Rovi Talk


Гео и язык канала: Узбекистан, Узбекский
Категория: Психология


✳️ Katta ilm olamiga kichik bir qadam...

Ertakterapiya
Meditatsiyalar
Audiokitoblar
Donishmandlar hikmatlari
Ibratli hikoyalar
https://www.instagram.com/muslimholdarov/
Sotib olish bo’yicha
📬 @Rovi_admin

Связанные каналы

Гео и язык канала
Узбекистан, Узбекский
Категория
Психология
Статистика
Фильтр публикаций


Bir do’kon oldida o’tiribman. Do’kon egasi qadrdonim, do’stim bo’lganligi sabab meni do’konidan tashqariga chiqarib kutib turishimni so’radi.

Sababi ichkarida haridorlar bor, ularga tezroq hizmat ko’rsatib chiqishini aytdi.

“Hop” dedim va do’kon oldidagi eski stulchaga o’tirdim.

Nima qilay kasalim bor, kuzatish kasalligi. Ko’rganlarimdan biror hulosa olish dardi qiynaydi.

Dard tutishni boshladi.

Do’kon ichidagi haridor 25-30 yoshlar chamasi yigit. Ko’rinishidan aqilli, tabassumli inson, lekin…

Manashu “Lekin…” lar yuragimni siqadida.

Lekin tashqarida men o’tirgan stul oldida yana bir ayol ba’zan-ba’zan unga qarab gapirib turibdi. Avvaliga unda e’tibor bermapman.

Jimlik ichra sakinatni sassiz so’zlarini tinglab o’tirishdek rohat sekin asta buzila boshladi.

- Qorasini ol, bo’lmadi, to’g’ri kelmadi, buni kiyolmaysan, nima qilasan uni qo’y joyiga, kirchimolidan ol shu zarurroq…

15 daqiqa atrofida davom etgan bu holatdan ichimni it tirnadi.

Onaizor. odatda ota-onalar o’z farzandiga yaxshilik tilaydi.

Ammo biz, ha aynan siz bilan biz o’z farzandlarimizga yaxshilik qilaman deb ularni qo’l oyoqsiz, infantil (detskiy panyatka), imbitsil (farosatsiz, aqlsiz va qo’y odam) qilib qo’ymayapmizmi?

Biz bolalarga “eco” dunyo qilib bera olmaymiz. Qaytanga farzandlarimizni har hil kunlar uchun mustaqil fikrlaydigan va qaror qabul qila oladigan qilib tarbiyalashimiz muhimroq emasmi?

Shaxsan o’zim uchun 1-2 mln pulimni harajat qilib o’g’lim hatosini tushini men uchun unga nima olish olmasligini o’tgatganimdan ancha yaxshiroq.

Pul ishlatib uni nima ekanligini his etishga o’rgatishim, har kuni nima olding, nima qo’yding deyishimdan yaxshiroq.

Pulni o’ziniki deb hisoblashni o’rganib, savdo qilayotgan joyida dadil turishi, o’g’lim uchun hamma qarorlarni men qabul qilib, pul ushlaganda qo’li qaltirab turishidan ancha yaxshroq.

Biz erkaklarni ayollar hulqida tarbiyalab katta qilib, undan oila boshi bo’lishni talab qiladigan odamlarmiz.

U maksimum kimlargadir bo’y sunishni o’rgandi halos.

Undan keyin kelin bilan ham boshlanadi, ko’chada ham qaynona-qaynota, qanday ishlashni ham qaynona-qaynota aytadi, uyda ham qaynona-qaynota, yotoqda ham qaynona-qaynota…

Bunday tarbiya uslubi natijasi nima bo’ladi bilasizmi?

Shu ota-ona “tarbiyasini” bosimidan chiqib keta olganlar o’ta jahldor, zulmkor, kar-kar qiladigan va bizni tilimizda aytganda “shustri” bo’lib katta bo’ladi (Shustrini ma’nosi esa, mashennik va birovni haqqidan qo’rqmaydigan degan so’zga kundan kun yaqinlashib borayotganga o’xshaydi).

