Inson huquqlari bo'yicha vakil (ombudsman)| Расмий канал

📌Туғруқ таътилида бўлган аёлларнинг иш жойи сақланиши лозим

Омбудсманга мурожаат: “Туғруқ таътилидан сўнг мени туғруқ таътилига кетган бошқа ходимнинг ўрнига ишга қўйишди. У ишга қайтгандан сўнг эса мени ишдан ноқонуний бўшатиб юборишди. Нима қилай?

Афсуски, Инсон ҳуқуқлари бўйича Омбудсманга юборилаётган мурожаатларда айни масалалар ҳам кўтарилиб турибти. Бундай ҳолатда қандай ҳуқуқларингиз борлигини билишни истасангиз видеони охиргача томоша қилинг.

📎батафсил    🗣 lotin yozuviga o'tish

🌐Cайт |🔵Telegram | 🔵Facebook |📷Instagram | 🌐Twitter | 🎞Youtube

🔍Республика бўйлаб қатор ёпиқ муассасаларга мониторинг ташрифлари амалга оширилди

Ўтган ҳафта давомида Олий Мажлиснинг Инсон ҳуқуқлари бўйича вакили (Омбудсман)нинг Қорақалпоғистон Республикаси, Сурхондарё, Қашқадарё, Хоразм, Бухоро, Фарғона, Сирдарё ва Наманган вилоятлари ҳамда Тошкент шаҳридаги минтақавий вакиллари ҳаракатланиш эркинлиги чекланган шахслар сақланадиган ёпиқ муассасаларга мониторинг ташрифларини амалга оширишди.

📍Мониторингларда Республика ихтисослаштирилган наркология илмий-амалий тиббиёт марказининг Қорақалпоғистон Республикаси бўлими, Сурхондарё вилояти Жарқўрғон туманидаги Вақтинча сақлаш ҳибсхонаси, Қарши шаҳридаги 5-сон тергов ҳибсхонаси, Хоразм вилоятида жойлашган Хазорасп тумани Вақтинча сақлаш ҳибсхонаси, Хива “Мурувват” ногиронлиги бўлган шахслар учун эркаклар интернат уйи ва вилоят руҳий асаб касалликлар диспансери, Фарғона вилоятидаги вақтинча сақлаш ҳибсхонаси ва махсус қабулхона, Бухоро вилоятида жойлашган 4-сон тергов ҳибсхонаси, 17-сон Жазони ижро этиш колонияси, Муайян яшаш жойига эга бўлмаган шахсларни реабилитация қилиш маркази ва Махсус қабулхона, Сирдарё вилоятидаги 8-сон тергов ҳибсхонаси ва Янгиер “Мурувват” Ногиронлиги бўлган шахслар учун аёллар интернат уйи, Наманган вилояти Махсус қабулхонаси ҳамда Тошкент шаҳар “Мурувват” ногиронлиги бўлган болалар учун 1-сон интернат уйи ва шаҳaр “Саховат” интернат уйидаги шароитлар кўздан кечирилди.

📎батафсил     lotin yozuviga o'tish

🌐Cайт |🔵Telegram | 🔵Facebook |📷Instagram | 🌐Twitter | 🎞Youtube

♻️Омбудсман девони ходимлари учун семинар-тренинг ўтказилди

2025 йилнинг 3 март куни Ўзбекистон Республикаси Олий Мажлиси Инсон ҳуқуқлари бўйича вакили (Омбудсман) томонидан Финляндия Ташқи ишлар вазирлиги, Хельсинки университети ҳузуридаги Қонун устуворлиги маркази ва Халқаро Нордик университети ҳамкорлигида Омбудсман Девони ходимлари учун семинар-тренинг ташкил этилди.

Семинарда хорижий экспертлар – Финляндия Адлия канцлери ўринбосари Микко Пумалайнен ва Хельсинки университети ҳузуридаги “Ҳуқуқ устуворлиги” маркази директори Туия Бракс спикер сифатида иштирок этдилар.

