Kopirayting ensiklopediyasi | Namuna Yoqub qizi

Reaksiyani soʻrab olishni yomon koʻraman 😒

Naming yaratish usullari

📌Naming (neyming) sohasi haqida avval ham gaplashgandik. Bugun qanday usullar yordamida nom topish borasida dars oʻtamiz.

1. Asoschilar ism-familiyasi asosida nom yaratish. Ism yoki familiya toʻgʻridan-toʻgʻri olinishi yoki qisqartmalar birlashtirilishi mumkin. Masalan, "Toʻxtaniyoz ota" kolbasalari, "Dora" (Doniyor Rajapov) marketing agentligi, "Tinkoff" brendi va h.k.

2. Tovar yoki xizmatdan foydalanish natijasi bilan bogʻliq soʻzlarni yozib chiqish. Masalan, oziq-ovqat doʻkoni uchun naming tanlashda quyidagi soʻzlarni yozib chiqish mumkin: bazm, tantana, roʻzgʻor, pazanda, savat, ombor va h.k. Bu soʻzlarning oʻzi nom yaratish uchun yetarli boʻlmagan taqdirda, ularni keyingi usullar yordamida aniqlangan soʻzlar bilan abbreviatsiya qilish yoki oʻzaklaridan foydalanish mumkin.

3. Tovar yoki xizmat xususiyatlari bilan bogʻliq soʻzlarni yozib chiqish. Yana oziq-ovqat doʻkoniga qaytamiz: Foydali, toʻyimli, mazali, shirin, xushtaʼm, xushboʻy, sogʻlom, halol va h.k.

4. Kompaniya joylashgan yoki qamrab oladigan hudud nomi. Masalan, "Koʻkcha Beauty" MCHJ.

5. Tabiatdagi hayvon yoki oʻsimliklar nomlari. Dunyoga mashhur "Puma", "Apple", "Jaguar" va shunga oʻxshash koʻplab brendlar.

6. Ertak, afsona, multfilm yoki kino qahramonlari ismlari. Ramziy maʼnoda yoki brendning qaysidir xususiyatiga qiyoslash tariqasida bunday nomlardan ham foydalanish mumkin. Misol uchun: "Mc Donald's", "Mickey mouse" "Снежная королева" va shu kabilar.

💡 Ushbu usullar yordamida yigʻilgan soʻzlarni yozib chiqing. Ularni ustunlarga ajratib, boshqalari bilan birlashtirishimgiz yoki jarangdor va noyob boʻlganlarini ajratib olishingiz, hatto qisqartma va oʻzaklaridan foydalanishingiz mumkin. Lekin unutmang, nom brendning eng muhim belgilaridan biri hisoblanadi. U kompaniya qadriyatlari va faoliyatini yorqin aks ettirishi lozim. Har doim brend uchun nom tanlayotganingizda, uning kelajakda kengayishi va qoʻshimcha mahsulotlar ishlab chiqarishini ham hisobga oling. Masalan, oziq-ovqat doʻkoni uchun nom izlayapsizmi, keyinchalik u supermarketlar tarmogʻiga ham aylanishini inobatga olib, kengroq maʼnoli nomlardan foydalaning.

Eng asosiysi, mijozga kamida 3-5 ta variant topshiring va ushbu maqolani hamkasblaringizga ulashing.

@namunayoqubqizi

Bugun naming boʻyicha maqola-xarita tayyorlaymi? Nima dedingiz?

Mavzu sizga qiziq boʻlsa, reaksiyalarni paqillatib turing, tez fursatlarda maqolani tayyor qilib joʻnataman, inshaalloh)

Anchadan buyon kanalga qaramay qoʻyibman...

Ayting, bugun nima mavzuda suhbatlashamiz? Sizning fikringiz muhim, tolibi ilmlarim. Imkoniyatdan foydalanib qoling, oʻzingizga kerakli mavzuni izohlarda yozing. Dars oʻtib berish mendan 🫰

Reaksiya bosing deb aytishim shartmiyey 🤨

Ayyayay 😏 maqolaning eng shirali joyi tayyor-ku, lekin reaksiyalar hamon kutilganidan yarmiga ham yetmabdi)))...

Slogan yaratishda nimalarga eʼtibor qaratish lozim?

Slogan oʻzi nima? Qanday vazifani bajaradi? Uni qanday tayyorlanadi? Tolibi ilmlarim, sizda ham shunday savollar bormi? Unda bugungi darsda faol boʻling.

Slogan – brend/mahsulot/xizmat reklamasidagi shior. Uning vazifasi esa brend taniqliligini oshirish va esda qolishini taʼminlashdir. "Yaxshilikka buyursin" desam koʻz oʻngingizga nima keladi? "Hayotning yorqin tarafida boʻl" desam-chi? Darrov Texnomart va Beeline deb javob bergan boʻlsangiz, demak ularning slogani oʻz vazifasini aʼlo darajada bajaryapti.