Bu tarbiyadan chiqib keta olmaganlar esa “qo’y” bo’lib katta bo’ladi.

Manashu o’rinda farzandlarimizni hayotga tayyorlash vaqti kelmadimi?

Do’kondor do’stim bilan uzoq suhbatlashdik. Kechga, bemalol vaqt yana kelishga kelishib hayrlashdik.

Akademik

@rovitalk | Instagram | YouTube


Savdoda baraka bor deyiladi.

Haqiqatdan ham!

Chunki savdogarlarni savdo qilishi, biror narsani sotishi, pul qilishi, boyishi asosiy ishi emas.

Ularning asosiy ishlari halol yo’l bilan insonlarni og’irini yengil qilish yo’lida hizmat qilish, ular uchun zarur bo’lgan narsani topib berish va odamlar uchun yordamchi bo’lish.

Shunday savdogarlarda har doim baraka bo’ladi, ularda doim pul bo’ladi. Bunday savdogarlar har ikki dunyoda katta yutuqga erishadi.

Buni sababi savdoni o’zida emas, aslida umuman boshqa joyda.

Abu Hurayradan (r.a) rivoyat qilinadi:

Payg‘ambarimiz sallollohu alayhi vasallam aytdilar: “Kim dunyoda bir mo‘minni dunyo g‘amlaridan birini yengillatsa, Alloh taolo uning dunyo va oxirat g‘amlarini yengillatadi. Kim bir mo‘minning qiyinchiligini osonlashtirsa, Alloh taolo o‘sha insonni dunyo va oxiratda mushkulini oson qiladi. Kim musulmonning aybini yashirsa, Alloh taolo dunyo va oxiratda uning aybini yashiradi. Banda, modomiki, birodarining yordamida ekan, Alloh taolo ham o‘sha bandaning yordamidadur. Kim Alloh yo‘lida ilm izlab yo‘lga chiqsa, Alloh taolo o‘sha bandaga jannat yo‘lini osonlashtirib qo‘yadi”.

Ha, juda go’zal bashorat, lekin men umuman boshqa narsa haqida gapirmoqchi edim.

Hozirgi kunda savdogarlarimiz “Savdo yo’q, pul qochgan, baraka yo’q deyishadi.

Qayerdan ham ishi yaxshi bo’lsin, axir ular o’zida yo’q molni kimdir so’rab kelsa, qayerda borligini bilsa ham bilmayman deb turaveradiku.

Qayerdan ham baraka bo’lsin, odamlarga kerakli, qulay bo’lgan maxsulotlarni emas, “Marjasi” ko’p tovarlarni olib kelish uchun bor kuchini sarflasa.

Qayerdan ham foydasi ko’p bo’lsin, axir ular boshqa insonlarni foydasini umuman o’ylayotgani yo’qku.

Qayerdan ham savdogarlarda savdo yursin, ular o’zlarini shaxsiy boyligidan boshqa narsani haqida hayoliga ham keltirayotgani yo’qku.

Bizdagi savdogarlarni mehatiga ozgina niyatni to’g’rilab qadam qo’ysa, allaqachon o’sha o’zlari orzu qilgan “Maqom” ga erishib bo’lgan bo’lar edi.

Lekin afsuski…
Bozordagi bir do’konga zarur narsani qidiqib kirdim. Qo’limdagi telefondan rasm ko’rsatib:
- Manashu narsa bormi? deb so’radim.
- Yo’q bunaqa narsa.
- Qayerdan topsam bo’ladi bilmaysizmi?
- Bilmayman.
- Kimdan so’rasam bo’ladi?
- Bilmayman

Sotivchi menga “- Bilmayman” dedida qarshisidagi do’kon egasi bilan o’zlari biladigan mavzuda bir-ikki og’iz gaplashishdi va bir narsalar deb kulishdi.

Men ilojsiz qarama-qarshida turgan do’konga, o’sha men avval kirgan do’kon egasi bilan gaplashgan odamni do’koniga kirdim.

- Manashu narsa bormi?
- Hittoyniki bor, Germaniyaniki bor, o’zuzaniki bor oka. Qanaqasi kere oka?

