Muzaffar Murodov | blog

LTV – mijoz biznesga qancha foyda olib keladi?

LTV (Customer Lifetime Value) – bu mijozning biznes bilan hamkorligi davomida keltiradigan umumiy daromadi.

Ko‘pchilik faqat bitta sotuvga e’tibor beradi. Aslida esa, mijoz biznesga umr davomida qancha foyda olib kelishi muhim.

LTV qanday hisoblanadi? – LTV = O‘rtacha chek × Xaridlar soni × Hamkorlik muddati

LTV = O‘rtacha chek 10 mln × Xaridlar soni 3 marta × Hamkorlik muddati 2 yil

Misol:
Agar mijoz har safar 10 mln so‘m sarflasa, yiliga 3 marta xarid qilsa va 2 yil siz bilan qolsa,
LTV = 10 mln × 3 × 3 = 60 mln so‘m

LTV ni oshirish uchun — Mijozni uzoq ushlab qolishga harakat qiling. Xizmat sifatini yaxshilab boring. Qo‘shimcha mahsulot va xizmatlar taklif qiling. Doimiy mijozlarga maxsus chegirmalar bering.

Mijozni bir martalik emas, doimiy qilish muhim!

Tushunarli — 🔥
Soddalashtiring — ❤️

@muzaffarmurodov_blog

Marketing – faqat kreativ emas, raqamlar asosida qaror qilish kerak!

Ko‘pchilik marketingni faqat kreativ, chiroyli reklamalar va kontent deb tushunadi. Lekin haqiqiy natija – bu raqamlar orqali o‘lchanadigan aniq natijalar.

Noto‘g‘ri yondashuv:
– Reklamaga 10 mln sarfladik, lekin natija yo‘q,
– Instagram obunachilarimiz ko‘paymoqda, demak hammasi zo‘r,
– O'ylashimcha bu product mijozlarga yoqadi.

To‘g‘ri yondashuv:
– Reklamaning CAC (bitta mijozni jalb qilish narxi) 80 ming so‘m bo‘ldi.
– CTR 1,2% edi, A/B testdan keyin 2,5% ga oshdi.
– Sotuv konversiyasi 3% dan 5% ga oshdi, chunki LTV baland mijozlarga urg‘u berdik.

Metrikalarsiz marketing – ko‘r-ko‘rona yurish bilan barobar! Barcha qarorlar raqamlar asosida qabul qilinishi kerak.

Agar metrikalar bilan ishlamasangiz: Budjetni noto‘g‘ri kanallarga sarflaysiz, Ishlaydigan strategiyani aniqlay olmaysiz, Qanday qilib foydani oshirishni tushunmaysiz.

Keyingi postlarda metrikalarni qanday ishlatish kerakligini misollar bilan ko‘rsatib boraman. Katta marketingni faqat raqamlar yuritadi!

@muzaffarmurodov_blog

"Qurilish kompaniyalari uchun sotuvni tezlashtirish: Mijozni uzoq o‘ylashdan qutqarish!"

Ko‘p mijozlar qurilish loyihasi uchun qaror qabul qilishda ikkilanadi – bu esa sotuv jarayonini sekinlashtiradi. Qanday qilib ularni tezkor harakatga undash mumkin? Mana 3 ta ishlaydigan usul:

Cheklangan taklif yaratish — “Faqat shu hafta 10% chegirma” yoki “Dastlabki 5 mijozga bonus xizmat” kabi takliflar (shoshilinchlik) hisini uyg‘otadi.

Oddiy vizual yechim — 3D model, tayyor loyiha rasmlari yoki “oldin/keyin” suratlari bilan mijozga natijani ko‘rsating – bu ishonchni oshiradi va qarorni tezlashtiradi.

Mijozning og‘riqli nuqtasini toping — Ularning asosiy muammosini aniqlab (masalan, byudjet yoki vaqt), shu muammoga yo‘naltirilgan taklif bering – “Tez muddatda tejamkor yechim” kabi.

Barcha usullar sinovdan o'tgan, siz ham sinab ko'ring va mijozni uzooooq o'ylashdan qutqarib sotuvlaringizni oshiring!

Tushunarli — 🔥
Soddalashtiring — ❤️

@muzaffarmurodov_blog

Mijoz ishonchini qanday qozonish mumkin? 3 ta amaliy usul (Qurilish kompaniyalari uchun)

Uy xarid qilish – katta qaror. Mijoz sizga ishonmasa, hatto chiroyli marketing ham natija bermaydi. Endi esa ishonchni qanday qozonish mumkin, real misollar bilan tushuntiraman.

