2021-yildan qanday ijobiy o‘zgarishlar kutyapsiz?
Hech qanday!
Mamlakat botqoqqa botishda davom etadi. Davlat qarzi YaIMning 60%ni tashkil qilarkan. Hozirning o‘zida 28 mlrd. Menimcha kelasi yil shu paytga 35 mlrd dollarga yaqinlashib qoladi. Demak, tashqi qarzimizni yopish uchun 34 mlrd dollarlik oltin-valyuta zaxiralarimiz ham yetmay qolarkan.
Hali boshlanmagan qish faslidan bilishimiz mumkin-ki, gaz va svetga hali ham renessans yetib bormagan. Hozirgi maktab va bog‘chalardagi navbatdagi yo‘qotilayotgan navbatdagi avlod o‘ta sifatsiz ko‘mir tutuniga buruqsab "Buyuk kelajak"ni kutib yashaydi. Albatta bu sharoitda katta bo‘lgan odam keyin ko‘p so‘kish eshitadi:
"Saviyang yo‘q, biliming yo‘q, ilming yo‘q..."
Taksichilar o‘z-o‘zini band qiluvchilar sifatida qayd etilmaydi. Demak, ularni GAI va "daryotrans" tomonidan shilish davom etadi.
Narx-navo keskin qimmatlashishda davom etadi.
Monopolistlar quturishda davom etadi (UzAvtoMotorsga qarshi so‘nggi sud ishi shundan dalolat).
Yo‘llar ochilib qolsa aholining O‘zbekistonni tark etishi keskin ko‘payadi.
O‘zbekistonda tabaqalashish yanada chuqurlashadi. Boylar boyishda, kambag‘allar qashshoqlashishda davom etadi.
Rossiya va Xitoy ta‘siriga tushishimiz yanada tezlashadi.
Prezident saylovida yana muhtaram yurtboshimiz g‘alab qozonadi. (Kamida 80% ovoz bilan). Va navbatdagi ertaklar boshlanadi.
Selektorlarda amaldorlarni keskin va ayovsiz tanqid davom etadi.
Xalq qashshoqlashishi natijasida jinoyatchilik va radikallashish keskin kuchayadi.
YaIM miqdori esa pasayishda davom etadi. So‘m hisobida emas, so‘mning qadrsizlanishi, inflyatsiya natijasida dollar hisobida YaIM qulab boraveradi.
Bu prognozni nafaqat kelasi yilga, balki Mirziyoyev prezidentligining oxirigacha berish mumkin. Farqi shundaki, davlat qarzi yana 3 yilda YaIMning 100%dan oshib ketishi tayin. Va asosiy bizga qarz beradigan davlat bu Xitoy. Bilamizki, Xitoy aslo kechirimli emas va bizni arosatga solib qo‘yadi.
Xullas, davlatni (xalqni) maksimal talashyapti, o‘marishyapti, va chet elga tashishyapti.
Siz 2021-yilddan nimalar kutyapsiz?
t.me/shaxsiybloglarim