- …

Akademik

@rovitalk


Репост из: MUBORAK RAMAZON
4-kun
Xissiyotlar nazorati (Emotsional tayyorgarlik)
Norozilik
- Norozilik sabablari
- Norozilikni ildizi
- Norozilikdan qutila olish uchun boshlang’ich qadam



12k 0 111 107

Ayol hech qachon aybini tan olmaydi.

Agar! Mobodo tan olsa! Bilinki u bundan ham katta ayb qilib qo’ygan.

Sizni kichik ayb bilan chalg’itishga urunmoqda.

(Internetdagi haqiqatlardan)

@rovitalk


Nima bo'lsa ham, bilib qo'ygan yaxshi...
Oylarning toza o'zbekcha nomlanishi.

YANVAR - O'CHOQ
FEVRAL - SOBA
MART - KO'KLAM
APREL - CHECHAK
MAY - YELVIZAK
IYUN - KUNQIZAR
IYUL - KUNYONAR
AVGUST - DOMIZLIQ
SENTABR - KUZAK
OKTABR - O'RIM
NOYABR - YIG'IM
DEKABR - QOZON

@rovitalk | Instagram | @muslimholdarov' rel='nofollow'>YouTube




Davomi👇🏻👇🏻👇🏻
https://t.me/rovitalk/4432




Ota-bola suhbati. Davomi…


Aksar so’zlarimiz nolishdan, boshqalarni aybini aytish va o’zimizni oqlashdan iborat. Bizga juda ko’p marta aytilgan. “HOY, Har bir gaping duo, har bir so’zingni ta’siri bor, yaxshi niyat yarim davlat, o’ynab gapirsang ham o’ylab gapir!”

Yo’q, buni bizga qizig’i yo’q. Biz gapiraveramiz, gapiraveramiz.

Endi aytishingiz mumkin, faqat yahshi gaplarni gapirsa bo’ldimi? Yo’q albatta.
Yahshisi to’liq ko’ring.

Mavlono Jaloliddin Rumiy Hazratlarini so’zlarini keltirgan holda bir video tayyorladim. Ko’rsangiz, tushunib olasiz.

https://www.instagram.com/reel/C297iVpMcH_/?utm_source=ig_web_copy_link&igsh=MzRlODBiNWFlZA==


Psixologlar ichki bola bilan ishlab unga e’tibor qaratish zarurlgini, ichki ota-onani tartibga solish va ichki yetukliga erishish haqida gapirishadi.

- Ichki bola - sizni ichingizdagi bolalikga hos hissiyotlar va hohishlar.

- Ichki ota-ona - Odamni ichidagi nazorat, aql, o’zini o’zi tergashi.

- Ichki yetuklik - Hamma narsada hikmat ko’ra olish.

Lekin ular aytganidek necha martadan mashq qilinsa ham, meditatsiyada o’tirsa ham, testlar orqali nimalarnidir aniqlab, qandaydir narsalarni yozib chiqsa ham hech qanday natija yo’q. Bo’lsa ham to yana bir marta asabiylashguningizgacha. Bu yerda to’liq natija bo’lmaydi ham. Kutmang.

Hop! Nima qilishimiz kerak unda?

Qadrdonim hammasi aslida juda oddiy va sodda. Siz o’sha ichki bolani ham, ichki ota-onani ham, ichki yetuklikni ham real hayotda chiroyli holatga keltirishingiz kerak.

Bu Qanday bo’ladi?

Ichki bola bilan chiroyli ishlash va uni hohishlarini amalga oshirish farzandlaringiz orqali bo’ladi. Siz farzandlaringizga mehr ko’rsatishingiz, ularni erkalashingiz sizni ichki holatingizga juda katta ta’sir o’tkazadi. Ularni taltaytirish haqida gap ketmayapti, balki mehr ko’rsatish va ko’proq suhbatlashish haqida gapirilmoqda.

Ichki ota-onani tartibga solish uchun o’z OTA-ONANGIZ bilan munosabatingizni yaxshilang, ularni roziligini oling. Shunda sizni ichingizda yillar davomida gapirayotgan ovoz o’z-o’zidan to’xtaydi.