Slogan bu shunchaki jimjimador shior emas. Uni yaratish ham sheʼr yozish emas. Xoʻsh, unda slogan yozish uchun nimalarga eʼtibor berish kerak?

*Shu joyida bir faollashib olaylik)
Reaksiya bosib, savollaringizni izohlarga yozing va maqolaning eng qiziq joyini yuboraman. Buning uchun sizdan atigi 50 dona 🔥 boʻlsa kifoya.

@namunayoqubqizi

Kimga reklama matnlari, ssenariylar, gaydlar, katalog, SEO va PR maqolalar, umuman, sotuvchi matnning barcha turlari bilan shugʻullanadigan ekspert kerak boʻlsa, @kopirayter_Mahmudova daman)

Bir yil intiqib kutadigan ikkita bayramimni har doim oʻtkazib yuborganimdan keyin hammaga tabrik yoza olmaganimga ichim qiziydi. Mehmonga bor, mehmon chaqir bilan bayram ham oʻtib ketadiye)

Hali ham kech emas. Ayyom muborak boʻlsin 🌙

Eng kerakli maʼlumotlar roʻyxatini keltiraman

Eʼtibor bilan oʻqib chiqsangiz, shu maʼlumotlarning oʻzidan ham fundamental bilimlarga ega boʻlasiz:

Kopirayting haqida bilasizmi?
https://t.me/namunayoqubqizi/158

Kopirayting – soʻzni sotish sanʼati https://t.me/namunayoqubqizi/168

Matn turlari
https://t.me/namunayoqubqizi/169

Kashshof reklama nima?
https://t.me/namunayoqubqizi/182

Ideal sotuv matni qanday boʻladi?https://t.me/namunayoqubqizi/192

Matnga taʼsir qiluvchi bevosita omillar
https://t.me/namunayoqubqizi/199

Ssenariy qanday yoziladi?
https://t.me/namunayoqubqizi/203

Native reklama nima?
https://t.me/namunayoqubqizi/207

Naming nima?
https://t.me/namunayoqubqizi/236

Naming tanlashda nimalarga eʼtibor berish kerak?
https://t.me/namunayoqubqizi/238

Kontent reja nima?
https://t.me/namunayoqubqizi/253

Kontent plan qanday tuziladi?
https://t.me/namunayoqubqizi/296

Kopirayting haqida umuman bilmaydiganlar uchun post (yoxud qanday qilib oʻquvchini mijozga aylantirish mumkin?)

🌤 Ishonchim komilki, ushbu maqoladan keyin kopirayting haqidagi tasavvurlaringiz bulut ortidan chiqib, yanada oydinlashadi. Bu kasb aynan nima uchun xizmat qilishini tushunib olasiz.

Kopirayter deganlariga nima uchun maosh berishadi? Albatta oʻz yozganlari orqali oʻquvchini mijozga aylantirib bergani uchun. Yoʻqsa, shunchaki jimjimador matnlar yozish adabiyot oʻqituvchisining ham qoʻlidan keladi.

📌 Quyida esa oʻquvchining ishonchini qozonib, uni potensial mijozga aylantirishga koʻmak beradigan baʼzi tavsiyalarni beraman:

1. Matndagi fokusni oʻquvchiga qarating. Unga beradigan foydangizni ertaroq aytib oʻting, iloji boʻlsa sarlavhaning oʻzida. Bu haqida kanal storisida ham batafsil yozgan edim.

2. Chalgʻitmang va chalgʻimang. Asosiy maqsadingizdan uzoqlashmang. Matnning har bir qismida asosiy fikringizni qoʻllab-quvvatlaydigan gʻoya va maqsad boʻlsin.

3. Aniqlik va fakt-cheking ( axborotlarning toʻgʻri yoki notoʻgʻri ekanligini tekshirish) ga qatʼiy amal qiling. Ilmiy asoslanmagan, ishonchsiz maʼlumotlar bilan oʻquvchingiz eʼtiboridan tushib qolmang. Aksincha, aniq fakt va dalillar bilan uning ishonchini qozoning.

4. Ana endi sarlavhadagi vaʼdaga qayting. Fokus hali ham oʻquvchidami? Unda juda yaxshi. Unga nima qiymat bera olishingizni eslating va oʻz taklifingizni bering.

5. Matnni bir boshidan koʻrib chiqing va harakatga yoʻnaltiring. CTA lardan unumli foydalanib qoling.

✅ Tabriklayman, sizning oʻquvchingiz mijozga aylantirildi.

Shunday uzun maqolani oxirigacha oʻqiganingiz sharafiga bitta reaksiya bosib, hamkasblarga ulashib qoʻymasangiz uyat boʻlar)

☺️ Izlanish va harakatdan toʻxtamang, tolibi ilm.

@namunayoqubqizi

Foydali boʻlish qanday baxt ekanligini mana shunaqa xabarlarni oʻqiganlar tushunadi))