Prizma

“Бунақаси ҳатто эски Ўзбекистонда ҳам бўлмаган” рукнига оид навбатдаги янгилик.

Маҳаллий табиркорларни қўллаб-қувватлаш ниқоби остида 3-4 та эркатойни бизнесини монополияга айлантириб бериш учун хизмат қиладиган навбатдаги қарор. Албатта агар рост бўлса.

Қочаман десанг уёқда Трамп дегани ҳаммани қувишни бошлади:)

Донни Браско: Менинг мафия ичидаги сирли ҳаётим’ китобини тугатдим.

Асар ФҚБ агенти Жозеф Пистоне томонидан 1988 йилда ёзилган. У 1976 йилдан 1982 йилгача мафия ичида агент бўлиб яшаб келган. Айнан у туфайли АҚШдаги 200га яқин мафия аъзоси қамоққа олинган. Айнан у ФҚБ таркибида бўла туриб мафиянинг обрўли аъзоларидан бирига айлана олган, “оила” таркибига кириш учун биринчи рақамли номзод бўлган.

Агентнинг ҳикояси жуда ҳам қизиқарли қилиб ёзилган. Уни ўқигандан сўнг мафия қанақа тузилиши, унинг таркиби, унинг қонун-қоидалари, улар амал қиладиган ёзилмаган кодексларгача тушунча ҳосил қиламиз. Агентнинг ўта завфли саргузаштлари, унинг якуни қандай тугашига бўлган интригани чўққига олиб чиқади.

Шубҳасиз бу асар мафия деган ташкилотга қизиқувчилар учун хазинага тенг топилма. Айниқса италияликлар асос солган жиноий гуруҳларни ўрганиш бўйича қўлланма бўла олади. Шу билан бирга АҚШ федераллари ва мафия ўртасидаги жанглар, ҳукуматни мафияга қарши кураш услублари яхши очиб берилган асарда.

Бу асар асосида фильм ҳам суратга олинган — Донни Браско. Лекин айтиш мумкинки, бу воқеаларни битта фильмга сиғдириш имконсиз эди, бу воқеалар учун узундан-уўоқ давом этадиган сериал суратга олиш мақсадга мувофиқ.

Мафия Донни Браскони боши учун ўша пайтларда 500 минг доллар мукофот эълон қилди, уни ўлдириш учун катта массштабли ишларни бошлади. Бироқ суд тугагач улар тушуниб етди, аслида Донни Браско ФҚБ агенти эди ва у ўз ишини профессионал даражада амалга оширди. У душман, лекин ҳурматга лойиқ душман. Агар у қилган ишни мафиянинг ичидан чиққан одам қилганида, бу энди кечириб бўлмас даражадаги сотқинлик эди ва уни ўлдирмаганча қўйишмасди.

#ўқишга_нимадир

Ўзбекча "беспредел" қанақа бўлади деб сўрашса, шу воқеани сўзлаб беринг

Фарғонада 20 ёшли йигит амакисини BYD русумли машинасини тегишли хужжатларсиз ҳайдаб кетмоқда. Уни йўлда ДАН ходими тўхтатяпти ва хужжатлар йўқлигини аниқлаб, ролга ўзи ўтиряпти. ДАН ходими машинани жарима майдончаси томонга ҳайдаб кетмоқда ва унинг ўзи ҳам катта эҳтимол тезликни ошириб қоидаларни бузмоқда. Бу вақтда унинг йўлидан вояга етмаган йигитча (албатта унда ҳам ҳеч қанақа гувоҳонма бўлмаган) устозининг руҳсати билан унинг Damas русумли машинасини ҳайдаб чиқиб келмоқда. Вояга етмаган йигитнинг айби билан ЙТҲ содир бўлмоқда ва йигитнинг ўзи касалхонада вафот этмоқда.

Устоз шогирди вояга етмаган бўлса ҳам машинасини бериб юборяпти.
Амаки жиянини хужжати бўлмаса ҳам машинани бериб юборяпти.
Уни машинасига ўтирган ДАН ходими эса, машинани белгиланган тезликдан баланд ҳайдамоқда.

