Odiljon Mamatkarimov

🇺🇿⚡️📝 Бугун – 9 февраль куни буюк бобокалонимиз шоир, мутафаккир, давлат арбоби Алишер Навоий таваллуд топган кун

Senator Odiljon Mamatkarimov Yangi Namangan tumani Kengashi faoliyatini o‘rgandi

Oliy Majlis Senati a’zosi Odiljon Mamatkarimov Yangi Namangan tumaniga tashrifi davomida Xalq deputatlari Kengashi faoliyatini o‘rgandi. U uchrashuv davomida deputatlarning hududiy muammolarni hal etishdagi roli, qabul qilinayotgan qarorlarning amaliy natijalari hamda mahalliy boshqaruv tizimining samaradorligi bilan yaqindan tanishdi.

Senator Kengashning jamiyat taraqqiyotidagi o‘rni va aholi manfaatlarini himoya qilishdagi mas’uliyatini yanada oshirishga alohida urg‘u berdi. Shuningdek, mahalliy budjet mablag‘laridan oqilona foydalanish, hududiy rivojlanish dasturlarining samaradorligini ta’minlash va doimiy komissiyalar ishini kuchaytirish bo‘yicha muhim tavsiyalar berdi.

Mazkur uchrashuv mahalliy boshqaruv tizimini takomillashtirish va aholiga xizmat qiluvchi samarali qarorlarni hayotga tatbiq etishga xizmat qiladi.

Davlatobod tumani Kengashi faoliyati tahlil qilindi

Oliy Majlis Senati a’zosi Odiljon Mamatkarimov Xalq deputatlari Davlatobod tumani Kengashi faoliyatini chuqur o‘rganib, uning ish samaradorligi, deputatlarning faolligi hamda qabul qilinayotgan qarorlarning natijadorligini tahlil qildi.

Tahlil jarayonida senator Kengash faoliyatini yanada rivojlantirish, deputatlarning tashabbuskorligini oshirish hamda hududiy masalalarni hal etishda ularning ishtirokini kuchaytirish bo‘yicha muhim tavsiyalar berdi. Shuningdek, doimiy komissiyalar ishini faollashtirish, qabul qilingan qarorlarning amaliy ijrosini ta’minlash va aholining talab-ehtiyojlarini to‘g‘ridan-to‘g‘ri o‘rganish zarurligi ta’kidlandi.

Namanganda "Senator va yoshlar" uchrashuvi o'tkazildi.

O‘zbekiston Respublikasi Oliy Majlisi Senati a’zosi Odiljon Mamatkarimov Namangan viloyatidagi xizmat safari davomida talaba-yoshlar bilan uchrashib, ularning fikr-mulohazalarini tingladi. Samimiy va ochiq muloqot ruhida o‘tgan yig‘ilishda yoshlarga mamlakatimizda olib borilayotgan islohotlar, qonunchilik jarayonlari hamda ularning ahamiyati haqida batafsil tushuntirishlar berildi.

Uchrashuv davomida Senatning 3-yalpi majlisida qabul qilingan qonunlarning mazmun-mohiyati yoshlarga sodda va tushunarli tarzda yetkazildi. Yangi qonunlarning jamiyat rivojiga ta’siri, ta’lim tizimidagi yangiliklar, yoshlarning huquq va imkoniyatlarini kengaytirishga oid masalalar muhokama qilindi.

Shuningdek, talabalar o‘zlarini qiziqtirgan savollar bilan murojaat qilib, senatordan bevosita javob oldilar. Ular ta’lim sifati, yoshlarning bandligi, ilmiy loyihalarni qo‘llab-quvvatlash kabi masalalar yuzasidan o‘z fikr-mulohazalarini bildirdilar.

Senator Odiljon Mamatkarimov yoshlarning faolligini yuqori baholab, ularni yangi tashabbuslar bilan chiqishga, qonunchilik va davlat boshqaruvida faol ishtirok etishga chorladi. Uchrashuv talabalar uchun foydali va samarali bo‘lib, ularga mamlakatimizning huquqiy tizimi haqida yanada kengroq tasavvur hosil qilish imkonini berdi.

Bunday uchrashuvlar yoshlarning huquqiy savodxonligini oshirish, ularni mamlakat taraqqiyotiga o‘z hissasini qo‘shishga undash va ularning muammolariga yechim topish yo‘lida muhim ahamiyat kasb etadi.

Senator Odiljon Mamatkarimov Uychi tumani Kengashi faoliyatini o‘rgandi.

Oliy Majlis Senati a’zosi Odiljon Mamatkarimov Xalq deputatlari Uychi tuman Kengashi faoliyati, me’yoriy xujjatlarni yuritilish holatlari, deputatlarning ish rejalari hamda qarorlarining ijro etilish holatlari bilan tanishdi.

Tashrif davomida mahalliy Kengashlar faoliyatining samaradorligini oshirish, qabul qilinayotgan qarorlarning qonuniyligini ta’minlash, bu borada ekspertlik guruhi faoliyatini rivojlantirish hamda doimiy komissiyalar rolini kuchaytirish bo‘yicha muhim tavsiyalar berildi.

Shuningdek, aholining ehtiyoj va takliflarini inobatga olgan holda, deputatlarga kelib tushgan murojaatlar asosida hududiy rivojlanish dasturlarini yanada takomillashtirish muhimligi ta’kidlandi.

Mazkur tashrif mahalliy boshqaruv tizimini mustahkamlash, deputatlar mas’uliyatini oshirish va aholiga manfaati yuqori bo‘lgan qarorlar qabul qilishga xizmat qiladi.