Бухоро вилоят прокурори У.Хамдамов томонидан Олот тумани, 2-сектор биносида сайёр қабул ўтказилди.
Сайёр қабул жараёнида жами 22 нафар фуқароларнинг турли масалаларидаги мурожаатлари қабул қилинди.
Келиб тушган мурожаатларнинг 4 таси ижобий ҳал қилинди, 18 та мурожаат ўрганиш талаб этилганлиги учун назоратга олинди.
Шундан сўнг, вилоят прокурори томонидан сайёр қабулда мурожаат қилган Жондор туманида фаолият юритаётган тадбиркорнинг фаолиятдаги мавжуд муаммоларни бартараф этиш орқали амалий кўмак бериш мақсадида жойига чиққан ҳолда ўрганиш ўтказилди.
Тадбиркорлик субъекти томонидан билдирилган муаммоларга ижобий ечим топиш тўғрисида тегишли ташкилотларга топшириқлар берилди ва ижроси
назоратга олинди.
Вилоят прокуратураси томонидан юқоридаги тадбирларни ўтказишдан ягона мақсад – аҳоли тинчлиги ва осойишталигини таъминлаш, Давлатимиз раҳбари олдимизга қўйган вазифаларни тўғри ва самарали рўёбга чиқаришдир.