Shaxsiylik | bintu Malik 🍀


Гео и язык канала: Узбекистан, Узбекский
Категория: Telegram


Haq bir oy kabidir
Harchand etak-la yopishga urinma, baribir imkonsizdir.
Etagingni ista katta qil, ista og'ir, zarari bo'yninggadir.
Oy o'sha oyligicha qolaveradi, Haq ham!
Manbasiz olinganlarga rozimasman !
Instagram.com/shaxsiylik

Связанные каналы

Гео и язык канала
Узбекистан, Узбекский
Категория
Telegram
Статистика
Фильтр публикаций


#shaxsiy_fikr

Ilm olish mashaqqatli ish. Lekin ilmsiz yashash undan ham qiyin. Oldimdagi kishilarni ko'rib buni yana ham yaxshi his qilyapman.

Yo'lga chiqsak "Namozni qasr o'qiymizmi? Nimaga asrni qasr o'qidik, shomni qasr o'qimaymiz?" kabi savollar.
Umra niyat qilsak, "biz endi tahorat olishimiz mumkinmi, kiyim yechsak ehromimiz buzilmaydimi, safo va marvada say qilmasakchi, oyoqlarim og'ridi, sochni eriga kestirish kerak ekan, erlarimiz qachon kelishadi" ... kabi asossiz gaplar..
Ehromdaligimizda kimdir hushbo'y suradi, kimdir boshini yopadi (erkak), kimdir tirnog'ini oladi va hokazo. Bularning jazosi bor axir, desangiz, ha bilmapmanda deb qo'yadi.


Yo'q bunaqa emas. Qachongacha bilmasligimiz ortiga yashirinib yashaymiz hayronman. Yoshi katta, mustaqil o'tirib turolmaydigan, yurishga qiynaladigan onaxon, otaxonlarni tushunaman. Lekin yoshroq erkak-ayollarchi?

Biz shunchaki hayotimizning qadrini, nega hayot ekanligimizni fahmlamaganmiz. Biz robbimizni tanimaymiz.

Shu joyida aytib ketay, say qilyapmiz, yonimidagi odamlar suhbatlashib, qiqiqr-qiqir kulishib ketishyapti. Hayron qolasiz, axir bu onlar g'animatku !
Bu muqaddas, duolar mustajob bo'ladigan joylarda vaqtdan unumli foydalanish o'rniga, saharlik iftorliklarga 2 soat oldindan oshxonaga borib ovqat olish bilan band odamlar. Avtobusga joy talashib, hatto ayollar bir-birining ro'molidan tortib oldinga o'tishga harakat qilishadi. Joy ustiga talashib, bir birining dilini xufton qiladi. O'zim ko'rdim, bir yoshi katta ayol yig'ladi oxiri, yig'lab yig'lab duo qildi. Nima deb duo qildi, balki Alloh kifoya qilsin degandir ?
Bu masjidun nabaviy, ovozingizni ko'tarmang, deb tayinladi ellikboshi. Ayollar ravzada bir birining ustidan bosib ketay deydi, bir biri bilan baqirib talashadi.


Ahvolimizga achindim. Bu yerda faqat o'zbek millati haqida gapirmadim. Musulmonlarning ahvolini nazarda tutdim..
Alloh ofiyat bersin, qiyomatga qadar bizni musulmonlardan, Robbimizning roziligini istab amal qiladiganlardan, Rosulullohﷺ "bu mening ummatim" deya faxrlanadigan hmmatlardan qilsin.


🌙


#kayfiyat

(Soat 11 da yo'lga chiqqanmiz, soat bizda 17.00 bo'lyapti)

-Mana, hoji akalar, hoji onalar, Makkaga kelishimizga ham yarim soatcha qoldi, endi labbaykani takrorlaymiz
- labbaykallohumma labbayk..

- ey, hoji akalar, ovozilar qani? Xuddi ro'zadorlarga o'xshaysizlare

- 😅😂

- labbaykallohumma labbayk ..

