Murodjon Aliyev | Rasmiy sahifa

🔍 Google’dan foydalanish bo‘yicha foydali lifehacklar

1️⃣ Google’da aniq natijalarni topish
Agar siz aniq bir so‘z yoki iborani izlamoqchi bo‘lsangiz, uni qo‘shtirnoq ichida yozing:
✅ "web dasturlash kurslari"

2️⃣ Muayyan saytdan qidirish
Faqat bitta sayt ichida qidirish uchun:
✅ site:wikipedia.org Laravel

3️⃣ Muayyan so‘zlarni natijalardan chiqarib tashlash
Agar siz qidiruv natijalaridan biror so‘zni chiqarib tashlamoqchi bo‘lsangiz, minus belgisidan foydalaning:
✅ dasturlash -python

4️⃣ Fayl turini qidirish
Muayyan turdagi hujjatlarni topish uchun:
✅ PHP darslari filetype:pdf

5️⃣ Google Calculator
Matematik hisob-kitoblar uchun Google qidiruv satridan foydalanish mumkin:
✅ 256 * 12 / 8

6️⃣ Google Translate tezkor tarjima
Google Translate ochmasdan turib qidiruvda tarjima qilish:
✅ translate hello to uzbek

7️⃣ Parvoz ma’lumotlarini tekshirish
Reys haqida ma’lumot olish uchun reys raqamini yozing:
✅ HY250

8️⃣ Ob-havo ma’lumotlarini bilish
Ob-havo sharoitini aniqlash uchun shahar nomini yozing:
✅ Toshkent weather

9️⃣ Valyuta kurslarini tekshirish
Valyuta kurslarini bilish uchun:
✅ 1 USD to UZS

🔟 Vaqt zonalarini tekshirish
Dunyoning istalgan joyidagi vaqtni bilish:
✅ time in New York



Manba: @it_ishkal

STEM vs Ijtimoiy-gumanitar fanlar

Bugungi kunda ko'plab mamlakatlar o'z taraqqiyot strategiyalarini STEM (fan, texnologiya, muhandislik va matematika) yo'nalishlariga asoslayapti. Bu tendensiya, albatta, bejiz emas - raqamli texnologiyalar, sun'iy intellekt va innovatsiyalar davri globallashuv jarayonlarini yanada tezlashtirmoqda.

Ammo faqat STEM fanlariga e'tibor qaratish yetarlimi? Texnologik yutuqlar insoniyat oldida turgan barcha muammolarni hal qila oladimi?

Ijtimoiy-gumanitar fanlarning ahamiyati aynan shu yerda namoyon bo'ladi. Ular jamiyatning ma'naviy poydevori, insoniy qadriyatlar va madaniy merosni saqlash, tafakkur va tanqidiy fikrlashni rivojlantirish, murakkab ijtimoiy munosabatlarni tushunish va boshqarish uchun zarur.

Masalan, sun'iy intellekt yaratish - bu STEM sohasi vazifasi. Ammo uning jamiyatga ta'siri, xavfsizlik jihatlari, huquqiy masalalari - bular ijtimoiy-gumanitar fanlar doirasida o'rganiladi. Yoki iqlim o'zgarishi muammosini olaylik: ekologik texnologiyalarni ishlab chiqish - STEM sohasi, ammo odamlarning xulq-atvorini o'zgartirish, yangi qadriyatlarni shakllantirish - ijtimoiy fanlar vazifasi.

Shuning uchun rivojlanishning optimal yo'li - bu ikki soha o'rtasidagi muvozanatni topish. STEM fanlarining innovatsion salohiyati va ijtimoiy-gumanitar fanlarning insonparvarlik tamoyillari birgalikda jamiyat taraqqiyotining barqaror poydevorini yaratadi.

Biz texnologik taraqqiyotga intilayotgan bir paytda, insoniylikning asl mohiyatini, madaniy xilma-xillikni va ma'naviy qadriyatlarni saqlab qolishimiz muhim. Zero, har qanday texnologik yutuq, oxir-oqibat, inson va jamiyat manfaatlariga xizmat qilishi kerak.

M.Aliyev

Imkoniyatlarning cheklanishi ham imkoniyat borligidan dalolatdir.

M.Aliyev

DeepSeek ortida turgan kompaniya High-Flyer haqida eshitganmisiz?

High-Flyer - bu Xitoyning sarmoya boshqaruv kompaniyasi bo‘lib, u sun’iy intellekt yordamida investitsiya qilish bilan shug‘ullanadi. U 2015-yilda uch muhandis tomonidan tashkil etilgan bo‘lib, ular 2008-yilgi moliyaviy inqirozdan ilhomlanib, yanada aqlli savdo usullarini ishlab chiqqan. High-Flyer bosh ofisi Xitoyning Hangzhou shahrida joylashgan va 2024-yil oktyabr holatiga ko‘ra taxminan 7 milliard AQSh dollari miqdorida aktivlarni boshqaradi.

