PORTAL24 | Расмий канал

Жорий йилнинг 16 ноябрь куни соат 03:35 ларда "Наманган" ЙПХ масканида ЙҲХХ “Қамчиқ” довони бўйича ЙПХ отряди ходимлари томонидан "Водий-Тошкент" йўналишида ҳаракатланиб келган ҳайдовчи, 1986 йилда туғилган З.И. бошқарувидаги "Lacetti" русумли автомобиль тўхтатилиб текширилганда, транспорт воситасининг салонида жами 12 дона "Iphone 16 pro" телефон қурилмалари олиб кетилаётганлиги, ушбу қурилмаларга оид тегишли ҳужжатлар мавжуд эмаслиги аниқланган.

Ҳолат юзасидан ўрнатилган тартибда ҳужжатлар расмийлаштирилиб, қурилмалар ҳамда фуқаро З.И. Поп тумани Солиқ инспекцияси ходимларига суриштирув ишларини давом эттиришлик учун топширилган.

Келиб чиқиши россиялик бўлган адвокат Борис Эпштейн Трампнинг Украинадаги махсус вакили бўлиши мумкин. Эпштейннинг ўзи Трамп Байден билан Оқ уйда учрашувга учаётганида ўзини ушбу лавозимга тайинлашини таклиф қилган. Эпштейннинг дипломатия соҳасида тажрибаси йўқ, лекин уни ўзининг сўзларига кўра, унинг Россияда ҳам, Украинада ҳам қариндошлари бор.
 
"Трампнинг жамоасидагилар Эпштейннинг таклифидан ҳайратда қолишди. Бироқ, сайланган президент ўзига қарши жиноий ишлар бўйича ҳимояни мувофиқлаштирган ёрдамчисининг сўзларини диққат билан тинглади", деб ёзади Тhe New York Times манбаларига таяниб.
 
Ҳозирда Эпштейннинг ўзи ҳам жиноий иш иштирокчиси ҳиcобланади. Аризона штатида у ва Трампнинг бошқа маслаҳатчилари 2020 йилги АҚШ президентлик сайлови натижаларини сохта сайловчилар рўйхати орқали бекор қилишга уринишда айбланган.

Олий Мажлиснинг Болалар ҳуқуқлари бўйича вакили Сурайё Раҳмонова Самарқанд вилоятининг Қўшработ туманида содир этилган жинсий зўравонлик ҳолатини ўрганди ва ушбу зўравонликнинг қурбони бўлган ўқувчи қиз билан учрашди.

Болалар омбудсмани дастлабки тергов босқичида жабрланган қизнинг процессуал ҳуқуқлари қандай таъминланганини ўрганди. Терговда боланинг қонуний вакили, ўқитувчиси ва адвокатининг иштирокига алоҳида эътибор қаратилади.
Сурайё Раҳмонова терговчиларга қизнинг иштирокидаги тергов ва процессуал ҳаракатларнинг бола учун дўстона ўтказилиши ва қўшимча травматик тарзда бўлишига йўл қўймасликка оид тавсиялар берган.

Қизнинг онаси билан суҳбат давомида аёл ОАВ вакиллари ва жамоатчиликдан ушбу жиноят тафсилотларини эълон қилмасликни сўраб, ҳар бир шундай хабар қизига ва оиласига катта руҳий зарба бўлаётганини айтган.

Марказий сайлов комиссияси қарорига кўра:
Олий Мажлис Қонунчилик палатасининг биринчи мажлиси 18 ноябрь, душанба куни; 

Сенатнинг биринчи мажлиси 19 ноябрь, сешанба куни Тошкент шаҳрида чақирилади.
Маълумот ўрнида: одатда Қонунчилик палатаси ва Сенатнинг биринчи мажлисида Ўзбекистон Республикаси Президенти ҳам иштирок этади.
Шунингдек, биринчи мажлисда Қонунчилик палатаси Спикери ҳамда Сенат Раиси сайланади. Шунингдек, бош вазир номзоди ҳам тасдиқланади. 

Конституцияга биноан, Сенат Раиси Президент тақдимига биноан сайланади.

