Muslimaat.uz

ОИЛА

Ҳозирда кўплаб оилали аёлларда фeйсбук ва шу каби бир қанча ижтимоий алоқа воситалари мавжуд. Шундай аёллардан бири тармоқда пост ёки сурат жойлаганида:

“Сиз жуда гўзалсиз”, “Кўз тeгмасин”, “Ажойибсиз”, “Ой юзлисиз” каби ҳушомадли изоҳларга дуч кeлади.

Сўнг ёнгинасида ўз оиласини боқиш йўлида ҳаёт машаққатларидан хориб, тўшагида ором олаётган бeчора эрига назар солади ва у билан кeчираётган ҳаётини юқоридаги мақтовлар билан солиштириб кўради.

Баъзан шу ҳолат ўз умр йўлдошига нисбатан исён кўтаришига сабаб бўлади. Бу эса кўплаб оилаларни пароканда бўлиб ҳатто ажралишларга ҳам олиб кeлади.

📌 Муҳтарама аёллар!
Бу сўзлар сизни алдаб қўймасин, чунки ижтимоий тармоқ оламидаги эркаклар ҳам сизнинг эрингиз каби ҳатто баъзан ундан-да ёмонроқ бўлади.

Оилангиз ва фарзандларингизни асранг. Бу виртуал олам сизнинг ва оилангизнинг ҳалокатига сабаб бўлишига йўл қўйманг.

Энг муҳими, поклигингиз ва шарафигизни сақланг. Бир кун кeлиб Аллоҳ олдига қайтиш куни борлиги ҳақида ўйлаб кўринг. Ишонинг, сизни йўлдан оздиришга уринаётган инсон фақат ўзининг вақтинчалик нафсий истаклари учун бошингизни айлантирмоқда.

Сизни ўз аёли дeб қабул қилган жуфту ҳалолингизни кўз қорачиғидeк ардоқланг. Унинг ор-номусини, ғурурини сақлай билинг.

Оилавий шароитингиз қандай бўлишидан қатъий назар, сизни ҳимоя қиладиган ягона инсон – бу сизнинг эрингиздир.

Эрингизнинг муносабатларидан ранжиманг. Чунки сиз унинг ҳаёт аччиқларини ичга ютиб, бир бурда нон топиш учун қандай курашаётганини, сиз ва фарзандлари учун қанча қийинчилик ва тахқирларга чидаётганини яхши билмайсиз. Шундай экан, оилангизни тахқирлардан ва хорликлардан ҳимоя қилиш учун унинг бу фидойилигини қадрланг.

Абдулбақи Увайс
Жасур Ҳасан таржимаси
@Muslimaatuz

Ассалому алайкум ва раҳматуллоҳи ва барoкaтуҳ.

Бугун пайшанба
—26 декабрь 2024.
—25 жумадус сони 1446.

🤲Аллоҳим! Сенга осмонлар тўлалигича, ер тўлалигича ва бошқа истаган нарсаларинг тўлалигича ҳамд бўлсин!

@Muslimaatuz

❓Сўранг, жавоб берамиз!

Идда тугамасдан турмуш қурса бўладими?

Аёл кишининг эри вафот этса ёки талоқ қилса идда ўтиришини биламиз. Кўпчилик буни ҳомиладорликни аниқлаш учун жорий этилган деб тушунади. Шунинг учун бугунги кунда баъзи аёллар УЗИ аппаратига тушганда ҳомиладорлик аниқланмаса, янги турмуш қуриб кетмоқдалар. Шаръий жиҳатдан идда тугамасидан қилинган ушбу никоҳлари дуруст бўладими?

💬 ЖАВОБ: Бисмиллаҳир Роҳманир Роҳим. Шариатимиз эри вафот этган аёл учун тўрт ойу ўн кун идда ўтиришни белгилаган. Агар у ҳомиладор бўлса, бола туғиши билан иддаси тугайди.

Бурҳониддин Марғилоний раҳматуллоҳи алайҳ “Ҳидоя” китобида қуйидагиларни айтади:

✅ “Агар аёл ҳомиладор бўлса унинг иддаси ҳомиласини туққуничадир. Чунки Аллоҳ таоло: “Ҳомиладор аёлларнинг идда муддати ҳомилаларини туққунларигачадир”, деган (Талоқ сураси 4-оят)”. Эри вафот этганда озод аёлнинг иддаси тўрт ой ва ўн кундир. Чунки Аллоҳ таоло: “ Сизлардан вафот этиб, хотинларини қолдирган бўлсалар, (бева хотинлари) тўрт ою ўн кун ўзларини кузатиб (идда сақлаб) ўтирадилар”, деган (Бақара сураси 234-оят)”.

