QOQONJONIM.UZ | Rasmiy

ТАЪЛИМДАН ҚЎЛЛАРИНГНИ ТОРТИНГЛАР

Нима учун, айнан Фарғона вилоятида ҳокимият ҳам, прокуратура ҳам, департамент ва молия ҳам таълим тизимига «шиллиққуртга ўхшаб» ёпишиб олган?
Сифатсиз озиқ-овқат борми, қиммат-у қирон мева ёки сабзавот борми, футбол клубларининг 1 миллионлик билети ёки қанақадир газета ва журналларнинг обунаси борми, барчасини таълимга тиқиштиришади?
Кимнинг топшириғи дейишса, вилоят ҳокимнинг, прокуратура ёки департаментнинг топшириғи дейишади.
Нимага бугун айнан бу мавзуга тўхталияпмиз, чунки Фарғона вилояти Мактабгача ва мактаб таълими тизимининг икки нафар мансабдор шахси, ҳокимлик топшириғини бажариш, яъни «Нефтчи» футбол клубининг ҳар бири 1 050 000 сўмдан бўлган йиллик чипталари пулини тўлаб бериш учун, Мактабгача таълим ташкилотларидан пул йиғганлиги сабабли, Ўзбекистон Республикаси Жиноят кодексининг 210-моддаси 2-қисми билан айбланиб, бир неча кун олдин қамоққа олинган.

****

Азиз Кузатувчи, биз ҳали бу мавзуга тўлиқ ва асослантирилган ҳолда қайтамиз, лекин унга қадар юқоридаги мансабдорлар, обрўларининг борида «ақл-ҳушларини йиғиб олиб», таълим тизимидан қўлларини тортиб туришса, ўзларига нисбатан яхшилик қилишган бўлишарди менинг назаримда...

📝 Ғайрат Абераев

@qoqonjonim_uzb

#Бу_ҳам_бир_ютуқ

Тезлик учун "погрешность" 5 км/соатдан 10 км/соатга кўтарилиши мумкин

Бош вазир ўринбосари А.Раматовнинг топшириғига кўра, техник қурилма ва транспорт воситаларидаги хатоликларни инобатга олган ҳолда, умумий аниқланган тезликдан амалдаги 5 км/соат айириб ташлаш амалиётини 10 км/соат кўтаришни жорий этиш кўрсатиб ўтилган.

Маълумотларга кўра, бу борадги норматив ҳужжат лойиҳаси аллақачон тайёрланган.

Бу йўлларда ҳаракатни тартибга солишга хизмат қиладими ёки аксинча, буни вақт кўрсатади.

@qoqonjonim_uzb

Мен умрни кўрмай қолибман, Ёнгинамдан ўтиб кетибди, Қўлимга бир китобни тутиб
Тақдиримни битиб кетибди. Хатто юзин бир бор кўрсатмай
Изларини чизиб кетибди, Мени ҳаёт жангига ташлаб
"Кураш" дея, ёзиб кетибди... Кетаяпман ортидан қувиб
Болаликни, ёшликни ташлаб, Гоҳо кулиб, гоҳо англамай, Гоҳо, унсиз кўзимни ёшлаб.
Ҳар йил қишда бир йўқлаб келиб, Ёшимга ёш, қўшиб кетармиш,
Гўё, менда алами бордек, Сочимга қор тўкиб кетармиш.. Мен умрни кўрмай қолибман, Ёнгинамдан ўтиб кетибди, Пешонамга ажинлар тортиб, суратини чизиб кетибди... Мен умрни кўрмай қолибман...

@qoqonjonim_uzb

🇺🇿Президент Фармон билан Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил — Бизнес омбудсман Касимов Дилмурод Султанмуратович Бош прокурор ўринбосари этиб тайинланди.

Касимов Дилмурод Султанмуратович – 1975 йил 28 июль куни Тошкент шаҳрида туғилган. Маълумоти – олий, шарқшунос-иқтисодчи, ҳуқуқшунос. 1997 йил Тошкент давлат шарқшунослик институтини тамомлаган, 2004 йил Ўзбекистон Миллий унверситетини ҳуқуқшунослик йўналиши бўйича тамомлаган. Меҳнат фаолиятини 1997 йил Ташқи иқтисодий алоқалар вазирлиги “Инновация” давлат акциядорлик ташқи савдо компаниясида мутахассис лавозимидан бошлаган. 2003-2017 йиллар давомида прокуратура органларида турли хил лавозимларда фаолият олиб борган.

Ўзбекистон Республикаси Президентининг 2017 йил 28 июлдаги ПФ–5125-сонли Фармонига мувофиқ Д. Касимов Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил лавозимига тайинланган эди.

Бизнес омбудсман этиб тайинлангунга қадар Самарқанд вилоят прокурорининг биринчи ўринбосари лавозимида ишлаган.

Маълумот учун, Ўзбекистон Республикаси Мустақиллигининг 30 йиллиги муносабати билан “Содиқ хизматлари учун” медали билан тақдирланган.