1. Muammoga yechim taklif qiling.
Mijozga shunchaki kvartira emas, muammosining yechimi kerak.

Noto‘g‘ri: “Bizning uylar zamonaviy va shinam.”
To‘g‘ri: “Ko‘p qavatli uylar issiqlikni yaxshi ushlamaydi, biz esa 3 qavatli izolyatsiya tizimi bilan buni hal qildik.”

2. Isbot va faktlar ko‘rsating.
Reklamalarga emas, haqiqiy dalillarga ishonishadi.

Noto‘g‘ri: “Biz eng ishonchli qurilish kompaniyasimiz.”
To‘g‘ri: “Oxirgi 2 yilda 450 dan ortiq mijoz bizdan uy sotib oldi va 98% qoniqish bildirdi.”

3. Doimiy muloqot qiling
Ishonch bu – doimiy aloqa.

Noto‘g‘ri: “Bizning ofisga keling, hammasini tushuntiramiz.”
To‘g‘ri: “Har kuni qurilish jarayonidan video hisobot beramiz. Hattoki, boshqa shaharda bo‘lsangiz ham, qurilish qanday ketayotganini onlayn kuzatishingiz mumkin.”

Bu mijozga “men uydan chiqmasdan ham hamma narsani ko‘rib boraman” degan hisni beradi.

P.s: Yangi format sizga yoqdimi?
Tushunarli — 🔥
Soddalashtiring — ❤️

@muzaffarmurodov_blog

Postlarni davom ettiramizmi?

Yangi formatda post yozmoqchiman, deyarli hamma nima qilishni o'rgatadi, men esa qanday qilishni misollar bilan o'rgatmoqchiman.

Agar ushbu yangi format sizga ma'qul kelsa sizdan bitta olovcha 🔥, men esa yangi postni tayyorlashga kettim.

@muzaffarmurodov_blog

Mijoz ishonchi — sotuvning asosiy kaliti!

Bugungi bozorda eng katta ustunlik – mijoz ishonchini qozonish. Odamlar sizga ishonmasa, eng yaxshi mahsulot yoki xizmat ham sotilmaydi.

Mijozni tushuning. U nima xohlayotganini bilishingiz kerak. Shunchaki sotish emas, uning muammosini rostdan ham hal qilishga yordam bering.

Va’dangizga sodiq bo‘ling. Reklamada aytilgan narsa mahsulotingizda bo‘lishi kerak. Agar kutganidan past natija olsa, mijoz sizga qaytmaydi va tanishlarini ham sizga yubormaydi.

Ochiq va halol bo‘ling. Ko‘rsatgan narsangiz bilan bergan narsangiz bir xil bo‘lishi shart. Quruq va’dalar ishonchni yo‘qotadi.

Muloqot muhim! Mijoz bilan doim aloqa qiling, unga e’tibor bering. Fikrlarini tinglang va muammolarini hal qilishga harakat qiling.

Ishoning, ishonch qozonilgan biznes uzoq muddatli bo‘ladi!

@muzaffarmurodov_blog

Shaxsiy brend – eng kuchli aktiv!

Nega ba’zi kompaniyalar o‘z mahsulotini oson sotadi, ba’zilari esa mijoz topolmaydi? Sababi oddiy: odamlar kompaniyalarga emas, odamlarga ishonadi.

Bugun marketingda asosiy o‘yinchi – shaxsiy brend. Agar kompaniya ortida real inson ko‘rinmasa, mijoz ishonmaydi.

– Odamlar sizni tanishi kerak.
Agar brendingiz ortida o‘zingiz turmasangiz, bozorda faqat navbatdagi “noma’lum kompaniya” bo‘lib qolasiz. O‘zingizni ko‘rsating – mijozlarga hikoyangizni ayting, tajribangiz bilan bo‘lishing.

– Odamlar sizni ko‘rishi va eshitishi kerak.
Bugun faqat yozma postlar yetarli emas. Video chiqaring, intervyular bering, tadbirlarda qatnashing. Sizni qanchalik ko‘p ko‘rishsa, brendingiz shunchalik kuchli bo‘ladi. Ko‘rinmas insonlardan hech kim sotib olmaydi!

– Ekspert ekaningizni isbotlang.
O‘z sohangizdagi bilimlaringizni, tajribangizni bo‘lishing. Ishingizdagi qiziqarli jarayonlarni, real natijalarni ko‘rsating.

