"МУШТУМ" журнали расмий канали 📰

СОКИНЛИК

Япон ривояти

Саҳрода бир роҳиб яшар, у одамларга қудуқдан сув олиб берарди. Аммо негадир жуда камгап эди.
Бир куни ундан сўрашди:
– Нега сокинликни севасан? Жимгина яшаш сенга нима беради?
Роҳиб қудуққа ташлаб қўйилган челакни тортиб олди ва савол берган одамдан унга қарашни сўради:
– Қудуқда нимани кўраяпсиз?
– Ҳеч нарсани! – жавоб берди ҳалиги киши. Роҳиб ундан бироз кутиб туришини илтимос қилди-да, яна сўради:
– Энди қаранг, энди қудуқда нимани кўраяпсиз?
– Ўзимни кўраяпман!
Роҳиб:
– Биринчи қараганингизда сув чайқалиб турганди, шунга ҳеч нарсани кўрмадингиз. Иккинчи қараганингизда эса у тинган эди ва сиз ўз аксингизни кўра олдингиз. Сокинлик ҳам худди шундай. Унинг ёрдамида инсон ўзини топмоғи мумкин.

⭕️ Каналга обуна бўлинг👇👇👇
https://t.me/mushtumjurnali

#Тунги_мутолаа

Жамиятни онгсизлаштирувчи иллат

Жамиятда ҳақиқат сўзланишдан тўхтаса, маддоҳлик авж олади. Ҳақиқат талаб қилиш ўрнига, кўзбўямачилик, ёлғон таърифлар ва ҳақиқатни бузиб кўрсатиш одатга айланади. Бу эса жамиятни тубанликка етаклайди.

Бугун маддоҳлар жамиятнинг энг юқори қатламларига кириб борган. Улар ҳақиқатни эмас, фақат мақтовни билгувчи кимсалар. Оммавий ахборот воситалари, ижтимоий тармоқлар, ҳатто оддий суҳбатларда ҳам ҳақиқат ўрнига ёлғон маъқул кўрилади. Танқид – душманликка, ҳақиқат – фитнага, фикр эркинлиги эса хиёнатга чиқарилади.

Таассуфки, кўряпмиз: маддоҳлар ҳукумат эшиклари остонасида саф тортиб, ҳар қандай хатони гўзаллик қилиб кўрсатишга уринади. Улар учун халқнинг дарди муҳим эмас – улар фақат мағрурлик ва муваффақият ёлғонини яратиш билан банд. Улар жамият кўзини юмдириш учун нима қилиб бўлса ҳам, ҳақиқатни ёпишга, мустақил фикрловчиларни ўчиришга тайёр.

Натижа нима? Жамиятда тўғри фикрлаш ўлди. Ижодкорлик ўрнига қуллик, танқид ўрнига муҳаббатсироқ ёлғонлар, ҳақиқат ўрнига жасоратсизлик ҳукмрон бўлди. Одамлар тўғри йўлни эмас, қулай йўлни танлашга ўрганди.

Бироқ, ҳақиқат доимо барҳаёт! Бир куни ёлғон деворлари қулайди, маддоҳлар кимлигини кўрсатади. Фақат шу кун жуда кеч бўлмасин! Жамиятимиз онгсиз, маддоҳ ва манқуртлар тўдасига айланиб қолмаслиги учун ҳақиқатни ҳимоя қилиш, уни айтиш ва унга амал қилиш биз – соғлом фикрли инсонларнинг бурчи.

Ёлғонни эмас, ҳақиқатни танлаш керак!

Ислом АСИЛБЕК.

