"Parkent tongi" gazetasi I Расмий канал

#Қутлуғ_сана

⚡️⚡️⚡️ Бугун 9 февраль – сўз мулкининг султони, давлат арбоби, мутафаккир  ҳазрат Мир Алишер Навоий таваллуди куни

Ҳазрат Навоий ҳикматларидан:

Не қушким баланд ўлса парвоз анга,
Ҳалок истамас новакандоз анга.
(Агар қушнинг парвози баланд бўлса, ҳар қандай овчининг ўқлари унгача етиб боролмайди. Шунинг учун овчи бундай ўйдан воз кечиб қўя қолади)

Агарчи эрур мушак отмоқ иши,
Булут момуғин ўртай олмас киши.
(Мушак отувчининг иши ўт ёқиб, уни осмонга чиқаришдан иборат. Шунга қарамасдан у баландда – осмонда бўлган булут прачаларини ёндиришнинг уддасидан чиқа олмайди)

Тутайким, бийик тоққа чиқсун паланг,
Тўлун ойға секриб етургайму чанг?
(Қоплон баланд  тоғларнинг энг тепа қисмларида ҳам юра олади. Шунга қарамай унинг тўлин ойга чанг солиш имкони борми? Йўқ, бу имкон унда мавжуд эмас!)

Баланд айлабон ҳиммат ул бениёз,
Ки, ҳар неча ҳиммат бийик, меҳнат оз.
(Тўлин ой баландда бўлганлиги учун ҳам ҳимоя ва асраб-авайлашга муҳтож эмас, зеро, ҳиммати буюк бўлганларнинг машаққатлари оз бўлади)

Дарахт узра гар бўлса юз минг ёнгоғ,
Кўмар ерга ҳар не ўғурлоди зоғ.
(Дарахтнинг устида юз мингта ёнғоқ бўлишига қарамасдан зоғ (қарға) ундан ўғирлаб, олганларини ер остига кўмиш билан машғул бўлади)

Бировким, анинг ҳиммати йўқтурур,
Ғани бўлса ҳам ҳурмати йўқтурур.
(Ҳиммати йўқ кимсанинг, агар у  ғани (бой-бадавлат)  бўлса-да, ҳурмати  бўлмайди)

👉 @PARKENT_TONGI

#Оқ_йўл

⚡️⚡️⚡️ Ёш спортчиларимиздан 16 нафари Ҳиндистонга жўнаб кетишди

Туманимизнинг 16 нафар ёш спортчиси 9-13 февраль кунлари Ҳиндистон давлатининг Деҳли шаҳрида спортнинг Француз боксининг “САВАТ” тури бўйича олтинчи Осиё чемпионатида қатнашиш учун йўлга чиқишди.

Шу ҳақида спорт устаси, олий тоифадаги тренер Абдулатиф Абдуллаев ҳозиргина аэропортда туриб хабар берди.

⭕️ Келинг, биргаликда уларга ғалаба тилайлик!

👉 @PARKENT_TONGI

#Жараён

⚡️⚡️⚡️ Қайилма маҳалласидаги "еттилик" қандай ишларни амалга оширмоқда?

Бугунги кунда оғир иқтисодий шароитдаги оилаларнинг аъзоларига иш топиб бериш, муаммоларини имкон қадар ҳал қилишда "маҳалла еттилиги" фаол бўлиши талаб этилади.

Буни яхши тушунган Қайилма маҳалласидаги "еттилик" фаолиятида намуна қилиб кўрсатишга арзигулик гаплар бор.

Масалан, айни кунларда мазкур "маҳалла еттилиги" уйма-уй юриб, аҳолига томорқадан унумли фойдаланиш учун қандай йўл тутиш кераклигини тушунтирмоқда.

Томорқага оз миқдорда харажат қилиб, кўпроқ даромад олиш борасида синовдан ўтган тажрибалар ҳақида маълумот беришмоқда.

Мулоқотларда аҳолини қийнаётган муаммолар масъул ташкилотларга йўналтирилмоқда.

Шу билан бирга, ички кўчалар, хонадонларда ободонлаштириш ишлари бажарилмоқда.

"Маҳалла еттилиги"нинг фаоллиги туфайли ҳудудларда "Яшил макон" лойиҳаси доирасида кўчат экилмоқда.

Шунингдек, маҳалла аҳолиси орасида турли корхона ва МЧЖларда норасмий ишлаётганлар аниқланиб, уларга нисбатан меҳнат стажи юритиш орқали иш ўринлари қонунийлаштирилмоқда.

Хорижга иш излаб кетганларга эса туманимиздан муносиб иш топиб бериш орқали оиласи бағрига қайтариш чоралари кўрилмоқда.

Энг асосийси, маҳалладаги оғир иқтисодий шароитдаги оилаларни камбағалликдан чиқаришда хайрли ишлар амалга оширилмоқда.

Бундан ташқари, маҳаллада жиноятчиликни олдини олиш учун ҳудудларга кузатув камералари ўрнатилиб ҳуқуқ-тартибот органларига кузатув мониторларига уланмоқда.

