POP.TUMAN.UZ I Rasmiy kanal

#Об_ҳаво

🌧🌨 Наманганда 31 январь куни баъзи жойларда бироз қор ёғиб, туман тушиши мумкин

▫️Ўзгидромет 31 январь, жума куни кузатиладиган об-ҳаво тўғрисида маълумот берди.

▫️Наманган вилоятида ҳаво ўзгариб туради, айрим жойларда бироз қор ёғиб, туман тушиши мумкин. Ғарбдан секундига 5-10 метр тезликда шамол эсади. Кечаси 0-5 даража совуқ, кундузи 0-5 даража илиқ бўлади.    

▫️Республикамизнинг тоғли ҳудудларида ҳаво ўзгариб туради, вақти-вақти билан қор ёғиб, туман тушиши мумкин. Ғарбдан секундига 7-12 метр тезликда шамол эсади. Кечаси 7-12, кундузи 2-7 даража совуқ бўлади.    

✍️@pophokimligi

Поп туман ҳокимлигида давлат хизматчилари учун ўқув-семинар ташкил этилди

Аввал хабар бергинимиздек, Давлат хизматини ривожлантириш агентлиги Наманган вилояти филиали ташаббуси билан туман (шаҳар) ҳокимлиги аппарати ходимлари, ташкилотларининг раҳбарлари, кадр тузилмалари ходимлари ҳамда юристлар учун ўқув-семинарлар ташкил этиб келинмоқда.

Куни кеча худди шундай ўқув-семинари Поп туман ҳокимлигида ташкил этилди.

Ўқув-семинарда мутахассислар томонидан вакант лавозимлар бўйича очиқ танловларни ўтказиш, номзодларни малака талаблари бўйича саралашда шаффофликни таъминлаш, танлов якунлари бўйича ҳужжатларни тўғри расмийлаштириш юзасидан тушунчалар берилди.

Шунингдек, қонун ҳужжатлари талаблари асосида Одоб-ахлоқ комиссияси фаолиятини юритиш тартибининг ҳуқуқий механизмлари, комиссия йиғилишини ташкил этиш, унда масалаларни кўриб чиқиш, ҳужжатларни расмийлаштириш билан боғлиқ барча жараёнлар амалий мисоллар билан тушунтирилди.

✍️@pophokimligi

"Мен намунали ҳарбий оила бекасиман"

Попда Ватан тинчлиги ва осойишталиги йўлида хизмат қилаётган ҳарбий хизматчиларнинг оилалари ўртасида "Мен намунали ҳарбий оила бекасиман" шиори остида " Балли қизлар" кўрик танлови бўлиб ўтди.

Беш нафар ҳарбий оила бекалари иштирок этган тадбирга туман ҳокими ўринбосари - Оила ва хотин-қизлар бўлими бошлиғи Г. Эргашева таклиф этилди.

Кўрик-танлов уч босқичдан иборат бўлиб, ҳарбий оилалар шарт қоидаларига асосан миллий рақс, шеър, қўшиқ ва ижрочилик санъати орқали ўзларини таништирди ва иштирокчиларнинг ҳар бир чиқиши туман хотин-қизлар бўлими экспертлари томонидан баҳоланди.

Якунда иштирокчилар ташкилотчилар томонидан муносиб эътироф этилди.

✍️@pophokimligi

✅✅✅

❓ “Яшил энергия” фойдасига газдан воз кечиш нимага олиб келади?

✅Бугунги кунда иқлим ўзгариши, атмосфера ҳавоси ифлосланиши ва бошқа долзарб экологик муаммолар кечиктириб бўлмас чора-тадбирларни тақозо этмоқда.

✅ Ана шундай чоралардан бири қайта тикланадиган манбалардан олинадиган электр энергиясидан фойдаланишга — «яшил энергетика»га тўлиқ ўтишдир.

⚠️ Факт!

⚡️Табиий газни ёқиш пайтида ҳар бир кубометр газучун тахминан 2,75 кг CО₂ ажралиб чиқади. Бу жараён, шунингдек, оз миқдорда метанчиқаради, бу карбонат ангидриддан 25-28 марта кучли иссиқхона газидир.

⚡️Иқлим ўзгариши бўйича ҳукуматлараро панел (IPCC) маълумотларига кўра, қазиб олинадиган ёқилғидан фойдаланишни қисқартириш аср ўрталарида углерод нейтраллигига эришишнинг асосий қадамларидан биридир.

✍️ Батафсил

✍️@pophokimligi

Поп туманида ҳамкор ташкилотлар ва муассасалар раҳбарлари билан учрашув бўлиб ўтди.

Унда Олий Мажлис Сенати аъзоси, Сенатор Икромхон Нажмиддинов, меҳнат фахрийлари Абдулҳай Турсунов, вилоят "Нуронийлар жамоатчилик кенгаши" аъзоси Умматали Шамсиевлар иштирок этдилар.

Бўлиб ўтган мулоқотда Ўзбекистон Республикаси Президентининг ПК-405 ва ВМ 982 сонли карорлари бўйича ҳар бир маҳалладан 3 нафар фаол нуронийларга беш нафардан камбағал оилаларни бириктирилиши, камбағалликдан чиқаришдаги нуронийларнинг иштироклари самараси ҳақида ҳам мулоҳазалар билдирди.

Шунингдек мулоқот давомида маҳаллаларда жиноятчилик ва ҳуқуқбузарликни барвақт олдини олиш борасида ҳамкор ташкилотлар билан ҳамжиҳатликда иш ташкил қилинишини билдирилди.

✍️@pophokimligi

Маҳаллалардаги ўрганишлар давом этмоқда

Поп туман прокуратураси томонидан Ўзбекистон Республикаси Президентининг 2025 йил 3 январдаги ПҚ-1-сонли қарори ижроси бўйича туманда криминоген вазияти оғир бўлган “Пахтакор” маҳалласи шу билан биргаликда А. Навоий маҳалласи хам ўрганилди.

Ўрганиш давомида ижтимоий профилактика чораларини амалга ошириш, ёшлар, аёллар ва ишсизлар томонидан ҳамда оилавий муносабатлар доирасида содир этилиши мумкин бўлган жиноятларнинг олдини олишда маҳалла еттилиги ҳар бир вакилининг вазифаси эканлиги таъкидланди. Шу билан бирга, маҳаллани “қизил” тоифадан чиқариш бўйича аниқ кўрсатмалар берилди.

Шунингдек жараёнда таълим муассасасидаги ўқувчи ёшлар билан хам суҳбатлар уюштирилиб, дунёда дин ниқоби остида содир этилаётган хунрезликлар муҳокама қилиниб, юртимизда ҳукм сураётган тинчлик ва осойишталикни қадрига етиш, лоқайд ва бепарволикка берилмаслик бўйича тушунчалар бериб ўтилди.

✍️@pophokimligi