Farg'ona shahridagi Prezident maktabi/ Presidential school in Fergana!

#rasmiy_bayonot
#ota_onalar_diqqatiga

❗️IXTISOSLASHTIRILGAN TA’LIM MUASSASALARI AGENTLIGINING PREZIDENT MAKTABLARIGA KIRISH UCHUN TAYYORLAYDIGAN OʻQUV KURSLARI MAVJUD EMAS!

❌ Ijtimoiy tarmoqlarda “Prezident maktablariga tayyorlaymiz”, “Prezident maktablariga kirish uchun oraliq “repetitsion” test sinovlari” qabilidagi e’lonlar asosida “Prezident maktablari” brendi ostida tayyorlov kurslarining e’lonlari juda koʻp uchramoqda.

⚠️ Shuningdek, ijtimoiy tarmoqlarda Prezident maktablari nomidan faoliyat yuritib kelayotgan turli kanal va sahifalar ham koʻpaygan.

📌 Bu kabi telegram kanallar va tayyorlov kurslarining Prezident maktablariga hech qanday aloqasi yoʻq!

‼️ Ixtisoslashtirilgan taʼlim muassasalari agentligi tomonidan Prezident maktablariga kirish uchun hech qanday ORALIQ SINOV IMTIHONLARI oʻtkazilmaydi!

🤩 Prezident maktablari boʻyicha barcha tasdiqlangan ma’lumotlar Ixtisoslashtirilgan ta’lim muassasalari agentligining rasmiy sahifalari orqali yoritilib boriladi.

Telegram | Facebook | Instagram | YouTube

#Agentlik_fan_olimpiadasi

🤩 Agentlik fan olimpiadasining hududiy bosqichlari bo’lib o’tdi

Ixtisoslashtirilgan ta’lim muassasalari agentligi tizimidagi maktablar o‘rtasida shu yilning 15-mart kuni STEM (matematika, fizika, kimyo, biologiya, science hamda axborot texnologiyalari) fanlari bo‘yicha Agentlik fan olimpiadasining hududiy bosqichlari bo‘lib o'tdi.

Ixtisoslashtirilgan ta'lim muassasalari agentligi tizimidagi o'quvchilarni olimpiadaga bo'lgan qiziqishini orttirish, ularni O'zbekiston terma jamoasi tarkibiga kiritish, xalqaro olimpiadalarda ishtirokini ta'minlash maqsadida Agentlik tizimida STEM fanlari bo'yicha olimpiada tashkil etib kelinmoqda.

Olimpiadada matematika, fizika, kimyo, biologiya, informatika va axborot texnologiyalari, science fanlaridan g'olib bo'lgan(1-, 2-, 3-o'rin) jami 87 nafar o'quvchilar fan olimpiadalari va musobaqalarga quyi sinflardan tayyorgarlikni yo'lga qo'yish maqsadlarida joriy yilning iyun-iyul oylarida Toshkent viloyati, Bo'stonliq tumanida iqtidorli o'quvchilar uchun tashkil etilgan "Renessans" sog'lomlashtirish oromgohiga jalb etiladi.

Telegram | Facebook | Instagram | YouTube

#qabul_2025

📣📣📣📣📣

❗️UMUMIY OʻRTA TAʼLIM MAKTABLARI DIQQATIGA!

🗣2025-yilda Ixtisoslashtirilgan ta’lim muassasalari agentligi tizimidagi Prezident, ijod, sport va ixtisoslashtirilgan maktablarda oʻqish istagida boʻlgan oʻquvchilarning hujjatlari erp.maktab.uz elektron bazasidagi ma’lumotlar asosida onlayn qabul qilinadi.

Tanlovda ishtirok etish istagida boʻlgan oʻquvchilarga qulaylik yaratish va hujjat topshirish jarayonlarini samarali tashkil etish maqsadida umumiy o‘rta ta’lim maktablari tomonidan quyidagi tashkiliy ishlarni amalga oshirish talab etiladi:

✅ Davlat va nodavlat umumiy o‘rta ta’lim maktablarida tahsil olayotgan 4-, 5-, 6-, 7-, 8-, 9-sinflardagi oʻquvchilarning tugʻilganlik haqida guvohnomasi ma’lumotlarini erp.maktab.uz elektron bazasi ma’lumotlariga mosligini tahlil qilish:

➖ tugʻilganlik haqida guvohnomaning seriyasi va raqami;
➖ familiyasi, ismi, sharifi tugʻilganlik haqida guvohnoma bilan bir xil ekanligi;
➖tugʻilgan yili, kuni, sanasi guvohnomada koʻrsatilgan sanaga mos kelishi.

✅ Oʻquvchining amalda ta’lim olayotgan sinfi erp.maktab.uz elektron bazasida toʻg‘ri kiritilganligini koʻrib chiqish.

❗️erp.maktab.uz elektron bazasidagi ma’lumotlarning haqqoniyligiga shaxsan davlat va nodavlat umumiy oʻrta ta’lim maktablari direktorlari mas’ul ekanligi eslatib oʻtiladi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin