Көлсиз бе яки дәрья?
Көл – жүдә тыныш, бирдейлик ҳүким сүреди. Көлге ылақтырылған тастың суўға түскени, көлдиң ҳалатын өзгертпейди, көл суўы оны қабыл еткенин көресиз.
Көл, Сизиңше қанша тасты қабыл етеди сол ҳалатында?
Дәрья – бир қарасаңыз тыныш ҳалда, және бир қарасаңыз толқып тасқан. Дәрьяға ылақтырылған тасты шаўқым менен қабыл етилип, толқынлар алдыңызға әкелип таслаўдың ҳәрекетин етеди, ҳеш болмаса толқынлары арқалы жуўап береди, өзиниң бар екенлигин сол арқалы билдиреди.
Дәрья өз жолына, өз тәсирине ийе. Дәрьяға суў қуйылады яки ол қайсы бир суўға тутасады, қулласы өзин тазалаўдың жолын табады.
Айрым инсанлар бар, ҳәр нәрсеге көниўши. Дурыс көнген жақсы, бирақ өзлигинен кешип көнген дурыс па?!, биреўлер ушын өзин умытыў қаншели дурыс, қанша тасты жута алар екен демекшимен, бир күни бул көл өзин тазалап турмағанына өкинбесбекен?!
Айрым инсанлар бар дәрья сыяқлы, толқып тасып жасайды, қолында көп зат болмаўы мүмкин бирақ бериўден тоқтамайды, кимгедур тынышлық, кимгедур дәртлерин босатыў имканын береди, қараған көзлерди қуўантады, толса тасады, өзин тазалап турыўды умытпайды, өзлигин умытпайды
@shanaraq_orayi🌊