⭕️ Каналга обуна бўлинг👇👇👇
https://t.me/mushtumjurnali

Юқоридаги видеолавҳа Тошкент шаҳрининг Юнусобод туманида олинди.
Бундай ҳолатларни бошқа туманларда ҳам кўриш мумкин. Айниқса, бир пайтлар сув тўлиб-тошиб оққан бетон ариқлар ҳозирда аҳлат ва чиқиндилар ташланадиган “ҳандақ”ларга айланиб бормоқда.
“Ободон”да ишлайдиганларнинг иши-ку! Вақтида олмайдими?!” – деган иддаолар бўлиши мумкин. Лекин, ана ўша “ободон”да ишлайдиганлар аҳолининг энг кам маош оладиган қатлами. Қолаверса, видеода гувоҳи бўлишингиз мумкин – аҳоли чиқиндиларни дуч келган жойга ташлаб кетмоқда.
Мақсад – уйидан ташқарига чиқса, бас! Аслида, уйимиздан ташқари – Тошкенти азим – бизнинг умумуйимиз эмасми? Ўзбекистон-чи?..
Қадрли тошкентликлар ва унинг меҳмонлари!
Пойтахтимизни аҳлат-чиқиндилардан ҳоли, гўзал гўшага айлантирайлик!
Унинг заҳарли ҳавосининг соғлигимизга етказаётган зарарининг ўзи етарли эмасми?!
Бундай аҳвол бизнинг миллат қадриятларига ярашмайди!
Муҳими, аҳлат-чиқиндиларни дуч келган жойга ташламайлик,
ташлаётганларни эса, инсофга чақирайлик!

Озодбек ШАРОБИДДИНОВ,
“Муштум”нинг махсус мухбири

⭕️ Каналга обуна бўлинг👇👇👇
https://t.me/mushtumjurnali

«БИСМИЛЛАҲ»НИНГ ҲИКМАТИ

Мен ундан ёшини сўраган эдим, у айтди:
– 95 да, онам эса 105 ёшда вафот этганлар.
– Соғлиғингизни бу қадар яхшилигининг сири нимада? – сўрадим ундан.
– Касал бўлмасликда, – жавоб қайтарди у.
– Лекин бу бизнинг ихтиёримизда эмас-ку?! – дедим ҳайратимни яшира олмай.

У эса кулиб:
– Ҳа, шундай, – деди.
– Унда менга бунинг сирини айтинг, мен ҳам амал қилай, – дедим.
– Бирор нарсани «Бисмиллаҳ»сиз оғзингга сола кўрма, ҳатто у бир томчи сув ёки таомнинг жуда кичик бўлаги бўлса ҳам, – деди у. Жим бўлиб қолдим.
У эса сўзида давом этди:
– Аллоҳ таоло ҳеч нарсани сабабсиз яратмади. Ҳар нарсанинг ортида унинг ҳикмати борки, унда фойда ва зарарлари яширинган. Биз «Бисмиллаҳ» деганимизда Аллоҳ таоло таомдан барча зарарни олиб ташлайди.

Овқатланишдан аввал доим «Бисмиллаҳ»ни айт ва Яратувчингга шукрда бўл. Таомланиб бўлганингдан кейин эса қўлларингни кўтар ва «Алҳамдулиллаҳ» деб шукрона келтир. Шунда ҳеч қачон дард чекмайсан.
Унинг бу гапларидан кўзларим ёшга тўлди. Уни улуғ олим деб ўйладим.

Эндигина кетмоқчи бўлиб турган эдим, қўлларимдан тутиб гап бошлади:
– Эшит, таом ҳақидаги охирги нарса.
Қайтадан жойимга ўтирдим.
– Бирон киши билан таомланаётганингда, гарчи қанчалар очиққан бўлсанг, ҳам асло биринчи бошлама. Таомга аввал у қўл урсин ёки унга манзират қил. Кейин эса ўзинг ҳам еявер.

Ундан бунинг сабабини сўрашга хижолат бўлиб турган эдим, ўзи айтиб қолди:
– Бу таомингнинг садақасидир. Қолаверса, бандаларига қайғурганинг учун Аллоҳ сендан хурсанд бўлади. Доим ёдингда тут! Таом сенинг тананг, жисминг учун, «Бисмиллаҳ» эса қалбинг учун.

