Navoiy davlat konchilik va texnologiyalar universiteti

#Targʼibot_uchrashuvlari

PROFESSOR-O‘QITUVCHILAR KENG JAMOATCHILIK VAKILLARI ISHTIROKIDAGI MA’RIFIY UCHRASHUVLARDA FAOL QATNASHMOQDA

Navoiy davlat konchilik va texnologiyalar universiteti kafedralari kesimida viloyatimiz bo‘ylab mahallalarda mamlakatimizda amalga oshirilayotgan keng ko‘lamli islohotlar mazmun-mohiyatini targ‘ib qilishga qaratilgan ma’rifiy uchrashuvlar tashkil etilmoqda.

Xususan, “Iqtisodiyot va menejment” hamda “Mintaqaviy va korporativ strategiyalar” kafedralari professor o‘qituvchilari Nurota tumani Avazsoy, Orasoy, Dehibaland qishloqlarida bo‘lib, mazkur hududlardagi maktablarda mahallalar aholisi bilan targ‘ibot tadbirlari tashkil etildi.

Muloqotlarda Davlatimiz Rahbarining nutqlari, yurtimizda amalga oshirilayotgan tub o‘zgarishlar, ta’lim sohasidagi natijalar, hududlarda aholining hayot sifati yuksalayotganiga urg‘u qaratilmoqda.

© NDKTU Axborot xizmati

Bizni kuzatib boring:

NDKTU RASMIY KANALI

#Magistratura_NDKTU

MAGISTRLIK DISSERTATSIYA HIMOYALARIGA START BERILDI: HIMOYALAR ISHLAB CHIQARISH KORXONALARIDA TASHKIL ETILMOQDA

Navoiy davlat konchilik va texnologiyalar universiteti qishki qabul magistratura bosqichi bitiruvchilarining dissertatsiya ishi himoyalari ishlab chiqarish obyektlarida, yetakchi tashkilotlarda malakali mutaxassislar jalb qilingan holda tashkil etilmoqda.

Kuni kecha ilk himoyalar Navoiy mashinasozlik zavodida bo‘lib o‘tdi. Dastlab, mas'ullar jarayonni ochib berisharkan, barcha bitiruvchilarga muvaffaqiyat tilashdi. Shundan so‘ng, magistrlik dissertatsiyasi rasmiy himoyalariga kirishildi.

Magistrlik dissertatsiya rasmiy himoyalari Navoiy kon-metallurgiya kombinati, “Hududiy elektr tarmoqlari” Navoiy filiali kabi korxonalarda ham davom etayapti. Ma'lumot uchun 22024/2025 o‘quv yilida universitetni 10 ta mutaxassislik bo‘yicha 23 nafar (qishki qabul) magistrlar bitirmoqda.

© NDKTU Axborot xizmati

Bizni kuzatib boring:

NDKTU RASMIY KANALI

#Muloqot

TALABALAR VA YOSH OLIMLARNING TAKLIF HAMDA MUAMMOLARI O'RGANILDI

Navoiy davlat konchilik va texnologiyalar universitetiga Respublika Yoshlar ishlari Agentligi, viloyat Yoshlar ishlari boshqarmasi, Oliy ta'lim, fan va innovatsiyalar boshqarmasi hamda Yoshlar Ittifoqi viloyat Kengashi mas’ullari tashlif buyurib, ular ishtirokida talabalar va doktorantlarning taklif hamda muammolarini o'rganish bo'yicha uchrashuv oʻtkazildi.

Unda yoshlar tomonidan "Qalqon" jamoatchilik guruhi a'zolari uchun yozgi oromgoh tashkil etish, iqtidorli talabalar va yosh olimlarga xalqaro ilmiy jurnallarga maqolalar chop etishda, turli grant loyihalarida ishtirok etishda qo'shimcha imkoniyatlar yaratish yuzasidan bir qator takliflar bildirildi.

Mutasaddilar tomonidan har bir masalaning yechimi bo'yicha amaliy choralar ko'rilishi belgilandi.

© NDKTU Axborot xizmati

Bizni kuzatib boring:

NDKTU RASMIY KANALI