Қаршида 250 ўринли “Жавоҳир Медикал” клиникаси фойдаланишга топширилди Муҳтарам Президентимиз томонидан тизимга берилган эътибор ва яратиб берилган имкониятлар натижасида вилоятда хусусий тиббиёт муассасалари сони 702 тага етди (2017 йилга нисбатан қарийиб 3,5 баравар ўсиш).
Бугун фойдаланишга топширилган
“Жавоҳир Медикал” клиникаси 200 млрд. сўм маблағ ҳисобидан ташкил этилган бўлиб, 250 ўринга мўлжалланган. Унда 250дан ортиқ фуқаролар иш билан таъминланди.
Европанинг энг сўнгги русумдаги МРТ, МСКТ, рентген, лаборатория аппаратлари билан жиҳозланган. Клиникадаги МРТ аппарати, нафақат вилоят, балки, Республикадаги тиббиёт муассасаларида ҳам саноқли. Бу ерда 20 дан ортиқ юқори технологик операцияларни қилиш имконияти мавжуд.
Тантанали очилиш маросимида иштирок этган вилоят ҳокими Муротжон Азимов тадбиркор ва унинг ота-онасига ўз ташаккурларини билдирди. Меҳмонлар клиника қабулхонаси, замонавий текширув аппаратлари ва даволаниш ётоқхоналарида яратилган шароитлар билан танишишди.
Telegram|YouTube|Facebook|Instagram|X