Rahimboy Jumaniyozov - Notiqlik san'ati akademiyasi

“ДЎСТ ВА ДУШМАННИНГ ФАРҚИ БОР”
Американинг душмани бўлиш хавфли, дўсти бўлиш эса ҳалокатли.
Жеффри Сакс, америкалик иқтисодчи ва сиёсатчи
Жалолиддин Сафоев таржимаси

Икки тоифа инсонлар борки, улар ўзлари хоҳламаган ҳолда ўзгаларга яхшилик қиладилар:

Биринчиси — бахилдир. У мол-дунё тўплайди, лекин молидан хайр-саховат қилмайди. Охир-оқибат ўз мулкини ўзгаларга қолдириб кетади.

Иккинчиси эса ғийбатчидир. У одамларни ғийбат қилиб, ўзининг савобларини уларнинг номаи-аъмолларига ўтказиб беради.

Ҳасад қилиш — одатда омадсизларнинг ишидир. У —  ўзгаларнинг ишини тафтиш қилиш, ўзидан юқоридагиларни бахиллик билан кузатиш, ҳасаддан ўзини ўзи еб, умрини бефойда ишларга фидо қилиш ва имкон торса чалиш билан исроф қилади. Уни кўрган одам "Қўйсанг-чи, ўзингнинг ишинг билан машғул бўл!" дегиси келади...

✍️ Салим АЙЮБИЙ

               

​​ДУШМАНЛАРНИНГ ЭНГ ЁМОНИ!

Абу Лайс Самарқандий айтадилар: «Билгилки, сенинг тўртта душманинг бўлиб, уларнинг ҳар бири билан курашишга муҳтожсан.

▪️Биринчиси, дунёдир. Зеро, Аллоҳ: “Дунё ҳаёти сизларни алдаб қўймасин”, деган.

▪️ Иккинчиси, нафсинг, у душманларнинг энг ёмонидир. Расулуллоҳ соллаллоҳу алайҳи ва саллам: “Душманларингнинг энг ёмони ўзингнинг нафсингдир”, деганлар.

▪️ Сўнгра жинлардан бўлган шайтондирки, Аллоҳдан унинг ёмонлигидан паноҳ беришини сўра. Зеро, Қуръони каримда: “Албатта, шайтон сизлар учун очиқ-­ойдин душмандир”, дейилган.

▪️ Тўртинчиси, одамлардан бўлган шайтонлардир, улардан эҳтиёт бўл. Чунки у жинлардан бўлган шайтондан ҳам қўрқинчлироқдир. Жинлардан бўлган шайтонлар фақат васваса билан адаштирса, одамлардан бўлган шайтонлар юзма­-юз туриб адаштиради».

. 4 м а р т
С У Л Т О Н М У Р О Д О Л И М
т у ғ и л г а н к у н !

М У В А Ш Ш А Ҳ

Етук навоийшунос
СУЛТОНМУРОД ОЛИМга

Султонлар тахт талашар,
бойлар эса мол-дунё,
Оқибат нафс бўғзида
топмагай камол дунё.
Умр - беш кунлик эҳсон,
эзгуликдир аслида,
Ёвузлик бўлмасайди
агар инсон наслида.
"Ла илаҳа иллаллоҳ..."
калимасин айтарлар,
Вале дунё ноз қилса,
иймондан ҳам қайтарлар.
Тасаввуф огоҳ этар:
"Ёр васлига бир йўлдир,
Ичингдги шайтонни
ўлдир - нафсингни ўлдир!"
Оллоҳ-оллоҳ дегайман,
ўзлигимни излайман.
Худони ҳам сенсираб,
ўттиз қушни "сиз"лайман.
Навоий қушларига
дон сепгансиз, Мавлоно!
Домингизга тушириб
топгансиз минг-минг маъно.
"Мақсад , - дейсиз , - ўзлигин
англасин аҳли замон,
Навоийси бор элга
керакдир комил инсон".
Учаётган қушлармас,
улар руҳнинг парвози,
"Ваҳдат", - дея риёзат
чекканларнинг овози.
Руҳи комил бўлмаса,
фоний бўлиб ўлолмас,
Ўттиз аср учса ҳам
ўттиз қушдай бўлолмас.
Ошиқдай англадингиз,
"Илм ҳам - ишқдир, - дебон, -
Шудир Навоий ишқи -
"Қуш тили" ишқий достон !"
Дегайман: "Замон ичра
ё хаёлсиз, ё тушсиз,
Ёнмоқ учун туғилган
Қақнус каби бир қушсиз !"

ҒАФУРЖОН ТОЖИБОЕВ
2025 йил 27 феврал.

. СУЛТОН ТОҒИНИНГ
МУРОД ЧЎҚҚИЛАРИ

Султон тоғини эшитганмисиз? Мурод чўққиларини-чи? Мен ҳам эшитмаганман. Дунё харитасида бундай тоғ йўқ , бундай чўққилар ҳам! Лекин СЎЗ деб аталмиш алоҳида бир олам борки, унда мен юксак тоғлар қаторида яна бир тоғни кўрдим - номи СУЛТОН эди, қатор чўққиларини кўрдим - номлари МУРОД эди. Мен яшаётган замонада СУЛТОНМУРОД деган олимнинг юксаклик тимсоли - шудир. Бу шунчаки исмга мосланган чиройли ўхшатиш эмас. Бу айнан ҳақиқат. Бу ҳақиқатнинг моҳияти эса анча чуқур. Уни англаш учун, аввало, Навоий даҳосига тафаккур ва кўнгил кўзи билан боқа билиш керак. Шундагина моҳиятдан келиб чиқадиган ҳақиқатни кўра олиш муяссар бўлғуси. Шундагина СУЛТОНМУРОД ОЛИМ шахсининг сирли ва ҳайратланарли оламини кашф эта олиш мумкин...

Ғафуржон ТОЖИБОЕВ
2024 йил 4 март

Марк Твеннинг қизиқ гаплари:
1. Ҳақиқат то калишини кийгунича миш-миш ер юзини айланиб бўлади.
2. Яхши дўст, яхши китоб ва уйқудаги виждон идеал ҳаётдир.
3. Чекишни ташлаш жуда осон. Мен эллик марта ташлаганман!
4. Дунёдаги энг хатарли жой тўшакдир. 99% инсон тўшакда ўлади!
5. Американинг кашф этилиши жуда ажойиб иш бўлган. Агар у кашф қилинмаганида бундан ҳам ажойиб бўлар эди!
6. Бирор-бир ҳайратли гап айтса, "буни мендан олдин ҳеч ким айтмаган" деб ўйлайдиган ягона махлуқ инсондир!
7. Ўзингни кўпчиликнинг орасида кўряпсанми, демак ўзгариш вақти келибди!

Эркакни жамиятда обрўсини тўкадиган одатлар:
1) керагидан ортиқча сўзлашиш;
2) тез-тез кулавериш;
3) ёлғонни кўп гапириш;
4) ғийбат.