- jonliroq, ey hoji akalar, xuddi bir 5-6 soat yo'l bosganlardek charchab aytyapsizlar

- 😅😂

(Biz ro'zador, 5-6 soat yo'l bosganlardan emasmimiz?😅)


#

Yo Rosululloh ﷺ, telefonda butun kunini o'tkizib, lekin haqqingizga salovot aytishga bir soat ajratmaydigan ummatingizni kechiring

Yo Rosululloh ﷺ, sevimli aktyorining har bir kinosini qoldirmay ko'rib, hayotini kuzatadigan, ammo lekin siz haqingizda bir kitob o'qishga yokida qiziqib ko'rishga urinmaydigan ummatingizni kechiring

Yo Rosululloh ﷺ, telefon kompyuteriniyu, bu zamonning barcha yangiliklarini o'rganishga pulini, vaqtini sarflaydigam, ammo jannatga etadigan amallarni, hattoki qaysi amal ekanligini bilishga intilmaydigan, bilsa ham amal qilmaydigan ummatingizni kechiring

Yo Rosululloh ﷺ, davlatma davlat sayohat qilib, leking sizning qabringizni ziyorat qilmaydigan, bu fikrni hech ham o'ylab ko'rmaydigan ummatingizni kechiring

Yo Rosululloh ﷺ, siz dinni yetkizish uchun shu qadar mashaqqat chekdingiz, qalban, jismonan sizga ozor berishdi. Lekin doim "ummatim, ummatim" derdingiz. Kechiring yo Rosululloh ﷺ, biz kunda ming marta telefonga qaraymizu, bir marta "Allohumma solli ala sayyidina Muhammad" demaymiz

Siz ko'rmay sog'ingan ummatingizning ahvoli bu kunda juda achinarli, kechiring yo Rosululloh ﷺ, kechiring bizni yo Rosululloh ﷺ...


#kundaligimdan

Yoningda Qur'onxon, sendek fikrlovchi kishi bo'lsa, zo'r ekan. Kelinoyim bilan yurib mazza qilyapman. Bozorga, aylanishga, shunchaki yurishga unamaydilar. Keldingizmi, ibodatingizni qiling, bu soatlar g'animat axir, deb takrorlayveradilar hammaga. Bir xatmni tugatib, ikkinchisini yarimlabmiz, dam olganda so'rayaptilar:
"Necha kunimiz qoldi? Shu xatmni ham tugatib, yana bitta xatmni hech bo'lmasa yarimlasak, ulguramizmi bintu Malik?" deb.
Bo'sh vaqt qoldimi "yuring masjid ketamiz, qur'on o'qiymiz, tavof qilamiz" deydilar. Ular charchasalar man, man charchasam ular "bu charchoqni ham hali sog'inasiz, to'yib to'yib charchang bu yerlarda" deymiz.

Uxlab qolsam, "yuring, namozni masjidda o'qiymizda, keyin qur'on o'qiymiz" deydilar. Aytishlaricha, agar qur'on haqida gapirsalar bittada uyg'onib ketarkanim 😅

Bitta shunaqa opam yo singlim bo'lsa, mazza qilib yurarkanimizda dedim )
Alloh rozi bo'lsin ulardan, shunaqa sherik bilan birga qilgani ham bir baxt )


Ravzadan o'z hayollarimga tolib chiqib kelaversam, ellikboshi chaqirayotgan ekan bizni, eshitmapman
"Ha, qoriya qiz, nima bo'ldi?" dedilar. Nima sabab bilmadim, yig'lab yubordim.
Buni ko'rib atrofdahilar badtar savol berishni boshlashdi.

"Ravzaga kirdingiz, 2 rakat namoz o'qidingiz, nega xafasiz?" deyishadi. Xafamasman, bu baxt..
Lekin o'sha yerda qolib ketgim kelgandi ..
Bu dard ..


#darsdan

Ellikboshi aytyapti:

Otasi imom bo'lishi mumkin bolaning, lekin bolasi qori bo'lmasligi mumkin. Qanchadan qancha imomlar, ustozlarning bolalari hammasi ham qori bo'lavermaydi. Gap otada emas
Gap onada !
Otasi namozga uyg'otganida "bolamiz hali yoshku, qo'ying" deb bolasini ayaydigan emas, "bolani uyg'oting namozga, hozir qiynalsa qiynalsin, do'zah olovida yonmasin" deydigan bo'lishi kerak ona.
"Ko'p ko'p pul topib keling, uyda uyo'q, bu yo'q, bolaga bu kerak, menga u kerak " deydigan emas, "kam bo'lsa ham halol pul topib keling, bolalarga taomiga xarom aralashmasin" deydigan bo'lishi kerak ona. "Jannatning bir kaliti bo'lsa, u kalitning bir tishi halol luqma" desin.
"Uy qilaylik, joy qilaylik, kiyim, tilla olib bering" deydigan emas, "Alloh beryapti, Alhamdulillah. Qo'lingizdan kelgancha ehson qiling" deydigan bo'lishi kerak ona

