O‘zbekcha yoz!

Ssenariy nima o‘zi? Yaxshi ssenariy qanaqa bo‘ladi?

Aslida, bu juda murakkab lekin qiziqarli format — uni borgan sari yaxshiroq egallab, ko‘nikmalarimni sayqallab borishga harakat qilaman. Ssenariy kuchli bo‘lishi uchun unga avvalambor hikoya kerak. Mantiqli, tushunarli, so‘zsiz ongga yetib boradigan hikoya.

Agar sizda Playstation bo‘lsa, 2018-yil chiqqan «Spider-Man» o‘yinini uchratgan bo‘lishingiz kerak. Shu o‘yinning boshida sizga qisqagina video-lavha ko‘rsatiladi.

Atigi 1 daqiqalik sahna o‘yin bosh qahramoni Piter Parker qanaqa odam ekanligini, uning xarakterini, qadriyatlarini va maqsadlarini, hatto tarixini ham ochib beradi: yaqinlarini hurmat qiladi, sevadi, o‘zi yashayotgan shahardan mag‘rur, uning yaqin do‘stlari ko‘p emas, uyda kam vaqt o‘tiradi, shuning uchun gullari so‘lib qolgan, bir vaqtning o‘zida har xil ishlar bilan shug‘ullanadi — krossvord yechishdan toki zamonaviy moslamalar yaratishgacha. Vaqti kam, palapartish ovqatlanadi, boy emas, yangi noutbukka pul yig‘olmay yuribdi. Kechgacha o‘tirib ishlaydi, xotirasi ham chatoq — stikerlarda eslatmalar yozib butun devorni to‘ldirib tashlagan.

Shuncha gap, shuncha ma’lumot bir og‘iz so‘zsiz ko‘rsatilgan. Tushuntirilgan.

Mana shu — yaxshi ssenariy. Mana shu — yaxshi storytelling.

Zapusk — yangi SMM.

Bundan bir necha yil avval SMM trendga chiqqan edi, esingizdami? Hozir uchtadan bittasi SMM-chi. Kurslar sotilyapti, bizneslar mutaxassis qidiryapti. Hammaga SMM kerak.

Zapusklar ham (o‘zbeklashtirmayapman ataylab, chunki professional leksikaga kirib bo‘ldi) hozir borgan sari trendga chiqib ketyapti. Chunki bu ishni orqasida yaxshigina pul bor.

Trenddagi narsani atrofida firibgarlar ko‘p bo‘ladi — lekin yaqinda o‘z tajribamdan kelib chiqib tavsiya qila oladigan «zapuskchi» mutaxassis topib oldim.

Husan aka Mamasaidov haqida eshitgandirsiz — katta tadbirkor, Deli uz, Mfaktor kabi ko‘zga ko‘ringan bizneslar egasi. Bu kishi bilan qadimda, loyihalar menejeri bo‘lgan davrimda ishlaganman. Kuchli inson judayam.

Shu insonga zapusk qiladigan boshqa bir kuchli inson bor — Hojiakbar. Nimaga kuchli? Chunki naqd $300 000 ga zapusk qilib, natija ko‘rsata olgan.

Ertaga shu mavzuda Hojiakbardan bepul marafon bo‘ladi, hozirni o‘zida kirib oling — kam bo‘lmaysiz.

Kechqurun YouTube’da nima ko‘ray ekan deb yurgan bo‘lsangiz, Temur aka bilan bo‘lgan suhbatimizni ko‘ring.

Kreativ, reklama va keyslar haqida miriqib gaplashdik.

Hammayoqda shov-shuv bo‘lgan «Mosaicvertising» keysi haqida ham insaytlar bor, balki, sizga qiziq bo‘lar.