Mirzo Qodirov | Blog

Influence bozori o‘lishga yaqinlashmoqda😳

Oxirgi paytlarda IMAN va boshqa loyihalarda ko‘p blogerlar bilan ishladik. Ularning ichida 5-6 ta millionnik, 10 ga yaqin kichik blogerlar bor.

IMAN’da o‘tgan yili ishlagan hamma bloggerlarimiz bo‘yicha statistikalar saqlangan. Har safar bloger bilan ish boshlashdan avval o‘tgan yilgi ko‘rsatkichlar asosida bu yilga prognoz qilamiz (blogerlar har safar boshqa bo‘ladi lekin voronka etaplaridagi konversiyalar u darajada katta farqqa ega bo‘lmaydi)

Bu yilgi bloggerlarning deyarli hech birida prognozlar o‘zini oqlamadi)) raqamlar 2-3 barobarga farq qiladi.

Storisda berilgan reklamalardagi CTR ni o‘lchaydigan bo‘lsak 0,2% dan 1,6% gacha chiqdi. Bundan oshgan blogerni hozircha ko‘rmadim. CTR yaxshi ekanu deyishiz mumkin, lekin bu target uchun yaxshi. Blogerda CPM ancha qimmat, xarajatni oqlashi uchun CTR targetdan ancha baland bo‘lishi kerak, bo‘lmasa targetga pul sarflagan yaxshi.

Nima xulosalarga keldim?

1. Odamlarda bloggerlarga nisbatan ishonch kamaygan (sababi 1 ta bloger bir biriga konkurent brendlarni reklama qilaverib ularning ishonchini yo‘qotadi yoki yana bir sababi reklama samimiy emas, ya’ni blogerni o’zi o‘sha mahsulotdan foydalanmaydi)

2. Odamlarda “baner ko‘rlik” paydo bo‘lgan. 1 ta bloger 1 haftada o‘rtacha 10 ta reklama qo‘yadi. Bu auditoriyani ko‘zini ko‘niktirib qo‘yadi, natijada reklama odatiy holatga aylanib qoladi va deyarli e’tibor katta bo‘lmaydi.

3. Reklamani isini sezgan odamlar storisni o‘tkazib yuboradi, bu esa oxvatni tushishiga olib kelyapti, natija yana yomon.

4. Blogerlar faqat uznavayemost’ni oshirish uchun yaxshi, maqsad natija olish bo‘lsa, xarajat o‘zini oqlamaydi.

Yechim?

1. Agar siz blogerdan trafik olib kirish maqsadida u bilan hamkorlik qilmoqchi bo‘lsangiz, yaxshisi ishlamaganingiz ma’qul. Sababi CPA sizga ancha qimmatga tushadi, undan ko‘ra shu pulni targetga sarflaganingiz yaxshi. CPM arzonligini hisobiga har tomonlama + da bo‘lasiz

2. Agar byudjet yaxshi bo‘lsa bir marttalik emas, iloji boricha ko‘proqqa kelishib reklama jarayonini 1 oyga cho‘zib, oldin progrev qilib keyin offerni oxirida berish. Bizda nisbatan yaxshiroq ishladi.

3. Bitta blogerni tanlab u bilan maxsus loyiha qilish. Aynan blogerni lineykasida produkt chiqarsa bo‘ladi. Timur Alixonov va FeedUp keysidagi kabi.

4. Bloger bilan shunchaki video olib uni storis yoki postga qo‘ydirmay faqatgina targetda ishlatish. Ya’ni offerlarni blogerga oldirish. Bunda ham bloger arzon tushadi, ham tejalgan pulni targetga sarflab yaxshiroq va arzonroq natija olsa bo‘ladi.

33 yil

Davlat sifatida 33 ga to‘libmiz) Navqiron, qirchillagan, shijoatga to‘la yosh erkakdek. Lekin bizda shu yoshning shijoati bormi? Tasavvurimda 33 yoshida hali ham o‘z yo‘lini topa olmagan, omadsiz erkakdekmiz go‘yo.

Uzoqqa bormaylik, turklar va qozoqlar bor. Ularda bor o‘ziga xosliklardan bittasi shuki, fikr jihatdan ming firqaga bo‘lingan bo‘lishsada, kerakli paytda hammani bitta joyga yeg‘ib bera oladigan mafkuralari bor. Davlati, bayrog‘i uchun jonini berishga tayyor xalqi bor.