Кўчаларимиздаги беспредел ҳақида Тарантино кино ишласа ҳам бўлади.

Россияда туғилиш сони кўпайтириш мақсадида мактаб дискотекларини қайтариш таклиф қилинмоқда экан.

Бу таклифни таълим вазирлигидаги мансабдор шахс айтган. Унинг фикрича ёшлар орасида романтика йўқолиб кетмоқда, буни қайтариш учун шароитлар яратиш керак. Ёшлар ўртасида оила қуришлар сонини кўпайтириш керак ва шу мақсадда дискотека ва бошқа кўнгилочар тадбирларни мактабларга қайтариш зарур деб ҳисобламоқда амалдор.

Балки бунақа сунъий чораларни кўрмасдан, шунчаки, яқин келажакдаги украиналик фермерлар ҳосили учун ўғит вазифасини бажаришга маҳкум рус эркакларини ватанга қайтариш керакдир? Афсуски бу ҳақида ҳеч қайси амалдор гапирмайди, натижада юқоридаги каби абсурд таклифлар пайдо бўлиши кўпаяверади. Тупизм.

АҚШ 1,5 миллион ноқонуний иммигрантларни мамлакатдан чиқариб юборишни режалаштиряпти экан.

Энг қизиғи, рўйхатда мавжуд бўлмаган давлатлар 337 нафар СССР ва 845 нафар Югославия фуқаролари ҳам бор. Рўйхатни тузган одам камида 34 йилга адашганини кимдир унга айтиши керак.

Ўзбекистонга ҳайдалиши аниқ бўлганлар эса 975 нафарни ташкил қиларкан.

Маҳаллийлаштирилган маркетингча юриш ҳақида

Кўринишидан 2025 йил халқни устидан кулиш йили деб эълон қилинган кўринади. Ҳар ҳолда ҳеч бир ташкилот бу борада бир-биридан қолиб кетмасдан ҳаракат қилаётгандек.

Куни кеча "Халқнинг устидан кулиш" яширин акциясига Uzbekistan Airways ҳам қўшилибди. Компания ўзининг 33 йиллиги муносабати билан барча чипталарга 30 фоизлик чегирма эълон қилганини маълум қилди. Эълон қилганда ҳам бутун тармоқ орқали, жуда кенг тарзда буни амалга оширди. Бироқ маълум бўлишича, бу навбатдаги ёлғон экан.

Компания чипталарга 30 фоизлик чегирма қилишидан аввал уларнинг нархини яхшигина кўтариб олган. Натижада ҳеч қанақа чегирма бўлмаган, буни компаниянинг тармоқлардаги аккаунтлари остидаги изоҳлардан кўриш мумкин. Аксарият фойдаланувчилар компанияга бойкот эълон қилишни таклиф қилишмоқда.

Бу нафақат оддий ёлғон, бу мижозлар устидан кулиш. Бу ҳурматсизлик ва бу ишни давлат ташкилотлари уялмасдан амалга оширишмоқда.

Бу одамни битта камерада муддати тугагунча ўзи билан ўзини ёлғиз қолдириш керак.

Fribgarlik uchun qidiruvda bo‘lgan yana bir o‘zbekistonlik erkak Turkiyada ushlanib, Toshkentga deportatsiya qilindi

@daryo_live

Яхшиям юзни мозайка қилиб яширишибди, сал қолганда айбсизлик презумпцияси бузиб қўйишарди.

Илтимос, шу келиниз гапирмасин (с)

Газнинг нархи 1 апрелдан яна кўтарилиши ортидан бизнинг севимли, сайланган депутатимиз Алишер Қодиров тилга кирибди. Тасодифми? Мен ундай деб ўйламайман (мана шу жойи Киселёв овозида ўқилсин). Унинг айтишича газни уйни иситиш ва овқат пишириш учун сарфлаган халқни косаси оқармас экан.

