Prezident Komandasi/расмий 🇺🇿

Халқ банки ходимасининг ноқонуний хатти-ҳаракатларини аниқлаган журналистга барибир иш очилди

MY5 телеканали мухбири Рухсора Ғофурова ўзгалар номига кредит олганликда гумон қилинаётган банк ходимаси ҳақидаги материали ортидан ИИБга чақиртирилган эди.

Олий суд ахборот хизмати раҳбари Азиз Абидовнинг маълум қилишича, Халқ банкининг Жиззах вилояти филиали собиқ ходимаси Б.Г. журналист Рухсора Ғофурова устидан ички ишлар органларига мурожаат қилган.

«Рухсора Ғофуровага нисбатан Маъмурий жавобгарлик тўғрисидаги кодекснинг 46−2-моддаси (шахсга доир маълумотлар тўғрисидаги қонунчиликни бузиш) билан маъмурий ҳуқуқбузарлик тўғрисидаги иш қўзғатилган бўлиб, тўпланган ҳужжатлар жиноят ишлари бўйича Мирзо Улуғбек тумани судига оширилди», — дейилади Олий суд ахборотида.
Қайд этилишича, ушбу маъмурий ҳуқуқбузарлик тўғрисидаги ишни суд мажлисида кўриб чиқиш 27 февраль куни соат 10:00 га тайинланди.

@pressa01

Холмўмин Ёдгоровга савол!

Судьялар олий кенгаши 20 февраль куни соат 12.00. да матбуот анжумани ўтказишини эълон қилди.
Ушбу тадбирга борадиган ҳамкасблардан Кенгаш раиси Х.Ёдгоровга қуйидаги саволни беришни сўрайман.

1. Охирги 1-2 йил ичида бир қанча аёл судьялар Тошкентдан ҳудудларга ишга жўнатиб юборилган.
Бу ишга юборишлар қанчалик ихтиёрий бўлган?

2. Икки фарзанди ва турмуш ўртоғи 
Тошкентда бўлган, бу шаҳардан кўчиб кетишга оилавий шароити йўл қўймайдиган ФИБ Шайхонтоҳур туманлараро суди судьяси Бердимуратова Зульфиянинг ўрнига Қорақалпоғистон Республикасига бориб ишлаб берадиган эркак нима учун топилмаган?

3. Ҳар ой фарзандлари олдига қатнайвериб қийналиб кетган судья З.Бердимуратова оиласи бағрига қачон қайтарилади?

4. Ўзбекистондаги 1631 нафар судьянинг бор-йўғи 14 фоизи аёллар эканлиги, Тошкент шаҳридаги туман судлари (жиноят, фуқаролик, маъмурий ва иқтисодий) раисларидан икки нафаригина хотин-қиз эканлиги билан уларга нисбатан бундай муносабат ўртасида боғлиқлик борми?

P.S. Тошкентдан ҳудудларга “ихтиёрий” равишда ишга юборилган судьялар рўйхатида хотин-қизлар кам эмас.

@pressa01

Ижтимоий давлатда парклар дом қуришга сотилмайди

Чунки парклар айнан ижтимоий неъматдир ва доимий равишда ижтимоий неъмат яратади. Камбағаллар, ўртаҳоллар, ўрта синф учун.

Анҳор Локомотив парки бир неча йилдан буён Давактив назоратида. Бирон бир объект ёки актив Давактивга ўтказилганми, демак мақсад уни сотиш, кўп ҳолатларда Давактивга ўтганидаёқ эгаси кимлиги маълум бўлади (гарчи хусусийлаштириш оталари "хусусийлаштирилмайди" дея қасам ичсаларда). Бошқача айтганда, паркнинг "жанозасини ўқиб бўлишган" (аукционга ҳам чиқарилган, лекин бу нарх оғиз солганларга "қимматлик қилиб" текинга қўлга киритиш йўлидан юришган кўринади).