@qoqonjonim_uzb

Қўқон шаҳар ИИБ томонидан мактаб ўқувчиларининг ота-оналари билан учрашувлар ташкил қилинмоқда

Жумладан шаҳар ИИБ бошлиғи, Қўқон шаҳар ҳокими ўринбосари ҳамда шаҳар "Мадрасаи Мир" масжиди имоми иштирокида ҳудуддаги 14-сон умумий ўрта таълим мактабида учрашув ташкил қилинди.

Ота-оналарга вояга етмаган фарзандларини назоратсиз қолдирмасликлари жиноят ва ҳуқуқбузарликлар содир этмаслиги бунинг учун жавобгарлик муқаррарлиги, ноқонуний тарзда диний таълим олмасликлари, дарсларни сабабсиз мунтазам қолдирмаслиги тўғрисида профилактик тушунтириш ишлари олиб борилди.

@qoqonjonim_uzb

Қандай қилиб Хитой Марказий Осиё ҳудудини эгаллаб олди? Қозоғистон, Қирғизистон, Тожикистон мисолида.

• СССР парчаланганидан кейин Хитой Ўрта Осиёнинг янги мустақил республикаларига ҳудудий даъволар билан чиқди.

• Хитой Жунғор хонлиги таркибига кирган ерларга, жумладан Шарқий Қозоғистон ва Шимолий Қирғизистонга даъвогарлик қилди.

• Қозоғистон Хитой билан чегара масалаларини ҳал қилиб, 1994 йилда 946 км² ва 1997 йилда 407 км² ҳудудларини Хитойга ажратиб бериб.

❗Қирғизистон билан чегарадош аҳоли пункти

• 1999 йилда Қирғизистон 161 км² ҳудудни Хитойга бериб қўйди ва бу аҳолининг норозилигига сабаб бўлди.

• 2005-йилда Қирғизистондаги биринчи инқилобнинг сабабларидан бири бу бўлди.

• Қозоғистон ва Қирғизистон чегара масалаларини ҳужжатларда мустаҳкамлаб қўйиш мақсадида ҳал қилди.

❗Иқтисодий қарамлик ва қўрқув

• Хитой кучайиб бораётган супердавлат ва у билан чегараларни ўрнатиш зарур эди.

• Хитойнинг келажакда яна ҳудудий даъволар билан чиқиши даргумон.

• Марказий Осиёда, айниқса, Хитойга яқинроқ яшайдиган аҳоли орасида китлардан қўрқиш кучайган.

❗Хитой компаниялари билан боғлиқ муаммолар

• Қозоғистонда ерларни Хитой компанияларига бериш бўйича лойиҳалар муваффақиятсизликка учради.

• Қирғизистонда Хитой кон компаниялари билан келишмовчиликлар митинг ва погромлар орқали ҳал қилинади.

• Марказий Осиё давлатлари иқтисодий жиҳатдан Хитойга қарам бўлиб қолмоқда, бу эса аҳолини хавотирга солмоқда.

❗ Тожикистон мисоли

• 2011-йилда Тожикистон Хитойга 1000 км² дан ортиқ ҳудудни ўтказди.

• Бунга Хитойга қарамлик ва Имомали Раҳмоннинг қаттиқ режими сабаб бўлди.

• Хитой компаниялари Юқори Кумар олтин конини ўзлаштириш учун олди.

❗ Ҳудудий даъволарнинг келажаги

• Хитой ўзининг ғарбий чегараларида барқарорликдан манфаатдор.

• Собиқ иттифоқ республикаларига нисбатан янги ҳудудий даъволар пайдо бўлмайди деб, хеч ким кафолат бермайди.

Jakhon Komil

@qoqonjonim_uzb

Жиззах ва Хоразм вилоятларида қалбаки акциз маркали алкоголь маҳсулотларининг савдоси фош этилди

Бош прокуратура ҳузуридаги Департаментнинг Жиззах вилояти бошқармаси томонидан ИИБ ва Миллий гвардия бошқармаси ходимлари билан ҳамкорликда ўтказилган тезкор тадбирда “G.B.” МЧЖ раҳбари Ҳ.Б. Бахмал тумани, “Музбел” МФЙ ҳудудидаги савдо дўконида 414 дона қалбаки акциз маркали алкоголь маҳсулотларини сотувга қўйганлиги аниқланиб, ушбу маҳсулотлар ашёвий далил сифатида олинган.

Шу каби, Департаментнинг Гурлан тумани бўлими, ДХХ ва ИИБ ходимлари ҳамкорлигида ўтказилган тезкор тадбирда “G’.F.” фермер хўжалигига қарашли савдо дўконидан 373 дона қалбаки акциз маркали алкоголь маҳсулотларини сотувга қўйганлиги аниқланиб, ушбу маҳсулотлар ашёвий далил сифатида олинган.

Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.

👉@qoqonjonim_uzb

Ривожланишимиздаги тўсиқлар Коррупция, бюрократия, непотизм, монополия эди, энди шу тўсиқлардан озуқаланиб Хитойликлар ҳам қўшилди.

@qoqonjonim_uzb