📌
Qo‘shrabot tumanining olis hududlaridan biri bo‘lgan Shamolli qishlog‘ida sayyor qabul o‘tkazildi.
Bugun tuman hokimi D.Shakarboyev boshchiligida respublika va viloyat ishchi guruhi a'zolari, tumandagi tashkilot va korxona rahbarlari ishtirokida "Shavona" MFYdagi Shamolli qishlog‘ida sayyor qabuli o'tkazilib, aholini qiynab kelayotgan muammolari tinglandi.
Shundan so‘ng, tuman hokimi D. Shakarboyev yaqinlashib kelayotgan Qurbon hayiti munosabati bilan jamoatni, ular orqali barcha yurtdoshlarimizni muborak kunlar munosabati bilan qutladi. Qishloq faollari so‘zga chiqib Qurbon hayiti bayramining tarixi, tumanimizda amalga oshirilayotgan ishlar, bugungi farovon hayotimiz mazmun-mohiyati xususida so‘z yuritilib, yurtimizga tinchlik, xalqimizga farovonlik tilab duo qilindi.
Shuningdek, bir piyola choy ustida samimiy suhbat, fikr almashish ruhida davom etdi. Madaniyat bo‘limi san’atkorlari tomonidan ijro etilgan mumtoz kuy-qo‘shiqlar tadbirga fayz bag‘ishladi.
Qo‘shrabot tumani hokimligi axborot xizmati