⚠️
Рамазон ойида вақтни беҳуда ўтказмаслик учун қилинадиган ишлар!
⚠️Азиз мусулмон ака-ука, муслима опа-сингилларим! Бу улуғ ойда вақтларингизни фақатгина Қиёмат куни сизга ютуқ ва бахт келтирадиган ишларга сарфланг.
✅Рамазон ойини ҳайрли ўтказиш учун қуйидагиларга риоя қилинг:
1️⃣Уйдан фақат зарурат ёки ибодат учун чиқинг.
2️⃣Бозорларда айланиб юрманг. Хусусан Рамазоннинг охирги
ўн кунлигини ғанимат билинг. Ҳайит учун кийим-кечакларни охирги ўн кунликкача ёки Рамазонгача ҳарид қилиш ҳам мумкин.
3️⃣Беҳуда меҳмондорчиликларни йиғиштиринг. Агар касални
кўриш каби сабабли зиёрат бўлса, узоқ ўтириб қолманг.
4️⃣Ёмон давралардан четланинг. У ерлар ғийбат, чақимчилик, ёлғон, бошқаларнинг устидан кулиб, таъна етказиш мажлисларидир.
5️⃣Футбол ўйинлари, кино ва сериаллар кўришга вақтингизни кетказманг. Акс ҳолда сиз Рамазондан фойдалана олмайсиз.
6️⃣Бомдодгача бедор бўлишдан четланинг. Чунки бу намозларни зое қилишга ва кун бўйи ухлашга олиб боради.
7️⃣Кунни ухлаб ўтказманг. Баъзи инсонлар бомдоддан кейин уйқуга кетиб, пешиндан кейин уйғонадилар.
8️⃣Бутун вақтингиз турли егуликлар тайёрлаш билан
ўтмасин.
9️⃣Вақтингизни ясан-тусан қилиб, бўяниш билан ойна олдида
ўтказманг.
1️⃣0️⃣Ифтор вақтигача вақтингизни ижтимоий тармоқларда беҳуда нарсалар кўриб ўтказманг! Бу иймони заифларнинг очлик ва чанқоқни енгиш учун тутган йўлларидир. Агар улар Аллоҳнинг китобини тиловат қилиб, дарс қилганларида, ўзлари учун яхшироқ бўларди.
1️⃣1️⃣Талашиб-тортишишдан йироқ бўлинг. Чунки бу фақат
вақтни беҳуда кетказиш ва ҳаром ишларни қилишга олиб боради.
Агар сиз билан кимдир тортишмоқчи бўлса, «Мен рўзадорман»-
деб айтинг.
🚀 @Globaltahliluz - Каналимизга аъзо бўлинг
🚀
Telegram 📷Instagram 🎬You tube 🐤 Twitter