Ichki yetuklikga erishish, yetuk insonlar bilan ko’p suhbatda bo’lish va ularni hizmatini qilish bilangina erishiladi.

Yetuk inson degani istaganini qiladigan, istagan kiyimini kiyadigan, atrofdagilarni istagan narsasiga ruhsat beradigan, hotini nima desa hop deydigan, sotib olgisi kelgan narsasini o’ylamasdan sotib oladigan, hohlagan odami bilan hohlagan mavzusida gaplashib ketadigan odam emas.
Aksincha aynan manashu odamlar nafsiga qul bo’lgan odamlar hisoblanadi. Faqat ularni o’zlarini bu holatlarini sizga chiroyli ko’rsatish uchun har hil yo’llardan foydalanishadi.

Yetuk inson - bu avvalo o’zini nafsini (hato kamchiliklarini, vazifasini, imkoniyatlarini) bilgan, tanigan odam va shu hatolarini to’g’rilab, vazifalarini to’liq bajargan inson. Undan keyin Robbisini tanigan va uni oldidagi vazifalarini bajargan inson.

Hozir o’zini Yetuk Inson deb targ’ib qilayotganlarini shu oddiy men yozgan filtrdan o’tkazsangiz, ularni g’irt shayton tabiat ekanligini aniq bila olasiz.

Shuning uchun qadrdonim. Biling, har bir narsa amalda bajarilsagina ishlaydi.

Muslim Holdarov

@rovitalk | Instagram | YouTube


Ko’r eshitganini qo’ymaydi, kar ko’rganini


“Odatlaringni o’zgartir, Komfort zonasidan chiq, qadam qo’y, intil…” bunday gaplarni siyqasi chiqib ketti.

Lekin bizni odatlarimizni nima o’zgartiradi? Yechimsiz vaziyatlarda boshqacha harakatlar qilish emasmi?

Nima bizni Komfort zonamizdan chiqaradi? Qiyinchilik emasmi?

Nima bizni qadam qo’yishga majbur qiladi? Hech kimga ishonchimiz qolmagani emasmi?

Nima bizni intilishga o’rgatadi? Zaruriyat, extiyoj emasmi?

Hop, unda nega biz… Yaxshisi o’zingiz to’liq ko’ring va fikringizni qoldiring.

👇👇👇👇
https://www.instagram.com/reel/C2ufKvrswIR/?utm_source=ig_web_copy_link&igsh=MzRlODBiNWFlZA==

@rovitalk | Instagram | YouTube


Ko’p yashagandan emas, ko’pni ko’rgandan so’ra


Keling bir kichkina ekspriment o’tkazib ko’ramiz. Bu eksprimentda siz, sizni 3 daqiqa vaqtingiz va istagan farzandingiz (nabirangiz, agar farzandingiz bo’lmasa ukangiz, jiyaningiz) ishtirok etadi.

Demak diqqat bilan eshiting!

O’g’il bo’lsin, qiz bo’lsin, istagan yoshdagi farzandingizni (nabirangiz, ukangiz, jiyaningiz) oldingizga chaqiring yoki oldiga boring. Uni mahkam bag’ringizga bosing va sekingina, juda muhum joyi manashu, sekingina ayting…

- Seni judayam yaxshi ko’rishimni bilasanmi?

Odatda “bilaman” deb javob beradi. Agar “BILAMAN” desa!

- Seni yaxshi ko’rishimni qayerdan bilasan? deb so’rab ko’ringa, uni javob sizni hayron qoldiradi.

Chunki o’zi bilmagan holda sizdan olayotgan, hozirgi kundagi eng zarur va qadrli deb bilgan narsasini gapirib yuboradi.

Agar: - Seni judayam yaxshi ko’rishimni bilasanmi? degan savolingizga “BILMAYMAN” deb javob bersa, demak farzandingizga sizini beradigan mehringizdan qaxringiz ko’proq.

Agar, indamasa, javob bermasa, demak farzandigniz sizda hafa.

Qani bir qilib ko’ring.