Esda tuting: Agar bugun shaxsiy brend ustida ishlamasangiz, ertaga raqobatchilaringiz mijozlaringizni o‘ziga tortib oladi.

Shaxsiy brend yaratish – bu hozirgi marketingda eng yaxshi investitsiya!

Agar ushbu postni oxirigacha o‘qigan bo‘lsangiz, 🏆 bosing!

@muzaffarmurodov_blog

2025-yil marketing trendlari: Sotuvni oshirish uchun moslashing!

Oldingi postda aytgandim: Marketing o‘zgarmoqda. Kecha ishlagan usullar bugun effekt bermasligi mumkin. Trend va tendensiyalarni chuqurroq tushunib chiqamiz.

Shaxsiy brend – asosiy o‘yinchi! — Brend nomi ortida shaxs yo‘q bo‘lsa, mijozlar ishonmaydi. Odamlar kompaniyalarga emas, odamlarga ishonadi. CEO yoki ekspertlar ochiq chiqmasa, mahsulot ham e’tibordan chetda qoladi.

Jonsiz brend bo‘lmang! — Mijozlar shablon javoblarni emas, jonli muloqotni yoqtiradi. Comment yoki Direct orqali kelgan savollarga qisqa va sovuq javob yozish o‘rniga, to‘liq, samimiy va individual yondashing. Zarur bo‘lsa, ovozli xabar bilan javob bering.

Mijozlarning xarid yo‘li uzaymoqda — Bozor to‘yingan, tanlov katta. Endi mijoz darrov sotib olmaydi, solishtiradi, tekshiradi, tahlil qiladi. Ushbu jarayonda mijozning esida qolish va unga haqiqiy qiymat berganlar yutadi.

Soddalik va tezkorlik - asosiy qurol — Oddiy va tushunarli takliflar samarali ishlaydi. 3-10 soniyada tushunarli bo‘ladigan kontent ko‘proq sotadi. Uzoq va zerikarli reklama o‘rniga, tezkor va lo‘nda formatlarga e’tibor qarating.

Xulosa: Agar sotuvni oshirmoqchi bo‘lsangiz, o‘zgarishlarga tayyor bo‘lishingiz kerak. Marketing doimo harakatda – kim moslashsa, o‘sha g‘olib bo‘ladi!

Bu mavzu hali tugamadi, tez orada davom ettiraman!

@muzaffarmurodov_blog

Marketing trendlar, tendensiyalar o‘zgarmoqda.

Agar sizning kompaniyangizda sotuv past, mijozlar oqimi kam bo‘lsa demak siz 2025 yilga moslashmadingiz.

O‘tgan yilda zo‘r ishlagan instrumentlar hozir ishlamayapti. Marketingni qiziq tomoni ham shunda sizni doim izlanib turishga harakat qiladi.

Bu yilga moslashing, trend va tendensiyalarni o‘rganing. Olingan tahlillardan so‘ng marketing strategiyangizni soddalashtiring.

2025 yil shaxsiy brend yili bo‘ladi. Kompaniyalar shaxsiy brendsiz sotishi qiyinlashadi. Mijozlar bilan ko‘proq aloqa o‘rnatgan kompaniyalar ko‘proq sota oladi.

2025 yilda marketing trendlari va tendensiyalar orqali sotuvni oshirish haqida batafsil yozaman.

Agar sizga qiziq bo‘lsa "🔥" qoldiring!

@muzaffarmurodov_blog

340$ target reklama evaziga 9 ta xonadon sotildi

Qanday qilib, qaysi usullar orqali bu natijaga erishganimizni soddaroq qilib aytib beraman.

Tahlil va strategiya: Raqobatchilarni va mijozlarni o‘rganib chiqdik. Raqobatchilar jalb qilayotgan takliflarni va mijozlar xohishlarini aniqlashdan asosiy maqsad — ular uchun dolzarb bo‘lgan og‘riqlar va istaklarni bilish edi. Shu asosda biznes egasi bilan birga kuchli taklif (offer) ishlab chiqdik.

Kontent va auditoriya tanlash: Tasdiqlangan takliflarni turli segmentlarga moslab kontent yaratdik va reklamani loyihamiz atrofida yashovchi, bu hududni yaxshi biladigan odamlar auditoriyasiga yo‘naltirdik.

Natijalar:
- 420 ta lead keldi va ulardan 61 ta mijoz bilan uchrashuv tashkil qilindi.
- 61 ta uchrashuvdan 9 tasi xonadon sotib olish bilan yakunlandi.