Семинар давомида Ўзбекистонда халқ билан мулоқот қилиш ва мурожаатларни қабул қилиш борасида жорий этилган янги механизмлар алоҳида эътироф этилди.

📎батафсил     lotin yozuviga o'tish

Cайт |Telegram | Facebook |Instagram | Twitter | Youtube

📣Омбудсман фаолиятига оид 10 та факт

Инсонларнинг бузилган ҳуқуқларини тиклаш бўйича Омбудсман қандай таъсир чораларини қўллаши мумкинлиги ҳақида биласизми? Унда бу роликни охиргача томоша қилинг.

Сизни янги таҳрирдаги “Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида”ги қонундаги энг муҳим 10 та факт билан таништирамиз.

📎батафсил    🗣 lotin yozuviga o'tish

🌐Cайт |🔵Telegram | 🔵Facebook |📷Instagram | 🌐Twitter | 🎞Youtube

📍Самарқандда “Омбудсман боғи” барпо этилди

Олий Мажлиснинг Инсон ҳуқуқлари бўйича вакили (Омбудсман) институти ташкил этилганига 30 йиллиги муносабати билан ўтказилган “Тоза ва қулай атроф-муҳит – инсон ҳуқуқларини таъминлаш кафолати” мавзусидаги халқаро конференция доирасида Самарқанд вилоятига ташриф буюрилди.

Халқаро ҳамкорлик рамзи сифатида, 15 дан ортиқ хорижий давлатлар Омбудсманлари иштирокида Самарқандда “Омбудсман боғи” ташкил этилди. Боғга 20 дан ортиқ мевали дарахт кўчатлари экилди, бу эса инсон ҳуқуқлари ва барқарор тараққиёт ўртасидаги чамбарчас боғлиқликни ифодалайди.

🌿Боғнинг рамзий маъноси

“Омбудсман боғи” инсон ҳуқуқларини ҳимоя қилиш ва экологик барқарорлик ғояларининг уйғунлигини намоён этувчи тимсол сифатида яратилди. Дарахт экиш ташаббуси табиатни муҳофаза қилиш ва ҳар бир инсон учун тоза, яшил ва қулай атроф-муҳитни таъминлаш муҳим эканлигини тарғиб қилади. Шу билан бирга, бу боғ халқаро ҳамкорлик, инсон ҳуқуқлари ҳимояси ва келажак авлод учун барқарор муҳит яратишга қаратилган саъй-ҳаракатларнинг рамзи ҳисобланади.

🤝Халқаро ҳамкорлик доирасидаги учрашувлар

Самарқанддаги ташриф давомида Туркия, Озарбайжон, Туркманистон, Қатар, Молдова, Россия, Қирғиз Республикаси, Финляндия, Швейцария, Италия ва Марокаш давлатларининг Омбудсманлари ва инсон ҳуқуқлари бўйича миллий институтлар вакилларидан иборат делегация аъзолари Ўзбекистон Парламенти Омбудсманининг Самарқанддаги минтақавий вакили офиси ҳамда Халқ қабулхоналари фаолияти билан танишдилар.

🌐Cайт |🔵Telegram | 🔵Facebook |📷Instagram | 🌐Twitter | 🎞Youtube

🌱Тоза ва қулай атроф-муҳит – инсон ҳуқуқларини таъминлаш кафолати

Xалқаро конференциянинг 3 ва 4 сессиялари "Давлатлар ва халқаро ташкилотларнинг экологик ҳуқуқларини таъминлашдаги тутган ўрни" ҳамда "Атроф-муҳитнинг барқарорлиги келажак авлодлар фаровонлиги гарови сифатида" номли мавзуларга бағишланди.

Унда Озарбайжон, Финляндия, Сербия, Монголия, Молдова, Тожикистон, Тайланд давлатлари Омбудсманлари, ваколатли давлат органлари ва халқаро ташкилотлари вакилларининг атроф-муҳитни муҳофаза қилишга доир илғор тажрибалари ўрганилди.

Cайт |Telegram | Facebook |Instagram | Twitter | Youtube