Ушбу лойиҳа қуввати 1 ГВт бўлиб, 2934 та платформага эга, умумий майдони эса 1223 гектарни ташкил қилади.

Лойиҳанинг якунланиш муддати ҳозирча номаълум.

Станция ишга туширилгандан кейин йилига 1,78 млрд киловатт-соат электр энергияси ишлаб чиқариш қувватига эга бўлади.

Доналд Трамп АҚШ президентлик сайловларида ғалаба қозонганидан сўнг унинг ташқи сиёсати, жумладан Туркия билан муносабатлари янада мослашувчан ва қатъий бўлади. Конгрессдаги республикачилар кўпчиликнинг таъсирининг заифлиги ва қайта сайланиш хавфининг йўқлиги Трампга ҳаракат эркинлигини беради, бу эса Анқара билан ҳамкорлик учун янги имкониятлар очади.

Трамп Суриядан қўшинларни олиб чиқиш ва курд кучларига қарши кураш сиёсатини давом эттиради, бу эса Туркия билан стратегик муносабатларни мустаҳкамлашга олиб келиши мумкин.

Трамп ва Туркия президенти Ражаб Тоййиб Эрдўған тўғридан-тўғри ва самарали ҳамкорлик қилишга имкон берувчи шахсий, ишончли муносабатларга эга. Раҳбарлар мудофаа ва минтақавий хавфсизлик каби муҳим масалаларни тезроқ ҳал қила олади, дейди нашр.

Россиянинг кенг кўламли тажовузининг 1000 кунлиги арафасида G7 мамлакатлари раҳбарлари Украинани "суверенитет, эркинлик, мустақиллик ва ҳудудий яхлитлик" учун курашида сўзсиз қўллаб-қувватлашларини билдирдилар.

"Фақатгина Россия Федерацияси Украинада адолатли ва узоқ муддатли тинчлик ўрнатилишига тўсиқинлик қилмоқда", дейилади қўшма баёнотда.

G7 давлатлари етакчилари украиналикларнинг ўз юрти, маданияти ва халқини ҳимоя қилишдаги мислсиз кураши ва қатъиятини қайд этдилар.

Бундан ташқари, G7 Россияни "санкциялар, экспорт назорати ва бошқа самарали чоралар" орқали ҳарбий тажовуз учун катта товон тўлашга мажбур қилишга тайёрлигини эълон қилди. Германия, Италия, Франция, Канада, АҚШ, Япония ва Буюк Британия раҳбарлари қўшма баёнотда Россиянинг тажовузкорлиги бутун дунё бўйлаб заиф одамларга таъсир қилишини қайд этдилар.

Хитой шарқидаги Йихинг шаҳридаги университет кампусига уюштирилган ҳужум оқибатида саккиз киши ҳалок бўлди, 17 киши жароҳатланди, деб хабар бермоқда CНН маҳаллий полиция баёнотига таяниб.

Ҳужум қилган шахс 21 ёшли собиқ талаба бўлиб, яқинда имтиҳондан ўта олмаган ва битирув сертификатини олмаган. У қўлга олиниб, айбига иқрор бўлди.

Исроил президенти Исаак Герцог хавфсизлик нуқтаи назаридан Озарбайжон пойтахтида бўлиб ўтадиган COP-29 иқлим конференциясидаги иштирокини бекор қилди, деб хабар бермоқда Исроил матбуоти.

Тахминларга кўра, Исроил разведка хизматлари конференцияда Исаак Герцог бўлганида Эрон Бокуда теракт уюштиришга уриниб кўришидан чўчиган. Исроил президенти қисқа муддатли, бир неча соат билан чекланган ташрифни режалаштирганига қарамай, якунда уни бутунлай бекор қилишга қарор қилинди.

Аввалроқ Эрон президенти Масуд Пезешкиан айнан Исаак Герцог иштирок этгани учун анжуманда қатнашишдан бош тортган эди.

Оқмўла вилояти Сабиниди қишлоғидаги бино бутунлай вайрон бўлган, бироқ ёнғин содир бўлмаган. Ҳодиса оқибатида 17 киши жароҳат олган. 3 киши ҳалок бўлган.

Вайроналар остидан эркак, аёл ва 12 ёшли боланинг жасади топилган.

