YURAKDAN GAPLASHAMIZ!

Бир одам хотинидан: "Мени севасанми?" деб сўраб, қасам ичдирди. Хотини "Йўқ, севмайман", деди. Бунинг хабари Умар розияллоҳу анҳуга етиб келди ва у аёлдан: "Эрига сени ёмон кўраман, деб айтган хотин сенмисан?" дея сўрадилар. Аёл: "Ҳа, у мендан Аллоҳ ҳаққи айт, деб туриб олди. Мен ёлғон гапиришга журъат қилолмадим", дея жавоб қилди. Шунда ҳазрати Умар дедилар: "Ёлғон гапир! Агар сизлардан бирингиз бировни ёқтирмаса, бу ҳақда унга сўзламасин!  Чунки жуда кам оилаларгина муҳаббат устига қурилади. Одамлар ислом ва эҳсон асосида яшашади".

https://t.me/qalbansizbilan

Fayzli oqshomlar hammaga.....

Жим хаёл суриб қолди. Ниҳоят хаёлларини бошидан қувиб юборишни иложи бордек бошни қаттиқ силкитиб олиб, қизга кўз қирини ташлаб жилмайди.-Афруза, асалим қўй ўйлама. Ҳали айтганимдек оч қолмаймиз.
Худди эртага қиз унаштирилмайдигандек, ҳеч қачон ажралмайдигандек ўзлари белгилаб олган вақтлари- бомдод вақтигача суҳбатлашиб ўтирган йигит ва қиз будильниклари жиринглаши билан ортларига қайтишди.
Даврон Афруза хонасига кириб олгунича кузатиб турдида сунг машинасини юргизди. Иккисининг бу махфий учрашувларидан хонодон бекасидан бошқа ҳеч кимнинг хабари йўқ. Афруза билади. Онаси қизи уйга кириб олгандан сунг ховлига тушади. Уй бекаси ҳовлига тушиши билан хонодонда хаёт қайнай бошлайди. Бугун эса ўзгача кун, катталар белгилагадек бугун пешиндан олдин унаштирув бўлиб ўтиши белгиланган. Ҳолсизгина каровотига ўтирган қиз тахминан юзинчи марта ўзига савол берди. Энди нима бўлади?
Тонг вақтида ховлидаги юмушларини бажариб бўлган уч келиниойи бирин кетин хонасига кириб келишди.
-Сиз уйдан чиқмай ўтиринг сизга кўзлари тушмасин. Ўлиб турганакан дейишмасин! Ичингизда жон жон деб турган бўлсангиз ҳам сиртингизда билдирманг!
Икки янга шарақлаб кулиб юборди. Янгалари ичидан Абдулла акасининг хотини кулмади. Сабаб, у Афруза билан Тошкентда бирга яшаганлиги туфайли қиз билан сирдош ва қизнинг изтироблари унга таниш эди. Қизнинг ҳозирги ҳолати эса бундан бир неча ой олдин ўз бошидан ўтганлиги туфайли ҳам қизни ўзига яқин оладиган янга Афрузага ҳамдард нигоҳларини тикди. Қолганлари бири қолиб иккинчиси Афрузага гап қоқиб ҳазил ҳузил қилдилар.
Хонага ғамгин алфозда кириб келган уй бекасига кўзи тушган келинлар дами кесилгандек жим бўлиб қолишди. Қизининг кўзларига тик боқа олмай қўлидаги охори тўкилмаган кўйлакни стул суянчиғига ташлаб қўйди.
-Кийиб ол қизим. Титраб кетаётган лабини қаттиқ тишлаган аёл қизининг кўзларига қарамай хонадан отилиб чиқиб кетди.
-Тиллоқиз, овсинлари хонадан чиқишлари билан қайинсинглисига ачиниб кўз ташлади. -Давронбек ҳеч нарса қилмаяптиларми?
-Билмадим. Бошини беҳол ёстиққа ташлаган Афруза йиғлаб юборди.- Билмадим янга, билмадим. Назаримда жудаям қўрқинчли туш кўраяпман. Уйғониб кетишни шунчалар истаяпман, афсуски уйғона олмаяпман!
-Бўлди йиғламанг адажон билиб қолмасинлар. Йиғламанг! Меҳрибон сирдош янга елкасидан қучди. Йиғламанг. Қиз болани худойим шундай ожиз қилиб яратган экан-да! Нима ҳам қила олардик!? Бўла қолинг ўрнингиздан туриб, ювининг, янги либосларингизни кийиб олинг. Ойижон учун шу ишни қилишингиз керак. Сизни тушунаман асалим, илтимос, адажоним билиб қолиб ойижондан аламларини олмасин. Ҳадемай уй меҳмонлар билан тўлиб тошади. Турақолинг Афрузахон.
-Хўп ҳозир тураман.
Ҳовлига бир бир босиб тушган қиз дадасига кўринишни истамай водопровод тагида нари бери юзини чайиб ўзини уй ичкарисига олди....
Узоқ яқин қариндошлардан айтилганлари бирин кетин келиб бошлаган вақтида кўча томонда кўтарилган шовқиндан бош кўтарган Афруза дераза пардасини тортиб катта акаси билан ёқалашаётган Давронга кўзи тушиб қалтираб кетди. Тегманг ичида ҳайқирди Тегманг унга!

Афрузанинг юрак ҳайқириғини эшитгандек ичқаридан отилиб чиққан дадаси иккисини ажратиб олиб алланарсаларни Давронга тушунтиришга киришди. Сунг Давронни қўлтиғидан олиб уй ичкарисига етаклади. Ҳовлига қулоқ солди. Сув қўйгандек жимлик....
-Тиллоқиз! Ҳовлиқиб кириб келган кичкина янга лаби лабига тегмай хабар етказишга киришди.-Даврон келди. Адажонга мени тобутимни шу ердан олиб чиқасиз сунг Афрузани унаштирасиз дедилар! Кўзлари чақнаб кетган янга кулиб олди. -Даврон сизни бериб қўймайдилар!
-Илоҳим! титроқли овозада дуо қилди. -Илоҳим бериб юбормасин! Дадам нима дедилар?
-Билмадим, катта амаким келдилар ичкарига олиб кириб кетдилар. У ерга ҳеч ким қўйилмаяпти Ичкарида нима гаплар бўлаётган бўлса? Тоқатсизланган янга хонадан чиқишга шайланди. –Ҳали кечгача нима гап бўлса? Кўзларини муғомбирона ўйнатиб олди. -Давронни бу ахволи бўлса, Эсонхонни ҳам ҳайдайди бу ердан! Шашти баланд! Мен борай янгиликни етказаман!