Konversiya:
- Lead → uchrashuv: 14.52%
- Uchrashuv → sotuv: 14.75%

Sotib olmaganlarning sabablari: Oylik to‘lovlarning qimmatligi, xonadon topshirilish muddatining uzoqligi, tayyor xonadon so‘ragan lar.

Umuman olganda, yaxshi natija. Agar sizning qurilish loyihangizda konversiya 6-8% dan yuqori bo‘lsa, bu yaxshi ko‘rsatkich hisoblanadi. Hozirgi sharoitda qurilish sohasidagi o‘rtacha konversiya 5% ni tashkil etadi.

Ushbu keysni soddalashtirish uchun marketing metrikalarini ishlatmadim, lekin jarayonlarni batafsil ochib berish uchun savollaringiz bo‘lsa, menga yozishingiz mumkin: @Muzaffarms

@muzaffarmurodov_blog

Keyslarni tahlil qilib berish ko‘pchilikka qiziq ekan.

Keyingi postda qanday qilib 340$ bilan 9 ta xonadon sotganimiz haqida aytib bermoqchiman.

Ushbu mavzu qiziq bo‘lsa ⚡️ bosing!

@muzaffarmurodov_blog

Ikkita loyiha, ikki xil natija: Muammo qayerda?

Men bir vaqtning o‘zida ikkita loyiha bilan ishladim, ikkalasi ham bir xil mahsulot sotadi.

Dekabr oyida 4.000 mingtadan lead jalb qildik. Natijada: birinchi loyihada 19 ta, ikkinchi loyihada esa 4 ta sotuv bo‘ldi.

Sababini qidirdik, leadlarni solishtirdik, offer, auditoriya, target sozlamalarini qayta ko‘rib chiqdik.

Sababini topdik, sotuv bo‘lmagani sababi call center xodimlariga "noto‘g‘ri qo‘yilgan KPI tizimida" ekan.

Call center xodimlariga KPI, bonus xar bitta sotuvdan bo‘ladi deb qo‘yilgan ekan, Ma’lumot o‘rnida 40.000$ lik mahsulot sotilyapti.

Katta chekli mahsulot sotilayotgan paytda judayam noziklik bilan ishlash kerak, call center xodimlarining ishi sotish emas, mijozlarga birlamchi ma’lumotni berib ofisga chaqirib sotuvchi xodimlariga bog‘lab berish hisoblanadi.

Nega ofisga chaqirish kerak? Katta chekli mahsulotlar – emotsiya orqali: ko‘rish, ushlab ko‘rish, his qilganidan keyingina qaror qabul qilinish orqali sotiladi.

Sizda ham natija kam bo‘layotgan bo‘lsa, sotuv bo‘limini tahlil qilib chiqing, CRM orqali voronkalarni tekshiring, mijozlar bilan gaplashilgan audio zapislarni eshitib chiqing — katta ehtimol bilan tog‘oraning teshigi shu bo‘limdan chiqadi.

Bu postni foydali deb bilsangiz, soha mutaxassislariga yuboring.

@muzaffarmurodov_blog

Mijozlarni tezroq jalb qilish — targeting

Marketing strategiyasini qildingiz, endi navbat mijozlarni jalb qilishni boshlash.

Tezroq mijozlarni jalb qilish uchun eng yaxshi usul Target instrumentidan foydalanish.

Target uchun reklama kreativ yozishdan boshlaymiz.
Bizning loyiha qurilish kompaniya, "Shohsaroy Uylari" misolida ko‘rib chiqamiz.

Offer yozishdan oldin o‘zingiz taklif qilayotgan loyiha haqida to‘liq ma’lumotga ega bo‘lishingiz va CustDev (mijozlar tadqiqoti) qilgan bo‘lishingiz kerak, vaqt qisqa bo‘lsa CustDevni online so‘rovnoma shaklda ham qilsangiz bo‘ladi.

Bir necha xil offer yozamiz, Shohsaroy Uylari uchun yozilgan video va dizayn offerni bu yerda ko‘rishingiz mumkin.

Target reklamasi uchun offer yozildi. Endi syomka vaqtini belgilab videoni tayyorlash kerak.

Video tayyor, endi targetolog sizning maqsadli auditoriyangizdan kelib chiqqan holda target uchun qisqacha strategiya qilib berishi kerak, kimga sotayotganingizni aniq ko‘rishingiz uchun (strategiya murakkab bo‘lishi shart emas, uni ichida segmentlarni ajratib chiqqan bo‘lsangiz yetarli)

Agar avvalgi target ko‘rsatgichlari sizda bo‘lmasa kamroq byudjet bilan test sifatida yoqib ko‘rganingiz ma’qul.

