Rost24 | Расмий канал

#Рост_ҳикматлар

✅️Шўро давридан бошлаб жамиятни ҳадик билан яшашга ўргатиб қўйдик. Бу ҳадик ҳали кўнгилдан чиқиб кетгани йўқ. Ижтимоий-сиёсий пассивликни оқлайдиган ўзбек халқининг мақоллари кўп: «Оч қорним – тинч қулоғим», «Яримта нон – роҳати жон». Буларни фазилат санашади. Аслида бу фазилат эмас, қусур.

✍️ Мурод Муҳаммад Дўст

❄️Кунингиз хайрли ўтсин!

ROST24.uz | Telegram | YouTube

⚡️Абдуқодир Ҳусанов "Manchester City" таркибида илк ўйинини ўтказади

Бугун, Тошкент вақти билан соат 22:30да "Manchester City" клуби "Chelsia" га қарши майдонда баҳс олиб боради. Таркибида юртдошимиз Абдуқодир Ҳусанов ҳам бор.

Ушбу ўйинда Ҳусановдан самарали ўйин кутиб қоламиз. Маълумот учун, бугун Ҳусанов жамоанинг асосий таркибида тўп суради.

ROST24.uz | Telegram | Facebook
Instagram | YouTube | Tezkor

⚡️Ўзбекистонда 70 дан ортиқ аттракционлар қўлбола экани аниқланди

Ўзбекистондаги 70 дан ортиқ парк аттракционлари қўлбола экани – ишлаб чиқарувчи корхона паспорти ва биркаси бўлмагани аниқланди. Бу ҳақда кеча, 25 январь куни АОКАда ўтказилган брифингда Саноат, радиация ва ядро хавфсизлиги қўмитаси Ахборот хизмати раҳбари Бекзод Бердиев маълум қилди.

Қайд этилишича, ўтказилган тадбирлар доирасида саноат, радиация ва ядро хавфсизлигига оид меъёрий ҳужжатлар талаблари бузилганлиги аниқланиб, қоидабузарликларни бартараф этиш бўйича 1 843 та тавсиявий маълумотномалар расмийлаштирилган.

Республика ҳудудида жойлашган 148 та маданият ва истироҳат боғларида ўрнатилган жами 2 120 та аттракционлар ўрганиб чиқилган бўлиб, шундан қўлбола (ишлаб чиқарувчи корхона паспорти ва биркаси бўлмаган) аттракционлар 74 тани, носоз, ишлашга яроқсиз ҳолатда бўлган ҳамда фаолияти тўхтатилган аттракционлар 228 тани, шу кунга қадар рўйхатга олинган аттракционлар 1 100 тани ташкил этиши аниқланган.

ROST24.uz | Telegram | Facebook
Instagram | YouTube | Tezkor

⚡️Ҳомиладор ёки фарзандли ходимни ишдан бўшатиш тақиқланади

Олий Мажлис Сенатининг учинчи ялпи мажлисида “Ўзбекистон Республикасининг Меҳнат кодексига ўзгартириш ва қўшимчалар киритиш тўғрисида”ги қонун кўриб чиқилди.

Унга кўра, "Таълим тўғрисида"ги қонунга мувофиқ ходимлар кечки ёки сиртқи таълим шаклида ўқиши мумкин бўлган таълим ташкилотларининг турларини аниқлаштирувчи ўзгартиришлар киритилди. Шунингдек ҳомиладорлиги ёки фарзанди борлиги сабабли ходимни ишдан бўшатишга тақиқ жорий этилади.

Шу билан бирга, ишга қабул қилиш чоғида шахснинг паспорти ёки ID-картасини, меҳнат дафтарчасига оид маълумотларни талаб қилмасдан, давлат органлари ва ташкилотлари мустақил равишда, шу жумладан ахборот тизимларидаги идоралараро интеграциялашув платформалари орқали сўраб олинади.

ROST24.uz | Telegram | Facebook
Instagram | YouTube | Tezkor

Алкоголли ичимликларни сотишдаги чекловлар тунги иқтисодиётга таъсир кўрсатиши мумкин

Ўзбекистонда тунги иқтисодиётни ривожлантириш бўйича концепция ишлаб чиқилди.

Лойиҳа орқали кафе, ресторанлар, савдо марказлари ва кичик савдо шохобчалари фаолиятини 24/7 тартибида ташкил қилиш режалаштирилган. Шунингдек, йўловчиларга қулайлик яратиш мақсадида автобуслар учун тунги йўналишлар жорий этиш ва бепул Wi-Fi тармоқлари ташкил этиш ҳам кўзда тутилган.

