Senga issiq kiyim olib kelishadi, – dedi...

Soqchi podshohning va’dasidan xursand bo‘ldi.
Ammo, podshoh qasrga kirishi bilan va’dasini unutdi.
Ertasi kuni tongda soqchini jonsiz holda topdilar.

Uning yonida qog‘oz, titroq qo‘llar bilan yozilgani ko‘rinib turgan xat bor edi...

Unda:
“Ey shoh, har kecha qattiq sovuqlarga bardosh berardim. Lekin sening issiq kiyimlarni va’da berishing, quvvatimni sug‘urib oldi, meni o‘ldirdi”, deb yozilgandi...

🔰Bizni ijtimoiy tarmoqlarda kuzating:
Telegram
https://t.me/shirinmanaviyat