Gap onada. Ota bosh, ona bo'yin deyishganmi, deyishgan. Ota yo'lning eng to'g'risiga, eng haq yo'lga boshlashi, ona esa uni qo'llab quvvatlashi kerak. Bu uchun ona ilmli, farosatli, itoatkor bo'lishi kerak.
Bu uchun yoshligidan o'qishi, o'rganishi kerak.




حسبنا الله ونعم الوكيل
نعم المولى ونعم النصير

Hasbunallohu va ni'mal vakil
Ni'mal maa va ni'man nasiyr

* Hayrli tun


-Hamma uyg'oqmi?
- ha, ha
- ko'zi uyg'oq bo'lmasa ham, qalbi uyg'oqmi?
- ha ha
- Rosululloh ﷺ ga borishimizga 25 km qoldi
- ...


O'lmayin yetsam, Madinaga borib anda qolay,
To hayotim boricha yig'lab yurib xizmat qilay,
Har kuni marhadlarini girdini ming o'rgulay,
Gar qazo yetsa xazini ostoningda o'lay,
Jannatul baqya umididin nasib etsa egam..
.


Baxtli bolalik deb shuni aytishsa kerak 💕


ㅤㅤㅤ
Rum podshohi Xiraql Abu Sufyonga Payg'ambarimiz▪️ haqida bir nechta savollarni berdi. Abu Sufyon yolg'onchi deyilishlikdan qo'rqib, faqat rostini aytdi. Savol-javob tugab, Xiraql tarjimoni orqali o'z fikrini bildirdi.
Bu hadis Abdulloh ibn Abbos▪️ dan rivoyat qilingan.

Bir parchasiga diqqatingizni qaratsam:
Birortasi uning diniga kirgandan keyin norozi bo'lib chiqyaptimi deb so'radim. "Yo'q" deding. Iymon qalbga yo'g'rilganda shunday bo'ladi.


Iymon qalbga yo'g'rilganda shunday bo'ladi ..
Qanday ajoyib gap, to'g'rimi? Biz dinimizning ayrim hukmlaridan norozi bo'lganimizga eng to'g'ri tavsif shu emasmi?

Bu suhbat oxirida Xiraql Abu Sufyonga shunday dedi:
Agar sen aytganlar gaplar haq bo'lsa, albatta u nabiydir. Men uning chiqishini bilardim. Uning sizlardan ekanligini o'ylamagan edim. Agar unga yetisha olganimda, u bilan uchrashishga urinar edim. Agar uning huzurida bo'lganimda, oyoqlarini yuvar edim. Uning saltanati oyoqlarim ostiga ham yetib keladi


Zuxriy aytadi :
So'ngra Xiraql Rumning ulug'larini chaqirib, bir uyga to'pladi va dedi:
Ey Rum ulug'lari! Siz najotni, abadul abad rushdu hidoyatni va mulkingiz sobit bo'lishini istaysizmi? Unda shu nabiyga bay'at qilasiz


Abadul abad rushdu hidoyatni istaysizmi? Unda Nabiy▪️ ga ergashing ..
Hayotlarini o'qing, o'rganing, unnatlarini mahkam tuting, salovotlar ayting.

