Muallim | Ta'limga oid

⚡️Расман: Аттестация тести синовлари ўтказиладиган саналар белгиланди

Мактабгача, умумтаълим ва мактабдан ташқари таълим муассасалари педагоглари учун жорий йилнинг январь-июнь ойларида ўтказиладиган малака тоифа синовлари вақти белгиланди.

✅Унга кўра:

➡️ Рус тили (миллий мактабларда), Рус тили ва адабиёти, География фанларидан — 15-16 апрель кунлари (2 кун);

➡️ Тарбия, Давлат ва ҳуқуқ асослари фанларидан ва умумтаълим муассасаси психологи — 17 апрель куни (1 кун);

➡️ Инглиз тили (умумтаълим), Француз тили (умумтаълим), Немис тили (умумтаълим), Ҳинд тили, Турк тили, Корейс тили, Хитой тили фанларидан — 18-19, 21 апрель кунлари (3 кун);

➡️ Она тили ва адабиёт (ўзбек синфлар учун), Ўзбек тили (Давлат тили) фанларидан — 22-24 апрель кунлари (3 кун);

➡️ Жисмоний тарбия (умумтаълим), Мусиқа маданияти, Тасвирий санъат ва чизмачилик, Технология (сервис хизмати йўналиши-қиз болалар учун), Технология (технология ва дизайн йўналиши - ўғил болалар учун) фанларидан — 25-26 апрель кунлари (2 кун);

➡️ Математика фанидан — 28-29 апрель кунлари (2 кун);

➡️ Биология, Кимё, Физика фанларидан — 30 апрель, 1 май кунлари (2 кун);

➡️ Бошланғич таълим фанидан — 2-3, 5-7 май кунлари (5 кун);

➡️ Тарих фанидан — 8 май куни (1 кун);

➡️ Чақирувга қадар бошланғич тайёргарлик, Иқтисодий билим асослари, Ўқитувчи-дефектолог (умумтаълим), Ўқитувчи-логопед (умумтаълим), Тожик тили ва адабиёти, Туркман тили ва адабиёти, Қирғиз тили ва адабиёти, Қозоқ тили ва адабиёти фанларидан ҳамда Бадиий академия ва Маданият вазирлиги тасарруфидаги умумтаълим муассасалари педагоглари учун — 10 май куни (1 кун);

➡️ Информатика ва ахборот технологиялари фанидан — 12 май куни (1 кун);

➡️ Мактабгача таълим муассасалари тарбиячиси, Мактабгача таълим ташкилоти психологи, Мусиқа ходими (Мусиқа раҳбари), Рус тили (мактабгача), Инглиз тили (мактабгача), Француз тили (мактабгача), Немис тили (мактабгача), Жисмоний тарбия (мактабгача), Ўқитувчи-дефектолог (мактабгача), Ўқитувчи-логопед (мактабгача), Тарбиячи-методист (МТТ директор ўринбосари) — 13-14 май кунлари (2 кун);

➡️ Қорақалпоқ тили (Давлат тили), Қорақалпоқ тили ва адабиёти фанларидан — 15-16 май кунлари (2 кун) малака тоифа синовлари ўтказилади.

❗️Шунингдек, жорий йилнинг 15 май куни (1 кун) Касбий сертификат синовлари ўтказилиши белгиланди.

👉 https://t.me/muallimlarga

⚡️ Ҳар тонг кунимни синф гуруҳига хабар ёзишдан бошлардим. "Илтимос, бугун ҳамма дарсга келсин!"

Кўпчилик ўқувчилар қўшимча машғулотларга боргани сабабли, кеч келар, тун ярмигача дарс тайёрлаб, телефон ўйнаб, тонгга яқин ухлаб қоларди. Уни энди мен бу ёқда қолиб, ота-онаси ҳам замбарак отиб уйғотолмайди!

Фақат битта ўқувчим дарсга кеч қолмайди, қочиб кетмайди.

Шу ўқувчим  нуфузли олийгоҳга ўқишга кирибди. Ҳамма хайрон. Ахир у ҳеч қачон қўшимча машғулотларга бормаган, мактабда ҳам аълочи ўқувчилардан эмасди-ку?!

Ҳамма дунёни ўз қаричи билан ўлчайди. Ҳамманинг ўз эътиқоди бор. Аммо ҳеч ким унинг ўқишга киргани сабабини тополмади.
Бунинг сабабини фақат мен билардим.

Ҳар тонг юрагимни ҳовучлаб ишга келарканман "Бугун нечта ўқувчим дарсга келмас экан? Қайси бири виждонлироқ эди? Қўнғироқ қилсам кўтарармикан?" -деган ҳадик билан хонамнинг эшигини очарканман, ортимдан ўша ўқувчим кириб келарди.
—Ассалому алайкум, устоз!
Кўнглим ёришиб кетарди. Иш кунимни  бир марта ҳам сабабсиз дарс қолдирмаган ўқувчимни дуо қилишдан бошлардим. " Ё, Аллоҳ шу ўқувчимнинг йўлларини  оч, ўзи истаган ўқишга кириб кетсин, нима ният қилса орзусига етсин!"

Ҳамма  ўзича сабаб қидираётган шу кунларда мен дуоларим ижобатини кўриб турганимдан бахтиёрман.

Устозларнинг дуоси саодат калитидир

©Феруза Салходжаева

👉 https://t.me/muallimlarga