Биз ўзимиз учун ўзимиз аниқлик киритиб олишимиз керак.

Биринчидан, ростданам Ижтимоий давлатмизми ё йўқми? Агар ростанам шундай бўлса, парклар сотилмаслиги керак. Давлат раҳбарининг шахсан ўзи 3 ой аввал Истироҳат боғлари, сайилгоҳ ва хиёбонларни хусусийлаштириш тақиқлаш ҳақида қонун қабул қилишни маъқуллаганди. Энди бирдан эсдан чиқдими?
Анҳор Локомотив Давактивдан қайтариб олиниб, айтайлик, халққа, шаҳар ҳокимиятига қайтарилиши зарур.

Иккинчидан, кўп қаватли турар жой мажмуалари, бизнес маркази ва апарт-меҳмонхона қуриш истагидагилар бўлса, марҳамат, Янги Тошкент сизларни кутмоқда. Очиқ майдонда кўрсатинглар ўзларингни! Боринглар, истаганча қуринглар. Тошкентни тинч қўйинглар, барака топгурлар. Оёқ қўйгани, юргани, нафас олгани жой қолмади. Тошкентда янги қурилишларга мораторий эълон қилиниши айтилганига 2 йилдан ошди.

Учинчидан, катта пулдорлар ва ваколат эгаларининг сиам эгизакларидек чатишиб кетгани ижтимоий мувозанатни издан чиқаришини кутиб ўтирмасдан, аниқ ва мақсадли ҳаракатларга ўтилиши зарур. Улар бир-бирини суғоришда, боқишда давом этишаверса, жамиятда инклюзивлик йўқолади. Камбағаллар, ўртаҳоллар ва ўрта синф кўз ўнгида легитимлик заифлашади. Легитимлик ортидан ишонч мўртлашади, ижтимоий кайфият ёмонлашади. Шундай экан, бу сиам эгизаклари ажратилиши керак. Ваколат эгаларидан барча йирик бизнес тўдалар баб баравар узоқлаштирилиши ва қоидалар бирхиллаштирилиши, ҳокимият ва бизнес ўртасидаги узаро муносабатлар тўлиқ шаффофлаштирилиши зарур.


@pressa01

#тахрирсиз_узатилди

Ассалому алайкум хурматли жонкуяр канал админлари биз Анд-обод мчж яни давлат хусусий шерикчилик асосида ишлайдиган ташкилот ишчиларимиз утган йили 2024 йил октябрь ойида тасисчимиз Искандарбек томонидан Фаргоналиларга ташкилотни бериб юборилганидан бери ахвол ута емонлашди ойлик иш хакиларимиз вактида берилмайди хамма екдан карз бб кетган екилгинику айтмаса хам булади Корхона рахбари Шукрулло Турдиевни булса парвойи фалак хонасида утирволиб бидир бидир килиб коп коп вадалар беришдан бошкани билмеди гапирсенг тушунмеди узи умуман корхона системасини тушунмеди Тепадеги рахбар Бахромжон илтимос ишни биладиган сал ходимни тушунадиган бошка рахбар куйиб беринг ташкилот хар томонлама боткокка ботиб булди ойлиларимизни сурасек еки иш холатимиззи емонлигини айтсек аризени ез ишлама дейишдан бошкани билмеди вилоят хокимимиз иш бн таминла деб чора тадбир килиб юрган бир пайтда биз ишдан бушасек кимга каерга борамиз ха кейин Андижонлилар бн Фаргоналиларни ажратмасдан тенг курсин бир хил вазифа бажарсегам уларни ойлиги 2-3 баравар куп шуниям тушунтириб берсин адлия прокуратура урганиб берса яхши буларди екилги харажатлариям нихоятда ошиб кетган...илтимос канал админлари ердам берилар тегишли жойларга етиб бориши учун

П.с ДХШни Искандарбек Фаргоналикларга канчага сотииз.