Бироқ, концепцияда айрим тўсиқ ва муаммолар ҳам санаб ўтилган.

Жумладан, алкоголли ичимликларни сотиш соатларини маҳаллий ҳокимият органлари белгилаши мумкинлиги таъкидланган. Бу ҳолат айрим савдо шохобчалари фаолиятини чеклаб, тунги иқтисодиётнинг тўлиқ ривожланишига салбий таъсир кўрсатиши эҳтимоли борлиги айтиб ўтилмоқда.

Бундан ташқари, Ўзбекистон Республикаси Меҳнат кодекси талабига кўра, тунги сменада меҳнат қилувчи ходимларга иш ҳақи камида бир ярим баравар кўп миқдорда тўланиши шарт. Бу тадбиркорлик субъектлари учун қўшимча молиявий юк бўлиб, уларнинг иш жараёнида қийинчиликлар келтириб чиқариши мумкин.

Тунги иқтисодиётни ривожлантириш учун ушбу чекловларни қайта кўриб чиқиш ва тадбиркорлар учун қулай шарт-шароитлар яратиш талаб этилади. Тунги иқтисодиёт доирасидаги маданий ва кўнгилочар тадбирларни ташкил этиш учун давлат томонидан молиявий қўллаб-қувватлаш кўрсатилади.

Тунги иқтисодиёт ривожланиши билан ижтимоий хавфсизлик муаммолари пайдо бўлиши мумкин. Маст-аластлар кўчаларни тўлдириб, жиноятчилик ортиши эҳтимоли бор. Кундузги иқтисодиётда ҳал қилинадиган муаммолар қолмагандек, ривожланишни тунги иқтисодиётдан излаш кулгили эмасми? Ёки бизнинг салоҳиятимиз ва савиямиз фақат тунги иқтисодиётни ривожлантиришга етадими? Балки, аввал аҳоли учун ойликларни замон талабига мослаштириш ва хавфсизликни таъминлаш зарурдир? Зеро, тунда кўчада юриш хавфли бўлиб қолиши мумкин.

Эслатиб ўтамиз, аввалроқ Тошкентда жамоат транспорти аҳолига узлуксиз хизмат қилиши ҳақида хабар берган эдик.

ROST24.uz | Telegram | Facebook
Instagram | YouTube | Tezkor

#Рост_ҳикматлар

✅ Табассум қилиш учун бахтли бўлишни кутманг, кулолмасдан ўтиб кeтишингиз мумкин.

✍Виктор Гюго

❄ Кунингиз хайрли бўлсин!

ROST24.uz | Telegram | Facebook
Instagram | YouTube | Tezkor

⚡️ Ўзбекистонда энг кам ойликни ўқитувчи ва шифокорлар олмоқда

2024 йилда Ўзбекистонда ўртача номинал (солиқ ва бошқа тўловларни ўзи ичига олган) ойлик иш ҳақи 5 млн 357 минг сўмни ташкил этди (2023 йилда 4 млн 562 минг сўм бўлган). Ҳисоб-китобларда қишлоқ хўжалиги ва кичик тадбиркорлик субъектлари иш ҳақлари инобатга олинмаган. Акс ҳолда бу рақамлар сезиларли пасайиши мумкин эди.

“Фермер хўжаликлари ҳамда кичик тадбиркорлик субъектлари йилда бир марта ҳисобот тақдим этиши белгиланган”, дея ҳисоботга изоҳ беради агентлик.

Ўтган йил январь—декабрь ойларида ҳудудлар бўйича ўртача ойлик иш ҳақининг энг юқори кўрсаткичи доимгидек Тошкент шаҳрида кузатилган — 9,1 млн сўм. Кейинги ўринларда Навоий (6,7 млн сўм), Тошкент (5,1 млн сўм), Андижон (4,6 млн сўм) ҳамда Бухоро (4, 3 млн сўм) вилоятлари қайд этилган.

Энг кам ўртача иш ҳақи Қашқадарё (3,8 млн сўм), Сурхондарё (3,8 млн сўм) ва Наманган (3,9 млн сўм) вилоятларида кузатилган.

