QASHQADARYO.UZ | RASMIY - Қашқадарё вилояти ҳокимлиги - Qashqadaryo viloyati hokimligi - Murotjon, Murodjon Azimov - Qarshi

Муротжон Азимов “Насаф” футбол клуби жамоаси билан учрашди

Қашқадарё вилояти ҳокими - вилоят футбол ассоциацияси президенти Муротжон Азимов футбол мавсуми олдидан воҳамизнинг бош жамоаси бўлган “Насаф” футбол клуби футболчилари, мураббийлари ва мухлислари билан учрашди.

Учрашувда сўз олган вилоят ҳокими Президентимизнинг спорт соҳасига бўлган улкан эътибори натижаси ўлароқ, “Насаф” жамоаси ҳам миллионлаб мухлисларнинг кўп йиллик орзусини рўёбга чиқариб, ўз тарихида илк бор Суперлига чемпиони бўлганини таъкидлади.

Шунингдек, учрашув давомида 2025 йил ўз олдига чемпионлик масаласини қўйган ҳолда таркибни янада кучайтириш мақсадида “Насаф” билан шартнома имзолаган янги футболчиларни таништириш маросими ҳам ўтказилди.

Қувонарлиси шуки, вилоятимизнинг “Шўртан” ва “Машъал” клублари ҳам Суперлига йўлланмасини қўлга киритди.

Маълумот ўрнида, “Насаф” — Ўзбекистон Суперлигаси, Ўзбекистон кубоги ва Ўзбекистон Суперкубоги учун кураш олиб боради. Шунингдек, Осиё чемпионлар лига элит мусобақасида жонажон Ватанимиз шаънини дунё майдонларида ҳимоя қилади.

Telegram|YouTube|Facebook|Instagram|X

Nemis maktabgacha ta’lim va maktab loyihalari uchun munosib nomzodlarni jalb qilishga oid talabalar bilan muloqot o’tkazildi

Viloyatimizda O‘zbekiston va Germaniya qo‘shma loyihalari doirasida zamonaviy maktabgacha ta’lim muassasalari va maktablar tashkil etish rejalashtirilgan. Shu munosabat bilan nemis ta’lim standartlari asosida tashkil etiladigan dastlabki ikki tilli bolalar bog‘chasiga munosib pedagoglarni saralash maqsadida Qarshi davlat universitetining maktabgacha ta’lim hamda xorijiy tillar fakulteti 4-bosqich talabalari ishtirokida davra suhbati bo‘lib o‘tdi.

Uchrashuvda viloyat Maktabgacha va maktab ta’limi boshqarmasi rahbariyati, “Ulug‘bek nabiralari” nodavlat ta’lim muassasalari ta’sischisi hamda boshqa mutasaddilar qatnashdi.

Tadbir davomida loyiha haqida batafsil ma’lumot berilib, nomzodlar uchun pedagogik mahorat, nemis va ingliz tillari bo‘yicha talablar hamda bolalar bilan ishlash ishtiyoqi yuzasidan savol-javob o‘tkazildi.

Telegram|YouTube|Facebook|Instagram|X