@pressa01

Омонатларни қайтариш тартиби ўзгарди

Эндиликда банк мижозлари омонатларини қайтариш учун 3 ойлаб кутмайдилар. Янги қонунга биноан, 2026 йилдан бошлаб омонатлар 15 кунда, 2027 йилдан эса 7 кунда тўлиқ тўлаб берилиши белгиланди.

@pressa01

Иккинчи жаҳон уруши қатнашчиларини рағбатлантириш юзасидан Презиеднт фармони билан:

Иккинчи жаҳон уруши қатнашчилари ва ногиронларининг ҳар бирига 10 000  (ўн минг) АҚШ доллари миқдорида;

Иккинчи жаҳон уруши қатнашчиларига тенглаштирилган шахсларнинг ҳар бирига 25 млн сўм миқдорида;

1941–1945 йиллардаги уруш давридаги меҳнат фронти қатнашчиларининг ҳар бирига 3 млн сўм миқдорида бир марталик пул мукофоти ажратилиши белгиланди.

@pressa01

Заказ экан деб ҳаёлга келган гапни ёзиш — ҳамма жойда ҳам номақбул иш саналади

Ёзайми-йўқми деб, кўп ўйладим.  Лекин ичимда қолиб кетмасин дея ёзишга жазм қилдим.

Кузатаётган бўлсангиз, ҳукумат раҳбари А.Ариповга нисбатан ахборот хуружи бошланди. Бу ҳужумлар ортида маълум гуруҳ ва шахслар тургани кундек равшан. Мақсад шунчаки қандай йўл билан бўлса-да обрўсизлантириш, бу хуружлар нафақат унинг шахсини ерга уриш, балки давлат ва ҳукуматга қарши қаратилган.

Шуни айтиш мумкинки, интернетда у ҳақида тарқатилган «мусор» негативларни бирортаси ҳақиқатга тўғри келмайди.

Абдулла Нигматович танқидларга тоқатли бўлган саноқли ўзбек амалдорларидан бири. Шу пайтга қадар бирорта фаол уни танқид қилгани учун босимга учрамаган. Қўлида шунча ричаг ва ресурслар бўлишига қарамай бундан фойдаланмаган. Мулоқотга очиқ. Ўзини ҳукуматнинг энг ашаддий танқидчиси санайдиган бир нечта блогерларни шахсан қабул қилган, уларнинг таклиф ва шикоятларини тинглаган. Буни ўша фаоллар бирор жойда очиқламаган бўлишса-да, аммо шу постни ўқиб гап ўзлари ҳақида эканлигини билишади.

Очиқлиқ тарафдори

Рости, авваллари Ариповни очиқлик душмани деб билардим. Яқинда у бир вақтлар фойдаланган фейсбук аккаунтини топиб олдим. Йиғилишларни шахсан ўзи “прямой эфир” қилган экан. Бу шунчаки шахсий амалиёт, шу билан бирга, у Давлат раҳбарининг очиқлик сиёсатини асосий ижрочиси ҳисобланади. Бугун давлат бошқаруви ва ҳокимият органлари билан боғлиқ, давлат харидларига оид ҳар қандай маълумотларни очиқ манбалардан топиш имкони яратилган. Давлат хизматлари онлайн платфораларга кўчирилиб, оддий битта «справка» олиш учун пора бериш каби амалиётлар батамом йўқ қилинишига эришилган.

Камтарлик

Абдулла акани яқиндан таниганлардан тортиб у билан бир марта мулоқот қилганлар тасдиқлаши мумкин: ёшу-қарига, танишу-бегона билан гаплашганда қўли кўксидан тушмайди. Расмиятчиликдан чиқиб жайдари мулоқот ўрнатишга ҳаракат қилади.

Хулоса қилиб айтганда нафақат Давлат ва Ҳукумат раҳбарларини, балки энг қуйи поғонадаги давлат хизматчисини фақат асосли танқид қилиш лозим. Бу нотўғри маълумот дейилса, «а энди ёзвордикда, нима бўлса ҳам» дейилишдан тийилиш керак.