Bizdachi? Ma’naviyat, milliy g‘urur va vatanparvarlik tushunchalari shu darajada qoralab yuborildiki, xalq oxiri bu narsalarni o‘zaro kulishish uchun mavzu sifatida qabul qiladigan bo‘ldi. Yangi kiritilayotgan g‘oyalar ham bora-bora shu oqibatga keladi. Buni ko‘p guvohi bo‘ldik.

Bu narsa operatsion boshqaruvga kirib ketib strategik rivojlanish haqida o‘ylamayotgan biznesga o‘xshaydi. Holat hozir zo‘r bo‘lishi mumkin, lekin kelajakda ko‘proq mijozlar, yangi bozorlar va eng kamida hodimlar sodiqligiga ega bo‘lishi uchun kompaniya o‘zini missiyasi, g‘oyasiga ega bo‘lishi kerak, aks holda mayda chuyda ishlar bilan o‘ralashib yurgan biznes hech qachon hech kimga qiziq bo‘lmaydi.

Yuqoridagi postda esa batafsil tahlil va xulosalar bor

Mustaqillik kuni bilan))

Anchadan beri bir fikrni yozib qo‘yaman deyman, hech fursat bo‘lmaydi

Ustozationni shu videosini hamma ko‘rdim manimcha, ko‘rmaganlar bo‘lsa tavsiya qilaman.

https://youtu.be/hRQWc_47kgE?si=OP3yux94UfCyohuC

Bu videoni ko‘rgandan keyin miyamga o‘rnagan fikr shu bo‘ldiki, qaysidir ma’noda shu ishda biznes va marketologlarning ham payi bor. Sababi ko‘p vayner va blogerlar agar blogi orqali pul topmasa katta ehtimol bilan kontent qilishni davom ettirmaydi yoki pul olib keladigan boshqacha formatlarni izlab o‘zgarishni boshlaydi.

Bunda har birimiz kompaniya marketingini qilishda reklamamiz orqali nimaga sabab bo‘layotganimiz haqida o‘ylab ko‘rishimiz kerak) To‘g‘ri hali alternativ blogerlar unchalik ko‘p emas, lekin pulni o‘ylab sarflashni boshlasaka ular ham ko‘payadi.

Man 1 marta bergan 1000$ pul nima ham bo‘lardi degan fikr to‘g‘ri emas, xuddi shu fikr bilan son mingta biznes yuripti. Agar har kim o‘zidan boshlasa juda katta o‘zgarishlar bo‘lishi mumkin. Boykot nima ham bo‘lardi degan odamlar McDonalds va Starbucks’ni qulayotganiga guvoh bo‘lishdi)

Qiziq tahlil | 21-asrdagi professional vabo haqida

Atrofimizda juda ko‘p insonlarga qarab ularni psevdo-mutaxassis ekanligini payqaymiz.

Ular esa doim o‘zlarini sohadagi eng kuchli mutaxassis yoki qaysidir sohani mukammal egallagan insondek ko‘rsatishadi.

Juda ko‘p o‘ylardim “Nega bunday?” deb. Yaqinda buning javobini topdim.

Nima demoqchi ekanim yanada tushunarliroq bo‘lishi uchun:

18 yoshida o‘zini zo‘r SMM mutaxassis sanaydiganlar, SMM va Targetda ozgina ishlab o‘zini MARKETOLOG yoki sal yumshoqroq qilib DIGITAL MARKETOLOG deb nomlab oladiganlar haqida ketyapti gap.

Oldin xato shu insonlarning o‘zida deb yurardim, keyin bilsam xato ularning shaxsiyatida emas, balki sohaviy dunyoqarashida, fikrlashida va tajribasining kamligida ekan.

Masalan yuqoridagi misolda aytilgan ishlar bilan shug‘ullanib turib o‘zini MARKETOLOG deb nomlab oladiganlar marketing faqat shu narsadan iborat degan tushunchada bo‘lishar ekan. Qiziq a?)

Buning sababi fikrlashning torligi va tajriba yetishmasligida, ya’ni bunday insonlar o‘ziga o‘zidan kelib chiqib subyektiv baho berishadi. Qanday qilsa to‘g‘ri bo‘ladi? Albatta obyektiv baho berilsa.

Obyektiv baho qanday beriladi desangiz, avvalo iddao qilinayotgan narsaning mohiyati o‘rganiladi, bizning holatimizda marketing yoki digital marketing mohiyati. Undan keyin o‘zga savol beriladi “Men qilayotgan ish yoki menda bor bilim tajriba ana shu mohiyatga qanchalik yaqin?”