Target orqali kelayotgan ledlarni agar bo‘lsa CRMga tushirasiz, va uni sotuv bo‘limiga yo‘naltirasiz.

Keyingi qismda sotuv bo‘limida siz olib kelgan ledlar bo‘yicha ulardan hisobot olib, konversiya chiqarishni ko‘rib chiqamiz.

Keyingi chiqadigan post uchun reaksiya qoldirishni unutmang -🔥

@muzaffarmurodov_blog

2024-yilda oldimga qo‘ygan maqsadlarimning deyarli hammasiga erishdim, Alhamdulillah

Lekin post yil sarhisobi haqida emas!

Yaqinda bitta yangi loyiha bo‘yicha loyiha asoschisi bilan gaplashdim.

Yangi reja-maqsad qo‘yish uchun, avval ishlatilgan reklama instrumentlar kerak bo‘ladi.

Shu sababli, eski ishlarini tahlil qilib chiqdim.

Muammo — ishlatilgan instrumentlarda emas, balki ishlagan xodimlarda ekan.

3 oy oldin birga ishlashni boshlagan, ish jarayonida falon-falon va’dalarni bergan, qilib beraman deb.
Vaholanki, berilgan va’dalar gapligicha qolib ketgan.

Ish sifatiga emas, rasmiyatchilik bilan post soniga ishlagan 12 ta post qilgan oyiga))

Raqobatchilar tahlili, CustDev, Bozor tahlili — bularni ish boshlanishidan oldin qilamiz deyishgan ekan, menga kerak bo‘lgani uchun ulardan bu narsalarni so‘raganimda, hali ulgurmadik qilishga deb javob berishdi.

Sotuv bo‘lmagan, buning sababi maqsadli auditoriyasi kimlar ekanligini bilmagani uchun))

Reklama, target yoqilgan maqsadli auditoriyani aniqlamasdan.

——

Va’da berdingizmi bajaring, ishingizni vaqtida qiling, mas’uliyatli bo‘ling.

Ishlayotgan productingizni yaxshilab o‘rganing. Nima sotyapsiz? Kimga sotyapsiz? Nima sababdan sotib olishadi? Qachon va qayerda sotib olishadi? — shu savollarga javob toping.

Loyiha oldingizni, ishni qiyinlashtirmang.

Eski ishlarni analiz qiling, Biznes maqsadini aniqlang, Marketing strategiya tuzib biznes maqsadiga bog‘lang.

Boshqalar qilayotgan shablonlardan voz keching, natija beradigan ishlarni qiling.

Foydali deb bilsangiz, tanishlaringizga ham yuboring.

@muzaffarmurodov_blog

Eski yil ham yakunlandi!

Yangi postlar chiqmay qo‘yganiga sizlardan uzr so‘rayman.

Yil oxirida viloyatga ketdim, bayramni yaqinlar bilan o‘tkazdik.

Muhimi, passiv dam oldim, miya joyiga keldi, eski yilda faqat ishlabmiz o‘ziyam)

——

Sizlar uchun yangi kontentlarni tayyorlayapman, tez kunda ularni chiqarishni boshlayman.

Undan ham yaxshi xabar, keyingi haftaga konsultatsiya rejalashtiryapman, sizning A nuqtangizni aniqlab, B nuqtaga qanday chiqish kerakligini ko'rib chiqamiz.

Oflayn yoki onlayn bo‘lishini, ishlarni rejalashtirib keyin maslahatlashamiz))

Ha yana yangiliklar ham bor, yil boshidan 2 ta yangi loyiha bilan ishlayapman, ikkalasi ham quruvchi kompaniya — bular bo‘yicha keyinroq aytib beraman.

Navbatdagi chiqadigan postlar uchun motivatsiya berishni unutmang! - 🔥

@muzaffarmurodov_blog

Yakshanba rivojlanish uchun eng yaxshi kun

Boshqalardan o'sib ketmoqchimisiz? Yakshanba kuni ishlang.

Boshqalardan o'sib ketmoqchimisiz? Boshqalar dam olayotgan vaqtda siz ishlang.

Qaysidur loyihada ishlaysiz, yangi nimadur o'rganishingiz kerak, lekin sizda vaqt yo'qmi?