📌 Juma kirar payt bo'lyapti, salovotlarni ko'paytiring:
Allohumma solli 'ala sayyidina Muhammad


© Shaxsiylik


A'rof surasi 125-129 oyatlar


#hadis

Ibn Mas'ud roziyallohu anhu aytadilar: «Alloh yo‘lida qatl etilish barcha gunohlarga kafforat bo‘ladi. Biroq omonat bundan mustasno. Qiyomat kuni bir bandani olib kelishadi. Garchi Alloh yo‘lida qatl etilgan bo‘lsa ham, unga: «Omonatingni ado et», deyiladi.
U: «Ey Rabbim, dunyo o‘tib ketgan bo‘lsa, men qanday qilib omonatni ado qilaman», deydi.
Uni «Hoviya»ga olib borishadi. Unga omonati ko‘rinadi. U o‘ziga berilgan kundagi shaklda bo‘ladi. Uni ko‘riboq taniydi.
Uning izidan «Hoviya»ga tushib, unga yetib boradi-da, yelkasiga ortib, olib chiqa boshlaydi.
Endi chiqaman, deganida omonat yelkasidan tushib ketadi.
U abadul-abad omonatning izidan pastga tushib ketaveradi».
So‘ng: «Namoz omonatdir, tahorat omonatdir, tarozi omonatdir, o‘lchov omonatdir», deb bir qancha narsalarni sanadilar-da: «Bularning eng qattig‘i va'dadir», dedilar
(Ahmad, Bayhaqiy rivoyati).

Ma'lumot: Hoviya jahannam darvozasidan biri bo'lib, eng chuqurlikda joylashgan va undan munofiqlar, Firʼavnga oʻxshagan ashaddiy kofirlar kiradi


#kundaligimdan

Xotira daftarimga oltin bilan bitiladigan onlar 🇸🇦


Payg'ambarimiz ﷺ uylari ekan )


#shaxsiy_fikr

Ajablanganim shu bo'ldiki, kishilarning aksari bu ziyorat mohiyatini bilishmaydi.
Buni avvallari umraga borib kelganlardan ko'p ko'rib, bilgandim. Lekin bu yerda o'z ko'zim bilan ko'rgach...

Erkak, ayol, yosh, qari..
Bitta dona kitobchani boshidan oxirigacha o'qish qiyinmi axir, deysiz. Axir, hozir hamma yerda umra ibodatlari uchun alohida kichik qo'llanma tayyorlangan. Hay mayli, kitob o'qilmas. You tubeda umraga boruvchilar uchun ko'rsatmalar bor. Hatto, u videolarni ko'rib, bir umra qilgandek bo'lasiz ham. Nega buncha befarqmiz?


Ehrom nima, qanday niyat qilinadi, qayerga boryapmiz, u nima.. Mayli, bizdan hech kim har bir makonning tarixini bil, deb talab qilmaydi, lekin borayotgan manzilimizda qiladigan amalimiz mohiyatini, tartibini o'rganishimiz kerakku.

Bizning odamlarga, ayniqsa, hayron qoldim !
Erkaklar ayollarni shunday turtib o'tib ketishadi. Begona erkakni begona desang, ayrimlar hatto, o'z mahramiga ishi yo'q !
Ayrimlari avtobusda birinchilardan bo'lib o'tirib olishadida, hatto yoshi katta ayollarga joy berishmaydi. O'zi erkak ayollarni bir avtobusga mindirish yaxshi fikr emas edikuya, lekin shunday bo'libdi, hay mayli, erkaklarni oldindan, ayollarni orqadan o'tqizishsin ?! Agar odamlar bilmasa, ularga bildirishsin !


Kelishganlarning aksariga ota-onasi umraga yo'llanma hadya qilgan, ma shaa Alloh deysiz. Lekin, ularning ko'pchiligisi umrani sayohatdek qabul qilishganiga achinasiz. Biz yeb-ichgani, uxlab dam olgani kelmadik, ayniqsa, hozir ramazon, degilarim keladi har safar kimdir turlarning sifati, osh-ovqati, yo'lda charchab, ertaga hech qayerga chiqishni istamasligidan gap ochsa.

Haramga borguncha va haramdan kelgach yuragim bir og'ir bo'lib qoladi. Bir haramda bu tosh yengil bo'ladi, dunyo unutiladi, qaytib tashqariga chiqqisi kelmaydi odamni...


Eh mayli, nima bo'lsa ham, yetkizganiga shukur 🌙


Видео недоступно для предпросмотра
Смотреть в Telegram
Bu shunchaki tush emas ekan ..🌙


Hali hanuz aqlim hozir sodir bo'layotgan ishlarni qabul qilolmayapti..
Qarab turibman - tushmi bu o'ngmi?

Показано 20 последних публикаций.