NAVOIYSPORT.UZ | Rasmiy kanal (press-service)

📹Videomuloqot tarzida o‘tkazilgan mazkur tadbirda Sport vaziri Adkham Ikramov, Xalqaro Kurash assotsiatsiyasi (IKA) Prezidenti Haydar Farmon, xalqaro va mahalliy mutaxassislar, madaniyat, sport va meros sohasining yetakchi vakillari, shuningdek, YUNESKOning mintaqaviy vakillari ishtirok etdi.

📑Ta’kidlash joizki, kurash sportini insoniyat nomoddiy madaniy merosi sifatida YUNESKO tomonidan e’tirof etilishi O‘zbekistonning boy madaniy va tarixiy merosini dunyo miqyosida tan olishga qaratilgan yirik qadamdir. Ushbu qadimiy sport turi nafaqat jismoniy mashg‘ulot, balki o‘zida tinchlik, halollik va hurmat kabi umumbashariy qadriyatlarni mujassamlashtiradi. Mazkur jarayonlarni tashkil etish borasida Xalqaro Kurash assotsiatsiyasi, O‘zbekiston Respublikasi Sport vazirligi, Xalqaro Kurash instituti va Yunesko ishlari bo‘yicha milliy komissiya vakillaridan iborat ishchi guruh tomonidan nomzodlik hujjatlari ishlab chiqildi.

🇺🇳YUNESKO xalqaro hukumatlararo tashkilotining O‘zbekistondagi vakolatxonasi bilan hamkorlikda Kurash sportini insoniyatning nomoddiy madaniy merosi Reprezentativ ro‘yxatiga kiritilishi bo‘yicha bir yil davomida nomzodlik loyihasi tayyorlandi. Unga ko‘ra, nomoddiy madaniy meros obyekti –Kurash sporti bo‘yicha ma’lumotlar bazasi shakllantirildi. Bu jarayon davomida O‘zbekiston Respublikasi sport vazirligi, Kurash Xalqaro Instituti va O‘zbekiston Kurash federatsiyalari bilan amaliy ishlar olib borilmoqda.

O‘zbekiston tomonidan mazkur ro‘yxatga Navro‘z, palov madaniyati va an’analari, askiya, katta ashula, Boysun tumanining madaniy muhiti, shashmaqom va baxshichilik san’atlari kiritilgan. Yig‘ilish davomida kurashning ushbu ro‘yxatga kiritilishi borasida amalga oshirilishi lozim bo‘lgan ishlar to‘g‘risida ma’lumot berildi. Bu jarayon esa kelgusida sportning madaniy rolini tan olishda katta ahamiyatga ega ekanligini ma’lum qiladi. Bu borada hamkorlikda amalga oshiriladigan vazifalar belgilab olindi.

Web-Sayt | Telegram | Facebook | Instagram | Youtube