Namangan viloyati hokimligi

Қайта тикланувчи энергия манбаларини жорий этиш истиқболлари муҳокама қилинди

2025 йил 11 март куни “Ўзбекэкспертиза” АЖ ва Наманган давлат техника университети ҳамкорлигида “Қишлоқ хўжалигида қайта тикланувчи энергия манбалари (ҚТЭМ) тизимларини жорий этиш истиқболлари” мавзусида илмий-амалий семинар ўтказилди.

Тадбирда Савдо-саноат палатаси Наманган ҳудудий бошқармаси, Экология бошқармаси, Бизнес ривожлантириш банки ва хорижий ҳамкорлар (Украина, Чехия) вакиллари иштирок этди. Шунингдек, “IEC Energie”, “Santex Dizayn”, “Aral-Hybrid Innovation Agro” ва “Eco-Tim Chartak” компаниялари ўз инновацион ечимлари билан таништирди.

Семинар якунида иштирокчилар мутахассислардан ўзларини қизиқтирган саволларга жавоб олиб, ҚТЭМ тизимларини жорий этиш бўйича амалий таклифлар билан танишдилар.

Sayt | Telegram | Instagram | Facebook |Twitter | YouTube

Ўзбекистоннинг Австриядаги элчихонасида учрашув бўлиб ўтди

Ишчи ташриф билан Венада бўлиб турган Наманган вилояти делегацияси Ўзбекистоннинг Австриядаги элчихонаси Консули Шухрат Пазилов билан учрашиб, Наманган вилоятидан Австрияга ишчи кучи юбориш масалаларини муҳокама қилди.

Консул Европада ишлаётган меҳнат мигрантлари орасида Наманган вилояти вакиллари кўп эканлигини, улар орасида юқори ҳақ тўланадиган малакали мутахассислар салмоғи ортиб бораётганига алоҳида урғу берди.

Анвар Икром Наманганда «Ишга марҳамат - Мономаркази»да немис тили ва касбий малака курслари ташкил этилгани, миграция ва бандлик масалаларида хусусий сектор вакиллари ҳам фаол иш олиб бораётганини таъкидлаб ўтди.

Учрашувда Вазирлар Маҳкамаси ҳузуридаги Миграция агентлиги Наманган вилоят ҳудудий филиали раҳбари Муҳаммадаюбхўжа Апақов видео-конференц алоқа орқали иштирок этиб, истиқболдаги ишлар бўйича консул билан келишиб олди.

#online

"Камбағалликдан фаровонлик сари" дастури: энди "Нўғайқўрғон" маҳалласи томорқаларини суғоришда муаммо бўлмайди!

Наманган туманида оғир ҳудуд деб белгиланган "Нўғайқўрғон" маҳалласида ҳам Президентимизнинг "Камбағалликдан фаровонлик сари» дастурини амалга ошириш бўйича биринчи навбатдаги чора-тадбирлар тўғрисида"ги қарорида белгиланган вазифалар, жумладан  ҳар бир хонадон ва оилада томорқага экин экиш, уй-жойида шинам ва файзли муҳит яратиш, тозаликни сақлаш орқали турмушини фаровонлаштириш бўйича тизимли ишлар амалга оширилмоқда.

Ушбу ҳудудда 500 метр ички ариқлар бетонланиб, 700 метр масофага қувур ётқизиш орқали сув таъминоти яхшиланади. Натижада узоқ йиллардан сув етиб бормаётган 130 хонадон томорқасини мунтазам суғориш тизими йўлга қўйилади.

Наманган тумани ҳокимлиги ахборот хизмати.