Аслида халқ сизлардан кўп нарса сўрамаяпти, қишдан эсон-омон ўтиб олиш учун газ сўраяпти. Шуни ҳам чала-чулпа бериб, яна миннат қилишларига ўласанми? Уйни газда иситмай, овқатни газда пиширмай нимада иситайлигу, нимада пиширайлик? Ҳудди бир бепоён альтернатива бериб қўйгандай баландпарвоз ақл ўргатишларига неччи? Халққа келгунча йўқ бўлиб кетаётган газлар борасидаку умуман гапирмай қўя қолай, бу борада гапириш тугул ўйлаш ҳам тақиқланган бўлса керак.

Депутат сўзини интернетдан қидириб кўрсангиз, фуқаролар томонидан танланган, ҳокимиятдаги вакил маъносини беради. У халқнинг, фуқароларнинг, ўз сайловчиларининг манфаатидан келиб чиқиб курашиши керак. У тепадаги халқнинг ишонган вакили бўлиши керак. Билмайман бу сўз қаерда яратилган, қачон яратилган, лекин аниқ Ўзбекистондаги маҳаллийлаштирилган версиясида сўз ўз маъносини йўқотган. Мисол тариқасида Алишер Қодировни оладиган бўлсак, бу одам ҳеч қачон халқнинг манфаатидан келиб чиқиб ҳукуматга эътироз билдирмайди. Бу одам доим ҳукуматнинг қарорларига эътироз билдирган халқ вакилларини айблайди. Унинг наздида халқ ношукур, ўқитувчилар кўп ойлик олаяпти, мигрантлар солиқ тўлаши керак.

Ўзи ҳеч қаерда мавжуд бўлмаган алифбода матн ёзиб келган одамдан адекват нарсани кутиш ҳам хато, лекин барибир ичингда бир овоз "депутат-ку, халқ вакили-ку бу ҳам" деяверадида.

Муҳаббатдан нафратгача 1,5 метр

Жокер фильмининг биринчи қисми ўта муваффақиятли чиқди. У йилнинг энг зўр фильмлари қаторида тилга олинди ва кино оламидаги энг нуфузли ҳисобланадиган "Оскар" мукофотини ютиш учун, ўша йилдаги энг кўп (адашмасам) 11 та номинацияда қўйилди. У нафақат танқидчиларнинг севимли фильмига айлана олди, балки кинотеатрда ҳам 1.1 млрд доллар пул йиғиб ҳар томонлама йилнинг энг зўрларидан бири бўла олди.

Бунақа муваффақиятни кутмаган фильм ижодкорлари, дарров иккинчи қисмни суратга олишга киришиб кетишди. Улар бюджетни янада катталаштиришди ва 5 йилдан сўнг иккинчи қисмни премьера қилишди. Натижада фильм йилнинг энг касодга учраган лойиҳаларидан бирига айланди. Фильм ҳар томонлама йилнинг энг ёмони бўлди. Мукофотлар ҳақида гапирмаса ҳам бўлади, у йилнинг энг ёмонларига бериладиган анти-мукофот ҳисобланмиш “Олтин малина”нинг барча, беш номинациясида ҳам ғолиблик учун курашадиган бўлди. 2020 йилда фиаско қилиб, ҳеч қандай шубҳаларсиз, "Оскар" мукофотини топширишдан анча муддат аввал ютиши аниқ бўлган Хоакин Феникс, бу сафар ҳам мукофот ютиши деярли аниқ бўлиб турибди. Фақат бу сафар унга бир эмас иккита "Олтин малина" топширилиши мумкин.

Фильмларнинг рейтинги ҳам, улар ишлаб топган пул ҳам ва танқидчиларнинг фикри ҳам осмон билан ерча фарқ қилди. Аслида эса уларни ишлаганлар ҳам, уларда ўйнаганлар ҳам деярли бир хил одамлар, битта жамоа.

Хулоса қилиб айтадиган бўлсак, ҳар доим ҳам фильмларнинг иккинчи қисми биринчиси каби муваффақият келтирмайди, айниқса "Жокер" билан бўлган ҳолат бемалол энг қўрқинчли мисол бўла олади. У беш йилда — одамлар севган фильмдан, одамларнинг нафратига дучор бўлган картинага айланди.