Давлатимиз раҳбари томонидан ижтимоий соҳалар йўналишида белгилаб берилган устувор вазифаларнинг амалий ижроси, Миллий гвардия қўмондони назорати остидаги ишчи гуруҳларнинг манзилли ишлари Наманган вилоятида олиб борилмоқдаМиллий гвардия қўмондони ўринбосари Наманган вилоятида "Мактаб – ота - она - маҳалла" ҳамкорлигида олиб борилаётган ишлар билан танишди.
Жараёнда ўқувчиларни ватанпарварлик руҳида тарбиялаш, мактабларда ўқувчи ва педагоглар хавфсизлигини таъминлаш борасида йўлга қўйилган ҳамкорликдаги ишлар ҳамда янги қоровуллик хизмати фаолиятини янада такомиллаштириш, шунингдек, спорт федерацияларни жалб қилган ҳолда ўқувчиларни спорт тўгаракларида иштирокини таъминлаш орқали улар ўртасида ҳуқуқбузарлик ва жиноятчиликни олдини олиш чора-тадбирларини кучайтириш борасида тавсиялар берилди.
Тадбир давомида Миллий гвардия Наманган вилояти бўйича бошқармаси инспектор-психологлар иштирокида Президентимизнинг соҳага оид топшириқлари ва тегишли Қарорлар ижросини тўлақонли таъминлаш учун амалга оширилиши зарур бўлган ишлар борасида семинар-тренинг ўтказилди.
Шунингдек, Миллий гвардия Наманган вилояти бўйича бошқармасидаги 157 нафар инспектор-психологлар Миллий гвардия сафларига қабул қилинганликлари бўйича “Миллий гвардия қасамёди”ни қабул қилишди. 9 нафар инспектор-психологларга навбатдаги махсус унвонлар берилди.
Sayt |
Telegram |
Instagram |
Facebook |
Twitter |
YouTube