Энди менга айт-чи, қандай қилиб сен касал бўлишинг мумкин?!
У ердан ўйга толганча кетдим. Биз динимиз буюрган бу каби арзимас нарсаларга на эътибор қиламиз ва на фарзандларимизга ўргатамиз.
Умар ибн Абу Салама розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг қарамоғларидаги бола эдим. Қўлим товоқда изғиётган эди. Шунда Расулуллоҳ соллаллоҳу алайҳи васаллам менга: «Эй бола! «Бисмиллаҳ», дегин, ўнг қўлинг билан егин ва олдингдан егин!» дедилар. Шундан буён ана шундай таомланаман».

Имом Бухорий, Имом Муслим, Абу Довуд, Термизий ривояти.

⭕️ Каналга обуна бўлинг 👇👇👇
https://t.me/mushtumjurnali

#Фельетон

КЎЗ, ҚОРИН ВА ҚУЛОҚ ОДАМЛАРИ

Бугун бозорда юрибман. Ёнимдан ўтаётган икки киши қизғин баҳслашяпти:

– Кеча кўрдингми?
– Ҳа, зўр чиқибди! Кўзни узолмадим!
– Мен ҳам. Ҳаммаси бор: гўзаллик, мазали таомлар, гапиришдан ҳузурланадиган овозлар!
– Жуда зўр! Ҳаёт шундан иборат, ака!

Қизиқиб кетдим. Нима ҳақида гаплашяпти? Кино? Мусиқа? Йўқ, бир бойваччанинг тўйи ҳақида!

Тўғриси, уларни айблаш қийин. Бизда ҳамма нарса кўз, қорин ва қулоқ учун. Битта яхши овозли одам ҳамма учун "оқил" бўлиб қолган, битта қизиқчи "философ"га айланган, кимдир тўйда икки таом кўп қилса, "меҳрибон" деб ном олган.

АҚЛ-ЗАКОВАТ ҚАЕРДА?

Кейин мен жамоат транспортига чиқдим. Қаршимда бир йигит. Қўлида телефон, қулоғида наушник, юзида бешқаватли табассум. Жонини олсам ҳам, у нима эшитаётганини билгиси келди. Кутилганидек, "Бомба қўшиқ!"

Ёнимдаги бошқа бир йигит эса жуда фаол. Телефонидан ниманидир катта овозда қўйган, ҳамма эшитсин деб. Унга қулоқ одамлари тегишли. "Зўр қўшиқ! Ҳаёт шу-да! Завқ олиш керак!"

Улар учун ҳаёт шу – қулоқдан ҳузур, кўздан завқ, қориндан тўйиниш. Қани тафаккур? Қани билим?

МИЛЛАТНИНГ КЕЛАЖАГИ КАЙФИЯТМИ?

Бугун телеграм каналларда кимдир катта очилиш қилибди:
– "Бизда энг мазали овқатлар бор!"
– "Бизда энг чиройли қизлар бор!"
– "Бизда энг хушовоз хонандалар бор!"

Қойил! Бизда энг кучли тафаккур бор, энг илмли ёшлар бор, энг ақлли одамлар бор, деган гапни эшитиш мумкинми?

Ёш бола отасидан сўрайди:
– Дада, мен катта бўлсам, ким бўламан?
– Мазали ош қилсанг, ҳурмат топасан! Чиройли бўлсанг, машҳур бўласан! Кўнгилочар гап гапирсанг, ҳамма сени севади!

Ҳа, шу – бизга керак бўлган идеал!

ТАНЛОВ БИЗНИНГ ҚЎЛИМИЗДА

Ҳаёт фақат завқдан иборат эмас. Қорин тўйиб, кўз қувониб, қулоқ завқ олиши билан миллат улғаймайди. Билимсиз, тафаккурсиз жамият хўжакўрсин ҳаёт кечиради.