Agar yaqin bo‘lsa shunda ana shu narsa menda bor deb iddao qilsa arziydi. Yo‘qsa tushungan odamlar nazdida o‘sha inson fikrlashi tor mutaxassis sifatida qolaveradi va e’tiborga olinmaydi.

Aynan shu uchun ham aytishadi

“Bilganing sari hech narsani bilmasligingni tushunib borasan”.

Doim o‘zini obyektiv baholab yuradigan mutaxassislar hech qachon o‘z kasbining nomini chiroyli eshitilishi uchun qo‘ymaydi va uning miyasida doim “men hali bu darajaga yetganim yo‘q” degan fikr aylanadi.

Think about it

Aytgancha, bu bo‘yicha hammaga rahmat)

Hali yechim qila olmadik, lekin juda ko‘p fikrlar keldi.

Aktiv bomba bo‘ldi, ko‘proq tashkillashtiramizmi deyman?)

Assalomu alaykum!

Bitta taklif bor blogdagilarga. Bitta loyihamizda marketing bo‘yicha keys bor, ana shu keysni hal qilishimiz uchun gipotezalar kerak👀

O‘zimda 3-4 ta variant bor, lekin ko‘pchilik bor joyda ideyalar ham ko‘p bo‘ladi.

Bitta tanlov o‘tkazmiqchiman agar qiziq bo‘sa.

Keys study va muammo haqida yozaman va qiziqqanlar, g‘oyasi borlar g‘oya berselar ichidan 5-6 tanlab olib ishlatib koramiz, kimni gipotezasi ish bersa 1 000 000 so‘m kartasiga tashab beraman va marketing boyicha 2 soatlik razbor mandan sovg‘a bo‘ladi.

Agar 30 ta reaksiya yeg‘a olsak keys haqida ma’lumot yuboraman😁

Kelgusi oylar uchun YouTube va Telegram kanal uchun kontent rejasini tuzib chiqmoqchiman. O‘ylab nima qilaman undan ko‘ra odamlarni o‘zidan so‘rab qo‘ya qolay dedim.

Qaysi mavzularda muammolaringiz bor? Nimada ko‘proq qiynalasiz?

Izohlarda yozilgan eng qiziq mavzularda go‘shtli kontent qilamiz inshaaAlloh👇

Agar o‘z ishlaringizni rejalashtirmasangiz, boshqalarning rejasi asosida yashaysiz.

Marketing va umuman unga yaqin sohalardagilarni asosiy muammolaridan bittasi bu fokus. Loyihalar, tasklar juda ko‘p, ba’zida bu narsa samaradorligimizga ta’sir qiladi.

Nima uchun ishlar qolib ketadi? Sababi tartib yo‘q. Miyamiz tartibni yaxshi ko‘radi. Tartib bo‘lmagan joyda stressni his qilamiz va bu stress bizni ish qilish o‘rniga arzon dofamniga berilib ketishga majbur qiladi.

Ho‘p tartib bo‘lishi uchun nima qilishimiz kerak?

1. Task-menejerdan foydalanish.

Notion, Trello, Todoist, Заметки, Bloknot. Instrumentni farqi yo‘q asosiysi miyamizda suzib yurgan ishlarning barchasini yozish. Bu narsa miyamizni yengillashtirishga yordam beradi va stress darajasi kamayadi. Man shaxsan todoist’dan foydalanaman.

2. Prioritetni belgilash.

Eyzenxauer texnikasi bor. Unga ko‘ra siz ishlarni zarurlik va shoshilinchlik darajasi bo‘yicha ajratib chiqishingiz mumkin. Todoist’da masalan har bitta topshiriq uchun uni dedlayni, boshlanish vaqti va zarurlik darajasini belgilasa bo‘ladi. Bu sizga topshiriqlarni tartiblashga imkon beradi.

3. Har bitta topshiriq uchun aniq vaqtni belgilash.

Agar bu punktni bajarmasangiz bundan avvalgi ikkitasi befoyda. Har kuni kechki payt yoki ertalab kunni rejalashtirish muhim. Sizda topshiriqlar bor, ular zarurlik va shoshilinchlik bo‘yicha ajratilgan. Endi shu asosida topshiriqlarni kunning muayyan qismlarida qilishni belgilab olmasangiz ularni katta ehtimol bilan qilmaysiz.

