Маҳалла уюшмасига тезроқ иш топиб бериш керакЭски иш жойимдан иши йўқ одамлар нима қилишини билмаса, ўзига иш яратарди. Масалан, юриб турган процессни орасига ўзининг структурасини тиқарди, автомат ўтиши керак бўлган нарсаларга "ручной" режимлар қўшарди ёки қанақадир янги қоғозбозликлар жорий қилишга ҳаракат қиларди.
Уюшма раисининг
топшириғи шуларни эслатиб юборди. Унга кўра,
маҳалла раиси 7:00 да хормейстер, 7:45 да мактаб қоровули, 8:15 да чопар ҳамда ундан кейин психолог ва бошқаларга айланар экан. Ҳаммаси ўйлаб топилган ишлар-да, энди. Шу ишларни қилмасак бўлмайди дейишса, маҳалла биносига катта карнай қўйиб, ҳар куни 7:00 да мадҳия қўйиладиган қилиб созлаб қўйилса ҳам одамлар қўшилиб айтаверади. Мактабларга юзни таниш қурилмасини қўйишса, автомат йўқлама қилиб базага юклайверади. Ҳеч ким отда хат ташиши керак эмас.
Хуллас, уларга мантиққа тўғри келадиган, бошқа нарсаларни ўйлашга вақт қолдирмайдиган тайинли иш топиб бериш керак (аслида, структурани тугатиб юборса ҳам ҳеч нарса ўзгармайди).
