Navoiy davlat konchilik va texnologiyalar universiteti

#Xorijiy_stajirovkalar

NDKTU DOKTORANTI BUYUK BRITANIYANING EKZETER UNIVERSITETIDA TADQIQOT OLIB BORMOQDA

Navoiy davlat konchilik va texnologiyalar universiteti doktoranti, “Noyob va radioaktiv metall rudalarini qazish va qayta ishlash” kafedrasi assistenti Shokirjon Sunnatullayev 24-fevraldan 27-aprelga qadar Buyuk Britaniyaning dunyo universitetlari reytingida “TOP-300”talikka kiruvchi Ekzeter universitetida stajirovka o'tamoqda.

Sh.Sunnatullayev Innovatsion rivojlanish agentligi tomonidan o'tkazilgan yosh olimlarning xorijiy ilmiy markazlar va universitetlarda qisqa muddatli ilmiy stajirovkalarini tashkil etish va moliyalashtirish tanlovida g'olib bo'lgan edi.

Vakilimiz ushbu universitetning Kembron Konchilik Maktabida malaka oshirayapti. “Dunyoda peshqadam mazkur tadqiqot markazida barqaror rivojlanish va resurslardan samarali foydalanishga qaratilgan ilmiy-tajriba ishlari olib borilmoqda”, deydi olim biz bilan suhbatda.

© NDKTU Axborot xizmati

Bizni kuzatib boring:

NDKTU RASMIY KANALI

#Ayolga_ehtirom

BAYRAMONA UCHRASHUVLAR BO‘LIB O‘TMOQDA

Navoiy davlat konchilik va texnologiyalar universitetida 8-mart – Xalqaro xotin-qizlar kuni munosabati bilan bayram tadbirlari bo‘lib o‘tmoqda. Bugun erta tongdan barcha fakultetlarda qutlug‘ ayyom sohibalari tantanali kutib olindi.

Katta anjumanlar zalida o‘tkazilgan tadbirda oliy ta’lim muassasasi rektori B.Mardonov so‘zga chiqib, barcha ayollarni samimiy muborakbod etarkan, har bir oilaning qut-barakasida, farzandlarni ulg‘aytirishda hamda ularni tarbiyalashda onalarning o‘rni yuksak ahamiyatli ekanligini alohida ta’kidlab o‘tdi.

Ayni daqiqalarda barcha kafedra va bo‘limlarda ham bayram tadbirlari davom etmoqda. Bu kabi marosimlar xotin-qizlarga bayramona kayfiyat ulashish bilan birga, samarali faoliyati, ilmiy tadqiqotlar, ijtimoiy loyihalar va madaniy dasturlar orqali o‘zining salohiyatini namoyon etayotgan barcha xotin-qizlarga samimiy minnatdorchilik ramzi sanaladi.

© NDKTU Axborot xizmati

Bizni kuzatib boring:

NDKTU RASMIY KANALI

#Jarayon

KIMYO-METALLURGIYA FAKULTETI ZAKOVATLI TALABA-QIZLARINING INTELLEKTUAL BAHSI BO‘LIB O‘TDI

Navoiy davlat konchilik va texnologiyalar universitetida 8-mart – Xalqaro xotin-qizlar kuni munosabati bilan o‘tkazilayotgan "Ayolga ehtirom" haftaligi doirasida Kimyo-metallurgiya fakulteti talaba-qizlari o‘rtasida “Zakovat” intellektual o‘yini tashkil etildi.

Navoiy shahar texnoparkida o‘tkazilgan intellektual bahsda 7 ta jamoa qatnashdi. Asosan milliy tariximiz va qadriyatlarimizni aks ettirgan qiziqarli va mantiqiy savollar barchaning diqqatini tortib, “Zakovat"chilarning bilimini sinadi.

Yakuniy natijalarga ko‘ra, 39ab-24 Logistika guruhi qizlaridan tashkil topgan “Movarounnahr” jamoasi 1-o‘rin, 5-23 Logistika guruhi qizlarining “Admirals” jamoasi 2-o‘rin va 17vg-24 Metallurgiya guruhi qizlarining “Intelligent” jamoasi 3-o‘rinni egalladi. G‘oliblarga diplomlar taqdim qilindi.

© NDKTU Axborot xizmati

Bizni kuzatib boring:

NDKTU RASMIY KANALI

#Muloqot

KORRUPSIYANING OLDINI OLISH — “HALOLLIK VAKSINASI” BILAN EMLASHDAN BOSHLANADI

Navoiy davlat konchilik va texnologiyalar universitetida Davlatimiz Rahbarining kuni kecha Korrupsiyaga qarshi kurashish milliy kengashi yig‘ilishidagi nutqi mazmun-mohiyatiga bag‘ishlangan uchrashuv bo‘lib o‘tdi. Unda oliy ta’lim muassasasi jamoasi ishtirok etdi.

Tadbirda universitet rektori B.Mardonov so‘zga chiqdi va Muhtaram Yurtboshimiz tomonidan bildirilgan fikrlar, xususan oliy ta’lim tizimida raqamlashtirish islohotlari samarasi, korrupsiyaga qarshi kurashishda bugungi kundagi dolzarb masalalar va kelgusi vazifalarga batafsil to‘xtalib o‘tildi.

Muloqotda viloyat IIB Korrupsiya va iqtisodiy jinoyatlarga qarshi kurash bo‘limi, Jamoat xavfsizligi xizmati huquqbuzarliklar profilaktikasi mas’ul xodimlari ham korrupsiya va kiberxavfsizlik sohasida yuzaga kelayotgan jinoyat holatlari yuzasidan aniq dalillar asosida fikr-mulohazalar bildirishdi.

© NDKTU Axborot xizmati

Bizni kuzatib boring:

NDKTU RASMIY KANALI