Учрашув Осиё-Тинч океани иқтисодий ҳамкорлик ташкилоти саммити доирасида бўлиб ўтди.

Хитой раҳбари Пекин АҚШнинг янги маъмурияти билан ишлашга тайёрлигини ва Вашингтон билан “соғлом ва барқарор” муносабатларни сақлаб қолиш тарафдори эканини айтди.

Бу уларнинг Байден президентлиги давридаги учинчи учрашуви ҳисобланади.

Бу ташаббусга олимлар, журналистлар, маданият вакиллари қўшилди.

Маълум қилинишича, йиғиш натижалари Туркия парламентига тақдим этилади.

Имзо тўплаш ташаббускорларининг мотиви шундаки, Туркия ўзини ҳимоя қилишга қодир катта ва мустақил давлат ва НАТО суверенитети бўлмаган кичик ва заиф давлатлар учун фойдалидир. Туркия ҳудудидаги Америка базалари хавфсизлик эмас, давлат учун шармандаликдир.

Сурхондарё вилоятининг Бандихон туманида содир бўлган йўл-транспорт ҳодисасида 7 ёшли мактаб ўқувчиси вафот этди. Бу ҳақда вилоят Йўл ҳаракати хавфсизлиги бошқармаси хабар берди.
Қайд этилишича, ҳодиса жорий йилнинг 12 ноябрь куни соат 8:00 да Бандихон тумани Чинор маҳалласи ҳудудидан ўтувчи 4R-100 автомобил йўлининг 98-километрида рўй берган. 1992 йилда туғилган ҳайдовчи бошқарувида бўлган Nexia “Бандихон-Қизириқ” йўналишида ҳаракатланиб келиб, йўлнинг белгиланмаган жойидан югурган ҳолда кесиб ўтаётган 2017 йилда туғилган вояга етмаган болани уриб юборган. Оқибатда бола олган тан жароҳатлари билан туман шифохонасида вафот этган.

Хабарга кўра, бола тумандаги 9-мактабнинг 1-синф ўқувчиси бўлган. ЙТҲ ортидан бола ўқийдиган мактабда ЙҲХБ мутасаддилари, маҳалла аҳолиси, вафот этган боланинг ота-онаси иштирокида муҳокама йиғилиши ўтказилган.

Ижтимоий тармоқларда Жиззах вилоятининг Бахмал туманида қайнона ўз келини томонидан аёвсиз калтаклангани ва айни пайтда шифохонанинг жонлантириш бўлимида оғир аҳволда ётгани ҳақида хабарлар тарқалди. Ҳолат юзасидан вилоят Ички ишлар бошқармаси расмий маълумот берди.
Қайд этилишича, гумон қилинувчига нисбатан Жиноят кодексининг 105-моддаси (Қасддан баданга ўртача оғир шикаст етказиш) 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.  

Тармоқларда сиздирилган видеода Бахмал туманининг “Нуробод” маҳалласи Бунёдкор кўчаси 146-уйда яшовчи Л.Ў. исмли аёлнинг келини Ў.С. томонидан калтаклангани, келин аёлнинг танасига оғир жароҳатлар етказгани ва қочиб кетгани айтилган. Хабарларда келиннинг уйидан 20 миллион сўм нақд пулларни олиб кетгани ҳам қайд этилган.

ОФК томонидан ўтган йил якунларига бағишланган тақдирлаш маросимида Аббосбек Файзуллаев "Йилнинг энг яхши ёш футболчиси" сифатида эътироф этилган эди.

Айни кунларда Миллий Жамоа таркибида Вентян шаҳрида бўлиб турган футболчимизга ЎФА раҳбарияти томонидан ушбу мукофот топширилди.

Сенат раиси Ўзбекистонда президент бошчилигида қатор ташаббуслар илгари сурилаётганини, дунё ҳамжамиятини бир бўлишга чорловчи халқаро таклифлар билдирилганини таъкидлади.

Шунингдек, биргаликда тадқиқотлар ўтказиш, илмий асосланган таклифларни ишлаб чиқиш ва ҳукуматларга тақдим этиш амалиётини кенг жорий этиш мақсадга мувофиқлиги билдирилди.