Заказ экан деб ҳаёлга келган гапни ёзиш — ўша Европада ҳам номақбул иш саналади.

Бор гап шу...

@pressa01

Нега ҳокимлар ҳеч ким ва ҳеч нарсадан қўрқмайди?

Қувасой шаҳрида 500 та дарахт ҳоким бошчилигида қўпорилган.

Kun.uzга кўра, Қувасой шаҳрида 500 та дарахт дарахтлар тагидан қўпориб олиниб, ғайриқонуний равишда бошқа жойга кўчирилган. Бу қонунбузарликларнинг бошида шахсан Қувасой шаҳар ҳокими турган экан.

Ҳоким 251 та дарахт кўчирилганини айтмоқда. Ҳокимнинг баҳонаси дарахтлар жойлашган ерга турар-жойлар ва маиший хизмат кўрсатиш комплекслари қурилар эмиш. Ўзиз айтинг, агар бу ишга коррупция аралашмаган бўлса, шахсан ҳокимнинг ўзи қонунларга тупурган ҳолда, тепасида туриб қўпортирармиди шунча дарахтларни.

Бу вазиятда дарахтларни кўчиришда Вазирлар Маҳкамасининг 2022 йил 22 августдаги 464-сонли қарори билан тасдиқланган “Давлат ўрмон фондига кирмайдиган дарахтлар ва буталарни экиш, парвариш қилиш ҳамда улардан фойдаланиш тартиби тўғрисида”ги Низом талаблари қўпол равишда бузилган.

Энг қизиғи, ўша дарахтлар тагидан қўпориб олинаётган жойнинг шундоққина рўпарасида Қувасой шаҳар прокуратураси жойлашган. Шаҳар прокуроридан тортиб, прокуратуранинг қоровулигача бу қонунбузарликларни шунчаки томоша қилиб турганми шунда. Уят!

Ҳокимдан ва прокурордан тортиб, шаҳарга масъул экология ходимларигача қатъий чора кўрилишини талаб қиламиз!


@pressa01

Фаолият юритмаётган корхонат IT таълим соҳасидаги йирик лойиҳани қўлга киритди

2025 йил 17 февраль куни Рақамли технологиялар вазирлиги ҳузуридаги Рақамли таълимни ривожлантириш маркази томонидан «IT таълим марказларига субсидия бериш (IT Talents) ахборот тизимини такомиллаштириш» доирасида ‘IT-истеъдод’, ‘Uzbekcoders’ ва ‘IT-шаҳарча’ модулларини яратиш бўйича танлов ўтказилди.

Лойиҳанинг бошланғич қиймати 1 млрд 148 млн сўм этиб белгиланган.

Тендерда икки иштирокчи ўз таклифларини тақдим этган. Энг паст нарх — 1 млрд 130 млн сўм таклиф қилган «ASTRA EXIM TECH AND RESEARCH AGENCY» МЧЖ ғолиб деб топилган.

Бироқ, жорий 17 феврал ҳолатига кўра, ушбу компания юридик шахсларнинг ягона давлат регистри ва Солиқ қўмитаси маълумотида «фаолият кўрсатмаётган»и қайд этилган.

Бошқа манбаларга қаралса, «ASTRA EXIM TECH AND RESEARCH AGENCY» МЧЖ 2024 йил 27 июндан бери фаолият юритмаётган деб тахмин қилиш мумкин.

Шу билан бирга, ушбу компания 2024 йил 27 декабрь санасида IT-Park резидентларининг ягона реестрига киритилган.

Бу ҳолат тендер жараёни ва ғолиб компаниянинг ҳозирда фаолият юритаёгани борасида саволлар туғдиради. Шунингдек, фаолият кўрсатмаётган компания қандай қилиб IT-Park резиденти сифатида рўйхатга олингани ҳам жуда қизиқ.

©revizor



@Pressa01