Иш ҳақининг энг юқори ўсиш суръатлари Тошкент шаҳри (21,4 фоиз), Самарқанд (17,6 фоиз), Сирдарё (16,7 фоиз), Наманган (16,5 фоиз) ва Фарғона (15,1 фоиз) вилоятларида бўлган.

Ўтган йили қуйидаги соҳаларда ўртача ойлик иш ҳақи энг баланд даражада тўланган:

Банк, суғурта, лизинг, кредит ва воситачилик фаолияти — 15,3 млн сўм;
Ахборот ва алоқа соҳаси — 13,1 млн сўм;
Ташиш ва сақлаш соҳаси — 8,1 млн сўм;
Саноат соҳаси — 6,4 млн сўм.
Мазкур миқдорлардаги иш ҳақлари ўртача ойликларга нисбатан юқори кўрсаткични ташкил қилган.

Йил давомида таълимда 3,6 млн сўм, соғлиқни сақлаш ва ижтимоий хизматлар кўрсатишда 3,4 млн сўмлик ўртача иш ҳақи тўланган. Ушбу миқдорлар бошқа соҳалардагига қараганда энг қуйи поғоналарда бўлиб, ўртача иш ҳақи даражасидан сезиларли паст.

ROST24.uz | Telegram | Facebook
Instagram | YouTube | Tezkor

⚡️ “Прописка” тизими бекор қилинди

Сенатнинг учинчи ялпи мажлисида фуқароларни яшаш ва туриш жойи бўйича рўйхатдан ўтказишни такомиллаштирувчи қонун қабул қилинди.

Энди амалдаги прописка талаблари бекор қилиниб, “E-xabar berish” тизими жорий этилади. У орқали фуқароларни рўйхатга ва ҳисобга олиш электрон шаклда амалга оширилади.

Фуқаролар рўйхатдан ўтмасдан яшаш муддати 15 кундан 10 иш кунига қисқартирилади. Шунингдек, паспорт тизими қоидаларини бузганлик учун жавобгарлик енгиллаштирилиб, 18 ёшга тўлмаган ва 60 ёшдан ошганлар жазодан озод этилади

ROST24.uz | Telegram | Facebook
Instagram | YouTube | Tezkor

⚡️ Ўтган йилда 5 мингга яқин мансабдор жиноий жавобгарликка тортилди

Бош прокуратура мансабдор шахслар томонидан содир этилган жиноятлар таҳлилини тақдим қилди.

Унга кўра, 2024 йилда 3 821 та жиноят иши бўйича 4 906 нафар мансабдор жиноий жавобгарликка тортилган. Уларнинг 71 нафари республика, 410 нафари вилоят ва қолган 4 425 нафари туман (шаҳар) миқёсидаги ходимлар ҳисобланади. Бу 2023 йилга қараганда 1 331 нафарга кўп (2023 йилда 3 575 нафар).

Маълумотга кўра, қўлга тушган лавозим эгалари томонидан 3 трлн 608 млн сўм миқдорида моддий зарар етказилган бўлиб, шундан 2 трлн 343 млн сўми ёки зарарнинг 65 фоизи ундириб олинган.

Жавобгарликка тортилган мансабдор шахслар жиноятининг катта қисми ўзганинг мулкини ўзлаштириш ёки растрата йўли билан талон-тарож қилиш ҳолатига тўғри келади — 2 929 нафар.

Иккинчи ўриндан эса фирибгарлик жой олган. Ўтган йили 447 нафар мансабдор фирибгарлик қилгани учун жиноий жавобгарликка тортилган.

Учинчи ўринда мансаб ваколатини суистеъмол қилиш турибди — 226 нафар.

ROST24.uz | Telegram | Facebook
Instagram | YouTube | Tezkor

"Менинг боғим" лойиҳаси манфаатлар тўқнашуви қурбони бўлди

«Навоий вилояти ҳудудий яшил ҳудуд» ДУК томонидан ўтказилган танловда манфаатлар тўқнашуви борлиги айтилмоқда.

ДУК «Менинг боғим» лойиҳаси асосида лойиҳа яратиш бўйича бошланғич қиймати 226,2 млн сўмлик танлов ўтказган.

Танловда ўз режа ва истакларини билдириб, энг паст нарх - 197,7 млн сўм таклиф қилган "SUCCESFUL-PERSON" оилавий корхонаси ғолиб бўлган.

