Psixolog Jaxongir

Ertaga ayollarning bayrami shunga siz azizlarga qanday sovg'a bersam ekan deb o'ylab turibman?

Izohlarda yozing mendan qanday sovg'a olishni istaysiz?

Ассалому Алайкум!

Ёпишиб олсангиз ёхуд ижобий ниятни англамасангиз қўрқувдан халос бўла олмайсиз

Қўрқув - харакатларимиз чеклашидаги энг кучли восита ҳисобланади.

Қўрқув сизда содир бўлган лаҳзаларда гормонал ҳолат ўзгаради.Бунинг натижасида юрак уриши тезлашиши,юқори қон босими,ҳаловатсизлик каби жараёнлар бошланади.Ахир,қўрқув сизнинг қонингизда сайр қилиб юрибди.

Ҳаммада турли хил қўрқувлар бор.Кимдир оиласидан,ота-онасини йўқотишдан ёкида пулсиз қолиш қаттиқ қўрқади.Биз англашимиз керак бўлган нарса қўрқувнинг бизнинг ҳаётимизда нега пайдо бўлганидир.Ички ҳимоя тизими қўрқув ёрдамида ёнади ва биздан хавфдан асрашга интилади.

Нега?

Ҳимоя тизими ёниши ички хотиржамлик ва халоватга эришишимиз учун онг остимиз томонидан қилинадиган ишдир.Инсон қанчалик ҳимояланса шунчалик хотиржамлик хисси ошади.Бунда эса қўрқувлар ишга тушади.

Хўш,инсон нега қўрқади?

Биринчи навбатда ташқи оламга ва ўзига нисбатан жуда кучли ишончсизлик инсоннинг қўрқувларини дунёга келтиради.Одамларга ва ҳаётга ишонмаслик ёлғизлик жараёнини бошлаб беради.Ёлғизлик эса жуда кучли тушкунликка олиб келади.

Демак,биринчи сабаб ИШОНМАСЛИК.

Яна бир муҳим жойи қўрқув бизники бўлмаган,ижарага берилган оламнинг топилмаларига ёпишиб олганимиз учун ҳам пайдо бўлади.Кимдир пулсиз қолишдан қаттиқ қўрқади.Нега? Чунки,пулга хаддан зиёд боғланиб асосий мақсад деб билишидир.Аслида пул мақсад эмас шунчаки восита эканини бизга берилган барча нарсалар вақтинчалик ижарага олинганлигини англаган заҳотингиз ҳаётингиз ўзгаради Ин Ша Аллоҳ!

Ёпишиб олиш йўқотиш қўрқувини пайдо қилади.Ишонмаслик эса ёлғизлик сари қўйилган илк қадамдир.

Қўрқувнинг яна бир сабаби ташқи оламга нисбатан хаддан зиёд кучли нафратингиздир.Сиз оламдан ва ундаги жараёнлар ҳамда инсонлардан нафратланасиз.Бу ҳаракат охир-оқибат нафрат энергиясини ташқарига юборишингиз билан давом этади.

Сиз қанчалик агрессив хиссиётларни (нафрат,ғазаб,тан олмаслик) ташқарига юборсангиз икки баробар кучли таҳдидлар сизга қайтиб келади.Ҳаётий жараёнларда таҳдидлар кўпайса қўрқув янада семиришни ва бутун руҳий балансни бузишни бошлайди.

Бунинг натижасида ҳаракатларингиз лимит (чеклов) билан тўсилади.Охир-оқибатда ҳаётда ҳаракатсиз инсонга айланишингиз мумкин...

Қўрқувни ечиш учун нима қилишимиз керак?

Ечимни билишни истасангиз изоҳларда фикрларингизни ёзинг...

@psixolog_jaxongir9

Ассалому Алайкум!

Уч нарсадан қўрқаман

Қадим замонларда бир кекса чол бўлган экан.Уни ақлли ва паҳлавон ўғли бўлган экан.Қария ўлимидан олдин ўғлини ёнига чақириб васият қилибди:

- Уч нарсадан қўрқ,ўғлим: қизғанишдан,ғазабдан ва раҳм қилишларидан.

Ўғил отасини гапини унутмабди,васиятга амал қилиб яшабди.Аммо,на дўст,на суюкли ёр,на қувонч топибди.Ўғил ҳам ёши ўтиб кексайибди.Отасининг барча айтганларига риоя қилиб яшаганини аммо бахтли бўлмаганини тушунибди.Бир куни отаси тушига кириб:
- Мен сенга қизғанишдан қўрқ дедим.Сен эса борингни талон-тарож қилдинг,шу сабаб дўстларинг ҳам бўлмади.
Мен сенга ғазабли бўлма,дедим.Сен эса совуққон бўлиб,хеч кимни севмадинг.
Мен сенга раҳм сўрама,дедим.Сен эса кибрли бўлиб,ёрдам олмадинг, - дебди...

Ушбу гапларни эшитган ўғилнинг хулосаси шундай бўлибди:
"Ёрдам берсанг - дўстга эга бўласан.Меҳрлу бўлсанг - севиласан.Раҳмдил бўлсанг - кучга тўласан!"

Сизчи азиз ўқувчим? Ушбу ҳаётий сабоқдан нималарни англадингиз?

Ўзингизга ачиниб раҳм қилиб яшаган бўлсангиз билингки сиз кучсиз инсонга айлангансиз.Кучли инсон ҳар доим бошқаларга раҳмдил ва раҳм қилган инсондир.Ўзига ишончи паст инсон эса доимо раҳм истаб дунёга мўлтираб қарайди.Ўзингизни ёмон кўриб кетсангиз раҳмингиз келади ва ўзингизга ишонмай қўйгансиз.

Раҳм,ожизлик,кучсизлик битта қабиладан.

Ҳаётингиздаги муаммоларнинг илдизи ҳам сизнинг тепадаги тавсияларга риоя қилмай яшаганингиз ҳисобланади.Шундай экан ўзгаришлар сари қадам ташланг.