2023-yilda esa sun’iy umumiy intellekt bo‘yicha tadqiqot olib boruvchi DeepSeek startupga asos soladi.
Uning asosiy muvaffaqiyatga erishishning sabablaridan biri jamoada xalqaro olimpiadalarning oltin medal sohiblari va ilg‘or tadqiqotchilar borligi.

Bundan xulosa:

Hech qanday omadi kelib qolib 1 kunda mashhur bo‘lib ketmadi biz yillar davomidagi mehnatning natijasini ko‘rdik, xolos.
Sun’iy intellektga matematika baribir kerak ekanmi 😁️️️️️️

Manba: https://t.me/naxalov

Deepseekdan so'ng yana birin-ketin kuchli til modellari chiqa boshladi. Bu safar Qwen chatboti o'zining OpenAI ning mahsulotlari bilan raqobatlasha oladigan chatbotni ishga tushirdi.

ChatGPTga mazkur promptni

Based on what you know about me. Draw a picture of what you think my alter-ego's life looks like.

Kiritib ko'ring va siz bergan so'rovlardan kelib chiqib hayotingizni bergan so'rovlaringizdan kelib chiqib tasvir yaratadi.

Bora-bora katta til modellarining rivojlanishi oqibatida inson yozish ko'nikmasini ham yo'qotishi hech gap emas. Bu til va yozuvga jiddiy zarba bo'lish ehtimolini kuchaytiradi.

Hozirgina ishlatib ko'rdim. Natijalar juda yaxshi. Tahlil va tushuntirish juda kuchli va asosli. Faylni yuklash imkoniyati ham mavjud.

Carnegie Mellon University professori Po-Shen Loh mana bu yerda qiziq fikrlarni o'rtaga tashlabdi.

Sizning raqobatchingiz kim?

Tabiiyki, biz doim raqobatda yashaymiz.
Ayollar kimdandir chiroyliroq bo'lishda, yanada go'zal libos kiyishda, erkaklar esa davlat to'plashda, mashina olishda, ilm talabida va boshqa maqsad va manfaatlar yo'lida raqabotga kirishishadi.

Ho'p, raqobatchi buni biladimi? Bilsa, qanday yo'l tutadi?
Raqobatchi bilsa, yanada shiddatli harakatni boshlaydi, vaholanki siz ham. Yanada kuchliroq, yanada ildamroq va yanada...

Bizning raqobatchimiz bu - o'zimizdir.
Doim o'zimizdan kuchliroq, talabchanroq, shiddatliroq eng asosiysi, esa kechagi o'zimidan yaxshiroq bo'lish raqobatchimizdan o'tish imkonini beradi.

Xo'sh, sizning raqobatchingiz kim?

M.Aliyev
https://t.me/researcher_man

Yo u tarafda bo'ling, yo bu tarafda.

Hayotning turfa vaziyatlaru, munosabatlarda mo'tadillik bir xilda bo'lavermaydi yoki ziddiyatlar ham muayyan vaqt hukm surmaydi.

Bizdagi qadriyatlar, ideallar, tamoyillar ba'zan boshqa inson sifatida rol o'ynashga majbur etadi (persona). Vaziyatdan silliq chiqish uchun qisman yolg'on ishlatish, yashab qolish uchun yangicha qiyofani ishga solish, ishimiz bitishi uchun esa silliq o'rtalik ( men shunday deb nom bergan bo'lar edim ) ni tanlashni qoralayman. Bu nima degani. Oq rangni aniqlash uchun 3 kishi chaqirildi. Sharti uning haqiqatda oq rangliligini aytganga jazo bor. Birinchi inson yo'q bu qora deydi. Ikkinchisi esa bu oq rang. ( jazoning ahamiyati yo'q, chunki shaxsiy qadriyat jazodan ustun). Uchunchi odam esa, buni qanday qarashga bog'liq. Deylik, bir odam buni oq ko'radi, biri esa qora drb javob beradi. Bunda vaziyatdan silliq chiqish usuli qo'llanildi.

To'g'ri, hammaning o'z nuqtai nazari bor. Lekin mavjud reallikni borligicha aytish muhimdir. Xalqimizda shu haqida ibora bor: aytar so'zni ayt, aytmas so'zdan qayt.

Xulosa shuki, shaxsiy qadriyatlarni ma'lum bir vaziyatlar uchun qurbon qilish, keyinchalik, shaxsning qadr-qimmatini, jamiyatda uning o'rnini yo'qotishga olib keladi.

M.Aliyev