NamMTI | Rasmiy kanali

Namangan muhandislik-texnologiya instituti talabalari Ibrat muzeyiga tashrif buyurishdi.

Iqtisodiyot fakulteti ijtimoiy fanlar kafedrasi hamda fakultet tyutorlari hamkorligida talabalar uchun tashkil etilgan ibrat muzeyiga tashrif juda muhim ahamiyatga ega boʻldi. Bu tadbir talabalarga boshqa davrlar va avlodlarning oʻzbek xalqi uchun qilgan xizmatlarini yodga olishga, vatanparvarlik ruhini har tomonlama oʻsishga oʻrgatishga xizmat qildi.

Muzeydagi har bir eksponat yoshlarga chiroyli bir oʻrnak boʻlib, ularning maʼnaviy kamolotiga, milliy qadriyatlarga ehtiromini mustahkamlaydi. Tashrifning maqsadi talabalarni faqat taʼlim bilan emas, balki tarixni oʻrganish va mamlakatga sadoqat bilan xizmat qilishga ham ilhomlantirishdir.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Namangan muhandislik-texnologiya instituti kutubxonasida kitoblardan archa!

Yangi yilga tayyorgarlik doirasida Namangan muhandislik-texnologiya instituti kutubxonasida ajoyib ijodiy g‘oya amalga oshirildi. Kutubxona xodimlari kitoblardan ulkan archa o‘rnatishdi! Ushbu o‘ziga xos archa kutubxonaga tashrif buyuruvchilarda katta qiziqish uyg‘otmoqda.

Archaning qurilishida turli janr va mavzulardagi kitoblar ishlatilgan bo‘lib, ular tartibli va did bilan joylashtirilgan. Bu nafaqat bayramona muhitni yaratdi, balki kitobxonlikni targ‘ib qilishning noodatiy usuli bo‘ldi.

Mazkur tashabbus, avvalo, yoshlarni kitoblarga bo‘lgan qiziqishini oshirish va ularda ijodiy fikrlash ko‘nikmalarini shakllantirishga xizmat qilmoqda. Archa bilan suratga tushishni xohlovchilar soni kun sayin ortib bormoqda.

Siz ham ushbu ajoyib manzarani ko‘rishga va yangi yil kayfiyatini his qilish uchun institut kutubxonasiga tashrif buyurishingiz mumkin!

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Namangan muhandislik-texnologiya institutida ilmiy tadqiqotchilar bilan muloqot o'tkazildi.

Namangan muhandislik-texnologiya instituti rektori v.v.b professor Oybek Ergashev institut tayanch doktorantlari bilan uchrashuv o‘tkazdi. Ushbu muloqotda tadqiqotchilarning ilmiy faoliyatlarida uchrayotgan qiyinchiliklarga alohida e’tibor qaratib, ularga samarali ilmiy metodologiyalar, innovatsion yondashuvlar hamda zamonaviy tadqiqot texnologiyalarini qo‘llash bo‘yicha maslahatlar berdi. Shuningdek, ilmiy ishlarning sifatini oshirish, amaliy natijalarga erishish hamda xalqaro ilmiy hamjamiyat bilan integratsiyani kuchaytirish yo‘llari haqida fikr almashildi.

Shuningdek, ilmiy ishlarni himoya qilish jarayonida talab qilinadigan hujjatlarni tayyorlash, zamonaviy akademik yozuv uslublarini qo‘llash va ilmiy maqolalarni xalqaro nashrlarda chop etish imkoniyatlarini oshirish bo‘yicha ko‘rsatmalar berildi. Bu kabi muloqotlar institutning ilmiy rivojlanishiga xizmat qilish bilan birga, tadqiqotchilarni kelgusidagi ilmiy izlanishlariga yangicha yondashishga undaydi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

NamMTIda Muhammad Yusuf tavalludining 70 yilligiga bagʻishlangan adabiy-ijodiy kecha tashkil etildi

Namangan muhandislik-texnologiya institutining 1-Talabalar turar joyida otashin shoir Muhammad Yusuf tavalludining 70 yilligi munosabati bilan "Muhammad Yusuf ijodiga nazar" mavzusida adabiy kecha o'tkazildi.

Dastlab Avtomatika va energetika fakulteti xotin-qizlar masalalari bo'yicha dekan maslahatchisi D.Abdurahmanova tomonidan
Muhammad Yusuf hayoti va ijodi haqida talabalarga batafsil ma'lumotlar berildi.

Shundan soʻng "Mushoira" klubining ijodkor talabalari tomonidan Muhammad Yusuf hamda o'z ijodlaridan na'munalar o'qib eshittirildi.

Tadbir so'ngida Muhammad Yusuf hayoti va ijodiga bag'ishlangan videofilm namoyish etildi. O'tkazilgan adabiy-ijodiy kecha chin ma'noda talabalarning ma'naviy dunyo qarashlarini yanada kengaytirish imkoniyatini yaratdi.

©️Namangan muhandislik-texnologiya instituti Axborot xizmati