Agar farzandingiz BILAMAN deb aytsa reaksiyada ❤️
Agar farzandingiz Bilmayman deb aytsa reaksiyada 🤔
Agar indamasa 🤯 qoldirng.

Natijasini bizga aytishni unutmang. Instagram sahifamizda kommentda yoki directda qoldirishimgiz mumkin.

Muslim Holdarov

@rovitalk | Instagram | YouTube


Hamma vaqt ham Sukut salqlash tog’ri bo’lavermaydi. Chunki sukutni ham turlari bor.

G'olib bo'lgan vaqtingda sukut saqlashing bu - O'zinga bo'lgan ishonchingdan

Senga yomon munosabatda bo'lingan paytda sukut saqlashing bu - Donolikdan

Biror narsaga extiyojing bor vaqtida sukut saqlashing bu - Iffatingdan

Boshingga tashvish tushganda sukut saqlashing bu - senda sabr va hudoni yechimiga umiding borligidan

Seni boshqarmoqchi bo'lishganda sukut saqlashing bu - seni…?

Yaxshisi to’liq videoni ko’ring.
👇👇👇👇👇👇
https://www.instagram.com/reel/C2ccu0wsUee/?utm_source=ig_web_copy_link&igsh=MzRlODBiNWFlZA==

@rovitalk | Instagram | YouTube


Netayki bu jonim nafsimga mubtalo bo'ldi
O'zni qo'yib o'zgalar dardiga mubtalo bo'ldi
Kimligim bilmadim yo bilmoqqa qo'ymadim qadam
Lahza holimni ko'rdimu shu ondin azobga mubtalo bo'ldim

Devona Musofir


Institutda o’qiyotgan vaqtimizda “Extimollar nazariyasi” degan fan bo’lgan. Bu juda murakkab va qiziqarli fanlardan biri.

Sababi bu fanni o’qish uchun, o’rganish uchun ham sizni kallangiz anchagina yuqori darajada fikrlashi kerak.

Chunki bu fan, bo’lishi mumkin bo’lgan holatlarni vaziyatlarni extimolini hisob-kitob bilan chiqarib beradi va sizni kichik bir harakatingiz qanday natijalar keltirishini ochiq ko’rsatib qo’yadi. Fantaziyada emas, hisob kitobda.

Endi, Sizni fikrlash darajangiz bo’lishi mumkin bo’lgan vaziyatlar extimolini aniqlaydigan darajada yuqori bo’lishi uchun bir necha bosqichda tayyorlab boriladi.

Bu bosqichlar:
1) Oddiy arifmetika
2) Arifmetika
3) Algebra
4) Matematika
5) Oliy matematika
6) Extimollar nazariyasi

Qarang, oltinchi bosqichda siz bo’ladigan ishlarni avvaldan aniqlash va shunga mos harakat qilish imkoniyatiga ega bo’lasiz. Lekin ungachachi?

Ungacha avvalo 1+1 dan boshlaysiz.

“Anvarni 2 ta olmasi bor edi, unga do’sti Olimjon yana 3 ta olma berdi.

Savol: Anvarda jami nechta olma bo’ldi?

Barakalla! 5 ta!”

Manashundan boshlanadi. Keyn ko’paytirish, bo’lish, kasr sonlar, “X”, “Y” ni aniqlash formulalari, yuzani topish, “П” yordamida masalalarni yechish, ildiz osti, sinus, cosinus, tangens, kotangens, …. ketti…

O’sha 5 etapni o’tganimizdan keyin, 6-si Extimollar nazariyasi.

Manimcha shuncha tushunarsiz narsalarni o’qib bir qancha odam kanaldan chiqib ketti shekilli. Mayli.

Shu paytgacha olib borayotgan statastikamizga ko’ra 8345 ta kanal a’zolaridan, postni o’qib tushina olmay, emotsional ko’tarilish va o’zini bu sohada hech narsa tushunmasligini sezib qolish oqibatida kanaldan chiqib ketish extimoli 0,59% ga teng edi.

Hop davom etamiz.

Men nima uchun bu mavzuni ochdim. Nima sababdan buncha uzoqdan olib keldim.