Кам таъминланган ижтимоий ёрдамга муҳтож бўлган оилаларга моддий ёрдам берилиб, уларни ташвишга солаётган муаммолари тезда бартараф этилмоқда.

Масалан, маҳалладаги Мухтабар Тўраеванинг хонадонида ташқи девор йўқ эди.

Гапни бир жойга қўйган "маҳалла еттилиги" саховатпеша инсонлар, кўнгилли ҳашарчиларни топиб, уларнинг ҳомийлигида онахоннинг уйига деворни мустаҳкам қилиб қуриб қўйишди.

Дарвоқе, бундан савобли ишларни амалга оширишда туман Ободонлаштириш ходимлари ёрдам беришди.

P. S: Сиз яшаётган ҳудуддаги "маҳалла еттилиги" шу кунларда нималар билан банд? Шу ҳақида изоҳларда ёзинг.

👉 @PARKENT_TONGI

#Эълон

⚡️⚡️⚡️ Фақат биздан арзон ва сифатли мебелларни топасиз!

Ҳунарманд Азизбек Қаҳҳоров, Миробид Хусанбоевлар ясаётган мебеллар ҳақида эшитганмисиз?

Бугунги кунда мижозларига арзон ва сифатли мебелларни етказиб бермоқда.

Танловда адашманг, туманимиз ҳунармандлари дидингизга мос ҳар қандай дизайндаги мебелларни тайёрлаб бера олади.

Узоқ йиллар хонадонингиз кўрки бўлиб турувчи мебеллар сотиб олишни истасангиз қуйидаги телефон рақамларига қўнғироқ қилинг!
👇👇👇👇

📞 +998936464621

Мебелларнинг дизайни билан танишиш учун қўйидаги ҳаволага ўтинг!
👇👇👇👇
https://t.me/parkent_mebel_unversall

👉 @PARKENT_TONGI

#Долзарб

⚡️⚡️⚡️ Туманимизда “Хавфсиз ҳудуд” махсус профилактик тунги рейд тадбирлари ўтказилмоқда

Шу кунларда Паркент туман ИИБ ЙҲХБ ходимлари томонидан "Хавфсиз ҳудуд" махсус профилактик тунги рейд тадбирлари ўтказилмоқда.

Биласиз, туманимиз йўлларида ҳаракат хавфсизлигини таъминлаш долзарб вазифа ҳисобланади.

Сир эмаски, айрим ҳолатларда тун вақтида турли кафе ва ошхоналарда спиртли ичимлик ичган бўлсада, автомобилни бошқаришни оддий қабул қиладиган ҳайдовчилар ҳам учраб туради.

Бундай масъулиятсизлик оқибатида йўл транспорт ҳодисалари содир бўлиш хавфи ортиб кетади.

Содда қилиб айтганда оғир оқибатдаги авариялар келиб чиқиши ҳеч гап эмас.

Энг ёмони бунда инсон умрига зомин бўлиш даражасидаги кўнгилсизликлар содир этилиши мумкин.

Мана шундай нохуш вазиятларини олдини олиш учун тунда ҳам махсус профилактик тадбирларини ўтказиб бориш ўз самарасини беради.

Шу боис, туман ИИБ ЙҲХБ бўлими томонидан тунги рейд тадбирлари ўтказилиб, соҳа ходимлари ҳайдовчилар билан профилактик суҳбат олиб боришмоқда.

Паркент туман ИИБ ЙҲХБ бошлиғи, подполковник Дилшод Ҳалиловнинг маълумот беришича тунги рейд тадбирлари давом этади.

👉 @PARKENT_TONGI

#Диққат_тарқатинг

⚡️⚡️⚡️ Эртага кундузги соат 9:00 дан кеч соат 17:00 гача туманимизнинг айрим маҳаллаларида табиий газ таъминоти тўхтайди

Туманимиз марказидаги катта кўприкда амалга оширилаётган қурилиш жараёнларида мазкур кўприк яқинидан ўтган юқори босимли газ қувурини хавфсиз ҳудудга кўчириш зарурати юзага келди.

Шу боис, эртага 8 февраль куни Мозорхожи, Хўжа, Ўчоқ, Сой, Қўличи, Булоқбоши маҳаллаларида тўлиқ, Обжувоз маҳалласининг айрим ҳудудидаги жами жами 3 минг 557 та хонадон ҳамда 92 та улгуржи истеъмолчига кундузи соат 09:00 дан кеч соат 17:00 гача табиий газ бериш тўхтатиб турилади.

Бажарилаётган ишлар юзасидан қўшимча билдириш зарурати пайдо бўлган тақдирда @PARKENT_TONGI телеграм канали орқали тезкорликда хабардор қилинади.

Қўшимча маълумот учун қўйидаги рақамларга қўнғироқ қилишингиз мумкин.

Телефонлар: +998707222392; +998999631004

Келтирилган ноқулайликлар учун узр сўраймиз!

⭕️ "Паркенттумангаз" газ таъминоти бўлими

👉 @PARKENT_TONGI