Yakshanba siz uchun berilgan katta imkoniyat!

Yakshanbadan foydalaning, yakshanbaning imkoniyati katta!

@muzaffarmurodov_blog

Biznes egalari sizdan ko'p narsa kutmaydi.

Ko‘p biznes egalari bilan suhbatlashganimda, ular mutaxassislaridan shikoyat qilishadi.

Ammo aslida, biznes egalari xodimlaridan ko‘p narsa talab qilishmaydi. Shunchaki ular ma'suliyat kutishadi.

Ma'suliyat — bu judayam noyob qobiliyat emas. Agar aytilgan ishni o‘z vaqtida yoki vaqtidan oldin bajarsangiz, o‘sha biznes egasi uchun siz eng yaxshi xodim bo‘lasiz.

O‘z tajribamda ham ko‘p xodimlarni ishga olish va ular bilan suhbatlashish jarayonida shuni angladim: bozorda ma’suliyatli mutaxassislar juda kam.

Shuning uchun:
– Kelishilgan vaqtda yetib boring yoki kechikishingizni oldindan ayting.
– Sizga topshirilgan vazifalarni o'z vaqtida bajaring.

2025-yilda 2x'ga o‘sishni xohlasangiz, eng asosiy sifat sifatida ma’suliyatga e’tibor qarating!

Post foydali bo'lgan bo'lsa sizdan bitta olovcha — 🔥

@muzaffarmurodov_blog

Mijozingiz eslab qolishi uchun qiymat bering!

Mijoz bilan ofisda birinchi suhbatni o‘tkazdingiz, mijoz o‘ylab ko‘rishini aytdi va ketdi.

Mijoz nimani o‘ylab ko‘radi? O‘ylab ko‘rishi rostmi?

Katta ehtimol bilan “o‘ylab ko‘rish” deganda, sizni raqobatchilar bilan solishtirib ko‘radi.

Ko‘p mijozlar bilan gaplashganimda guvohi bo‘lganman: qo‘lida ro‘yxat tuzib olgan, “Birinchi bu kompaniyaga boraman, keyin u kompaniyaga borib mahsulotini yaxshilab o‘rganib chiqaman, va undan keyin solishtirib qaror qabul qilaman” — deydi.

Birinchi uchrashuvdan keyin ikkinchi uchrashuv bo‘lishi uchun mijozga qiymat bering.

Raqobatchilar ko‘pligidan, mijoz sizni bir zumda esidan chiqarib qo‘yadi. Kichkina bo‘lsa-da, qiymat berib jo‘natsangiz, raqobatchilar bilan solishtirayotganda sizni tanlash uchun unda sabab bo‘ladi.

Sizni eslab qolishi uchun kichik bo‘lsa-da, qiymat bering.

@muzaffarmurodov_blog

Sizdan olmasa, boshqasidan aniq oladi!

Hozir bayram oyi boshlangan. Dekabrda ko‘p kompaniyalar aksiya, chegirma va bonuslarni yo‘lga qo‘yishgan yoki endi qo‘yishadi.

Siz ham bering. Iloji bo‘lsa, boshqalardan avvalroq chegirma yoki aksiya e‘lon qiling.

Hozirgi kunda mijozlar judayam aqlli bo‘lib ketishgan.

Yaqinda tadqiqot qildim, mijoz aytyapti: “Yangi yil oldidan men bu mahsulotni olishga shoshilmay turaman. Sababi, barcha kompaniyalar katta chegirma e‘lon qiladi. Shu chegirmada kerakli mahsulotni olaman,” deb.

Agar siz ishlayotgan kompaniya odatiy usulda, chegirma yoki aksiyasiz sotaman desa, sotishi judayam qiyin bo‘ladi.

Siz chegirma yoki aksiya bermasangiz, boshqalar beradi. Hozirgi kunda qo‘shimcha qiymatsiz mahsulotni sotish qiyinlashib bormoqda.

Ko‘p sotayotgan raqobatchilaringizni tahlil qilib ko‘ring. Ular nima sababdan ko‘p sotishyapti, qaysi yo‘l bilan sotishyapti?

Siz qo‘shimcha qiymat bermasdan, odatiy usul bilan sotsangiz, mijoz sizdan emas, boshqa kompaniyadan sotib oladi.

Ps: Ushbu postni, aksiya bermaymiz degan boshlig‘ingizga yuborib qo‘ying!)

Foydali bo‘lgan bo‘lsa, bitta olovcha! 🔥

@muzaffarmurodov_blog