Extimollar nazariyasi, bu talabalarga, institut va unuversitet talabalariga o’rgatiladigan fan.

Agar talaba shu fanni zo’r bilib olsa eng kuchli iqtisodchiga, eng kuchli boshqarivchiga, eng kichli muxandis, eng kuchli programmist, eng kuchli siyosatchiga ham aylanishi mumkin.

Lekin bu darajaga kelguncha “Anvarni jami 5 ta olmasi”ni aniqlashni o’rganishdan boshlash kerak.

Keyin qolgan etaplar o’tiladi.

Bu etaplar faqat extimollar nazariysida emas, qolgan ilmlarda ham bor.

Hozirgi kunda 4-5-6-7-8 chi, to 22-izmereniyalar, fikr orqali ta’sir o’tkazish, avlod ajdodni kir sovunlab yuvib tozalash, kelajakni o’zgartirish, cho’tkiy hamma qarab suvi oqadigan magnit ayol bo’lish kabi ilmlarga qiziqyapmiz.

Eng qizig’i, buni ilm deb atayotganlar o’zlarini vazifalarini bajarish, tarbiya, to’g’ri muomila, go’zal hulq, fikrlash, tinglash, tushinish, o’zini tuta olish, haqiqatni qabul qila olish kabi eng bazoviy narsalardan uzoqki.

Endi shu sohadagi oddiy ishlarni bilmasdan ilm berish haqida nima deyish mumkin?

Aniq ilmlarni bilmagani uchun kallasiga kelgan narsani ilm deb hisoblab tarqatyapti.

Bu huddiki 1-sinfdagi, oddiy arifmetikani tuzuk quruq bilmaydigan bir bola, internetga chiqib olib “-Men Extimollar extimolini extirosga aylantirib uni erga tega olmaganlarni erga tegish extimolini aniqlash uchun ishlatishni o’rgataman” desa.
- Kallang bormi? deb bir chetga qulog’idan ushlab chiqarib qo’yasiz.

Lekin hozirgi izmereniychi, ajdodchilar, art terapiya, neyro terapiya va ezoteriklarni holati huddi shuni o’ziku.

Yana bir oddiy dalili. Ularni har biri “-Men o’z yo’nalishimni ochdim, men o’z metodimni yaratdim, men o’zim o’ylab topgan metod orqali terapiya qilaman, men o’zim yaratgan meditatsiyalar orqlai davolayman va yana bir qancha shunday gaplarni aytishmaydimi?

Bu gaplarni boyagi 1-sinf bolani chiqvolib gapirishidan farqi nima?

Eng hatarlisi manashunday “ilm tarqativchilarni” kursini o’qiganlar ham o’zini yo’nalishini ochish bilan ovvora.

Bu ilmlar azaldan borku! Qachon biz ilmda darajama-daraja o’tishimiz shart ekanligini tushunib yetamiz? Nima sohada, nima ishda bo’lishidan qat’iy nazar, etaplardan o’tmas ekansiz, yana orqaga qaytaverasiz.

O’ylab ko’ring.

Hurmat va extirom ila Muslim Holdarov

Davomi bor…

@rovitalk | Instagram | YouTube


Kelayotgan tuyani ko’rganlar so’rashdi.
- Qayerdan kelyapsan?
- Hammomdan.
- … ha, hammomga borganing tizzangdagi qotib yotgan kesak va tezaklardan bilinib turibdi…

Mavlono Jaloliddin Rumiyning “Masnaviy”laridagi bu kichik hikoya hozirgi kunimimizdagi ko’pchilik odamlarni yashash tarzini shundoq ko’rsatib qo’yadi.

Boy odam “Men Boyman” demaydi, uni o’zida, hatti harakatida, fikrlashida, bajaradigan ishlarida boy ekanligini ko’rasiz.

Ilmli odam “Men ilmliman” demaydi. So’zi, amali, munosabati va muomilasi uni ilmli ekanligini bildiradi.

Sog’lom odam “Men sog’lom odamman” deb hammaga gapirib yurmaydi. Uni yurish-turishida sog’lom ekanligini ko’raverasiz.