Yozganlarimning hammasini boshimdan o‘tkazdim. O‘tgan ikki oy mobaynida to‘xtovsiz qilib kelyapman. 100% samarador bo‘ldim deya olmayman, lekin oldingiga qaraganda 2-3x samaradorroq ishlayapman. Asosiysi miya xotirjam, stress yo‘q va hech qaysi topshiriq esimdan chiqmaydi.

Hammaga omad!

Auditoriya tahlil va u ochadigan imkoniyatlar

Juda ko‘p joyda guvohi bo‘lganman, auditoriya tahlili shunchaki marketolog yoki biznes egasining gipotezalari, shaxsiy qarashlari asosida qilinadi. Bu noto‘g‘ri.

Ko‘p hollarda auditoriya tahlining qilinmaslik sababi uni qanday qilishni bilmaslik.

Auditoriya tahlili birinchi navbatda savolni to‘g‘ri qo‘yishdan boshlanadi. Siz u haqida nimani bilmoqchisiz?

Har xil keyslar bo‘lishi mumkin:

- siz mahsulot yaratmoqchisiz yoki bor mahsulotni bozorga olib kirmoqchisiz. Bunda siz beradigan savol “Auditoriyaning qanday muammolari bor va ularga mendagi mahsulot qanday yechim beradi?”, “Alternativ yechimlar qanday va nima sababdan odamlar uni tanlashadi?”

- reklama uchun offer yaratmoqchisiz, lekin qanday CTA’lar effektiv bo‘lishini bilmaysiz. Bunda asosiy e’tibor og‘riq, uning yechimi va qaror qilishga ta’sir qiladigan faktorlarni yaxshilab ochib berish kerak. Demak siz auditoriyaga beradigan savollar: “Meni mahsulotimni qaysi paytda sotib olishadi va bu qarorga qanday faktorlar ta’sir qiladi?

- siz kontent yaratmoqchisiz, lekin g‘oya yo‘q, sababi auditoriyani nima qiziqtirishi, ularni nima xavotirga solishini bilmaysiz. Bunda beriladigan savol: “Auditoriyamga qanday mavzular va kontent turlari qiziq?”, “Ayni paytda ularni qanday muammolar qiynayapti?”

Misollar juda ko‘p. Asosiysi tahlil natijasida nima olmoqchisiz, buni olish uchun ularga qanday savollar berish kerak? Shunga aniqlik kiritib olganingizdan keyin 5-6 mijoz bilan deep interview qilib gipotezalarni sonda tekshirib olsangiz bas, yechim paydo bo‘ladi. Test qilasiz, ishlagan g‘oyalarni masshtablashtirasiz, qarabsizki olam guliston.

Bugun 20:00 da shu mavzuda YouTube’da ham kontent chiqadi)

Shaxsiy tajriba: Agar taklif yechim bermasa sotib olishmaydi.

Yaqinda bitta loyiha uchun marketing bo‘yicha taklif tayyorlagandim. Unda biznesni muammosi uchun 3-4 ta yechim taklif qilingandi.

Boshidagi bir nechtasida biznes egasi uchun unchalik “выгодный” bo‘lmagan takliflar bor edi. Ya’ni uning natijasi 50 ga 50: marketing jamoasi sifatida biz qiladigan ish va biznes egasi tomonidan qilinadigan ishlarga bog‘liq edi. Lekin oxirgisida kompleks yechim taklif qilingandi. Ya’ni muammo bor va natijasi 100% bizga bog‘liq bo‘lgan yechim bor.

Tadbirkorni e’tiborini aynan oxirgisi tortdi, nima uchun? Sababi tadbirkorga xizmat nima ekanligi, uni ichida nimalar taklif qilinayotgani emas, balki muammoning yechimi va natija muhim. Natijaga bo‘lgan mas’uliyat muhim.

Siz SMM taklif qilasizmi, targeting yoki marketing xizmatlarini taklif qilasizmi, farqi yo‘q. Asosiysi u biznesi muammosiga yechim va natija bersa bo‘ldi. Shu sababdan o‘z xizmatingizni emas u beradigan natijani sotishga harakat qiling. SMM emas ko‘proq odamga reklamani ko‘rsatish orqali so‘rovlarni ko‘paytirish. Targeting emas, balki ko‘proq lid, переписка, установка yoki boshqa unit. Marketing, branding emas, balki ko‘proq odamlar ongiga kirib borish.

Aslida hamma joyda shunday, odamlar mahsulot yoki xizmatni emas, yechimni sotib olishadi.