Эслатиб ўтамиз, "SUCCESFUL-PERSON" оилавий корхонасининг 63 фоиз улуши Муҳаммадиев Қутбиддин Бозорбоевичга тегишли бўлиб, у айни пайтда «Ўрмон хўжалиги илмий-тадқиқот институти ҳузуридаги чўл ҳудудларида ўрмончиликни ривожлантириш илмий маркази» давлат муассасаси раҳбари ҳисобланади.

ROST24.uz | Telegram | Facebook
Instagram | YouTube | Tezkor

⚡️Фирибгарликни фош қилган журналистнинг ўзига маъмурий иш очилди

Жиззахдаги банк ходимасининг фирибгарлиги юзасидан материал тайёрлаган мухбирга нисбатан маъмурий иш қўзғатилди. Журналистик суриштирув жараёнида банк ходимасининг фуқаролар номига кредит расмийлаштириб, ўзлаштиргани тилга олинади.

Батафсил: rost24.uz/uz/news/2078

ROST24.uz | Telegram | Facebook
Instagram | YouTube | Tezkor

⚡️ Қуролли можаролар, экстремал об-ҳаво ҳодисалари ва кибержосуслик: Дунёни 2025 йилда қандай хатарлар кутяпти?

2025 йилги Глобал рисклар ҳисоботи кўрсатишича, глобал хавфлар орасида қуролли можаролар ва қасддан бузиб талқин қилинган маълумотлар устун турмоқда. Узоқ муддатли хавфлар экология, ижтимоий тенгсизлик ва технологик таҳдидлар билан боғлиқ бўлиб, давлатлар ва раҳбарлар уларни ҳал қилиш учун ҳамкорликда ишлашлари зарур.

Батафсил: rost24.uz/uz/news/2077

ROST24.uz | Telegram | Facebook
Instagram | YouTube | Tezkor

#Рост_ҳикматлар

✅ Бирор қалбни вайрон қилгач айтилган узр қорин тўйгач дастурхонга қўйилган
тузга ўхшайди. Унга эҳтиёж йўқ.

✍Пабло Нeруда

❄ Кунингиз хайрли бўлсин!

ROST24.uz | Telegram | Facebook
Instagram | YouTube | Tezkor

⚡️ Қирғизистон президенти дин тўғрисидаги қонунни имзолади

Қирғизистон президенти Садир Жапаров ўз Facebook саҳифада имзоланган янги қонун ҳақида маълумот берди.

Қонунда, диний масалаларни тартибга солиш ғояси илгари сурилиб, муфтийлик ва уламолар кенгашига аниқ қоидалар ишлаб чиқиш ҳамда уларни тартибга солиш топшириғи берилган.

Президент ўз қарорида ягона анъанавий дин доирасида яшаб, фуқароларни нотўғри оқимларга кириб кетишидан сақлаш зарурлигини таъкидлаб ўтган.

ROST24.uz | Telegram | Facebook
Instagram | YouTube | Tezkor

⚡️ Соғлом рақобат халқни алдаш эвазига бўлаяптими?

2024 йил давомида 15 дан ортиқ тижорат банклари реклама қонунчилигини бузгани маълум бўлди. Бу ҳақда Рақобат қўмитаси ахборот хизмати хабар берди.

Жумладан, "Hamkorbank" АТБ хизмати рекламасида “Онлайн микроқарз” – “Зудлик билан пул керакми, 50 миллион сўм - Ҳамкор иловасида онлайн микроқарз расмийлаштиринг!” мазмунидаги ташқи реклама жойлаштирилганлиги кузатилган.
Лекин рекламада микроқарз банк хизмати бўйича фақатгина кредитнинг миқдори ҳақида ахборот берилган бўлиб, ушбу кредитнинг қолган муҳим шартлари кўрсатилмаган.

15 дан ортиқ тижорат банкларининг рекламаларидаги қонунбузилиш ҳолатлари юзасидан Қўмита томонидан қўзғатилган ишлар белгиланган тартибда кўриб чиқилиб, тегишли чоралар кўрилиши таъминланган.

Тегишли чора қандай бўлиши мумкин? Дейлик, огоҳлантириш, жаримадир. Аммо ушбу рекламаларга алданиб қолган халққа қандай ёрдам берилди? Турли жамоат жойларига ёпиштирилган чалғитувчи мазмунга эга реклама баннерлари қачон олиб ташланади? Ёки халқни чув туширишда давом этиб, енгил жарима билан қутилиб қолишаверадими?

ROST24.uz | Telegram | Facebook
Instagram | YouTube | Tezkor