Kuchli odam “Men kuchliman” demaydi. U o’zini kuchiga mos yukni ko’rarishi, ishni bajarishi bilan kuchini ko’rsatib turaveradi.

Lekin biz qanday holatga keldik?

O’sha tuyadan ham battarroq holatdamiz. Yana shaltog’imiz osilib yotipdi.

O’zini bahtli ekanligini ko’rsatishga urunadiganlar qancha. Lekin tizzasida tezagi shundoq qotib turibdi. U yog’ini kesgan, bu yog’ini ulagan, o’zidan kimnidir yasagan, unga bo’layotgan e’tiborni hammaga doston qilgan, o’zi haqida intriga qilgan. Hammasi odamlarga aytish, ko’rsatish, bildirish uchun.

Buni gapirsam shunchalar ko’pki, o’qiyverib zerikib ketishingizdan cho’chiyman. Shu sababdan qisqa-qisqa misollarda keltirib o’taman.

Yana biri Boy ko’rsatishga urinadi, hammaroq arenda yoki qarz.

Chiroyli ko’rsatishga urunadi, o’zini tanasini tabiiy joyi yo’q.

Kuchli ko’rsatishga urunadi. Kuchi faqat ojizlarga yoki ojizalarga yetadi. Aytadiyu, “Kuching hotining bilan yosh bollaringa yettimi” deb.

Ilmli ko’rsatishga urunadi. “Proffesional psixolog”, “Xalqaro toifadagi expert”, “N1 Psiholog”, “Affermatsiyalar qirolichasi”, “Qalbshunoslar malikasi”, “Qo’shnimizdan o’zini o’zi tayinlab olgan elchisi”… Bu nomlarni ularga kim bergan? O’zlari… Huddiki samotsenkalarini oshirish uchun. Buni ruschasiga “Самозванец» deyiladi. (o’zbek tilida yo’q ekan bunday so’z. “Firibgar” degan ma’noni bildirishini topdim).

Qarangda, masalan meni bo’yim baland, lekin men buni bir yutuq deb bilmayman. Men uchun 186 sm bo’y oddiy narsa. Lekin bo’yi baland bo’lishini istaganlarchi, nima qiladi?

Bo’yi baland bo’lishi uchun hamma narsani qiladi va odamlarga gapirib yuradiku “Bo’yim baland bo’lib qolibdimi?” O’zim nechtsini ko’rganman.

Huddi shunday ozib qolibmanmi? Rangim tiniqlashibtimi?

Agar insonda bir ishni chiroyli bajarish imkoni bo’lsa, o’sha ta’rifni o’zi emas, odamlar aytishi kerak emasmi? Qo’li gul usta, Bubuldek ovozi bor, zamonamiz olimi, Haqiqiy Ustoz, ishonchli odam… Loyiq holatda aytadi odamlar. Agar shunday bo’lsa.

Lekin hozir nima bo’lyapti? Odamlar ochiqchasiga, Ulamolar ochiqchasiga, mutaxasislar ochiqchasiga “Bu yolg’ochi bu odamlar yolg’onchilar, soqqakashlar” deb munosib nomini aytishyapti. Mana asl nomi.

Lekin biz Tuyani so’ziga ishonib qoldik. Tizzasiga qaramadik.

Gap cho’zilib ketti. Shu yerda tugata qolaman.

Muximi Kimga ergashayotganingizga qarab qo’ying. U oxiri sizni ham o’zidek qilmaguncha to’xtamaydi. Haqiqiy bo’lsa ham, sohta bo’lsa ham.

Yozganlarim orfagrafik hatolardan holi emas. Yozganimni ma’nosi va mazmuni bo’yicha hali birorta odam e’tiroz bildirib dalil keltira olgani yo’q. Faqat yozishdagi hatolarimga e’tibor qaratishadi halos. Mayli. Kerak odam o’zi topib oladi. Istamasa to’g’ri yozsam ham qabul qilmaydi.

Hurmat va extirom ila Muslim Holdarov.

davomi bor…

@rovitalk | Instagram | YouTube

Показано 20 последних публикаций.