➡️ Бироқ, ҳомиладор бўлмаса, айтилганидек, унинг иддаси тўрт ой ва ўн кундир. Идда чиқмасидан турмуш қуриши мутлақо жоиз эмас ва у шаръий жиҳатдан ҳақиқий никоҳ ҳисобланмайди. Чунки, идда ўтиришнинг сабаби фақатгина ҳомилани аниқлаш эмас. Балки, ортда қолган никоҳнинг ва ушбу никоҳда жуфти ҳалол бўлган эрнинг эҳтироми учун ҳам аёл идда ўтиради. Шунинг учун эрлари вафот этган муслима аёллар, агар ҳомиладор бўлсалар болани туғмагунча, ҳомиладор бўлмасалар, эрларининг вафотидан тўрт ойу ўн кун ўтмагунча бошқага турмушга чиқишлари жоиз эмас.

➡️ Шунингдек, эрлари талоқ қилган аёлларнинг ҳам, агар ҳомиладор бўлсалар болани туғмагунларича, ҳомиладор бўлмасалар тўлиқ уч ҳайз кўрмагунларича иддалари тугамайди.

➡️ Ҳайз кўрмайдиган аёллар эса уч ой идда ўтирадилар. Ушбу муддат ичида уларнинг бошқа никоҳ қуришлари жоиз бўлмайди. Валлоҳу аълам.

Ўзбекистон мусулмонлари идораси
Фатво маркази

@Muslimaatmisr_official

Ассалому алайкум ва раҳматуллоҳи ва барoкaтуҳ.

Бугун чоршанба
—25 декабрь 2024.
—24 жумадус сони 1446.

🤲Аллоҳим! Оқ мато кирдан қандай тозаланса,
бизни ҳам гуноҳларимиздан шундай поклагин. Ўтган гуноҳларимиздан ҳам сув, қор ва дўл ила эритиб тозалагандай тозалагин!

@Muslimaatuz

📣 ☺️☺️☺️🥰☺️🥰

Оналаримиз учун ҳаммаси, ўтказиб юборманг!

☺️☺️🥰☺️
1⃣6⃣ 🌸0⃣0⃣

❔Нега БОЛАЛАРИМИЗ асабий?


Нейрофизиолог, невропатолог, "Аёл-қизларга маънавий кўмак лойиҳаси мутахассиси Дилафрўз Усмонова билан овозли суҳбатимизга марҳамат!

Сизни қандай мавзулар қизиқтиради? Қизиққан мавзуингизни изоҳларда қолдиринг.

@Muslimaatuz

Ассалому алайкум ва раҳматуллоҳи ва барoкaтуҳ.

Бугун сешанба
—24 декабрь 2024.
—23 жумадус сони 1446.

🤲 Аллоҳим! Бизни гуноҳларимиздан шарқ ва ғарбнинг орасини очганинг қадар узоқ қилгин! Оқ мато кирдан қандай тозаланса,
бизни ҳам гуноҳларимиздан шундай поклагин!

@Muslimaatuz

❓ Ҳомиладор аёл ҳайз кўриши мумкинми?

Мен тест орқали ҳомиладор эканимни билдим. Аммо УЗИ га тушсам, кўрсатмади. Шу орада қон келди. Мен узрли аёл ҳисобланадими?

💬 ЖАВОБ: Бисмиллаҳир Роҳманир Роҳим. Сиз ҳомиладор ёки ҳомиладор эмаслигингизни соҳа мутахассисларига мурожаат қилиб аниқланг. Агар ҳомиладор эканингиз аниқ бўлса, келган қон ҳайз бўлмайди, истиҳоза бўлади. Гарчи одат кунларингизда келса ҳам. Чунки ҳомиладор аёл ҳайз кўрмайди.

✅ “Ҳомиладор аёл кўрган қон истиҳоза бўлади. Чунки бундай аёл ҳайз кўрмайди. Сабаби ҳомила туфайли бачадоннинг оғзи беркилиб қолади ва ҳайз қони ҳомила учун озуқага айланади. Шу сабабдан ҳомиладор кўрган қон ҳайз бўлмайди. У кўрадиган қон истиҳозадир”. (“Ихтиёр ли таълил мухтор” китоби).
Агар ҳомиладор бўлмасангиз ва келаётган қон ҳайзнинг таърифига тушса, бу қон ҳайз бўлади. Валлоҳу аълам.

Ўзбекистон мусулмонлари идораси Фатво маркази.

@Muslimaatuz

Ассалому алайкум ва раҳматуллоҳи ва барoкaтуҳ.

Бугун душанба
—23 декабрь 2024.
—22 жумадус сони 1446.

🤲Аллоҳим! Бизга бу дунёда ҳам яхшилик ато этгин, охиратда ҳам яхшилик ато этгин!

@Muslimaatuz