Агар келажагимизни ўйласак, бизга шов-шув эмас, билим керак. Мусиқачига ҳурмат – яхши. Ошпазга эътибор – керак. Гўзалликка қизиқиш – табиий. Лекин, муҳтарам халқ, ўйлашни ҳам унутмайлик!

Акс ҳолда, бир куни ойна олдига қараб туриб, ўзимиздан сўраймиз: "Биз қаерда адашдик?"

Ислом АСИЛБЕК

Telegram  |  Instagram |  Youtube |  Facebook

#Ибрат_соҳилларида

ДУНЁ ШУНДАЙЛАР БИЛАН БУТУН, БЎЛМАСА...
    
Суратдаги бу инсон ер юзида яшаб ўтган инсонларнинг энг яхши кишиларидан биридир. У хақда эшитмаган бўлишимиз мумкин, чунки бундай инсонлар ўз савоб ишларини ҳеч қачон кўз-кўз ва миннат қилмайдилар.

Бу инсон — покистонлик ҳақиқий мўмин-мусулмон Абдул Саттор Эдхидир. У 1928-йилда туғилган. 11 ёшида онаси инсулътдан фалажланиб ётиб қолади. Абдул Саттор онасига куну-тун қараб парвариш қилади... Онаси вафот этганида Абдул Саттор эндигина 19 ёшга тўлган эди. Онасининг ўлимидан оғир таъсирланган Абдул Саттор бутун умрини касалларга, муҳтожларга, қария ва гўдакларга яхшилик қилишга бағишлашга онт ичади. Абдул Саттор дастлаб, ишлаб кўп пул топиб бўлмаслигига ақли етиб, бой хонадонларда хизматкорлик қилади.

У йиғилган пулларга реклама қилдириб, муҳтожларга ёрдам фондини очади.
Эдхи бутун умри давомида 20 мингта дайди болаларни яхшироқ ҳаётга қайтишига, 50 мингта етим болани ўз парваришига олиб, касалларга ёрдам бера оладиган 40 мингта ҳамширани ўқитади.

Эдхи тузган фондини йириклашиши натижасида у дунёдаги энг катта тез ёрдам хизмати марказини тузади, текин даволайдиган  касалхоналар, болалар ва қариялар уйлари, оғир ахволга тушиб қолган аёллар ва ногиронларга реабилитация марказлари қурдиради. Унинг ёрдамида минг-минглаб одамлар мушкули осон бўлади, уни чексиз дуолар қиладилар. Эдхи одам, дин, мансаб, табақа ажратмайдиган  ажойиб инсон эди. Уни Покистоннинг Тереза отаси деб атардилар. У бутун умри давомида фақат иккита кастюм кийган экан, у ўзи яратган фонддан ҳеч қачон ойлик олмаган экан. Бу фонд пулини на ўзига, на қариндош-уруғига сарфлаган...

Эдхининг "Қачонки сизлар шоҳона ҳашаматда яшашни бас қилмас экансизлар, ҳаётнинг асл маъносини ҳеч қачон топа олмайсизлар" деган сўзлари Покистонда машҳур бўлиб кетганди.
2009 йил ЮНЕСКО ташкилоти Абдул Саттор Эдхига "Манаджит Сингҳ" номидаги мукофотни топширади. Эдхи бу мукофотни тоқатлилиги, зўровонликка, жоҳилликка қарши курашганлиги учун олган эди. Абдул Саттор Эдхи 2016-йил 88 ёшида оламдан ўтди. У ўлимидан олдин ҳатто ўз ички органларини муҳтож касалларга васият қилиб кетган экан. Эдхини сўнгги йўлга юз минглаб одамлар кўзларида ёш билан кузатадилар. Бу ғаройиб инсоннинг тарихи шуни кўрсатадики, ҳатто биргина инсон ҳам дунёни эзгулик ва яхшилик томонга бурса бўларкан.

Аббос СУЛТОН оққа кўчирди.

Telegram  |  Instagram |  Youtube |  Facebook