OLOT.UZ | Rasmiy kanal

Yoʻl boʻylari va chegara hududlardagi obodonlashtirish va koʻkalamzorlashtirish ishlari, ijtimoiy muammolar yechimiga eʼtibor qaratildi.

Bugun tuman hokimi Nargiza Nematova boshchiligidagi mutasaddilar, sektorlar rahbarlari, tegishli tashkilot va idoralar boshliqlarining hududlar yoʻl boʻylarini oʻrganish, shu kecha-kunduzda obodonlashtirish va koʻkalamzorlashtirish ishlarining borishi bilan yaqindan tanishish maqsadida nazorat koʻrik tadbiri Olot va Qorakoʻl tumanlari chegarasidan boshlanib Olot bojxona postiga qadar oʻrganildi.

Oʻrganishlar tumanning "Usmonshayx" mahalla fuqarolar yigʻinidan, yaʼni xalqaro ahamiyatdagi M-37 Samarqand-Buxoro-Turkmanboshi avtomobil yoʻlining 331-qismidan boshlandi.

Tumanimizda kirish yoʻllarni obod qilish, zovur va yoʻl boʻyidagi yaqin yillarda foydalanishga kiritilgan yerlar unumdorligini oshirish, qoʻshimcha qatorlarni toʻldirib daraxtlar ekish va zovurni tartibga keltirish, eski yildan qolgan oʻtlarni oʻrib tashlash borasida vazifalar belgilab berildi.

Shundan soʻng mavjud imkoniyatlardan samarali foydalanish, aholi yashash xonadonlarini talab darajasida taʼmirlash va koʻrkam holatga keltirish borasida takliflar maʼqullandi.

Yoʻl yoqasidagi "Asajam", "Yosh botir", "Arabxona" mahalla fuqarolar yigʻinlarida ham aholi xonadonlari fermer xoʻjaliklariga tegishli yer maydonlarining atrofini tozalash va mevali hamda manzarali koʻchatlar sonini koʻpaytirish borasida aniq vazifalar masʼullarga yuklatildi.

Shundan soʻng Olot bojxona posti hududida oʻrganish oʻtkazildi. Manzilda chiqindilar tartibga keltirilmaganligi tanqid ostiga olindi. Xususan, umumiy ovqatlanish shoxobchasi hududida chiqindi bilan bogʻliq holat tuman rahbarining nazoratiga olindi. Manzilda qisqa fursatlarda obodonlashtirish ishlarini tashkil etish kerakligi taʼkidlandi.

Shuningdek "Euroasia Transportation and Logistics Company" MChJ logistika markazidagi holat ham oʻrganildi.

Mazkur logistika markazi umumiy qiymati 20 million AQSh dollariga teng boʻlib, uning faoliyati "Euroasia Transportation and Logistics Company" MChJ negizida yoʻlga qoʻyilgan. Markazning oylik faoliyat quvvati 745 ta transport qatnovi hamda nazoratini amalga oshirishga moʻljallangan boʻlib, bunda 30 ta ish oʻrni tashkil qilingan.

Logistika markazida ham tozalash ishlarini tashkil etish va savdo markazida xizmat koʻrsatish borasida amalga oshirilayotgan ishlar borasida tadbirkorlar bilan uchrashib hududning obodligida masʼul ekanliklari tushuntirildi.

Umuman xalqaro ahamiyatdagi M-37 Samarqand-Buxoro-Turkmanboshi avtomobil yoʻlining 331-qismidan 365-qismiga qadar keng koʻlamli tadbirlarni amalga oshirish boʻyicha masʼullar biriktirilib vazifalar belgilab berildi.

- Tumanimizni fayzli obod qilishga barchamiz masʼulmiz. Hamjihatlikda bu ishlarni kechiktirmasdan tashkillashtirishimiz zarur, qolaversa bunda "mahalla yettiligi" va tashkilot korxona rahbarlari tashabbus koʻrsatishlari lozim, - deya taʼkidladi tuman rahbari Nargiza Nematova.

https://t.me/olottumani

#Kun_hikmati

Hayot - juda gʻaroyib hikmat.

Bu dunyoga hech vaqosiz kelamiz. Soʻngra hamma narsa uchun kurashamiz. Va oxir-oqibat hamma narsani tark etib, hech narsasiz ketamiz.
https://t.me/olottumani

Vatan himoyachilari kuni munosabati bilan maʼnaviy-madaniy tadbir tashkil qilindi.

Qutlugʻ sana munosabati bilan yurtimizning jasur oʻgʻlonlarini tabriklash maqsadida Olot tumani hokimligi tomonidan harbiy qismga qarashli harbiy qismlarda Vatan himoyachilariga bayram kayfiyati ulashildi.

Tashrifda harbiy qismda xizmat qilib kelayotgan barcha harbiy xizmatchilarni Oʻzbekiston Respublikasi Qurolli Kuchlari tashkil etilganining 33-yilligi va Vatan himoyachilari kuni bilan samimiy muborakbod etildi.

Shundan soʻng, Vatanimiz osoyishtaligi, xalqimiz farovonligi yoʻlida mardonavor xizmat qilib kelayotgan harbiy xizmatchilarning bir guruhiga oʻz xizmat davridagi jasorati uchun tashakkurnoma va esdalik sovgʻalari topshirildi.

Tadbirning badiiy qismida harbiy tuman madaniyat boʻlimi xonandalari ijrosida yangragan Ona Vatanni madh etuvchi kuy va qoʻshiqlar harbiy xizmatchilarga oʻzgacha xush kayfiyat ulashdi.

https://t.me/olottumani